大勝軒丸一 (金星閣) (Closed)

今日端午節, 唔想食糭唯有出街睇吓有咩食，經過一間拉麵譜店就行入去試試【大勝軒拉麵】 朋友食拉麵, 佢覺得好咸佢就咁叫普通麵, 就得一塊, 唔夠喉. 【大勝軒沾麵】 我自己食沾麵, 個湯味道夠濃, 麵質彈牙.怕咸既, 可以自行沾小d 湯, 彈性高一點沾麵可免費增量, 不過加葱就要另外加錢成個麵得兩舊(小)豬肉, 如鍾意食多少少肉就要加錢追加喇!有興趣可以食完嗰沾麵叫侍應加木魚湯, 飲埋餘下嘅湯添.不過呢度坐位好少, 想食就要盡量避開peak hour 喇~

太古廣場附近有間沾麵店，今晚和朋友8:30pm登門拜訪。等了5分鐘左右就有位坐，望望餐牌，價錢比坊間的拉麵店還要貴。點咗個拖羅叉燒沾麵，麵都可以，掛麵，不過個沾湯就非常普通，木魚味不足，只吃到咸味，但叉燒尚可接受，有微微煙燻過嘅味道， 厚脂重。可惜配料欠奉，只有一片紫菜，$95來講就貴了點。都夠飽肚，最後其實可以請店員幫忙加湯，但我沒有。另外點了客餃子🥟，一句，不過不失。整體不算太有驚喜，但都可以接受。

好耐冇食拉麵🍜見大勝軒啱啱有兩個位就走咗入去，員工服務質素非常唔錯，因為我老公手殘填錯咗個小食，同職員講左佢都好有笑容咁肯幫我地即刻換返，呢度要加分👍🏻我叫咗一個大勝軒既特製沾麵麵幾煙韌， 我老公就鍾意啲拉麵夠粗身有口感， 個沾麵湯汁都幾好，湯汁有魚介味，有三塊大叉燒😋叉燒都夠林， 另外個小食係炸魷魚圈味道好香幾好味，我覺得好食過上次喺其他酒樓嗌個椒鹽鮮魷 🤣老公就叫咗黑蒜油沾麵，味道都唔錯不過叉燒就少咗啲啦，因為叉燒剪碎咗擺咗喺啲湯汁入面但係得幾粒，呢度爭咗少少😕耐唔耐食一次都ok，始終食完之後有覺得好口乾既感覺🤔要飲番好多水

叫左大蔥叉燒 黎到成碟都係大蔥 叉燒粒細到半隻手指甲都無 仲要得5粒細 叫服務員換又唔肯換 話係咁 成四十幾蚊唔駛咁窮到比咁小呀嘛 一間垃圾公司服務差到死 啲面又唔好食 仲好意思打正日本餐飲 未見過一間餐廳咁屎忽鬼 味千都好過呢間野 不知所謂！

整潔對飲食業是很重要的！ 即食物有多好吃， 如果地方污糟邋遢， 就咩食慾都冇曬。 畫單時很自然地把手袖放在枱上，但枱面有污垢，沾到衣服上， 頓時感覺很失落 😂😂😂黑蒜油拉麵 $88~ 湯底有魚介香味， 麵條粗身有口感， 黑蒜有味道比較沉實，有點像燶燶地， 叉燒肥美 食後感覺很普通，沒有特色， 最令人難忘的還是那張污糟枱！ 😆煎餃子 5隻 $30~ 實在太普通，已經唔記得飢Point : 5/10#hungermarch #飢詩 #非飢詩

對上一次來吃好像已經是16年的事了 Orz因為如果平時Lunch過來吃的話，人太多.... 排隊排太久的話根本吃不到。所以這次過來吃也是等下班才過來～若是7點前來到也可以直接入座(之後我們吃到一半就開始有人排隊了呢)煎餃子 ($30/5隻) - 吃的時候內餡是熱的還有肉汁，外層也很香脆。味噌沾麵 ($72) - 吃的時候有在後悔點了這個。因為那沾汁濃郁的味道完全超出我所預計的，而且相當鹹... 所以每次將麵條放進去也要控制份量，不沾太多的話～味道還是可以的喇！麵條我是選微冷的～吃起來很彈牙 (順帶一說這是普通200g的麵量)厚切的叉燒吃起來則很肥美！混麵 ($62) - 這個是辣的，還有點麻油味 XD最有趣的是附沙律醬讓客人混來一起～味道頗特別，不怕辣的可考慮吃吃看喔！

You say that last order is 10pm. I arrive at 9.45 and you're already packed up for closing and turn me away. You have completely wasted my time traveling to your restaurant on the understanding that last order is 10 and that you close at 10.30. Very disappointed and annoyed.

叉燒炒飯拼煎餃子定食 $45雖然主打沾麵 但依個飯頗有驚喜♥️😋飯粒明顯用上珍珠米 圓粒 口感偏硬炒飯炒得乾身 而且好香好香☺叉燒切成一小塊 肥瘦均勻 肉質唔鞋再配上蔥花 炒蛋 好惹味!😋特別想讚讚個餃子!!!! 皮薄而且個餡頗juicy☺🌟超中意餐枱上一細樽既生蒜蓉重口味人士 不防加入炒飯當中😏🌟翻食指數好高☺煮玉子沾麵 ($72)食沾麵最先就係要試下個麵質冷麵口感比熱麵彈牙😌麵條比較幼身 食落都好香蛋味-沾麵汁比一般沾麵店稀所以當搭配幼身麵條 掛汁力未免降低但沾麵汁仍然係值得一讚👍🏻點解?😆因為味道唔係死咸 就算唔加鏗魚湯飲落都唔會好咸 亦唔會好口渴😋😛叉燒雖然有用火槍燒過 亦都幾厚身但肉同肥既比例不一 食落冇太大驚喜反而炒飯用既叉燒 切成一小塊後更好食😋

Here for lunch on a Friday, and was seated quickly. Since it was my first time, I went for the classic Taishoken Tsukemen. Came out with piping hot soup and cold noodles, the way tsukemen should be eaten. Soup was thick and rich in bonito flavour. Noodles were also thick, and had a pleasant, bouncy texture.Sadly, the gyoza missed the mark. Whilst they arrived quickly, and hot, the base was chewy and soft. The filling was decent, so the soft base really let down the whole dish. Later, peering ove

今日想行下太古城，好似有好多大減價，順便睇吓附近有咩嘢食，太古城商場入邊嘅餐廳就食得多，好少去近住宅嗰啲餐廳，見到太古都有沾麵決定試一試。見到上網啲評價都唔差，所以我本身期望都幾高，唔知係咪好肚餓嘅關係，我覺得好好味啊！呢個係我叫嘅辛沾麵，我揀咗2辣，最細係一最大係三。食落去唔算特別辣我就咁飲咗啖湯，覺得好鹹，但係就咁沾麵食又OK喎，啱啱好，好好食，仲有啲麵質好彈，唔會太冧，望落有啲似烏冬，食落好食！仲加左＄12多隻糖心蛋，唔錯。

記得O岩O岩間麵店開張的時間, 聽講一個人要排成45分鐘先可以入到店內, 係店內仲要等一輪先食到麵, 事過景遷, 依家已經唔會經常出現人龍LU,作為一個唔鍾意排隊O既人, 唯有依家先去食啦!既然哩間野係沾麵O既始祖, 當然要食下佢個招牌沾麵!由於冇乜人, 個麵就好快上到台上面!首先食啖麵, 唔....都有麥香同蛋香味O既!試試個汁.....好杰好咸!撈埋個麵....好油好咸!食塊叉燒....好咸!唯一係個嗚明卷唔係太咸..........食完加個湯入去D 汁到...都好係咸......要飲多杯水先出到門口

今日lunch同同事食沾麵😋😋我叫左個大勝軒沾麵，$62咋老實講，喺太古附近食lunch，呢個價錢非常可以接受！！如果肚餓可以揀增量，又唔駛加錢，正！而家天氣都幾熱，麵既溫度可以揀微冷，點埋啲湯就暖暖地我呢個係普通份量，已經好夠啦因爲我同同事加左$30,有五隻餃子煎得好香，啲皮脆脆地，又大大隻，抵食兩個人share岩岩好如果like專頁，仲有野飲送，天氣咁熱我就一於飲杯可樂啦今日十二點過啲就去到，唔駛排隊👍

沾麵tsukemen拉麵的變奏，最初出現之時，源於一份細心，好讓勞動階層可以又快又急地吃完一碗美味的拉麵，力沛飽足繼續工作幹活。雖由拉麵演變出來，但其食法、味道、風格卻迥然不同，是嗜麵者無可取替的一種口味一九五一年，十七歲的山岸在拉麵店當學徒，他的伙食，就是把賣剩的麵條配上熱湯來吃。後來山岸自立門戶開了「大勝軒」，把這伙食文化一同帶到店中，客人見他吃得滋味，便要求一嚐這種拉麵的新食法。山岸一雄於是加以改良，推出沾麵，自此成了大勝軒的招牌食物，也成了日本的沾麵始祖這家沾麵就係麵跟湯分開上🍜然後麵掛上熱湯進食。這家叉燒非常嫩滑，值得一讚。麵非常彈牙因為師傅煮好麵會用凍水過冷河，比普通拉麵煙韌彈牙🤤湯底係濃濃的食完麵可叫店員加清湯稀䆁飲湯

過去兩個週末都待忙搬屋和清潔，搵食只好隨意點，都在太古城解決最方便。這間拉麵店據知已開了一段時間，在以前的towngas鋪，唯每次餓鬼mode經過都要排隊。可能因為區內近期多開咗一間拉麵店，排隊人龍目標轉移咗，我嘅機會就嚟喇這間過江龍麵店主打沾麵，是城市一點的味道。拉麵食得多，但沾麵這才是第四次，除了因為偏好幼身麵，亦都因為第一次響香港食沾麵嘅不愉快經驗（魚介拉麵咸到痴線），所以行入去個刻係冇咩期待同期望嘅。店入面裝潢木材為主，幾有日本小店氣氛。今次我點咗大勝軒沾麵（$62），男朋就點咗拖羅叉燒沾麵（$82），兩碗都揀咗暖麵。基本上唔同價位嘅麵同湯係一樣嘅，係配料唔同。我一直都以為沾湯都係傑tart tart嘅，呢度嘅竟然又恰到好處，只係比一般湯麵底濃味少少，不過就唔算好熱。配上也是暖暖地嘅麵，夏天食又算幾易入口喎！麵嘅份量係連男友都食唔晒嘅。最後店員叫我地加湯落沾湯試吓，我地就覺得唔熱唔凍唔咸唔淡咁，有啲怪，但可以試玩吓嘅。整體嚟講我覺得佢係東區目前嘅首選。

日本拉麵係非常特別既食物，因為唔同店舖既出品都可以相差極遠。我地兩個人去食，嗌左兩碗麵，同埋兩個小食。分別係：大勝軒拉麵、魚介沾麵、煎餃子同埋炸魷魚。大勝軒拉麵：我並唔覺得有咩特式，當然有啲人會挑機話拉麵唔駛有特色，好食就得。咁真係very sorry，呢碗麵只係叫正正常常。不過呢間舖有樣野值得一提，　拉麵可以俾你揀麵既份量。如果係食量較大既客人，咁應該可以一碗就食飽飽，都算超值既。魚介沾麵：相比起大勝軒拉麵，先唔講沾麵同拉麵係兩種食法，呢碗麵就好食得多啦。湯頭十分濃，足以令啲麵掛到湯汁，呢一點我好欣賞。（坊間太多掛住沾麵個名，但食既時侯根本掛唔到湯汁，只係掛到個羊頭）食沾麵除左可以揀份量，仲可以揀埋麵溫度，我建議食微冷，微冷會令到個麵質更夾啲湯汁。至於味方面，不太好鹹味既朋友，可能會認為入口太鹹。咁我會建議你加木魚湯落去食，咁會易食好多。煎餃子：即煎，皮夠薄，講完。炸魷魚：我好後悔叫左呢道菜，我相信大家睇番張相都會有以下反應：「下?! 咁叫炸？」我寧願佢俾汁燒魷魚俾我算…