大勝軒丸一 (金星閣) (Closed)

本人好喜歡食沾面 叫左個大勝沾面增量面質會比較黏 是比較粗不過屬於適中湯就 面沾了就濃度岩岩好 有魚鮮味 蔥係重點不過位真係好迫 出入既時候好似請人睇你patpat咁水係要自己倒 幾枱共用一個水樽 要傳黎傳去share 感覺不好佈置就幾好 有日本感覺

星期一，又係沒帶飯，和同事外出用膳的日子。之前知道太古城開了一間沾麵名店，特地去試一試。12:30放午飯，直奔過去也要12:45才到。前面已有短龍。因為我們一行6人，店員問我們是否願意分開坐。先看門外餐牌，款款都想食；可惜今日不吃肉，我挑了大勝軒沾麵我們一坐低就點食物，但等了起碼15分鐘都沒見麵的蹤影，便請店員查查⋯ 千呼萬喚的麵來了⋯ 麵質不能揀，但可選「冷/暖」我很喜歡這家的麵質⋯ 剛剛好，不太腍也不硬湯頭很濃，少少「傑」身，可以包到麵身⋯ 看圖片見不到肉，但其實這款大勝軒麵也附上幾件肉的同場上映同事點的麵；這裡有免費增量的；由200g 加大到250g以這個價錢來說，抵食 有下次

未食過日本店的，卻慕名前來嘗鮮，我試的是《特製沾麵》，沒有排隊。我是頗為能吃重味，也覺湯底太咸，亦無甚特色。麵質普通，未能掛湯，基本上，配合不上「沾」字。半肥豬肉口感不錯，奈何脂肪陪份有「腥味」。紫菜不脆，浸湯即入口有紫菜已「過氣」的感覺。《特製沾麵》$82加10%服務費，共$90.2

雖然食沾麵嘅次數唔多, 但呢間配料嘅分量多d會比較好1碗魚介沾麵 , 有荀, 一片魚蛋, 只係得一舊肉1碗拖羅X燒沾麵, 有溫泉蛋, 荀, 一片魚蛋 同肥肉湯底唔會淨係覺得鹹. 麵質都in-un, 仲可以加分量如果有得揀腩肉或梅肉幾好..如果普通沾麵多一舊肉都好

大漢用左咁多年openrice，第一次係度寫食評，正所謂呢度食呢度寫。大勝軒好易寫。要批評，就係麵唔夠凍，湯唔夠熱。這是日本沾麵的基本常識，廚師犯左基本錯誤。要理論麵條可以熱上，係無錯，但湯仍然唔夠熱，係失誤。麵條在訂餐紙上有凍上選項，但係遠遠唔夠凍，單憑呢兩樣過失就足以扣大分。但係，佢既湯底味道中規中矩，大眾口味，鹹度適中，加上麵條略帶彈性，帶少許蛋味，不過不失，叫做挽回分數。十蚊塊叉燒，似火槍燒既味道。雞蛋糖心最出色。其他蔥花野菜，未留下深刻印象，亦難有驚喜。整體尚算不錯。服務而言，排隊制度沒有仿效日本的過份嚴謹，仍然有所規矩，值得欣賞。排隊需時，服務員送上小扇，貼心為排隊食客解決炎熱問題，亦得一讚。年青服務員態度殷勤，說明該店有提供過訓練。可惜服務員送餐時，仍然有如各大連鎖食肆一樣，有恃無恐的放下膳食就走，也不確定到底送對與否。服務員送餐，應該先問食客，確定後才放下膳食，並說'請慢用'等禮句即可。無論如何，就服務而言，整體可以。(補充以上，無興趣可略過: 日本食肆盡量做到不用口頭確定，因為訂餐紙有對應座位，但服務員或廚師仍然會說出菜名，省卻誤會。表面看似簡單。其實服務員與食客三五

尼間大勝軒係公司附近新開張唔係好耐, 聽聞大家都因為拖羅叉燒沾麵而來. 店內本來座位就不算多, 約20個, 所以日日都有長人龍, 繁忙時間要人齊先可入座! 數星期前某天放工後去睇"寒戰II", 於是叫老公6點鐘企定定等我一收工即入去食.沾麵我真係第一次食, 根本唔識點食, 只見附近幾張枱都有張小貼士卡, 但就係我坐果張無, 於是點餐後叫店員俾左張我地.又好在我手多多拍底左, 因為店員隔左一陣就要拎返張卡喇. 如果唔係我食既時候又唔記得係點食法.食物選擇都不少, 其實門外已經圖文並荗列出左主要既麵食 (仲有D小食及飯類), 所以店內的點菜紙並無圖的, 大家可以先在門外好賣相才進內, 當然亦可要求店員提供有圖餐牌.我點左個魚介沾麵來試, 另上的一碗濃湯味道真不錯, 濃而不膩. 好快就吃光那碗麵了. 之後便要求店員為我加入木魚湯再飲, 真係有另一種滋味, 好清香! 可惜我已經好飽, 飲唔晒碗湯.老公點特制拉麵(普通), 份量都算大碗. 如果是大胃王更可點增量, 唔洗加錢架.以初試沾麵黎講都好滿意其麵質及味道, 不過拉麵只算是不過不失, 可能因為無咩大驚喜. 或者因為太記掛早前係大阪食過既拉麵

因為想食沾面，見雜誌介紹，所以試一下。天氣非常熱，但排隊個時有職員派冰水同扇，好感動因為2個人既關係，見到係會比3，4個人快有位，大約等20分鐘就有位。 服務態度一流，非常好，但食物就真係無想像中咁好，同日本比就差好遠。但都唔算太差。

叫得大勝軒呢個名，總會令人有所期待，即使有好多人試完都失望而回，但唔試下又唔死心！星期六既夜晚6點，排左20分鐘隊就入得。眼見有1個日本師傅企響煮麵位，都有番d信心唔係掛羊頭賣狗肉既假日本餐廳。【特製沾麵 $82】特製沾麵比起最普通既大勝軒沾麵（$62）多左1隻流心蛋同一片半肥瘦叉燒。 沾麵麵身較幼，咬落唔算煙軔彈牙；沾麵汁亦不算濃郁，質感比想像中稀條狀既叉燒較瘦同偏硬半肥瘦叉燒好食好多【叉燒卵黃醬丼 $22】 無諗過沙律醬咁多，完全蓋過叉燒既味道，而且飯太多.......總括黎講，要試既食最平既沾麵就夠喇，我都唔會再特登黎食：p－－－－－－－－－－－－－ 大勝軒丸一 太古太古城太豐路3號星輝台金星閣G1018號舖

先不說十多年前的拉麵橫町了, 還記得數年前一股拉麵熱潮重臨香港時, 那個時候幾乎每個月就有一間拉麵店開張. 日本過江龍的, 香港本土的, 甚至有日本師傅看準香港市場, 索性連日本店都關掉, 把整個團隊帶過來開店發展的都有, 那段時間可真是香港拉麵界百花齊放的日子. 不過近期這個熱潮好像有點沉寂下來, 加上香港人的三分鐘熱度, 從前都要大排長龍的拉麵店, 現在人龍巳不多見. 不過最近沾麵始祖山岸一雄的弟子在香港開了其首家海外分店, 果然有名氣是不同的, 開店當天又出現熱潮全盛期的數十人龍! 宅女還是討厭排隊, 所以等了個多星期後才去試試.說起沾麵, 又要先說說這家店的師傅背景. 如果對拉麵沾麵有點認識的朋友都應該聽過山岸一雄的大名了吧, 他就是沾麵的始創人, 主理的是麵店. 而他旗下有眾多弟子, 因此掛著大勝軒之名來開的拉麵店非常多, 不過要吃回最正宗的味道, 當然是要去他們的直營店了. 在日本的直營店不多, 只有數家. 宅女就曾吃過他們東池袋本店, 橫濱店及台場店. 不過當時吃過感覺他們的湯底不是我杯茶, 所以不太喜歡.其實山岸一雄的弟子也曾試過來香港大展拳腳, 例如有常勝軒及麵絆山岸

(第一次有不愉快經歷而寫食評, 冇心機到冇影任何相)天氣好熱, 加上隔離食店排出黎油煙令到街上更熱, 我同男友排左幾個字隊後, 職員拎水俾排緊隊既客飲, 覺得餐廳好細心.. 不過, 惡夢之後先開始之前已經係香港島食過一間出名既沾麵, 發覺沾麵唔係自己杯茶(而我唔知道呢間都有沾麵), 果次食完有陰影, 所以唔會再試沾麵. 今次食湯拉麵. 叫左拉麵後好快有得食, 排左咁耐隊已經好肚餓~ 愈食愈覺得又熱又焗, 本身係街排隊已經好熱, 入到去食麵仲焗, 好似同出面街既溫度冇太多分別.  一路食一路搵咩原因 - 原來頭上面有石英燈射正我頭頂.  其實, 餐廳有石英燈冇問題, 但係點解要射正我頭頂呢? 我唔係黎"表演"食野囉... 食到一半, 我男朋友問我: "點解你塊面紅得咁誇張? 好似飲醉酒咁."   之後我望到正正坐我隔離位女食客, 同我一樣坐卡位, 佢著住背心, 但係佢手臂, 肩膀同塊面一樣紅.   再望, 見到其他坐近牆邊既食客塊面都係通紅, 只係紅既程度有唔同.  鋪頭仲有把座地大風扇, 吹住廚房/bar枱方向, 可想而知, 間餐廳真係好熱.講完射燈, 之後講下碗拉麵. 麵粗身, 但係

久仰久仰,大勝軒以個名係東京差不多人人都識。今日有機會可以係香港試到,ㄧ定要好好品嚐ㄧ下。12點到,平日已經有最少20人排隊!!!! 不敢想像假日的情況。環境跟普通日本餐廳ㄧ樣,將菜式寫在牆上,簡單的燈泡吊燈裝飾,有ㄧ點簡約主意感覺我比安排坐在bar枱的ㄧ角。這ㄧ角唔係普通的ㄧ角;因為我個頭同上半身ㄧ係向前伸或如圖中向後坐,如果唔係就ㄧ定會撞到個牆角。真是非常危險,店員完全没提醒)拉麵店座位狹窄可以理解,但要ㄧ個客人如此小心翼翼地食ㄧ個麵,真是不能接受。食物點左沾麵,大約十分鐘後就來到。]點左200g份量,要250g都唔駛加錢。]樸實的沾面湯汁,没有華麗配菜在表面只有ㄧ片嗚門卷。香味:嗅到强烈的魚介香味,但見唔到有放上大量的香油及魚介粉係湯上 湯底:湯底雖然有油但放在ㄧ段時間都唔會起厚厚的油層,因為好多沾麵ㄧ放涼少少就會有這個問題。唱落味道好甘香,唔會過鹹。之後再加湯更加飮出魚介的甜香味。可是湯底的温度急速下降,可能是放麵個碗居然比放湯的仲熱,唔通太忙將兩隻碗掉轉左?酸味同甜味都品嚐得到,唯獨辣味真的吃不出,ㄧ點點微辣能夠刺激味蕾的作用,在其它日本大勝軒的沾麵都品嚐得到。味道適中,有強

近日太古Aeon 裝修重新開業,新開了人氣美容化妝部及日式家庭用品及大型超市,增加上太古地舉行了懷舊七麥當勞展覽,星期日太古變得人山人海 ~Aeon 重開令日本菜多了選擇,正當三心二意之際,朋友仔提出有間叫大勝軒丸一既人氣麪店,在日本大受歡迎,就一於試一下吧~沾麪店的位置比較難找,是在太古城住宅區內的.聽聞呢間麪店日日都大排長龍,好在我地晏左去, 只係等左2張就有位了~呢度有沾麪同湯麪選擇,沾麪 有12款, 湯麪 有5款,價格由$62-$85 不等,與一般拉麪店價格差不多,可以再另加配料,有溫泉蛋 , 紫菜等等~差不多到我們入坐,店員先給了我們點餐紙,餐紙上可以選擇麪的份量, 普通是200g ,也可免費增至特盛250g,麪的溫度可選擇微溫底暖今次我選擇了名稱最吸引我的 > 拖羅叉燒沾麪我問個店員, 特製沾麪和拖羅叉燒沾麪味道是一樣的,只是拖羅叉燒會比較肥美~麪似幼身的烏冬,口感適中,至於沾麪汁, 是十分濃厚, 有一定的濃杰度,味道偏鹹, 剛好與本身沒味道的烏冬互相配合,味道確實不錯~另外, 是這樣的, 由於眼闊肚窄的關係,,,我點選了特盛, 結果完來是超級多!幸好友人幫拖才能把

屋企樓下開咗間新嘅餐廳，出名食日式沾麵！標榜湯底係由日本直送！成日經過都見到超多人排隊，今日專登同老公落去試吓！餐廳開11點半，我哋早15分鐘落去排隊！開門前十分鐘左右職員會出嚟派點菜紙，之後會直接幫我地落單! 所以一坐低之後好快就有得食！餐廳環境一般，鋪面好細，得20個位左右！呢排天氣好熱，成30幾度！感覺餐廳入面冷氣唔夠，老公未食已經出晒汗！仲有幾隻蚊滋飛黎飛去，都幾騷擾吓！我地點左一碗大勝軒沾麵、一碗特盛沾麵加一碟餃子！兩款沾麵嘅湯底其實一樣，只係特盛多一塊叉燒同埋一隻味玉（蛋）！麵可以揀「凍」或者「微暖」！我揀咗微暖、老公就揀凍！麵可以揀200g或者250g! 兩者價錢一樣！麵質幾彈牙，口感不錯！湯底幾濃味，唔算太油，不過我嫌唔夠熱！叉燒算鬆化，不過好細舊！偷食左老公嘅味玉，雖然唔係流心，但味道不俗！餃子正常的好味！整體食物質素OK！但係環境認真麻麻！埋單＄200！如果唔使排隊，都可以一試嘅！

本人係鍾意食つけ麺多過拉麵，最近又新開咗一間つけ麺店，當然又要做下白老鼠啦～至於為何只值50分？佢最敗筆嘅就係佢嘅靈魂(湯頭)，第一次食到碗つけ麺嘅湯頭係可以淡稀到接近拉麵嘅湯頭;由於湯頭比較淡稀所以麵嘅掛湯能力亦都相對較差！正常食つけ麺之後，餘下嘅湯頭會補上適量嘅清湯喝掉/加入～但因為今次湯頭不太濃，而且因先前麵嘅掛湯能力太差，所以剩下比較多嘅湯頭，故此我加入嘅時候，以經無需再補上清湯～另外つけ麺最重要就係過冷河及瀝水，但好明顯佢瀝水係比較求其囉！喺食到最後，麵碗底部仲有唔少積水～本來咁嘅つけ麺應該係50分都無，屬於唔合格，唯一令到佢拉到50分嘅係佢嘅拖羅叉燒，叫做比較有口感～總括而言，匿碗つけ麺嘅評分實在太低，若不是拖羅叉燒，佢根本係一碗完全唔合格嘅つけ麺！

31C 的高溫，路過這間很多雜誌報導的沾麵店。11:55分，全店已經滿座，外邊已經有6-7個人排隊。雖然看了很多負評，但作為沾麵痴的我，還是排隊。店員很窩心的拿了凍水給排隊的人渴，頓時加了分。等了足足25分鐘才有位，我選擇了最貴的拖羅义燒沾麵。又等了10分鐘，麵終於來了。整體來說，味道不夠。我是個喜歡吃濃味的人。先嚐一口湯，不夠咸，我可以不加水也可以直接飲。麵是可以的，只是湯不夠濃，沾麵掛湯就顯得不夠味。义燒肥瘦適中（有肥有瘦）但一樣沒有什麼肉味。相片中見到肉是有微微烤或煎過的。但我的一塊好像沒有。最後吃完麵，加了木魚湯，認真試，喝到的是醬油鮮味，沒有其他魚介味。最後，我覺得服務是非常好，冷氣也夠，不像其他食評，可能已經改善了吧。