尚八日式燒肉店 (Closed)

夜媽媽心血來潮想食燒肉 呢間收凌晨1:30就去左食 宵夜時段$278（假日）食2個半中主要包肉海鮮蔬菜小食 如果想食刺身同壽司就要額外加$48 不過一去到佢已經會送一份刺身 好新鮮仲有海膽呀🥰🥰 有好多種肉揀 最後我都係瘋狂食牛😂除左肉之外 仲有海鮮可以燒 個人認為蜆係最好食 好鮮甜 又唔會係細細隻 jeng 扇貝都算大隻 不過虎蝦就真係太細隻😥因爲太夜所以有啲小食同菜都已經冇晒 但overall ok 加埋一$310左右食到燒肉放題 質素算係咁 平時出邊食都要$400

以往食燒肉都會去散叫嘅餐廳，總覺得肉嘅質素會比任食嘅好。今次大膽地試咗旺角呢一間日式任食燒肉放題，驚喜地發現呢度肉嘅質素好比以往食過嘅餐廳。星期日晚餐時段成間鋪頭坐滿人，幸運地被安排坐卡位，座位十分舒適。餐廳嘅通風做得好好，食完都唔會成身燒烤味。每位人客都有一份刺身拼盤，有海膽、三文魚腩、吞拿魚、油金魚、帆立貝同埋甜蝦。全部刺身都非常鮮甜味美。如果想再encore就要加$48，就可以任叫刺身同埋壽司。接下來在上左一份燒肉拼盤，有牛肋骨、一口牛粒、雞肉、雞翼同埋香草牛油燒生蠔。燒肉方面，推薦岩鹽厚切牛胸腹，油脂分佈平均，有少少入口溶化嘅感覺。此外，燒汁牛小排同埋鹽燒牛肋骨肉味道都唔錯。有各款不同好味嘅雞翼，我地點左一款岩鹽青檸燒雞翼。薄切豚肉燒起黎充滿香濃嘅豬油香，同樣美味。除咗肉類之外，呢度嘅海鮮亦都非常高質。我地N call左三次燒蜆、青口同埋香草牛油燒帆立貝。侍應哥哥好細心地教我地點樣燒d海鮮，又間中捉醒我地小心燒焦d肉，服務周到十分貼心。食完肉類再食呢個蟹子蟹柳沙律清新一下味蕾，最後點少得雪糕甜品作結。

這裏很多選擇，花二百幾元便能吃到我覺得算是很值其中我比較推介是一口牛和牛油廣島蠔，牛油加了其他調味料，很有心思。另外，很多燒肉放題店都會贈送日式刺身，但不是每家都及這裏新鮮，有光澤。雖然這裏吃一盆刺身後便要加錢，如果大食及刺身控可以考慮，我覺得很划算。

睇個價錢，三佰幾蚊，諗住質數唔會太差⋯⋯第一樣黎嘅係清酒煮蜆😖冇味....之後先黎個頭盆....几件薄薄嘅牛肉（通常頭一碟都是靚靚地丶點會咁寒酸、仲要冇牛味🤬）諗住自己另外叫嘅會好啲啦⋯⋯全部冇肉味😭完全覺得唔值海鮮.......都冇期待佢都新鮮、但都冇諗過都係發育不良........調味料先恐怖，蒜容汁顔色好似清水、瞻粗粗試下咩味啦⋯⋯🤮冇蒜容味丶酸酸地.....再睇清楚有冇拎錯隔離支檸檬汁.....肯定上面寫住蒜容汁丶而且都冇檸檬味😰唔敢叫回水，唯有喺度評一評😓

喺#旺角 #燒肉 #放題 都唔少今次揀左呢間#尚八日式燒肉 試吓一上到去已經覺得有少少#伏座位唔算太迫但唔夠冷氣🤯我已經係#宵夜 時段去唔係好爆場但好熱#宵夜時段 $248加一食物種類都唔算少拎出嚟#賣相 都唔差嘅但D#牛 冇咩牛味#虎蝦 🦐未見過咁細仔🙊#羊架 好少少好香#生牛肉刺身 我冇試但朋友食左一啖就唔再食🤔#飲品 種類好少我就覺得#唔抵食 嘞

媽咪生日 一行5人去左朋友推薦左好耐既尚八燒肉牛肉種類都好多 有鹽 果汁 燒汁味既肉岩曬爸爸同男朋友 因為佢地係食肉獸hahaha一坐底佢地送左個刺生併盤 有海膽 三文魚 吞拿魚等等 全部都好新鮮好好味海鮮方面都有蠔 都好新鮮 最推薦係一定一定一定要食個個 尚八泡飯 勁好食 食左3碗

一行三人復活節冇訂去，特然想食燒肉，一預約就有位，雖然係假期都唔係太多人，加左少少價由218起！刺身就真係麻麻地，海鮮足叫左蚝同凡立貝全部平平無奇，牛肉反為有D驚喜，多油脂，但肉味不濃，牛小排等不錯，埋單三佰有找食早鳥時段都可接受比上次德X好得多。

昨日同老公拍拖想食燒肉，所以就搵openrice最後決定選擇旺角尚八。結果都算唔錯，頭兩三盤既肉花都很好，重點係網燒，我老公一定要網燒，這樣才能燒出肉味而不油膩。所以肉質來說以任食既價錢，真係抵食既。但略嫌沒有啤酒任飲，飲品也比較冷清。但以價錢同服務整體來說我俾B架😋

今次去食尚八食午市燒肉放題。原本想星期一至四去平啲（$108），但就唔到時間，就畀多$30星期六食啦！我哋前一日用電話book咗12點，去到佢哋都只係啱啱開舖。店員帶我哋一行四人去卡位坐，再問我哋揀咩餐，目標明確嘅我哋當然揀$138午市任食套餐。 套餐包咗兩碟頭盤，入面有牛肋骨、牛柳粒、牛舌、蠔、蝦等等。放題食材就主要係唔同調味嘅豬肉同雞肉 ，另外仲有蔬菜同少量海鮮。頭盤嘅牛肉果然係正啲，好腍好juicy！啲蝦同青口都好大隻，不過蝦要小心啲燒，如果唔係好易燶。 啲廣島蠔用咗好多油浸住嚟燒，食唔係好出個蠔本身嘅味，有啲失色。豬腩肉有分厚切同薄切，因為個肉好多肥膏，所以厚切就相對油膩，但如果燒耐啲就會好脆卜卜。薄切就似豬肉片，快啲熟。雞肉同雞翼就容易燒好多，雞翼仲好細心咁切成單骨，方便食。雞腎燒完都唔會韌，好食！不過食太多肉始終都要清下個胃，所以魷魚筒、鯖魚、菠蘿同甜蕃薯就啱啱好可以清清個胃。嘢飲方面都有ok多款，可樂、七喜、石榴汁同芒果汁等等，仲可以搵店員攞熱茶！店員服務態度都幾好，主動幫我哋換網，嘢食都送得幾快，同埋無話夠鐘就趕人走。$138一個人真係超值，認真推介！

店員介紹中午放題分兩種 $108 加一 食個半鐘另外$218 免加一 吃兩個鐘( 可以任吃牛）我哋選了$218 免加一果種。首先上一碟叫雜錦刺身，已見到成碟都是冰水，部份冰早已溶，應該放了一段時間才拿出來，刺身不新鮮看似放了很久，沒有油份及光澤。餐牌上寫是虎蝦，其實是普通的冰鮮海蝦，肉梅沒鮮味，蠔十分腥臭，只靠用牛油香草蓋味。 扇貝只有雪味沒有鮮味，海鮮類的部份我們之後再沒有再點了。牛肉方面其中點選海鹽牛小排，第一次落單的可以吃到， 但之後落的份量已被刻意扣減，更換了別的更差級數牛肉取代，沒有油脂，燒後跟本咬不開。熟食料理點選清酒煮蜆，淡而無味不夠熱，還談得上有酒味嗎？ 芝麻雞翼炸得過火而太鹹，甜品是泰國甜筒，皮不脆沒有朱古力味！我自問對食物不是太挑剔，基本上全餐飯沒有一樣食品是合格！

如果收$350價錢食烤肉，依間既質素真一般過一般...啲牛肉係無牛味，一啲都唔香！第一次食到啲咁淡既肉味...好失望～反而豬同雞都幾好，同埋燒蠔同帶子都不錯，但就真係試過一次就算啦，依個價錢可以食到更好更高質既烤肉

晚上来吃烧肉，服务态度不错，但因为人很多，菜品上得很慢，也有上错，最後有服务生帮忙拿冰淇淋。牛肉没有很惊艳，平平常常，但鸡翼真的还不错，性价比一般。两个钟的时限，两个人能吃得很饱，但人多可能不是很来得及。无论如何，吃饱了就很开心。(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ)(ฅ>ω<*ฅ) (ฅ>ω<*ฅ)

依家係市面上有好多間燒肉放題餐廳，價位都有唔同既選擇。今晚就同朋友一行八行去左尚八既旺角分店試下。一入座就先上兩碟四人份既刺身拼盆，佢既油甘魚三文魚同甜蝦都可以，融雪處理得唔錯，但係帶子就麻麻地，而果一嚿海膽就唔夠新鮮有啲腥，食左少少就放棄。不過燒肉先係正題，好多都好值得食，牛肉用材都對得住個放題既價位，肉質鮮美多汁夠牛味，唔同既口味都調得幾好，值得一試再試。另外推薦燒元具、魷魚筒同各式菇類。店內空氣尚算流通，待應服務質素唔錯，一開始有講清楚點樣落單，漏單既情況較少出現，佢地都有keep住清碟。最後想讚一讚店員有責任心，朋友漏左野走左無耐就收到鋪面電話提佢拎番。

已經第三次去食，估唔到價錢加咗，食物質素就越嚟越差，侍應態度都非常唔好。食物方面，啲海鮮真係差到不得了。蝦就霉嘅，有一隻直頭唔食得。帆立貝咬落去好多。比起第一次食真係差咗好多。服務方面，前兩次食都唔覺得有咩特別。今次一個戴紅色眼鏡嘅男侍應真係激到我地好嬲。佢將成碟牛油汁倒曬落我朋友個布書包度，然後竟然扮唔知想就咁走咗去！我睇到話佢都無任何道歉，淨係話幫你抹翻囉。跟住就求其攞啲濕紙巾抹兩下，再放低幾張濕紙巾就走咗。最過分係佢仲要同其他同事講我地，好似話我地無理取鬧好麻煩咁，再若無其事咁係度唱歌，令人不解。環境方面，光線太暗。暗到連舊肉熟未都睇唔到啦。可能係座位問題，前兩次都好似無咁嘅問題。服務態度真係好差。唔會再去食。希望有人會跟進問題！

呢問係我食過噤多既燒肉放題最好食既一問🤤刺身十分之新鮮，海膽最好食好鮮甜，海鮮我好推介蜆又新鮮又冇沙，叫左好多次，牛肉的話我最鍾意食牛脷，爽口有冇腥味，下次會再嚟，好推介高質放題👍