台灣郎 (Closed)

我沒有遇上台灣郎，卻遇上了一個很勤奮又笑容可掬的台灣大姐！用想念台灣的心點了以下菜式鹽酥雞：鹹脆有致，用的炸粉炸出來的樣子就是有在台灣夜市食的感覺肉燥飯：家中白飯飯碗的size，有半隻蛋加點配菜and一塊酸瓜，醬汁偏甜，帶出台灣風味。蠔煎：薄薄的，充滿着蔥粒，不止蛋還混有葛粉/薯粉以致有點煙韌，蠔仔細粒不多，但每啖都好豐富。配上甜醬食又是另一風味避風塘油麥菜：我其實吾知避風塘同台灣有咩關係，好多炸蒜，就似本地名菜避風塘炒蟹但蟹變左菜。用上台灣醬油所以亦帶甜台灣大姐又遊說我試台灣水果味啤酒，我的回覆是全都試過了（所以不需要了）

雖則姐即將到台灣旅遊但已急不及待吃台灣的美食 。巧合地到大坑附近工作時碰見一間台式小店。由招牌到內裡裝潢都充滿台灣特色。感覺就像於台灣某小鎮內的地道店舖內吃飯。澎湖小魷魚最適合坐於海邊佐酒的小食，醬汁偏濃而魷魚軟硬度適中，好吃。可惜姐當晚並沒有喝一點台灣啤酒。花蓮小丸子湯味道有點像潮州魚蛋粉的剩魚蛋湯但丸子則小一點，湯底清。香芋珍珠奶茶充滿芋香而且不過甜。珍珠奶茶茶味不算濃亦不算甜，珍珠配上奶茶味道剛好。台南魯肉飯充滿「古早味」的魯肉飯令男友很快就將整碗飯吃掉了。台灣紅燒牛肉麵姐極力推薦的必食菜色， 牛肉軟腍湯底清甜，麵亦彈牙。份量剛剛好。

今日lunch難得朋友來搵我吃飯，我們去了吃台灣菜，沒有辦法，天生喜歡吃台灣那種甜甜的味道。為了不遲到回公司，當然選擇在天后附近吃啦！朋友還是很細心的，幾日前已經上open rice搵天后台灣菜啦，她說，沒有吃過，大家一起去試試吧！我倒沒有擔心過，反正台灣的東西不會難吃到哪裡去。這個海鮮麵超級的大碗，把我們嚇呆了，見到東西太大份，老闆好好人，見我們話甘多伽，點吃得曬呀！老闆主動問我們要不要cut單，還有一個炸雞排沒有來，我們急忙點頭。份量足，又美味，清清淡淡的，不會太濃。這樣才能夠呈現出海鮮的鮮味。蠔餅不得了，既脆又滑，我也不知道他們加了什麼，反正就是回味無窮。花枝丸都好彈牙。珍珠奶茶，奶很香，茶很濃，珍珠很有咬勁。重點是這個壺別有一番味道，很有歷史，而又不會覺得老土，反而是覺得有特色。很滿足的午餐，非常幸福。

牛肉麵個湯底好普通，牛肉都淋。羅白同紅羅白就煲左好耐入哂味。不過得咸味。唔值得成$78一個麵。個柯仔煎我覺得比佢地啲主食更好食。幾多柯仔。煎得幾香，味道幾好。柯仔唔腥。個餅底有點煙un 。點埋個辣汁十分配。好食。佢另外個蘑菇飯又出奇地好食。啲味有小小似KFC。但重香啲。啲米好食啲。佢地既肉燥飯又係普通到不得了。台灣菜。最基本果啲反而唔好食。其他野反而好食。肉燥既調味好似普通屋企咁，鼓油糖粉咁。啲飯係珍珠米，但一點都唔煙韌。好淋。令到依個飯評分好差。珍珠奶茶都算可以。

我喜歡吃肉燥飯，時刻都想吃到。不過，肉燥飯不太健康，肥肉多，不宜常吃。所以，每次能吃時，我都會很開心，要盡情享用，吃個痛快。最近，港島區開了不少吃台灣菜的店，有中價有貴價的，這次跟朋友到了開了幾個月，位於天后的台灣郎。 甫進店內，就如置身於台灣的小店和夜市一樣，立即令人想起當日在台中餐館吃著台灣小食的情形…… 一看店家的推介，就知道這裡吃的是來自台灣各地的食物：有台南的魯肉飯、高夜市蚵仔煎、花蓮小丸子湯和澎湖魷魚…… 跟朋友商量過後，便快快下單等食！香菇肉羹 ($38) 這個菜在香港的台式餐廳比較罕見，今次看到，就當新嘗試。肉羹沒有想像中的「稠」，我當初以為是像玉米羹一樣，但其實只是比湯稠一點。羹內有豬肉和香菇攪成的肉團，不過香菇沒有被攪碎，還見其形。肉團多汁，香菇爽口，是個好好的前菜。 廟口肉燥飯 ($35)這裡有魯肉飯和肉燥飯，但個人偏愛肉燥飯，因為看起來沒那麼多肥肉，吃起來又可以盡情放縱一點。這裡的肉燥飯可以單點，不用配甚麼豬扒呀……十分經濟。肉燥的肥肉不算多，吃起來不算油膩；肉燥不鹹，味道恰恰好，拌勻白飯來吃已經令人十分滿足。而白飯和肉燥份量比例還好，不過要是肉燥可以多一點

睇到蘋果既飲食男女有介紹台灣郎，就同朋友夜晚黎食下。Menu 有唔少台灣野食，令人好回味夜市呢。紅燒牛肉面$88羅白，牛腩，牛根吸收晒湯的清華，肉炆過好易入口，湯底都好濃郁。大碗米粉湯$78睇落清淡但味道一d都唔普通，配料有墨丸，豬肉，菜，海鮮，米粉亦非常多。上湯娃娃菜$65最好既係有菜提供，係街食飯都岩晒健康飲食既原則，浸左上湯冇咁清淡。飲品同fd叫左一人一杯芒果乳樂爆珠$20 飲落好台式飲品feel, yogurt 味都幾濃郁，口感好好，爆珠好有口感。紅棗茶$15飲到有唔少紅棗果肉，甜甜地幾暖胃。

聽聞天后有間台灣菜開左一排，估吾到咁快有咁多好評，而咁多好評既原因除左因爲啲野食好味仲因爲佢裡面既環境有台灣風味。門口招牌幾搶眼，顯而易見既「台灣郎」。有簡短餐牌列左十幾款野食出黎，當然不是全部，不過系幾有特色，似系外賣小店先有既燈箱。最中意佢個「賬房」🤣其實之系cashier，隔離仲有啲木條刻住啲菜式名，有以前既客棧feel。細細碗嘅肉燥飯好有甘香嘅味道，吾會好油膩，肉燥撈埋飯食味道十分香濃。質感可以用搞笑來形容，我冇諗過雞卷係咁質感，食落脆脆地又諧諧地，幾好味，有啲似馬蹄戈種脆，裡面既系雞肉應該系雞肉蓉打成，雞肉蓉同外皮幾貼真係超級無敵大碗！雖然係貴咗啲，不過食完你會覺得係值呢個價，湯底十分濃郁，但飲落其實幾似蕃茄味牛肉每一件都十分軟稔，麵條既軟硬度亦剛好，完全符合晒一個高質台灣牛肉麵嘅標準呢一味真係貴左少少啦⋯⋯味道雖然好，但比盡收50幾蚊就差唔多，雖然叫鹹酥雞，但每一舊都唔會太咸，食落俾人感覺唔會好熱氣，入面嘅雞肉亦幾嫩滑。可能我飲唔慣正宗嘅台式奶茶，其實味道真係有少少偏苦，感覺上茶味比奶味濃郁。個杯仍然係用返街頭嘅膠杯而吾系餐廳用既杯，更令人有種去夜市嘅感覺。

lunch有得外出吃飯份外開心，同事話去吃台灣野喔，我當然十分支持啦！我都好中意吃，一年去幾次台灣，就係為左吃台灣野。位於天后的台灣郎，門面不是十分明顯，幾次經過都錯過左依間野。紅燒牛肉麵台灣名菜，紅燒牛肉麵，多少人冒名而去台灣吃，牛肉炆得好淋，特別系甜甜的，稍微帶點兒辣，特別受人歡迎。麵很有咬口，不會太淋，好吃。燒雞扒我地叫錯左，其實系想試下個大大炸雞排，點知叫錯左，沒想到還挺好吃的。雞肉剛剛熟，所以肉感很嫩，醬汁帶甜，皮脆脆的，很是美味。用木寫上菜單，看上去很有古色古香。熱珍珠奶茶去吃台灣野，最緊要叫杯珍珍奶茶飲，奶茶好濃郁，珍珠好煙韌，非常好味。甜度可以自己選擇呢！同服務員講少甜就得啦！總括很有正宗台灣的味道，裝修都是用木的，有家的感覺。

台灣美食多要喺香港食到台灣既味道台灣郎就係其中一個選擇1.台南魯肉飯 $35魯肉份量多，簡單一碗飯已經充滿台灣既味道2.台灣紅燒牛肉麵 $88超大碗，牛肉燘到好淋好入味，一啲都唔辣架！兩個人share 再加一、兩個小食都夠飽👍3.古早味三杯雞 $78平時食三杯雞都係好香口既，有時會覺得熱氣但呢個三杯雞係用醬汁燘既，好岩送飯食，有屋企既味道4.酥炸五香雞卷，只係$38店員推介！台灣特色小色，好香口，配埋個醬酸酸地，好開胃食台灣野，點可以唔叫野飲先香芋珍珠奶茶 $20茉香珍珠奶茶唔會好甜，珍珠有咬口，消暑之選 😍😍台灣特色美食，價錢合理間鋪Keep住好多人，爭d要等位添啊

接過在銅鑼灣放工的老婆仔決定到相對地段較便宜的天后晚餐隨意走著就發現到店外掛著不同顏色招牌的這間餐廳隨著老婆仔接受以台灣菜作為晚餐我們就進入了這餐廳餐廳樓底頗高佈置了不少裝飾和掛了很多台灣風景畫加了聽到招呼客人的老闆娘的一口台灣國語果真有點去了台灣的錯覺看到菜單才得知是以台灣夜市作為特色的確餐廳盡頭的吧枱是有點像台灣街頭我們點了78元的台灣馳名鹹酥雞主食方面選了88元的鼎香滷水拼盤以及35元的廟口肉燥飯飲品方面選了20元的茉香奶茶和20元的水蜜桃綠茶這份廟口肉燥飯價錢方面尚算合理份量不算太多但肉燥比例算多單點一份肉燥飯也很夠味而且肉燥都很入味不是一般餐廳的普通肉燥感覺到那份誠意而鼎香滷水拼盤相對較普通雖然滷水味很重但配料不算豐富主要都是豆腐以這價錢來說雞翼比想像中少只有三隻但值得一讚的是很入味而台灣馳名鹹酥雞就美味得多炸得非常香脆得來內層也很軟滑感覺雞肉很新鮮甚至比起台式炸雞連鎖店的更美味我和老婆仔都很欣賞絕對值得推介至於飲品是台式特飲的包裝可以帶走邊行邊喝水蜜桃綠茶清新度也夠可是感覺略甜茉香奶茶就是預期的那份甜味還是這種傳統的台式奶茶最美味

嗰晚阿爸阿媽話好想食啲台灣野，之前朋友介紹喺天后開咗間叫台灣朗食台灣野嘅餐廳。其實有時都有行過，留意到鋪面好有台灣feel所以決定帶阿爸阿媽同細佬一家四口去試吓。台灣朗店面很特別感覺很有台灣小食店的風味，坐得有好舒服。我地有緣枱坐啱啱好坐正喺水壩隔離水壩上面有唔同眼色嘅飲品好搶眼。最好味是那個蚵仔煎很香口完全沒有沙送啤酒我相信一流。不過那晚點了冰凍嘅蜂蜜綠茶一樣很襯甜味同綠茶味配搭得很好！其實睇到佢哋仲有好多其他飲品，珍珠奶茶當然唔少得，仲有乳酸爆珠，下次一定要試吓! 我細佬叫咗杯香芋珍珠奶茶，佢話啲香芋味香到爆，都唔知係咪真嘅下次一定要試吓!那個北海道烚蛋薯蓉沙律很驚喜估不到喺台灣食店都可以食得到，很香很滑。成晚最驚喜就是那個魷魚筒這是當晚嘅特別推介好鮮味好有咬口每啖都感覺好満足！我哋四個人叫到一台野，食唔停口，我仲介紹那個小丸子湯清清地其實有小朋友都好啱食！

好耐未食過台灣野啦，想起上次食台灣野都係係年初嘅時候喺台灣嘅夜市食得津津有味，其實都真係幾回味，因為本人喜歡吃些小吃，不會太飽肚但種類又多，完全滿足晒我嘅食慾。聽說天后剛開了一間台灣餐廳，本人梗係咩都冇諗之下約埋三五知己去聚一聚，餐廳環境裝修得像台灣夜市，但當然舒適度及華麗多好多倍啦，餐廳職員亦都好有禮貌，好細心咁講解俾我哋聽今日有乜嘢好食有乜嘢推介。於是我當然好聽話地叫咗佢哋當日嘅推介小食啦。炒魷魚，呢個炒魷魚非常特別，自製味道，特別的是魷魚入邊竟然有些好像糯米釀在入邊，味道一流果然冇介紹錯。小丸子，呢個小丸子係台灣到好多地方都食到，估唔到係香港都可以食到咁地道嘅風味。粒粒彈牙。正食台灣小吃點少得鹽酥雞，呢個鹽酥雞淨係睇佢金黃色嘅，絕對唔會黑蚊蚊，咬落去香脆可口，二味道亦都唔會太咸，最啱佩埋啤酒一流。台灣香腸，呢個必定要一食，去台灣經常食到嘅台灣香腸，估唔到真係可以咁地道，有改良，不會太肥膩，食台灣野點少得擔仔麵。台南擔仔麵，竟然可以係香港食到，而且味道真的有點像某間名牌擔仔麵嘅質素，😍😍😍最後因為飽到食唔到甜品，於是叫咗香芋珍珠奶茶，滿足下自己想食甜品嘅慾望， 估唔到普通一杯香芋珍

朋友一直是小倆口與台灣菜的忠粉，可是小倆口已搬到另一區，幸而天后的台灣菜比其他區較多，不至於白行一敞。台灣郎應該是新開的吧，上次來天后也沒看見。朋友很喜歡播著台灣老歌的氣氛，就像台灣的老店，加上殷勤的台灣姨姨上菜，令她想起夜市小食檔的姨般親切。我太肚餓了，所以立即點了台灣紅燒牛肉麵飽腹。紅燒牛肉麵上桌了，湯上撒上青蔥，份量適中，湯裡的白蘿蔔完全熟透，而且全吸收牛肉湯汁，由雪白色變成咖啡色，軟腍入味。牛肉份量很多，很厚沒有甚麼肥油，吃起來很紮實，牛肉筋肉相間，嫩中帶脆，口感過癮，肉味濃香。當然紅燒牛肉麵不少得酸菜，這才夠風味。另外，麵條很彈牙爽口，掛湯度頗高。這碗紅燒牛肉麵豐富順口，有時我覺得牛肉麵不是排隊的名店才好吃，那些華而不實的牛肉麵，都比不上小店樸實的滋味。台灣必吃的還有蚵仔煎，台灣郎的高雄夜市蚵仔煎不會太粉，用料非常豪邁，不論是菜蔬，蚵仔，雞蛋都極為豐盛，不會鬆散。但蛋煎得有點過熟，若蛋能煎得滑嫩些，會更好吃。鹽酥雞也不容錯過，鹽酥雞所用的油很乾淨，炸得外酥內嫩不油膩，雞肉經特別處理和醃製過，雞肉入口不乾柴，口感鮮嫩滑彈，撒上椒鹽粉，大大提升美味度，讓人一吃難忘。香芋珍珠奶茶鬆

約左個好朋友食飯，就佢揀左佢番工個邊既餐廳。台灣郎既門面幾有台灣既風格，令我地諗起我地第一次一齊去旅行，考完公開試就去左台灣放鬆下～而我既第一次出國旅行就係同左佢去台灣，轉眼都數年了，大家都有唔同既出路，佢有佢做野，我有我既讀書，懷念以前一齊讀書既時光，要好好plan下幾時再同佢去旅行~我地叫左幾樣野食：台南魯肉飯 $35 魯肉飯細細碗，起初覺得會唔夠飽，但叫埋其他小食：鹽酥雞、花枝丸、花蓮小丸子，其實都會飽飽地。 魯肉飯肥瘦適中，撈住飯食就最好味，不過覺得唔夠汁，多番少少就 好。同埋滷蛋份量得1/4隻，如果係半隻就比較好喇！ 台灣馳名鹹酥雞$78 呢客鹹酥雞索價太高，還要計加一後，感覺不太值～但味道實在不賴，香脆美味～～雞粒細細粒，食起黎好方便。 秘制小聖子$78 起初我以為係熱食，但原來係凍食..聖子份量幾多，辣辣地又好開胃～ 花蓮小丸子湯$38 小丸子湯味道清甜，蘿蔔仲要冇渣，讚～～小丸子應該係豬肉丸，入口彈牙呢～ 香炸花枝丸$28 最中意食香口野，如果多D調味會仲好~ 避風塘炒時蔬$78 用避風塘既方式炒菜，把簡簡單單既菜變得可口了。但係呢碟菜放上枱已經唔夠熱，分數大減

A姐：今日係咩日子？M佬：你考唔到我嘅…… (食屎啦！今日係咩日子呀？上個月先係拖手紀念日，今日又唔係第一次睇戲紀念日……)A姐：咁係咩日子吖？M佬：今日咪星期三囉！哈哈！(今次仲唔死……)A姐：作死啦你，今日係我哋第一去台灣紀念日！M佬：哈，係喎！我哋去高雄喎，仲一落機就衝去夜市。A姐：算你啦！仲記得！M佬：咁今晚就不如食台灣嘢，好唔好？A姐：好呀！嘩！好彩，無事咋。就係因為咁，我哋就去咗天后新開嘅台灣郎。你睇下嗰招牌幾有Feel！入到去就見到好多懷舊嘅餐具，好有Feel呀！台灣紅燒牛肉麵食麵之前，試下啖湯先。嘩！真係好香濃呀，好重牛肉味呀，麵條好彈牙。呢到選用牛展，有筋有肉，入口腍身，而且煮得好入味。紅蘿蔔同白蘿蔔一啲都唔馬虎，一樣都係好入味，正！鹽酥雞每次去台灣夜市，A姐都一定要食過鹽酥雞先肯走。今日梗係要叫畀佢啦！用鑊仔再加錫紙上枱，賣相唔錯。新鮮炸起，熱辣辣，外面香脆，裏面嘅雞肉嫩滑多汁。最正係一啲都唔油膩，仲好香胡椒味。台南魯肉飯魯肉肥瘦適中，而且唔係好咸，加埋滷蛋，無得彈！上湯浸娃娃菜健康啲，食嗰菜先。上湯好香，娃娃菜入晒味，正！