西餐大排檔 (Closed)

兩公婆都要搵時間拍下拖嘅，今日老公話帶我去大排檔食嘢。佢話大排檔老闆Eddy Chu係(廚界浪子)， 喺尖沙咀已有另外一間餐廳Chef Stage。呢間非一般大排檔係渣旬中心7樓。 一出𨋢，見到長長懷舊風黑白照片，照片下面真係放有以前大排檔嘅長凳。入餐廳前，有個好搶眼會轉色嘅西餐大排檔招牌。裡面裝修簡單單，令人有很舒服放鬆的感覺。 一人叫咗一個set lunch, 加$55叫咗一個海鮮拼盤， 全部海鮮夠新鮮， 有生蠔， 鮑魚， 日本帶子配味噌汁，鮮蝦， 鮮蜆， 超級抵吃 最特別青綠色嘅source， 酸酸地， 好清新!是日餐湯同蒜蓉多士西餐廳唔係飲忌廉湯， 係飲青紅蘿蔔湯 ，但係我鍾意喎 滾熱辣 ， 啲料切到細細粒 ，非常清甜。 跟一般茶餐廳嗰款味精例湯相差十萬九千里。 蒜蓉包香脆， 蒜蓉味濃郁。 馳名西班牙橡果級別黑毛豬 切出嚟嘅肉仲係粉紅色， 係黑毛豬才可以這樣做， 肉質嫩滑， 上面一層薄薄嘅肥膏， 連平日不愛吃肥的我都覺得非常甘香可口，一口一口，不停吃下去。老公揀咗個紐西蘭羊鞍， 叫咗7成熟，也絕不遜色， 肉質夠滑 ，少少羊羶味，配上惹味sauce, 又一佳作佢哋盛放湯同埋成食物

西餐大排檔,  一間帶有懷舊氣式的餐廳.  霓虹光管招牌,門外配有黑白色六十年代歷史照片,  如人力車, 古老大排檔.    更播放著七十年代英文流行歌曲.  揚逸香港舊日情懷,步進餐廳,  態度親切的服務員隨即查看訂位表, 安排我們入座.  (前天我已先來電訂位)  餐廳內和諧的燈光, 簡約的裝修, 使人有舒適隨意, 而不侷促的感覺.水吧部, 各式飲品, 酒款也不少.我們座位上, 擺設了利是封般紅色的餐巾, 燙金字的招牌名, 好搶眼, 帶些喜慶氣氛.打開餐牌, 有精選套餐, @$480/p , 好豐富, 四位起, 壽星半價, 我生日記著要再來.散餐有沙律, 前菜, 湯, 燒烤, 海鮮, 飯, 意粉, 很多選擇.  價錢中等.我們看見前菜 menu 好特別, 所以點了散餐. 頭盤:  Tuna Salad  吞拿魚沙律 $99 ~哈哈!  大排檔形式, 用了鑊仔上檯, 好特別.   不過不是熱炒而是載著沙律.西式鑊仔載滿沙律菜, 鮮菠蘿, 車厘茄,  燒吞拿魚粒, 蔬菜新鮮夠爽口, 以黑醋汁調味, 好開胃.  吞拿魚粒燒得香, 大大粒, 份量也不少.   加了透明圓爆珠, 味道帶荔枝香

上星期，我和家人再次到訪西餐大排擋吃晚飯，這間餐廳深得我們喜歡，終於我們有時間再來吃晚飯。我們想嘗試不同的食物。所以決定散叫，不叫套餐了吞拿魚沙律 $99首先我們叫了個吞拿魚沙律作頭盤，想吃點開胃的東西。這個沙律除了沙律菜外，還有番茄仔及菠蘿，味道很清新。吞拿魚是全熟的，質地很結實燒牛脷 $129這個燒得很香，入面是粉紅色的，肉質很爽口，而且很結實，很惹味呢！旁邊還有芥茉醬，但是我覺得不點，更加突出牛舌的香味！而且還有番薯青豆及蕃茄，也很新鮮松露煮日本年糕 $99這個也十分吸引，年糕煙煙韌韌，十分入味。松露也十分之香，醬汁是奶油的，十分惹味，用作送飯一流法式明爐鱈魚柳配鮑魚，帶子，鮮蝦,鮮蜆湯 $269主菜方面其中叫了這個，這個材料十分豐富，有魚柳、鮑魚、帶子、蝦同蜆。湯底十分鮮味，畢竟用了這麼多材料，味道真是恰到好處！燒西班牙黑毛豬肉眼蓋 $229今次嘗試食黑毛豬，意想不到地肉質十分鮮嫰。外面香，入面仍然能保持到粉紅色的肉質，也沒有豬肉的酥味，能夠有和牛的感覺！我們難得能夠一家人出來吃飯，所以就盡量叫了很多菜式，所以今餐食得很飽。這裏真的不會令我們失望，食物能夠保持水準

地方同檯細，好似去旺角大場食自助餐，情侶想西餐格調不建議去，當日二人同行，在場人半滿，等了一小時才上海鮮拼盤(👍），餓死了，之後湯主食每道菜等十五二十分鐘，主食一意粉好普通冇乜味，主食二肉眼扒花x餐廳質素，埋單8xx，咁價錢，咁環境質素，真的是大排擋，西餐來講性價比太低！🙈

結婚周年紀念，當然要帶老婆大人食餐好慶祝一下啦。出門口前仲同佢講去大排檔食慶祝周年紀錄，佢仲面色一沉。試問我又點會唔知老婆大人鍾意食西餐鋸扒喎，係佢估唔到我搵到間食西餐鋸扒嘅大排檔啫餐巾繡上「西餐大排檔」字樣，氣派十足。首先出場嘅係乳酪蝦仔蛋沙律--用爆珠黎做沙律都相當創新，加上新鮮蝦肉，非常爽口。推介這個黑毛豬熱脆包--包身是暖暖的，夾著充滿肉汁的黑毛豬，咬著有種溶化的感覺。記得食埋啲菠蘿呀，好清甜架!!打開熱脆包可看到黑毛豬不比麵包小呀。而且諗到用黑毛豬黎做豬扒包真係唔簡單啊。老婆大人本身都愛喝蘑菇湯，再加入黑松露，香氣撲鼻，味道提升。由於滲入了魚蝦等海鮮的鮮味，海鮮肉骨茶的湯底清香鮮甜。牛脷夠厚，口感較好，爽口有嚼勁但又唔韌，而且充滿牛味。還在回味剛才的黑毛豬熱脆包，侍應就奉上這個燒西班牙黑毛豬肉眼蓋。黑毛豬嘅特質有點像和牛。脂肪會滲入肌肉中，入口柔軟，所以特別美味。我本身係超愛食牛，但今晚食黑毛豬，第一次有個感覺其實豬係可以好食過牛囉最後甜品叫左菠蘿雪葩，菠蘿味香甜，似雪糕得黎又有啲似沙冰。而且雪葩無牛奶，如果唔加糖直頭係低熱量甜品，食多D都唔怕肥啦。

一講大排檔, 即時諗到炒小菜, 露天熱辣辣, 同飲啤酒. 不過黎到呢間西餐大排檔, 就完全扭曲左我既觀念.跟老死慶祝生日, 佢點名要黎呢度, 好彩預早訂左枱, 閒日晚都好爆場.睇左一輪menu, 老死唔想食套餐, 既然佢生日當然佢話事.先要個蝦仔蛋沙律, 菜跟蕃茄仔夠新鮮, 蝦仔好爽口, 最特別係一粒粒似魚子既野, 一咬開係荔枝味做既爆珠, 感覺清新, 酸酸甜甜非常開胃. 前菜要左款蝦多士, 外表炸到金黃色, 粉唔厚 , 炸得夠脆口唔油膩, 餡料蝦肉夠爽口.松露煮日本年糕, 松露味一上枱已經聞到, 感覺清香. 個汁唔會太杰, 夠creamy但唔覺漏.  日本年糕較薄, 所以口感軟腍煙韌, 而且好入味, 兩個人食剛剛好.再黎就係主菜黑毛豬肉眼, 外層煎至微焦, 帶點點脆口, 一切入面既肉質好嫩, 嫩到有D似牛扒既感覺. 入口肉味非常濃郁, 帶少少脂肪特別juicy. 呢個感覺幾新奇, 口感似牛扒, 但其實你豬扒. 另有蝦肉醬蘑菇意粉, 意粉唔會太腍, 口感煙韌彈牙, 混埋個肉醬一齊食剛剛好, 份量亦充足.雖然已經好飽, 但有甜品作結先係完滿, 朱古力蛋糕, 一層一層味道分明, 蛋糕軟熟唔

Openrice伏中得太多，小弟決定負評每間有伏既餐廳，廣大食家切勿重蹈小弟覆轍Openrice 識睇一定睇負評，難得呢間得一個負評諗住實無伏啦，點知都中環境/服務Waiter 西口西面座位對上冷氣槽滴水上菜速度奇快，落單5分鐘已有，懷疑整定食完秒速收曬臺面d野，趕住送客廁所好似焗桑拿咁熱食物Rib eye 凍既，300幾蚊呀大佬牛肋骨都係凍既，同埋韌黑毛豬就熱既，味道ok如果間野唔係咁多正評同咁貴都無咁嬲，希望食家俾評語誠實少少，唔好令無辜既讀者浪費時間、味蕾同血汗錢

之前已經同屋企人試過呢間餐廳一次，前幾日佢哋突然之間又話好想再去食，所以我就打咗去book位已經唔記得咗上次有冇呢一張餐巾，今次見到，覺得好靚，好特別。而且紙質特別厚，好用睇返個menu, 食物都有好多選擇。我記得好似上次叫咗一人一個套餐，所以今次就散叫，試多啲唔同嘅嘢首先，叫左個乳酪蝦仔蛋沙律。材料豐富，包括有蝦仔、碎蛋、車厘茄同生菜配上少少黑醋汁，味道酸甜。最特別嘅係沙律入面有爆珠，通常我哋都係甜品同埋飲品裏面發現，原來可以用係沙律度，味道帶點荔枝同酸味，好清新跟住就係法式焗田螺，田螺面頭加左大量嘅香草，好香，味道有咬口又鮮美。而底唔係加左平時會發現嘅薯仔，而係番薯茸，味道更加香甜再嚟就係帶到俾我驚喜嘅蝦多士，蝦多士差唔多有一把30cm嘅間尺咁長，比平時食開嘅唔同。外面炸得好鬆脆，而入面既蝦肉彈牙爽口再嚟就係乳鴿，雖然依隻乳鴿唔係好多肉，比較瘦，但係仍然可以做到皮脆肉嫩主菜方面就係米酒煮蜆，蜆肉非常肥美，差唔多有一個五毫子咁大，酒味唔會太重，味道有咬口又煙韌，而且差唔多全部都打開曬另外，我哋仲叫咗個蝦肉肉醬蘑菇意粉，蝦肉細細隻好爽口，撈埋佢一齊嚟食，好開胃。意粉韌度適中，整體好配合

想食個簡單的生日飯，見到餐廳有生日優惠送火焰雪糕，去完海洋公園剛好返來晚餐，於是book臺。話系生日飯，其實都系order左兩個set，一個雞扒鮑魚，一個羊鞍(始終對羊架情有獨鐘)，加多個海鮮拼盤。撤左海鮮拼盤，開始上湯，今日例湯系黑鬆露蘑菇湯，湯盤一如既往，熱的，令到湯在冷氣環境中都冇咁容易凍，絕對貼心。湯面一小撮黑鬆露，湯肉啖啖蘑菇，落料對不手軟。飲住湯的時候蒜蓉包跟著上，烤得外皮微酥，牛油金黃，面上睇得到微粒蒜蓉，食落有酥有脆有軟加埋蒜蓉淡淡鹹香，勁正。主菜出場，兩分同時上。我既羊鞍，要左七成熟，有兩件，每件兩條骨，輕輕一落刀已經切好，超級嫩，外面包有小量脂肪，烤到微香，食落不會膩亦都冇騷味，肉粉紅，血絲若有若無，沾小小介茉醬，辣嗆野味，入口既化，系我自己食過最嫩既羊鞍。雞扒鮑魚，鮑魚同時可能食到醂脆兩種口感。雞扒普通。最後終結，火焰雪糕雪糕外面包左厚厚一層慕士，淋左草莓醬，哥幫我地淋霖酒，點著紫色的火焰，覺得自己好幸福好肥豬…燒過的慕士又暖又滑，包系入面的雲呢拿雪糕凍得堅挺，但系味道十分夾。可惜酒燃燒得不完全，有啲滲左入餅底，令到底下有小小酒的苦味，但整件事情還是十分令人滿足的

呢排考車成功，女友話要獎勵一下我，所以就帶左黎上次食完覺得好食既<<西餐大排檔>>。 餐巾真係好特別，好有中國風。 今晚點左兩個一人套餐，加$65有一份<<海鮮拼盤>>。咁點都加$65，可以每樣海鮮會有兩份，真係抵。 拼盤有蝦，鮑魚，生蠔，帶子及馬刀貝。咁多樣，鮑魚係我飛佛，大隻之餘又夠鮮甜。生蠔是法國蠔，雖然唔算大隻，但入口夠鮮。 帶子配以蜜糖面鼓，入口好Juicy。 <<牛腩羅宋湯>>好足料，除了紅蘿蔔多，牛腩都唔少，入口辣辣地好開胃。 餐包用黎點湯，脆得來更易入口。 今晚點的主菜是<<香燒原條是日鮮魚>>，而是日鮮魚是倉魚。 唔好以為條魚唔大條，其實好多肉，而且肉質鮮嫩，最重要係唔會有食到好膩的感覺。加上秘製的香草醬，令到口感更加昇華。 女朋友點的是<<燒橡果級黑毛豬肉眼>>。切口見到紅肉，約七成熟吧。入口滋味，加上以菠蘿粒伴菜，口感變得有點清新。 點餐跟一杯餐飲，我就揀左凍檸茶。

呢間名字有D搞鬼既餐廳係區內都頗有名, 連我係天后返工既友人都聽過呢個名但未食過, 既然係咁就相約佢今晚黎呢度開餐餐廳環境燈光較為昏暗, 設兩邊坐位, 坐得都算舒適餐牌由前菜, 湯類, 燒烤類, 海鮮類, 主菜類及飯/粉, 甜品都有提供,價錢都算親民價!亦有套餐供應, 各式其色見到餐牌上有D懷舊特飲, 紅豆冰都有幾款, 就試下爆珠紅豆冰 ($38), 爆珠咬爆後有D乳酸味滲出黎, 都幾搞鬼; 而呢杯朱古力紅豆冰 ($48), 紅豆綿滑, 估唔到朱古力同紅豆都幾夾! 由頭盤開始食, 呢隻艾迪乳鴿 ($99)係呢度既招牌菜之一, 好多客都專登為佢而黎, 鴿肉幾嫩滑同入晒味, 鴿肉雖少但食落味道唔錯, 作為頭盤份量差唔多啦!另一款為松露煮日本年糕 ($99), 每片軟硬度適中既年糕完全浸係香濃幼滑既松露汁入面, 松露味香濃, 為無味既年糕注入"靈魂", 個汁認真一絶!呢客色彩繽紛既就係燒吞拿魚沙律配千島汁 ($99), 材料豐富: 包括爽口沙律菜, 菠蘿粒, 車厘茄, 爆珠及以黑椒略為煎過既吞拿魚粒, 魚肉咬開仲見到嫩粉紅色, 外香內嫩!侍應推介呢款招牌主打菜 : 燒西班牙黑毛豬肉眼蓋 (

今日同朋友去咗銅鑼灣食飯，發現有間餐廳叫做西餐大排檔，覺得佢個名幾特別究竟佢係食西餐定係食中式大排檔嘅嘢呢？上到樓先知道，原來佢嘅格局係用大排檔來做藍本，但係內裏嘅食物就係食西餐，都幾特別喎！一入到去，裝修都幾似大排檔又有霓虹燈。餐牌方面食物嘅種類亦都有好多款供我們選擇。首先第一道餸就係吞拿魚沙律，呢一個吞拿魚沙律並唔係好似普通嘅沙律一樣架！上面有乳酸嘅粒粒，好似平時飲既飲品一樣，連埋用油煮過嘅吞拿魚塊，入口非常特別。之後食咗個艾迪乳鴿，我都唔知點解佢叫艾迪，可能煮出嚟嘅廚師或者老闆係叫呢個名啦。不過個乳鴿都算唔錯，＄99有一隻分一半俾我同我朋友，份量都可以。之後吃了一個黑松露年糕，這個年糕的汁很好吃，我後悔沒有叫多個白飯。年糕非常有咬口，一般茶餐廳或大排檔基本上沒有這類東西。蝦肉醬蘑菇芝士意粉配煎鮮蝦，這個意粉的配料還好但唯獨美中不足的是意粉有點兒硬身，我自己個人就喜歡軟身一點的。我們還點了一個肉眼牛扒，7成，我對這個肉眼扒沒有什麼意見也非常滿意。最後不得不提的就是這個蜜桃雪芭甜點，此雪芭令人有涼透心的感覺，甜甜的，清清的，冰凍得來酸酸的，而且外型美觀適合女士拍照用。

慶祝好友轉工，所以應她的要求來到她新公司附近的西餐大排檔食晚餐，坦白說要不是她在附近工作我們應該不會知道這大廈有一間這麼讚的餐廳！門外放著懷舊的長椅作裝飾之外，人多時也可坐下來等位，而且跟牆上的畫作很配！雖說是食西餐，但店內卻沒有特別採用華麗的佈置，簡簡單單的更能讓食客覺得輕鬆自在～除了環境舒適外，食物水準也是一流！首先我們選了燒吞拿魚沙律配千島醬主要有燒吞拿魚粒、沙律菜、菠蘿和蕃茄仔吞拿魚的外表像極了牛肉粒，但味道有點似三文魚排！雖然是用燒的方式烹調，但搭配上菠蘿、蕃茄...等等一起食用，更加開胃。前菜則選了兩款 --- 冬陰公蝦多士原隻蝦多士外觀已經夠吸引，不下任何醬汁已經十分香脆可口！而且毫不油膩～另外也可搭配冬陰公醬料一起來食！冬陰公醬料並不會太辣用來搭配剛好！松露日本年糕有很濃的松露味，年糕是一片片不黏膩的類型！燒牛仔骨剛剛好，肉色呈粉紅色又不會有血水！入口軟淋淋～而且份量也是蠻多的喔！燒牛脷十級推薦，第一次食到如此厚又如此軟淋淋的牛舌，雖然很淋但卻有牛舌口感，鹽味很出卻不會失去原有的味道！另有醬料搭配，但我較喜歡不加醬料，更顯鹽燒的味道！即使配菜拌碟的薯蓉也不一樣，薯蓉內還

去了一間寫著大排檔，卻原來是高級西餐廳，又原來是價錢便宜的西餐廳。先上的是蝦多士。蝦多士的尺碼很大，大蝦足足有一隻手掌般長。 底層裏上麵包，而整件蝦多士再裏上麵包糠炸脆。外皮十分脆口，而內裡的大蝦餐是十分爽脆。配上微辣的泰式醬，十分惹味。黑松露磨菇湯磨菇湯十分杰身，磨菇打得比較raw, 很有咬口。黑松露醬的味道香濃，佈滿整個湯中，每一口都是黑松露的味道。燒牛脷很少見用牛脷做主菜，所以牛脷的份量都算多。 每片牛脷表面煎得脆香，內裡還有肉汁。牛脷獨有的彈牙爽脆都發揮得好好，相信自己煮會很難煮得佢咁好食，出街吃就要吃些自己煮不到的食物。環境有少少中西crossover, 就好像餐廳的名字般，西餐卻是大排檔。而餐廳價位不貴，很值得去。

朋友極力推薦位於銅鑼灣 渣甸中心的西餐大排檔给我，要我一定要去試！聽餐廳名字很特別！這晚相约朋友親身體驗一下……電梯直上七樓門一開即見懷舊黑白圖片 作裝飾的 牆壁， 更見大排檔招牌以紅籃色霓虹燈 交替闪動着，十分 耀眼！再 步入餐廳內 燈光柔和裝修實而不華，地方不算很大一枱一椅擺放整齊，有種輕鬆不拘謹的感覺，很舒服！ 輕鬆 舒服 除了環境，還有 員工 殷勤有禮 的服務態度更令人 有賓至如歸 的感受！看看menu還未決定吃什麼……這時候員工主動上前推介了一些菜式給我……嘩！首先出場的是~充滿海水味道的海鮮拼盤 $ 65 x 2 晶盈的冰粒上 是生蠔，蝦 ，蟶子刺身， 經調配的麵豉汁鲜帶子，磯煮鮑魚 等，每樣都色澤鮮明 非常新鮮！有驚喜！磯燒鮑夠入味， 爽中帶有嚼勁， 而這粒沐浴在 甜甜麵豉醬汁中的鮮帶子味道 更妙不可言……肉質細嫩，甜甜的醬汁令口感層次提升了……可不提這個香草醬汁，我太愛了！ 沾上计的 蟶子刺身，生蠔，蝦， 簡直就是錦上添花！好清新滋味呵！黑松露蘑菇湯 🍄🍄賣相不討好卻入口 香濃，碎菇粒滑脱脱濃稠 恰到好處 ， 蒜蓉包香軟鬆脆！'鮑魚雞扒 $ 269面層的 鮮鮑魚