大勝軒丸一 (金星閣) (Closed)

中午時間天氣好熱最好就係食碗沾麵，位於太古城住宅範圍內的小店，此店不是在太古城中心，人流不是太多，但有日本小店的風格及味道，叫了招牌大勝沾面，追加左餃子及叉燒，沾麵醬汁香而不肥膩，拉麵質素也是少數接近日本的煙韌，咬口一流，我選擇微冷，在這天氣好熱的日子，是最佳的選擇，餃子沒有驚喜，一般的做法及貨色，反而叉燒有些特別， 偏向肥少少，如果大家喜歡肥嘅叉燒就一絕，買單只是$110，我覺得絕對合理及舒服😌

嗰日去到太古一心想食個拉麵，見到有豚王同大勝軒，豚王已經食過，於是膽粗粗去試吓大勝軒。首先講講碗麵質素其實算OK。湯夠熱、D麵比較粗同彈牙。但係個湯味道就真係好鹹。因為沾麵對我來講一般都係比較鹹，所以我點咗一碗大勝軒拉麵丶一啲配菜同埋一杯嘢飲。最後我食晒啲麵，但係啲湯就一啖都唔敢飲。 環境方面可能個廚房係開放式所以餐廳都比較熱。因為嗰日係午餐時間，被安排坐喺吧枱最尾嗰個位，根本係熱到一路食一路出汗。服務方面，男侍應比較有禮貌，攞碗拉麵嚟嘅時候，會講句大勝軒拉麵多謝。但係女侍應攞嘢埋嚟嘅時候就完全咩都唔講，放低就走咗去。食完野行出去埋單嘅時候，俾咗錢個女收銀員之後完全乜嘢都唔講，收咗錢就擰轉頭走。但係當時店舖只係剩返一兩枱客。唔係真係咁忙吖嘛。我覺得如果想做好一間日式拉麵店，我相信服務同食物質素同樣重要。

首先見到咁多好評，就諗住去試吓，其實在碌落啲大家就會見到好多差評㗎啦唔好俾佢呃到。首先講吓個服務態度一入到去見到有卡位就諗住問吓可唔可以坐，佢就話執完枱叫我去坐，點知佢執完就俾咗下一台客坐當時我心諗可能人哋有需要所以我就冇出聲，再過10分鐘我再問另一位侍應可唔可以轉卡位但係佢竟然答我我得一對手你想我做邊樣先，我當時真係眼都突埋眼見餐廳好多卡位係空嘅竟然換來一個咁嘅答案真係唔知係咩嘅服務態度。再講下食物得個咸字乳酸梳打得梳打水味。呢啲咁嘅舖頭真係唔知點樣可以生存

首先見到咁多好評，就諗住去試吓，其實在碌落啲大家就會見到好多差評㗎啦唔好俾佢呃到。首先講吓個服務態度一入到去見到有卡位就諗住問吓可唔可以坐，佢就話執完枱叫我去坐，點知佢執完就俾咗下一台客坐當時我心諗可能人哋有需要所以我就冇出聲，再過10分鐘我再問另一位侍應可唔可以轉卡位但係佢竟然答我我得一對手你想我做邊樣先，我當時真係眼都突埋眼見餐廳好多卡位係空嘅竟然換來一個咁嘅答案真係唔知係咩嘅服務態度。再講下食物得個咸字乳酸梳打得梳打水味。呢啲咁嘅舖頭真係唔知點樣可以生存。

📍正宗足料沾麵店 -- 大勝軒丸一🇯🇵小編前排見過有人介紹呢間嘅沾麵，睇返報道知道原來老闆田中榮一先生係沾麵之父嘅徒弟，幾年前喺香港開咗呢間舖以推廣日本正宗沾麵嘅文化😆呢到嘅沾麵湯底多元化， 有鹽味，魚介，咖哩，黑蒜油味等等😍除咗沾面之外仲有拉麵同埋混麵可以選擇㗎😋小編當日就叫咗舖頭嘅招牌特製沾麵💕----------⭐特製沾麵（$95）麵量可以自己選擇，有200g同埋可以免費升級250g😆但小編驚食唔曬所以叫咗200g🙊配料方面非常足料😍有三大塊叉燒，紫菜，仲有一隻糖心蛋😆沾麵湯質感濃稠，而且亦唔會太鹹，味道啱啱好😍麵條比較粗身，掛湯力十足，口感亦好煙韌👍叉燒肉質軟腍，油脂同肉嘅比例剛好，有油香又有肉香👍整體不俗，性價比高😆中意沾麵嘅朋友仔不妨一試😍----------賣相：7.6/10味道：8.4/10性價比：8/10回頭率：8.2/10-----------店舖資料名稱：大勝軒丸一地址：太古 太豐路3號星輝台金星閣g1018號舖前往方法：太古站D1出口

個人台麵唔算大, 但座我都算舒服既,台邊會貼住一D小教學去教你點食沾麵!現在可以免費增量去到250G麵, 絕對唔會出現食唔飽既情況!我基本上只試沾麵, 麵除左可選200g 和 250g 外, 可以選擇 冷暖麵, 一般比較正宗既食法就選冷麵配上熱湯既口感比較佳.叉燒比較軟身, 大件, 有層次, 因為肉同脂肪位一齊咬會有唔同既口感, 蛋黃位比較乾,味道上蛋黃甜味比較少麵反而係最出色既位, 夠彈牙, 爽口, 冷麵+上熱湯特別彈牙, 粗度都岩岩好易沾湯汁也加重口感.野飲我以為成杯上, 點知係手沖的, 梳打乳酸, 用日本可爾必思黎沖的.整體費用正常, 服務唔錯.

大勝軒的山岸一雄老師, 除了是以發明沾麵名流於世外, 也是一個桃李滿門, 廣收徒弟的老師. 這間麵店以大勝軒為名, 師傅在那裏學師和工作, 自然也會期望我所吃的就是東京大勝軒本店的味道. 老實說有點失望, 首先沾湯以魚介豬骨為本調, 味道不濃厚就算, 沒有湯割也能直接喝下去, 味道可算是淡. 至於麵身口感軟糯, 麵有麥香, 但瀝水做得不足, 令麵身和碗底過於濕潤. 至於豬肉好壞參半, 沾湯內的叉燒碎肥瘦層次分明, 而麵裡的叉燒夠大塊, 但肉的部份口感太柴, 也沒有炙香的味道. 在太古這個日本人聚居的社群, 對日本菜的處理要求更高, 也是無可厚非的.

2020年4月17日星期五疫情關係非常少出去食飯，咁岩比我見到屋企附近原來有一間拉麵店可以外賣自取。呢度有得揀拉麵或者沾麵，呢樣嘢唔係咁易係屋企整。一查之下原來太古城有間拉麵店有得食沾麵，仲要可以外賣自取。呢度除左有得揀拉麵或者沾麵之外，仲有我至愛既炒飯。叫左個叉燒沾麵同炒飯，拎到返屋企都仲幾好食，沾麵唔會太咸，份量亦唔少，叉燒肉質都唔錯。本來諗住拉麵店既炒飯應該好平凡，點知原來好好食，雖然份量不大，但價錢相宜👍🏻

一個人的世界、一個人的晚餐、一個入的浪漫、一個人的結局，可能會覺得寂寞，相反我會覺得自在。你可能會認為孤單，我就認為係另一種幸福。而拉麵店正正就係我呢d麻甩佬既天堂，自己一個唔洗煩，唔洗照顧人感受，自己享受自己既節奏，呢種毫無束縛既感覺我相信總有同路人會明白。今晚就係「大勝軒丸一」借住拉麵好好填補一下空虛的缺吧。👇📌大勝軒拉麵 - $70👉當然要試就試佢地穩打穩紮咁多年既大勝軒拉麵啦，一塊燒過半肥瘦叉燒，睇落肥瘦適中，入口唔會太肥膩，反之有種軟腍咬口既質感，唔錯；而湯底夠濃郁，要大讚既係溫度夠熱，入口果種膠質感好細緻；配搭嗚門卷、蔥、筍乾，令成件事更加豐富；而麵條軟硬度適中，整體以呢個價錢黎講，屬性價比高之作！📌日式炸雞 - $38 (5隻)👉嗌多個炸雞滿足埋自己個胃先！最鍾意日式炸雞果種炸到好脆口，但唔會好油膩果種感覺。而呢個食落肉質嫩滑，炸粉亦無過厚，外脆內軟，入口鬆化。最緊要係調味岩岩好，我最怕係過鹹，呢個認真唔錯。

市面零售差，連鎖運動店最近都要做優惠推廣，見廣告話兩件貨品有六折，未見過咁平，就去太古城睇下，支持下本土消費先😄買完野，又想食至愛日本拉麵，記得附近有間大勝軒丸一，就行過去食先😉去到大勝軒，因為限聚令，依家座位間要保持1.5米距離，已經冇哂位，要排隊，咁買碗魚介豚骨拉麵同五隻煎餃子，外賣返屋企食啦😅，先探熱，後落單，等咗十分鐘左右，就可以拿走，大胃王仲可以免費加大拉麵份量添👍佢地外賣包裝得好妥貼，魚介豚骨拉麵麵同湯分開外套賣碗，紫菜放入保鮮袋，，食嘅時候先將湯同紫菜加落碗麵,令拉麵唔會浸太耐湯而變腍，質量可以保持水準👍，拉麵麵條粗身，煙韌彈牙，魚介湯底鮮甜，比較濃稠，又唔會太鹹，令拉麵更易掛湯，叉燒就厚切，肥瘦均勻，肉質鬆軟，筍片都醃得好好食，又夠爽脆，大葱多D更加好😋日式鮮肉餃子餃子皮夠薄，豬肉饀料飽滿，食落肉汁豐富😋

阿叔👨🏻返太古城工作嘅日子無多，相信以後未必會成日嚟呢區食嘢，臨別走波😢，當然趁住午飯時間🕐周圍出去搵嘢食啦！.今次嚟咗呢間位於民居住所留下嘅拉麵店🍜，如果阿叔住留上就大檸樂喇🤦🏻‍♂️，肯定會間唔時夜媽媽落嚟食宵夜，哈哈🤣！外貌同入邊裝修格局都有啲日本feel嘅佢開業原來都有4年，一直都以沾麵比較出名。沾麵宜家好多拉麵店都有得食，今次嚟到，反而想食佢期間限定推出嘅 #沙白蜆鯛魚湯拉麵 ($85)😇。.以白蜆配上拉麵，阿叔印象喺尖沙咀一間拉麵店都食過一次，不過當時配上雞白湯湯底，湯底夠濃，好好飲，不過蜆嘅鮮甜味反而被搶走咗😅。今次配上鯛魚清湯湯底，味道清甜亦帶出白蜆嘅鮮味，夾好多👍🏼！白蜆有5隻，中型size，隻隻都脹卜卜，食得到鮮甜味，一啲都唔腥😋。拉麵屬於粗麵麵質，普通份量200g應該都會飽肚，如果怕唔夠，亦可免費增量至250g又或者好似阿叔咁以$20叫多一份3隻餃子。😛

自從戲院暫定營業之後，都沒有去太古了，這天打算去太古的大型超市購日用品，順便到了book mark 了好久的一家拉麵店吃，拉麵店的好處就是自己一個吃也不會覺得怪異。*一到門口就看到限定的拉麵是我的菜！就是沙白蜆鯛魚湯拉麵！*幸好已經選好了要吃限定的，要不這麼多口味又湯又沾麵，應該會有選擇困難症吧。*沙白蜆鯛魚湯拉麵 $85沙白蜆大約有六隻左右吧，吃下去都爽甜沒有沙，不錯呢。然後是湯底，那鯛魚湯真的是不得了，鮮甜到不得了。*那個拉麵是沾麵的那種粗麵，是我的最愛。意外地跟鯛魚湯底很夾，而且湯的味道也吸進麵條，一口接一口的就吃完了。*另一我加了我最愛的味蛋，煮得不錯呢，是半膏狀的最高狀態！*紫菜也是我吃拉麵必點的，這是有點咸咸香香，很日本的那種，不是淡而無味那種，我喜歡把它放到湯，再跟拉麵一起吃。*然後我又加了原味乳酸梳打，加了點冰更涼快！*我發覺收據的尾部有優惠，所以記得帶走。另外，埋單的時候看到有人買外賣，原來因疫情關係拉麵店也有提供外賣的服務，真是貼心。下次來我想吃他們那個有餃子和啤酒的set!!!!

琴日有啲嘢做去咗太古, 做完嘢之後已經五點幾, 又就到飯鐘, 就睇下附近有乜嘢好食 偶爾畀我搵到呢間大勝軒丸一, 餐廳坐位唔係好多, 我又唔係真係咁肚餓, 就嗌左外賣返屋企先食<特製沾麵>大食妹嗌咗份特製沾麵, 麵底係用咗粗身嘅拉麵, 食落比起一般嘅拉麵更加彈牙 叉燒竟然有成三大舊, 溏心蛋仲要係原隻咁上另外店員仲好貼心咁用密封袋袋住兩片紫菜, 雖然唔記得咗影, 但係都好感動<煎餃子(五隻)>除咗沾麪之外大食妹仲嗌多左五隻煎餃, 皮薄餡靚, 食落唔錯

難得過海去開太古城嗰邊探朋友，朋友推薦我去太古城有一間好好食嘅日本沾麵。去到門口見到呢間舖頭，已經覺得好似去咗日本咁，好有特色好有氣氛。當時差唔多6點，就到晚餐時候，開始陸續有客人入座。今次我就叫外賣，外帶去我朋友屋企度食。我最鍾意食咖喱，見到有咖喱沾麵！好少食，所以就帶咗呢款。為食嘅我仲叫埋餃子添$30 5隻算係好抵食。仲追加咗一隻味蛋🤤等咗大概10分鐘就收到外賣啦！店員好好禮貌。去到屋企打開嚟睇外賣盒都非常實淨，重有兩層分開咗湯同面，咁樣就唔怕啲麵太林啦。麵條非常煙un，好有咬口。未彈都非常吸引蛋黃係鮮橙黃色㗎！醬油醃得隻蛋好好味，入晒味。我就根據餐廳嘅指示食個沾麵，夾少少麵再將啲麵浸入個咖喱湯，令所有麵條都沾滿醬汁😍好好味呀！咖喱帶少少辣。雖然係外賣但好似得堂食一樣咁好食！餃子都仲係脆脆皮～好香口。配埋餐廳附送嘅醬汁酸酸地好開胃。仲有好多款沾麵好想試吓，下次仲想試埋拉麵😋

大勝軒丸一黑蒜油沾麵 $82叉燒炒飯 $38外賣盒 $1/個 ， 共$6最近多咗外賣，難得經過大排長龍嘅拉麵店，當然要叫外賣買返屋企慢慢嘆。師傅在玻璃後煮麵，看見蒸氣騰騰，令人食指大動。一直都很喜歡吃黑蒜，叫了一個黑蒜油沾麵，日本嘅沾麵總是特別好味。爽口彈牙麵條，加上濃郁的醬汁，特別叫了侍應再給了我蒜泥，拎起一小節麵條，放入醬汁流流，再加上蒜泥。真的10分美味呀。一定會推介給朋友。叉燒炒飯，炒飯粒粒分明，炒飯的味道跟我在日本吃到的是一樣的。令人懷念的一餐。