大歡喜家鄉盆菜

Open Now

Now Closed

上星期日夫家提早做冬至,屋企附近的酒樓一早已訂滿座,於是決定吃盆菜,打電話去大歡喜查詢, 想不到不用先落訂金, 到取時付款即可, 非常方便.大盆菜份量非常足, 有雞, 蝦, 腩肉, 魷魚, 豬皮, 芋頭, 蘿蔔, 魚蛋, 鯪魚球等等...當中我覺得最出色是腩肉, 入口不覺肥膩, 很入味, 很好味.雞肉夠嫩滑, 其他食物也不錯.

話說某個星期日，一班食友走上Yan新居搗亂，又早玩到晚，搞足人家一整天。中午的那頓飯暫不在此文詳述，還是Focus在晚上這一餐盆菜宴。屋主很細心的預訂了大歡喜的盆菜，原來大歡喜距他家有一段路程，要龍哥專程搭車入去攞，真係唔好意思。說回盆菜，今次訂了一個中的，據說可供6-8人用，但其實份量是很大的。打開盆菜，面頭是排列整齊的油雞和蝦，前者肉質嫩滑，好味，蝦則大隻又有爽口。夾多幾下，中間的豬皮、魚旦、腐皮、蘿蔔開始蒲頭，豬皮和腐皮吸收了汁水，入味非常；魚旦是長形的，夠晒彈牙；蘿蔔很稔身，可惜唔得清甜。之後見到芋頭，是比較爽身的；五花腩肥瘦相間，一看便知對辦，咬下更滿是油香，那件外皮自然更是極品。竇物尋歸底，鮑魚片就在底下。由於浸了一段時間，夠晒稔身。由於中午吃得太飽，每樣吃了一丁點便要收手。但幾位有食力的食友在陣，最終還是能夠將整盆掃光，要讚！又玩又食，好耐冇試過咁開心了，再次多謝Yan &龍的悉心安排，是日真係打搞晒！

很感恩，原來一月船期的沙發提早抵港了，我與老公突然可以提前於聖誕節當天入伙，真是何其奇妙的聖誕禮物!聖誕當日亦是入伙吉日，聽從長輩吩咐要旺一旺場，一於兩家人，連同雲南歸來的好友，十個人一塊吃盆菜!　講到盆菜，選元朗大歡喜沒有錯了，大的$780據講供12人用，中的$500可供6-8人用，因為還有別的食物，就要個中的好了，另外因當日連飯煲也未買，又同時外賣了3盒白飯。而3盆以下需外賣自取，算是較為不便的地方。　大大盆的盆菜打開，頂層是入味嫩滑的鼓油雞、也算鮮美的大蝦、魷魚片，味道不錯；往下吃漸見精彩，內容包括長型的大粒彈牙魚蛋、不會太腥鯪魚球，同樣軟滑入味又美味的冬菇、腐皮、蘿蔔，唯一可挑剔是不夠軟稔的芋頭。吃到最底，亦是美味之最的五花腩，豬肉肥瘦約六四比，均勻交錯，每口咬下去都有甘腴脂香，加上豐厚軟滑的豬皮，無論男女都為這味迷倒；而五花腩滲出的芳香油脂，亦豐富了整盆盆菜的南乳醬風味，越吃越覺美味!除了一層夾一層，尋竇好開心，味道又吸引，盆菜的份量也慷慨，這個所謂6-8人的中型盆菜，十人吃剩不止還要打包，後來的聖誕蛋糕也不太吃得下了....而食畢，大家除了大叫滿足，同時還大嘆抵食!　特地推

老爸愛懷舊,突然想食這裡的鹽焗雞!晚飯時間都唔多人,得2,3枱客,我地揀左坐圓枱,唔坐卡位!感覺好似乾淨d~秋風起,凍凍地,梗係要食羊腩煲啦~但3個人叫一個煲都食唔到其他野lu~咁啱原來佢地有碟頭既支竹羊腩飯,真係好~又有飯又有羊腩,而且份量唔會過多!都幾多支竹架~但馬碲得一粒咁大罷,羊腩都好淋又大件,但肥左少少~8珍豆腐煲又係好大煲兼好多豆腐,有豬肚,魷魚,肉片,幾條菜咁囉!多油有d同咸左d!諗住叫例牌雞,但落單阿姐話叫半隻抵d喎,相差$5咋嘛~好!咁要半隻啦~碟雞一黎到,呆左呀~咁黃既?!:勁鮮黃色!但點睇都冇半隻囉~但又真係幾好味既!俾埋沙薑同薑蔥你點,值得一讚係薑蔥唔會好油,唔似市面上個咁,有成層油浸住!見到隔離枱叫左個波蘿生炒骨,勁大碟,賣相好吸引,之後我地又叫左碟,但等左都幾耐下囉~可能得一個廚師啦~等左10分鐘,有得食啦!真係超大碟,但冇乜波蘿,少許洋蔥同幾舊青椒,可能主角係生炒骨啦~所以有好多舊,但全部都係冇骨既,啖啖肉,而且件件都唔細件架!超抵食!!!!個甜酸汁又做得啱岩好~十分滿意既一餐~最後食唔哂,仲有得打包添!走個陣有段小插曲,就係隔離有人生日,個待應就特意開部

好幾年沒有食過盤菜，姑姐食過這裡的盤菜大讚好食又抵食，今次又訂了一大盆一家人享用。其實我好鍾意食盤菜，一層一層往下食時，真是越食越精彩，二來一大班人圍住的感覺很溫馨。看見翻熱盆盤時，盆裡不停的卜卜聲，真令人食指大動。魚蛋、鯪魚球最為之彈牙，亦是我最愛，油雞雖欠缺鮮雞味，但肉質嫩滑。而男士們最喜愛當然是五花腩肥豬肉，我冒險的食了一件，肥的部份油脂甘香、肉的部份鬆化化，難怪吃過的人都稱讚。 墊底的冬菇、豬皮、枝竹、蘿蔔已鎖住南乳汁的精華，我們還另自備生菜，同樣是吸收了精髓。除了盤菜外，還另加$100要了脆炸門鱔，由於外賣關係，但食時仍然微脆香口，肉質結實，我也食了不少。還有之前吃了少是嫁女餅，我又要跑多幾個圈才可抵消呢？

昨日嚐過這處的叉油雞飯, 覺得不錯, 今日攜友人之手再度拜訪, 自然要試試其他野, 我要了咕嚕肉飯, 友人就要叉燒滑蛋飯, 等了不下一五分鐘才上台。嘩！勁大碟.......送又多飯自然都好大碟, 完全係三行工人之份量。我覺得滑蛋叉燒飯好食, 味道恰到好處不會過咸, 而咕嚕肉都幾好, 其配料也很多, 只是味道濃了一點, 醋味大了一點, 真的大碟夾抵食~明日我們又到大歡喜吃我的壽宴~~~呵！

又到元朗搵食，在大雨中猶記得這兒是目標之一，剛巧附近也沒甚麼適合一大班人吃飯的吧，但這兒竟然一臺客也沒有呢...(據住在元朗的友人口中得知，此前這店曾被質疑店內的清潔)環境一般，可能也是雨天的關係，感覺是不太舒服的環境，但老闆娘依舊很細心的服務我們，是由於只有一臺客的關係嗎？問問有甚麼小菜推介，老闆娘說是粟米班塊：「好大碟好抵食架。」點了：粟米班塊：都幾大碟，新鮮熱辣，班塊好脆和滑，感覺上幾有誠意。炸大腸：份量很多，炸得幾乾和脆，不過，好像未啤好水，有些大腸味吃落好怪...椒鹽豬扒：又是新鮮熱辣的一道菜，熱食當然好吃，不過味分佈不太平均。叉燒拼燒肉：燒肉脆口和幾肥，熱熱的幾好吃；叉燒都不俗，有咬口但蜜味如果可以多一點就好了。豬頸肉：份量又是很多，煎得很好，很香油脂也足，吃落非常爽口，加上很入味的調味，滿足。蝦醬通菜：沒有很明顯的蝦醬味，略嫌咸了一點點。埋單時覺得實在好便宜，始料不及，真的好抵呢！

母親節食飯，為免焗食套餐，故選擇此店。試了十二樣菜式，個人最喜愛的食物是：鹽焗雞$100 - 夠鮮,夠滑,又入味,好食！咕嚕肉$48 - 肉肥瘦適中,炸得透,又乾身,加上新鮮菠蘿，正！炸大腸$45 - 炸得夠乾夠脆，有客家圍村風味。粟米魚肚羮$55 - 湯濃淡適中,魚肚等材料亦多，好！蝦醬通菜$35 - 蝦醬冶味，一上檯就香味四溢。豉汁蒸白蟮$58 - 蟮新鮮，夠滑，蒸的火候把握亦好，只是稍細件！茄汁蝦$68及西蘭花吊片(約$48)都有中上水準；八珍豆腐(約$45)和粉絲蝦乾翠玉瓜(約$45)就中規中矩；較差的是梅菜扣肉煲$45 - 豬肉瘦多過肥，又切得太厚，火路不足，少了入口溶化的感覺，稍欠！中式牛柳$48 - 沒有魚雲才改叫此菜式，可能是後補菜的關係，煮耐了，稍"un"！平民化裝修，閣樓清靜過樓下，環境可以；唯旺場時人手較少，待應勤力亦間有冷場！二十六人開兩檯，叫同樣的菜式，加上十多個飯，十多罐汽水和四枝啤酒，埋單$1600，在節日來說，勁抵！

2007年2月20日。大歡喜。我的第一個盆菜！沒有很貴的材料，但那個盆菜汁很濃很好味道。我們五個人吃不完那個6人盆菜，最後要拿走，老闆把盆都送給我們。我們晚上放了一些肉丸、生菜，仍然好吃！唯一美中不足的是，鯪魚肉沒有，被換成了魚蛋。在這裏吃盆菜，只是吃酒家，跟我幻想在圍村吃還是有一段距離呢！

大年初一, 外賣大歡喜中盆盆菜! 一個星期前已book!一喲都唔似其他地方0既盆菜, 因材料上已經有好大分別, 無魚翅, 無鮑魚; 但係好入味, 喲冬菇好多汁, 正呀!$600 一盆, 唔算貴!食到一半, 我自己再加多喲生菜......生生猛猛.....好意頭!

以前住元朗區, 所以細細個已識得大歡喜是做盤菜出名, 不過原來晚飯小菜都好好食喎.<br>我三個人, 叫了羊腩煲(好夠味,羊腩好腍), 粟米班塊(超大碟,班塊好新鮮), 炒菜, 埋單只係$156, 仲全日不收加一及茶錢, 非常抵食, 而且好大碟, 跟本食唔晒, 三個人叫兩碟都足夠, 認真大件夾低食. 媽媽仲話冬至再來食飯添!

The Tradition Basin Meal is delicious and worth to try.