西餐大排檔 (Closed)

上年我都已經去過位於銅鑼灣的西餐大排檔，對其用心製作的優質Fusion西餐 留下美好印象。相隔大半年，我又再次重臨西餐大排檔，和老公靜享二人世界的寫意時光。相隔了一段時間沒來過，發覺桌椅也擺放得更鬆動，坐得更舒服。裝潢實而不華，營造悠閒愜意的氛圍，也不像傳統西餐般拘謹嚴肅。侍應服務態度主動有禮，整晚十分勤快地收碟換碟。除了套餐之外，散叫亦有更多款式，既然上次試過二人餐，所以今次就來試試à la carte，可以嘗試到更多不同款式，而且份量足夠兩人飽到捧著肚子離開 XD黑毛豬熱脆包 ($89)麵包烘得外脆內軟，配合芥末的秘製醬料，對於吃不了辣的我稍為有點刺激，不過味道比平時坊間的豬扒包更獨特。新鮮清甜菠蘿肉亦可中和吃得太多肉的肥膩感。黑毛豬肉質豐腴多汁，柔軟鮮嫩，在油份與肉香之間取得完美平衡，吃得出這種軟腍不是用鬆肉粉般人工化，而且切成細件，令女士吃得更有儀態，進食時也不會令到豬扒和麵包分離。焗法國連殼食田螺 ($99)田螺肉帶有蒜香，下面墊底有滑滑的薯蓉，田螺殼其實是以麵條製成的，經烤焗後口感十分香脆，可以原隻放入口，不需挑殼。松露煮日本年糕 ($99)年糕質地煙韌Q彈，口感滑身，每塊

西餐，總給人高尚優雅的感覺；大排檔，就是充滿香港特色的街頭美食文化。這間餐廳就將兩者二合為一，各取所長。餐廳的裝修雅致，餐具佈置亦充滿心思。艾迪乳鴿($99)乳鴿的外皮烤得香脆，肉質細嫩多汁，味道亦調校得剛剛好。晚市套餐包括餐包、餐湯、主菜和飲品。今次點了龍蝦拼牛肉眼餐。先來牛油餐包是日餐湯是黑松露蘑菇湯蘑菇湯非常濃郁，質感creamy，每一啖都充滿黑松露的香味。主菜是半隻龍蝦配燒牛肉眼扒龍蝦非常肥美，充滿橙紅色的龍蝦膏，令人食指大動。龍蝦肉爽口彈牙，帶淡淡的海水味，非常鮮甜。燒牛肉眼扒外層帶有燒烤香味，肉眼扒的內層亦可保留肉汁，時間火候控制得剛剛好。再淋上燒汁一起吃，非常好味。法式明爐鱈魚柳配鮑魚、帶子、鮮蝦、鮮蜆湯 ($269)這款海鮮湯充滿驚喜，湯充滿各種海鮮的精華，非常之鮮甜。海鮮湯非常足料，海鮮的質素亦相當不錯。鱈魚柳肉質厚身而細嫩，入口即溶。蜆肉亦相當飽滿，彈牙之餘不會煮得過老。

上次和朋友在這座大廈午膳，見到有間西餐大排檔。這天和男友嚟撐枱腳。餐廳地方不大，呈T字型。座位不算多，晚餐時段幾乎坐滿了食客， 但又出奇地不覺嘈雜和擠迫 。非常有禮的侍應，除了點餐時給予我們一點意見，也經常替我們換碟 ，服務很到位 。艾迪乳鴿$99 乳鴿香軟嫩滑，又帶濃濃的酒味。珍寶蝦多士$99足有6吋長的大蝦，蝦頭不但有很多蝦膏，蝦肉也又香又鮮味。那片多士也吸收了蝦膏和肉汁，又香又惹味。 燒西班牙黑毛豬肉眼蓋$229 肉眼蓋外圍燒至焦香，有點像吃牛扒的感覺。內層肉質豐盈，油脂豐富而不膩，伴菠蘿同吃，吃罷也不覺滯。連伴碟的紫薯、紅蘿蔔和脆玉瓜，也吃得出是以細心烹調過的。蝦肉醬蘑菇意粉配煎鮮蝦$99蝦肉很新鮮。意粉韌度適中，伴上帶蝦香的番茄汁很惹味。The Orange Tree 2015 cabernet merlot $48/杯帶李子和櫻桃味的紅酒，容易入喉。Tropical Beach $68以橙汁、菠蘿汁、梳打水和紅石榴糖漿調製，帶重重果香又不會太甜。原隻菠蘿雪葩$79 雪葩質地細軟，菠蘿味重，夠香甜。原以為這晚只是吃一頓普普通通的西餐，想不到會嚐到如此驚喜的水準!

今晚約老表慶祝她的生日，我特別選了西餐大排檔，因餐廳的裝修及氣氛很有老牌出名港式西餐廳的感覺 ，就希望懷舊一返，拾回大家兒時常常一起食港式西餐的回憶。今天選擇食套餐，一個叫T-bone steak, 一個叫黑毛豬扒，再另加一個頭盤：冬蔭公蝦多司。餐湯分別是港式西餐必備的羅宋湯及正式西餐推崇的松露蘑菇湯，羅宋湯味道很濃，有點過咸但湯裏有嫩牛腩，加返分。蘑菇湯都有很多粒粒蘑菇，足料！至於蝦多司，炸得很脆，沒有油膩感。冬蔭公香料是加在伴醬中而不是在蝦肉或多司裏。我個人認為這個頭盤定價是有點高。(HK$99)至於主菜T-bone steak, 我是非常期待的，因有一段時間沒有食過。扒很有油香，肉質亦不是經港式做法”用鬆肉粉全面按摩”得出來的成果，仍有肉應有的咬口及肉味，我要求7成熟，出來就是7成！讚！黑毛豬扒亦令我們大滿足，肉嫩多汁，扒中間仍是pink colour. 即7至8成熟。敢讓客人食不是全熟的豬扒，品質一定有保証。總括而言，兩款主菜都很出色，無論煮法、食物品質與及擺盤一點也不港式，我會評價為正統西餐質素。Friday night, full house, no surprise!

西餐大排檔地點係銅鑼灣非常就腳，朋友生日梗係就佢啦！門口好有懷舊feel我真係好鍾意佢的紅色餐巾，金色燙字，一絲不苟朋友一向唔喜歡食套餐，所以我哋決定散叫，女孩子先來湯類暖下個胃，牛腩羅宋湯 $59。每一啖都吃到香濃的蕃茄味，濃厚度恰到好處。再來吃一點蔬菜，沙律我點了雞肉火腿華都夫沙律 $79。因為覺得 Waldorf 名字很特別, 所以就叫來試吓，我覺得幾正，好味之餘仲有我鍾意嘅合桃，而且面頭一粒粒嘅乳酪爆珠，味道就好似益力多咁特別。接下來的前菜是冬陰公蝦多士 $99，唔好講笑真係食得出有冬陰公嘅香辣味架！勁大隻蝦而且炸得十分鬆脆紅咖喱蟹肉配熱脆麵包 $99，顏色鮮艷賣相靚，聞到好香嘅咖喱味。已經將蟹肉拆好晒，入口啖啖肉嘅感覺真係好滋味麵包烤得夠晒脆，上枱時仲好熱架微辣夠惹味。Main 選擇了燒烤，七成熟的燒西班牙黑毛豬肉眼蓋 $229。超有口感而且肉香滿溢，煎得很香而且肉質粉嫩，入口軟淋又夠多汁。就連伴碟嘅菠蘿都特別酸甜爽口澱粉質少女又怎能錯過意粉呢？蝦肉醬蘑菇意粉 $99。肉醬非常鮮甜美味，蝦味突出，意粉爽口彈牙夠出色。下次有機會試埋個海鮮拼盤喔！

Western HK Style Restaurant - Dai Pai Dong?  Quite a mixed feeling overall, as I was totally stunned after finished the dinner.  The restaurant set up is a kind of fusion type, mixing the old with the new style, but the old time favour can be found here with the starter, the soup and the bread... it's really nice.  I love the red soup very very much, a little bit spicy, but truly the long lost favour, and with decent ingredient. And with the new dishes, like the oyster seafood plate, really surp

之前晌唔同嘅媒體聽過西餐大排檔，其中一篇報導仲話主廚希望食客能夠晌度輕鬆咁食到高質西餐。呢晚嚟到，裝修係幾親民。大紅色餐巾，有啲中西合璧嘅感覺。店員話一人套餐係近期推出，我見某啲菜式散叫餐牌係無嘅，就叫嚟試試。牛腩羅宋湯，除咗牛腩之外，湯入面仲有甘筍、椰菜、西芹、洋蔥等等，味道濃郁開胃。黑松露蘑菇湯，蘑菇切得細碎又有咬口。蒜蓉多士就烘得外脆內軟，蒜蓉牛油夠香，用嚟蘸湯食都唔錯。鮮龍蝦半隻配燒牛肉眼，用平底鑊載住，賣相吸引。牛肉眼燒得外層微焦，內層色澤粉嫩，食起嚟柔軟，筋位有油香。龍蝦雖然只有半隻，不過個size唔細，肉厚彈牙，同埋用咗黑椒等等調味。廚師仲特登將龍蝦鉗扑開，外殼睇落完整，但就可以輕易拎啲龍蝦肉出嚟。香燒原條是日鮮魚，外皮香噴噴，魚肉綿滑。用原條嘅姿態出場，晌西餐嚟講真係好少見，貫徹咗餐廳嘅fusion作風。伴碟蔬菜亦唔馬虎，薯蓉食起嚟香滑，法邊豆口感爽脆，燒番茄就唔乾身。用嚟點肉食嘅香草汁酸酸甜甜兼有少少辛口感，味道有少少泰式醬汁嘅影子，既可提味又可解膩，我幾鍾意。最後，我哋簡簡單單咁用檸檬茶做總結。呢度嘅食物唔賣花巧、只求實事，如果硬要雞蛋裡挑骨頭嘅話，就係平底鑊邊比一

食西餐係大排擋人人都差不多都食過，不過而家好多大排擋都已經絕跡，有都得番好少地方有，所以好多檔口都已經搬咗去D樓上舖，或者已結業不繼續經營，今次就去咗間叫做西餐大排擋,不過都已經係樓上舖，最緊要都係食物有水準&服務質素。我地先點咗燒吞拿魚沙律配千島醬，滿滿蔬菜舖係面上，要撥開才見到燒吞拿魚，魚粒厚身又大粒，因吞拿魚粒燒過，將魚肉肉汁封住，食入口肉質鮮嫩，配上醬汁食更加開胃另一道松露煮日本年糕，未食已聞到松露香味，醬汁配上日本年糕軟滑，入口相當香濃。之後又點咗米酒煮活蜆，蜆肉厚身大隻，肉質爽口鮮甜，配上番茄仔&生蒜片，食落特別嘢味再來就係今晚主菜&餐湯湯係黑松露蘑菇湯，飲一啖已感受到松露香燶味道再加上蘑菇粒菇味，簡直係完美配搭十分香甜。燒牛仔骨,燒得火喉啱啱好，牛仔肉質非常嫩滑，用刀一切已骨肉分開，入口鮮嫩多汁另一道係香燒紐西蘭羊鞍，買相唔錯厚道適中，未切開已聞到濃濃so味，啱晒鐘意食羊嘅朋友，肉質色澤鮮明，脂肪分佈平均，食一啖已非常飽滿，係口內滲出陣陣甘香味道，真係食到唔停到口整體食物有水準，店員周不時換碟&斟水，服務周到。

誰人說要吃西餐一定要去高級餐廳才可以有好享受? 高級餐廳也要付上昂貴的費用，也未必是一般人能所支付。聽說有西餐浪子之名的Eddy Chu，在飲食界打滾三十多年，在在酒店或高級食店內主理主廚，所以食物味道水準也很高。除了在尖沙咀有主理餐廳之外，在銅鑼灣也開了一間西餐大排檔。西餐大排檔沒有華麗裝潢，布置簡潔舒適，但提供平民能消費得起的西餐來吸引食客，無論食物和賣相都以實而不華為賣點，來到大排檔也可以享受美味的西餐。******************************來到西餐大排檔門前，看見如此顯眼的餐廳名字，再用上不同色彩的燈光閃亮著，增加了特別的感覺。走進餐廳，便看見酒吧的位置，放滿了很多酒杯和不同種類的酒，來到大排檔不再是飲啤酒為主了。餐廳格局以長方形為主，枱與枱之間也有很大的空間。餐廳沒有華麗裝潢，主要是簡潔舒適。餐牌的選擇雖然不多，但還是有提供不同種類的食物，如沙律、前菜、餐湯、燒烤類、飯和粉類。如果不想散點，也可以來個1人餐，或2人餐，價錢由HKD228至HKD888不等。1人餐還可以加錢享受升級海鮮拼盤及餐酒。這裏有著酒吧，當然不少得酒類飲品，可以支裝或杯裝享用，還可以

難得放假同朋友去完花展就搵好嘢食一開始聽到話西餐大排檔以為真係要去咗大排檔度食點知上到去原來係一間西餐廳有唔同種類嘅餐選擇有黑毛豬、羊扒、燒牛肉眼、海鮮餐、原條燒魚、有波士頓龍蝦餐點了海鮮餐和黑毛豬每一個餐分別有牛油餐包主菜咖啡或茶有牛脷雜菜湯和黑松露蘑菇湯選擇。湯上碟非常之熱好似係啱啱煲完黑松露湯內有切粒松露嘅有口感餐包方便外貌麻麻但食落非常鬆軟同埋夠熱主菜黑毛豬都非常之大塊不會太晏，而且仲有少少嘅肉汁，配上一些新鮮嘅菠蘿可以中和濃烈嘅味道，另外配上薯菜分別有煎香左嘅茄子同埋翠玉瓜和紫薯令到可以有飽肚另外就叫咗海鮮餐主要係白汁蟹肉焗鮑魚、帶子、鮮蝦和魚，海鮮上碟時包上一層蟹肉白汁包圍底下就係薯菜薯菜。海鮮冇因為啲白汁蓋過海鮮嘅鮮味。因為朋友係冇澱粉不歡所以就叫多蝦醬意粉主要嘅醬汁係蝦配少茄汁味不會太制所有嘅套餐都可以加＄19有是日嘅甜品是日甜品，當日是藍梅芝士蛋糕，因為太吸引所以食完先記得冇影到相.最後配上一杯凍檸茶結束完美一餐！

為慶祝老婆搵到新工，一於決定搵間好餐廳好好咁慶祝一番。左揀右揀，選擇太多，眼花繚亂，突然腦海回憶起西餐大排檔的味道，一於就呢間喇！！！燒吞拿魚沙律配千島汁，又一次驚喜的收穫，表面看似平平無奇的沙律，先配上乳酸味的彈彈珠，增加了味道的新鮮感。可是，原來藏在底部的吞拿魚才是星中之星，燒的火喉控制，只可用“完美”來形容，帶著濃香的魚油味，入口輕輕一咬就化開，真的完美不過了。冬陰公蝦多士，蝦多士食得多，大蝦多士，你食過未？上枱時，真的嘩一聲，因為體積的比例和外面吃的是相反。而且吃下沒有什麼的油膩感，蝦和多士也炸很的脆脆。牛腩羅宋湯，你冇睇錯，係一舊舊牛腩的牛腩羅宋湯，湯味相當的濃郁，牛腩也煲到好腍，完全找不到不好的理由。香燒原條是日鮮魚（石班） ，餐廳因應每天的情況而決定用的魚類，今天就選用了石班。石班上枱時，已吸引了我們的目光，引刀叉一切和入口，嘩！嘩！嘩！魚肉的鮮嫩，真的沒有任何辦法去形容，配上泰式的辣醬，令鮮味更上一層樓。燒橡果級黑毛豬肉眼，又一美味停不了的美食，餐廳還細心的配上菠蘿，為比較油膩的黑毛豬適當的去除油膩，令你的胃在最舒服的狀態下，一口一口的吃下這美食。由於黑毛豬的特性，燒的

大排檔是香港其中一種很受歡迎的街頭露天食肆。大牌檔文化是香港特有的街頭飲食文化，是香港人的集體回憶。西餐即指西方飲食，是兩種完全不同的飲食文化。基於好奇，從openrice搜尋到這間西餐大排檔，決定來一試。大排檔由50至70年代，在香港飲食佔重要位置，是市民主要的飲食地方，一開䢂門，由牆上的油畫已經感受到濃厚的歷史背景。餐廳的裝潢屬簡樸風格，垟上的掛畫充滿中國色彩，枱上的餐具卻是西化的刀叉，中西合璧，極具特色。中間位置是一個小酒巴，更加突出西餐的特色。懷著期待的心情翻開餐牌。一如既往，有套餐、散餐，散餐分別為沙律、前菜、湯類、燒烤類、海鮮類、飯及意粉。海鮮是我的至愛，為了吃法式明爐海鮮湯，決定散叫。看得到的蘑菇粒，的確是真材實料，飲湯之餘，還帶有口感，黑松露更加帶出蘑菇湯的香濃，如果份量可以稍增就更完美了。湯的內容豐富，有海蝦、帶子、鮑魚、蜆和鱈魚，各種精華熔入湯內加上番茄的酸甜，飲一口湯即感到開胃又醒神。海鮮固然鮮味十足，在明爐上不斷保持溫度，吃起來一點腥味也沒有。多士與蝦肉，一個香脆一個鮮甜，食起來的口感層次豐富，蝦肉爽脆多士香口，令人留下深刻印象。其實材料是沒有冬陰公的，冬陰公是

上次去完尖沙咀Chef stage de Eddy Chu之後，對大廚的出品甚為滿意，加上良好服務為我和朋友帶來了頗深刻而良好的服務。［詳情參閱小妹另一篇食評］。今次來到位於銅鑼灣的其姐妹餐廳──西餐大牌檔。名字很特別，裝飾與Chef stage de Eddy Chu有點似，（尤其門口的裝飾簡直一模一樣），但這裡相對光線明亮，格調上明顯較為大眾化，有電視看，又有些「小清新」裝飾物。餐巾都相當特別。看看菜單，每個餐加$65海鮮拼盤(生蠔/鮑魚/日本刺身帶子/鮮蝦/聖子刺身)，無理由不加吧？由於朋友不吃生野，所以我們二人只加了一份海鮮拼盤。3種醬汁：香草汁、蜜糖汁和醬油wasabi 。香草汁點生蠔，帶子本身已浸在蜜糖汁，聖子也點蜜糖汁，鮑魚我點醬油，每樣都新鮮好食，帶子肥厚鮮美，聖子爽口彈牙，鮑魚亦夠嚼口。只是加$65便有一份，相當抵食！鮮龍蝦(半只)配燒牛肉眼($388)非常霸氣的擺盤，上檯很有豪華、金碧輝煌的感覺，令隔離檯正在點餐的女士也為之側目。我比較喜歡它的泰式酸辣汁，綠色的放在一旁，蒜味濃郁，用來點龍蝦一流，非常惹味，而龍蝦亦肉質厚實，蝦身蝦鉗啖啖肉。牛肉眼要了medium，肉

朋友推薦嘅一間係銅鑼灣嘅西餐廳，本身都好少過去銅鑼灣，難得有港島朋友生日，所以就揀咗呢間有懷舊氣息嘅餐廳慶祝。見到原來有一個壽星套餐優惠，但係我地得兩個人所以就冇叫到，下次多啲人嘅時候就可以去試吓。燒牛脷$129呢個菜比足90分，之前食開既牛脷都係比較乾同鞋，但係呢一個菜完全去到更高境界，輕輕切開便可以，牛脷非常軟身多汁，簡單用黑椒調味，不需要沾上醬汁都已經非常夠味，每舊牛脷厚到十足，但仍可煎到保留肉汁，師傅工架一流。紐西蘭T骨羊扒$159羊扒亦是厚切，羊味剛好，不會太濃，內裏肉質帶粉紅色，沾上醬汁更能帶出羊味，但係當遇上軟熟嘅牛脷，羊扒就相對來講難切一啲。值得一讚嘅係旁邊嘅薯蓉，無加過多嘅奶，真正食到薯仔嘅味道。焗法國田螺$99侍應提醒我哋個殼都食得，原來個殼係麵包整嘅，因為鐵鍋熱力嘅關係，令到薯蓉帶少少脆身，配田螺一齊食非常之match。乳酪蝦仔蛋沙律$99乳酪代替沙律醬更加健康，一碟沙律有四隻蝦，比平時出面食到嘅沙律，蝦嘅size更大，乳酪酸酸嘅口感，配上沙律菜，作為開胃前菜係一個唔錯嘅選擇。黑毛豬熱脆包$89呢個係當晚令我哋驚喜嘅一道前菜，黑毛豬肉汁多， 裏面都煎係粉紅色架，配

最期待的weekend到了，又係四出搵野食既時間。 今天約了友人去銅記，當然找個新地方食野啦，經一翻討論，我們選擇了西餐大排檔。這裡的裝橫好舒適，坐位與坐位之間位置也夠濶，由於沒吃什麼早餐，所以我倆各order 了一個午市套餐。先來過Salad ，source不多，主要係食蔬菜的鮮味。甘荀蟹肉湯，飲落啖啖都係甘荀蓉及蟹肉，相信廚師擔心有些客人會怕蟹的鯹味，所以飲到薑汁的味道，好细心呀。馳名西班牙橡果級別黑毛豬，經侍應解釋位置就等同梅頭，大家都知梅頭豬扒是最好味的，而且廚師把黑毛豬燒得好香配上燒汁， 7成熟剛剛好，連其他配菜都是燒的，非常爽口及惹味， 另用了紫蕃薯做薯蓉，而且有煨蕃薯的香味，整體來說用個字來形容，最適合不過。精選什扒𥚃面包括黑毛豬肋條，吃落比橡果黑毛豬爽口，肥廋適中，德國腸啖啖肉，自家制漢堡扒，肉質鬆化，燒春雞脾嫰滑配上網燒黃椒，茄子再加上紫薯蓉，絕對推介比愛吃肉的人。最後我們還加了個甜品，芒果布丁，真係好多芒果肉呀。整體來講，食物質素真的不錯，下次可以同亞媽來試下。