台北巷弄 (Closed)

最近朋友講過話將軍澳廣場有間食台式店內舖，冇得去旅行，就試下呢間台北巷弄，暫時主要做外賣。店員有禮而且對食物知識都有一定水準。點餐後有提醒器，約5-10分鐘就可取餐，非常貼心。.太多選擇樣樣都想食，我就揀了醬油雞翼滷肉便當，配小食花枝丸跟+$3檸檬紅茶。外賣碗分開上下格，上層放雞翼，下層放肉燥飯。有4隻雞翼配了半邊半熟糖心蛋、酸菜肉燥連汁既味道好似去了台灣一樣，非常接近。.半份炸花枝丸2粒，佢既椒鹽味非常適中真，口感很外脆內軟好滋味完全食物好有台灣的味道，一食難忘最喜歡佢地屏東檸檬茶不一樣的酸甜味道。台北巷弄(將軍澳)地址：將軍澳唐德街1號將軍澳廣場1樓006號舖營業時間星期一至日:12:00 - 21:00

心思思想食台灣小食，見到呢間台北巷弄有好多小食，仲有齊賣飛佛嘅地瓜條、台灣香腸同芋圓，考慮咗一秒就決定要食晒佢地🤤 . 台灣香腸 配有幾片生蒜，聽講呢個係台灣正宗嘅食法，不過生蒜唔係我杯茶，我都係專注食香腸啦！ 香腸外皮脆口，食落肥瘦適中，有油香，我一直念念不忘就係呢個味道喇🤤 .炸地瓜條 睇外表平平無奇，食落至知有驚喜，每條地瓜條都好香甜，又帶少少甘梅粉嘅酸甜味，輕輕鬆鬆就食晒一份🤤 .鮮草凍椰果手工芋圓鍾意食芋圓除咗因為煙韌嘅口感，同時係因為見到呢個色彩繽紛嘅配搭覺得好療癒，而且台北巷弄呢個芋圓甜度啱啱好，推介推介👍🏼👍🏼

台北巷弄✨位於非常多食肆選擇既將軍澳廣場，經過見到特色嘅台灣美食，包括:手抓餅、台灣香腸、鹽酥雞，仲有甜品仙草凍芋圓系列😍 去唔到台灣旅行，買個外賣都不錯😋🔸台灣香腸$29完全食得返台灣夜市裏面嗰種風味，香腸入口有油香，又有咬口，好想配飯食添啊😋🔸鹽酥雞$34平時食嘅鹽酥雞都好驚外皮好厚，皮仲多過肉🙈但呢度嘅鹽酥雞就比較薄，而且雞嘅外皮炸得好香脆，食嘅時候好聽到卜卜脆嘅聲，仲熱添㗎！真係食到停唔到口。🔸紅豆3號 (紅豆湯、仙草凍、椰奶、手工芋圓) $36紅豆湯帶有微甜同淡淡嘅椰奶，配合仙草凍 又真係好夾喎！ 我平時唔鍾意食太甜，呢個紅豆湯啱啱恰到好處。另外，手工芋圓好煙韌，好有咬口，而個人就最喜歡番薯味😋😍

疾情冇得去旅行，又掛住台灣野食嗚嗚好彩將軍澳有依間台式野食店，有齊台式便當、小食、甜品，外賣番去慢慢食，正正子😚👅今日lunch一於就去食依間啦，離到都幾多日排緊，但服務員態度好好，好快有得拎，而且係有部機仔，可以去行陣街再離拎野食～依到既野食都好好食😋有驚喜我叫左個醬油雞魯肉便當餐廳好細心咁將飯同雞翼分開裝 個飯好香魯肉汗味，而且雞好香好入味❤️仲有配左半分甜不辣好掛住台灣甜不辣，終於依到啦😚好彈牙！好食😋仲加左杯鮮草凍奶茶奶茶同鮮草真係絕配，一流!!!!!!!!仲可以解渴🤩👅推薦大家都離食，價錢公道，服務態度好好而且準備時間快，好快有得拎以後番工都離買外賣食先yeahhhh❤️

第一次用網上外賣平台落單叫外賣，由於送了$100優惠給我，就決定晚餐試一試台北巷弄的「招牌黑糖牛奶沙冰綜合手工芋圓」，由於看圖片好像很細份量，所以下單時選了2碗都是2人份量，每碗$66，另外送餐費$20。下單時想他們遲些送來，結果就是很快就送到來。我們放了半小時以上才吃（因為家人要買飯比其他家人，要等家人買完飯才吃）。發現裡面都還有不少沙冰，而且很冰凍，有3色芋圓，而都幾大粒，其中一款應該落粉太多，相比起上來就煙韌一些，但都好味道，入面仲有紅豆、仙草、椰果和珍珠奶茶的珍珠。牛奶入面混了很濃的黑糖，都幾好味，但我唯一不喜歡是有沙冰，因為太冰凍了。對比上次我在觀塘吃的芋圓，其實份量相約，但價錢就觀塘那一間就抵食好多。而且沒沙冰，不會吃起來那麽冰凍。由於觀塘果間沒沙冰，可能相對芋圓份量就多一些，會吃起來飽一些。這一間的芋圓，家人吃完覺得還不夠飽，夜一啲要再食杯麵。

將軍澳裡面的商場餐廳林立，這次和朋友經過這間台式小店，又忍不住要嘗一嘗了。看見店舖的裝修，彷彿想起台灣的藍色品牌。餐廳主要有幾款台灣菜式，台式飲品比較多。我們點了手切滷肉便當和台式排骨便當。台式排骨便當裏面有大大塊台式排骨和溏心蛋半隻，醬汁很濃郁。還有少量配菜和酸蘿蔔絲，讓我們開開胃。另外的是手切滷肉便當，份量足夠，也配有溏心蛋。滷肉的醬汁挺惹味，另外還有附上一碗湯。我們亦有點了甜品，仙草2號材料豐富，裏面有紅豆、綠豆和仙草。紅豆好有咬口，而且香甜。最吸引的還是芋圓，味道香濃。飲品方面，仙草凍奶茶和三寶奶茶是一個不錯的選擇。三寶奶茶材料比較多，感覺比較滿足，甜度亦比較高，像極了台灣的味道。總括而言，天藍色的裝修讓我想起美麗的寶島，希望有天再去品嚐當地美食。

中午成日想不到吃什麼，記起這間主打外賣台灣便當的，一於試試！第一次不知道吃什麼，就當然會叫他們人氣No.1的鹽酥雞粒台灣香腸便當。回到家後，影了一會兒相，已經過了差不多半小時。令我意想不到的是，雞粒仍是脆的！香腸味道不錯，略嫌肥了一點。伴菜也絕不馬虎，糖心蛋夠入味，加少少流心。菠菜上都加了少許芝麻醬汁。酸酸的蘿蔔絲很開胃。每一小節都做到十足。肉燥飯，肉和飯的比例，飯較多，但有其他餸送飯，還可以的。甜不辣不是我想像的那種，只是普通的魚蛋似的。冬瓜茶很香，加珍珠/仙草都很好味。甜品買回家必須立刻吃，否則放進雪櫃後，芋圓會變硬。仙草真的好好吃，平日不吃紅豆的菲兒，都把它吃光光。值得一讚是，筷子也是美美的。最欣賞的是，店舖即叫即做，當然是要等候久一點，但回到家後，雞粒仍是脆脆的，很好吃，是他們做外賣成功之處👍🏻

今日自己一個吃飯，去一間台式餐廳。這家餐廳主要做外賣生意，因為座位在點餐的另一頭，而且位置不算太多。⭐️鹽酥雞扒便當$80便當好豐富，有一碗飯、一碗湯和小菜。雞扒炸得十分香脆，雞肉也十分嫩，好好味。另外還有半顆溏心蛋，這個便當完全是意外收穫。⭐️甜不辣$13類似港式的魚蛋，容易入口，但不算特別。⭐️冬瓜茶$7天氣熱喝熱冬瓜可以消暑解渴，好好喝。⭐️仙草1號$30 有芋圓和仙草，入口非常冰涼，還有一顆奶球，變成奶凍仙草，哈哈！

炸花枝丸花枝丸夠彈牙 炸得好香脆 口感外脆內軟滷肉飯滷肉好軟身而且脂肪分佈平均 好食得來唔怕太油 溏心蛋都夠流心 滷肉汁惹味得來又唔怕太鹹 好送得飯 味道幾貼近古早味既一款滷肉飯手抓餅幾足料 蛋好香滑 汁甜甜地好惹味 皮薄而且好香脆 加少少肉鬆係入面 完全冇飽濟感 幾高質既一款小食仙草3號手工芋圓好好食 粒粒足料 夠口感又好味 紅豆粒粒分明 全部都夠曬甜 芋泥味香而且甜度又唔太高 岩岩好 天氣咁熱食依個唔錯麥芽奶茶麥芽味好重 奶茶既茶香好出 飲落去感覺好新奇 冬瓜檸檬呢個好推介 消暑消濟一流 冬瓜味岩岩好中和到檸檬既酸度 飲落唔怕太酸又唔會太甜 幾開胃

呢度位置黎講都方便，商場入面好易就搵到了。呢度既便當又幾好食~🔸鹽酥雞扒便當 ($72 - 包飯、湯) 主角雞扒炸得好好好酥脆！炸粉唔會太厚，雞扒好厚肉，食落去唔會係皮厚過肉先啦。魯肉汁都唔錯，有好多半肥瘦肉，重點係包埋半隻糖心蛋！流心程度我覺得可以再流心d，配菜方面有酸菜（好開胃！），同埋有麻醬菠菜，全部既配菜都係我鐘意食既~🔸台式排骨便當 ($70 - 包飯、湯)雖然排骨無我想像中咁酥軟，但唔乾，同埋調味方面都幫佢拉返唔少分數！份量都好多，女仔黎講食唔哂 不過個湯個人覺得清少少就好，可以平衡返便當偏重既調味。🔸炸花枝丸 ($29) 有四粒炸墨魚丸，彈牙，脆口，但係唔知點解無粟米係入面😭 🔸仙草3號 ($40)好足料！呢度仲有平時出面比較少見既芋泥，落足本。唔會死甜，仙草微微的甜味加上芋圓粒粒既自然甜味，買碗兩個人share食就岩岩好。🔸冬瓜檸檬 (跟餐+$12)酸酸甜甜十分開胃，平衡返魯肉飯同炸物帶黎既油膩感就岩，個人推薦呢個，但記得叫少甜！🔸珍珠奶茶 (跟餐+$10)普通，珍珠彈牙，都幾好飲既！埋單晚餐每人一百蚊左右，但真係飽死，都幾抵~

✨ 鹽酥雞排便當($60) (⭐⭐⭐⭐✨/5🌟)成個便當入面除左鹽酥雞排之外仲有糖心蛋、鹵肉汁、配菜同埋老火湯。鹽酥雞排大大塊，炸得香脆鬆軟，雞排依然可以維持juicy既感覺，好有台北士林夜市既feel~-✨ 澎湖花技蝦排拼甜不辣便當($70) (⭐⭐⭐⭐✨/5🌟)同鹽酥雞排便當一樣，便當入面除左主菜花技蝦排同甜不辣之外，仲有糖心蛋、鹵肉汁、配菜同埋老火湯。花技蝦排同甜不辣份量唔算好大塊但勝在味道高質!! 花技蝦排用蝦膠打成，好彈牙同有蝦既甜味~甜不辣圓餅形狀，都煎得幾好味~-✨ 鹵肉汁油菜 (餐+$13) (⭐⭐⭐⭐✨/5🌟)呢份鹵肉汁油菜份量真係好多，多到食唔哂lol 鹵肉汁既香味滲入油菜入面，令到d菜十分香，令唔中意食菜我都食左唔少~-✨ 紅豆5號 – 二人份($55) (⭐⭐⭐⭐✨/5🌟)超級好食既甜品!! 紅豆5號係二人份量，入面包括仙草、芋泥、芋圓同紅豆湯等等。極多配料食落好幸福haha 最中意d芋圓，好有咬口好高汁~

這天繼續在將軍澳四出尋找美食，在將軍澳廣場內，不遠處已經看到大大個藍色招牌，上面寫著「台北巷弄」四個字，顧名思義，就是吃台菜，就試試吧~餐廳佔地不太，沒有待應服務，全都是在櫃檯點餐那一款~而餐牌上的食物選擇不算很多，台式便當晚餐有6款，全都附送滷肉、滷糖心蛋、是日配菜及台式湯品~鹽酥雞扒便當鹽酥雞扒入口酥脆，內層雞肉嫩滑，不會因煎炸過而變得乾巴巴，便當附送滷肉及滷糖心蛋，非常適合佐飯，而餐廳特意用上台灣米，飯粒分明有咬口，不會糊在咀裏~台式排骨便當另一款是排骨便當，廚師貼心地將排骨切好，方便進食，而排骨肉汁挺多，味道不會過鹹，而滷肉用上半肥瘦，入口甘香油潤，配上酸酸甜甜的配菜，有效中和滷肉的膩滯感~滷肉汁油菜以HK$13加配油菜，滷肉汁份量極多，滷水味濃，而生菜口感爽脆，與滷肉絕對是perfect match~半份甜不辣及花枝丸說實，個人認為甜不辣及花枝丸的口感有點相信，兩款都是QQ彈彈的，甜不辣帶有魚香，而花枝丸更有咬口~仙草2號這裏的芋圓糖水選擇非常多，仙草凍、紅豆湯及沙冰，而仙草凍芋圓系列更分了3款~我揀了仙草2號，內容豐富，包括仙草凍、紅豆、綠豆及手工芋圓，芋圓份量挺多，口感Q

疫症之下不能去台湾旅行，心思思很想吃些台湾美食。今午路經將軍澳廣場，見到賣台湾美食的餐廳，叫台北巷弄。便買了兩份下午茶餐和甜品，回家和爸媽分享。手抓餅加蛋很香滑，醬汁少少甜很好味，令人吃完想再來一件。宜蘭三星葱餡餅一客兩件，葱味香和肉碎很夾味，餅煎得香脆不油膩。套餐包一杯17元的飲品，可補差价轉其他飲品。我補了錢轉芋泥奶茶和三宝奶茶。芋泥奶茶有淡淡茶香味不太甜，加上芋泥很有特色，值得一試。三宝奶茶內有红豆，仙草凍和珍珠，大大杯易入口，有茶味又解渴。仙草2号是甜品。內有入口嫩滑有仙草香的鲜草凍，微甜的红豆，綠豆及芋圓。炎炎夏日，吃完這個愜意消暑的下午茶，覺得生活其實可以很簡單快樂!

◾️今次要介紹嘅餐廳係位於將軍澳嘅台北巷弄，主打台式美食。我哋係下午茶時段去食嘅，價錢相對相宜，而且質素唔錯，近將軍澳嘅朋友可以去試下堂食或外賣都得。Taipei Alley is located in Tseung Kwan O, specializes in Taiwanese dishes. We visited during tea time and found that snacks are quite price-competitive and in high quality. You can choose either to dine-in or take-away.◽️鹽酥雞 (Taiwanese Fried Chicken) $43平時好少食鹽酥雞，因為好多都係炸粉厚過雞。但係依到嘅外皮相對較薄，著重返雞塊本身，依點係值得欣賞。調出嘅鹹味恰到好處，有種令人食到上癮嘅感覺。We seldom eat Taiwanese fried chicken, because the common one is overly-deep fried. But for this fried

冇得去旅行冇得食台灣野，好彩屋企附近有呢間台式小店，表面睇平平無奇，但食過之後真心覺得所有食物真係有心製造，完全有台灣水準。叫咗兩個便當，一個鹽酥雞扒便當，另一個炸蝦餅加甜不辣，先講鹽酥雞扒，份量十足，即叫即做新鮮炸起特別香脆，雞扒好入味，而且入口好juicy無乾爭爭感覺，便當內的滷肉用來撈飯食，好惹味呢。炸蝦餅咬開見到鮮蝦粒，難怪咁彈牙，啖啖鮮蝦味，正。甜不辣真係唔辣架，而係魚餅咁，好好味，另外加多左2隻雞亦，食完都咪話唔飽。除左主菜好味，我覺得連配菜都好出色，糖心蛋流黃好正，蕃茄仔原來用梅汁醃過所以食入口甜甜酸酸，好味又開胃。成個便當我竟然可以食得曬，因為真係太好味啦！台式飲品唔一定要係珍奶，今次我飲冬瓜檸檬加椰果，酸酸地我超鐘意，朋友飲芋泥奶茶，佢話好香好滑，呢間餐廳真係可以幫我解下對台北的相思之苦。