高木炭火鳥燒 (Closed)

<食個好味日本lunch set先>😃🇯🇵喺棉登徑除左酒吧外 當然有好多美食啦 呢間高木炭 一睇個裝飾 半開放式廚房 木枱櫈 就知夠哂日本feel 😄 lunch主要係食lunch menu上面既set . 望落有串燒有定食都幾吸引甘😍每款lunch set入面都會有 茄子前菜 🍆同埋麵豉湯 🍲 麵豉湯夠香濃落足料😍🍴蒲燒鰻魚定食 98 蚊🐟🔥 用圓形碗放住大碗飯 外表顏色美觀 大大條肥味鰻魚 你會見到鰻魚上面有好多燒汁 一路食 一路將汁流落去熱辣辣既軟飯上面😍 令飯夠哂油香🍚 中間仲有甜蛋絲🥚令飯更有口感 仲有黃酸薑 減低魚既肥膩度 好味😍🍴串燒午餐定食98 蚊🍱可以自己選擇串燒 鹽燒豚肉 🐷鹽燒既側感夠哂香脆 鹽味夠香 同另上既白飯好夾 帶子🐚 十分出色 夠大件軟滑熟成程度剛好 仲有茄子 🍆 夠哂軟滑 甜醬汁好入味 連埋軟香白飯一齊食好滿足🍚Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Ser

今次又到尖沙咀棉登徑搵食，睇見有一間細細間居酒屋，於是入內試下，由於時間尚早，可以直接入痤，唔需要等位餐廳牆身掛滿寫著日文木牌，和風味濃香蔥牛肉卷表面燒得燶燶地，但是，牛肉仍然幼嫰唔乾，香蔥一尐都唔辣，咬落多汁，蔥味突出，一試難忘燒喜之次喜之次一夜干，肉質雪白，結實，入口鮮甜，有口感，配上檸檬汁，鮮味出哂來牛舌牛舌厚身，外面燒得香囗，入面爽脆多汁聖子大隻，厚身，新鮮彈牙，表面搽左牛油，加左蔥粒，更加惹味飯團每次食串燒都叫飯團，喜歡咬落脆卜卜，入面煙煙靭靱既囗感呢餐好滿足，下次會再來

尖沙咀係尋覓美食既好地方，基本上好少伏。今日黎到棉登徑食日式串燒，好彩黎得早，所以冇訂位都safe😂。不過餐廳位置唔多，想保險啲既朋友都係訂定位先。🙈牆壁上面貼滿晒日本酒瓶嘅標籤，變咗做一個幾有特色既佈置。香葱牛肉卷 HKD$38一入口就食到甜甜既醬汁，一燒好就立即上菜，所以入口仲係熱辣辣。牛肉唔韌，一咬香葱既味道岀哂黎，超好食！鐘意食葱既人必食！ 葱唔辣，可能係燒過，所以有甜甜既味道同香氣，好得！羊架 HKD$88羊肉唔膻，肉都好腍，唔會好難咬，嫌單調的話，仲可以加一旁既芥未，加埋都好夾。外面有少少焦，但入面仲係充滿肉汁。免治雞肉 HKD$48一睇個樣已經好得，醬汁仲係甜甜地嗰種，咬落口好鬆軟，再加埋蛋黃食，成個口感變得好creamy。露荀豬肉卷 HKD$32露荀爽脆，薄薄既豬肉包住，有肉汁，仲有少少油份。食落口，唔會老，少少咸味，仲有脆卜卜既露荀，fresh😋燒白鱔 HKD$58白鱔份量較少，不過以味道黎講，真心唔錯。外皮燒得好脆，調味都足，一咬落口，就感覺到魚肉既彈牙，白鱔一般都較膩，但可能燒既過程，岀咗啲油份，所以食落，唔會好肥。依間真係可以入日本串燒店既list，好得，下次會

不得了，其實我未打算寫食評既時候，我真係一個都無介紹過尼間，雖然尼間係尖沙咀棉登徑，理應好出名之係，但因為尼間店仔細細，得幾張枱，而且d人一入棉登徑一係就衝左去飲酒一係就去排隊食豚王，平時唔會有人排隊去食尼間，但等位都有既。入面有一位光頭哥哥staff佢會細心為你安排食燒物既次序，非常細心！我既最愛🔺幸福豚肉，要豬肉夠軟，咬落去有少少汁，就係豬肉本身既肉汁，燒既時候師傅只會落好簡單既幼鹽，所以你完全可以食到豬肉既本身！宜加尼個世道，仲可以食到咁鮮美既燒豬肉真係好令人感動！🔺燒鵝肝，平時鵝肝煎已經香濃都不得了，可想而知燒鵝肝係何等既美味，尼到既燒鵝肝細細件下面配上炸米餅脆脆，炸米餅脆得尼，d米有少少痴牙，而鵝肝非常濃郁，入口即溶，但齒頰留香(尼個小學學既四字詞語真心可以用出尼哈哈)🔺花泡酒，粉紅色既花泡酒見到已經非常吸引，酒味唔濃，但非常香。一啖酒，一啖肉，你話係咪好快變肥豬呢😂

加左人工又經過尖沙咀，突然間好想食串燒呀，見到呢間串燒店看似不錯，決定同朋友入去食飲生啤是常識吧枝豆暖暖地幾好食，而雞翼就唔係我杯茶，釀左我唔中意食既明太子，不過朋友話好食。左邊露荀豚肉卷燒得唔錯，中間安格斯多汁唔韌，右邊京蔥雞都好好食。青椒搭木魚絲幾好食！我認為呢個免治雞肉串係必點，因為真係超好食！雞肉燒得好不在話下，最估唔到佢加埋蛋汁，令雞串更加充滿蛋香，令人食過返尋味呢一餐都幾滿足，希望有機會再同朋友黎。

是日想慶祝友人加薪，於是去呢間居酒屋慶祝一下！九點去到岩岩仲有兩個位，好彩入早兩步，唔係就要等好耐了先叫啤酒，兩杯日本生啤夠晒有氣氛！燒青椒係迷你椒，口感都幾得意，另外燒冬菇都唔錯。燒日本a5和牛，要成98蚊串，好貴但係肉汁澎湃，值得！枝豆，分量多到兩個人食唔晒，味道唔錯，有用鹽醃。左上豚肉露荀卷同左下雞肉大蔥都好食，左中牛舌厚肉，右邊帶子雖然啖啖肉，但感覺帶子都係蒜蒸好食d。免治雞肉串，不得了！！！蛋汁同雞肉好夾！最驚喜係呢串！左邊安格斯牛都好食，右邊黑松露牛肉金菇，超好食，黑松露味好重！明太子雞翼，釀得唔錯。最後食個熱烏冬，好滑，咁就劃上左完美句號。兩個人食左千二蚊，豪！

從店外，店內都感覺到日式燒烤店的裝修，可是下午時份我卻走進這所食店，原因系我見店內簡潔，幽靜，可给我處理工作上面文件及与客戶傾談。看見餐牌只有數款定食，我還是被炭燒鰻魚定食吸引了，吃前菜時，嗅到了炭燒的味道，就知道他們為我準備中。Waaa打開個飯蓋，熱騰騰的鳗魚飯香飄進我的鼻子裡，頓時壓力煩惱離開晒，只好好專心享受我的午餐，吃飽後，準備為下一場作戰！

與朋友小聚，3人相約在這間小店，想到這間店的原因是年前經過看見有SAPPORO生啤供應，便一直想到這裡試試，由於店只有幾張枱及幾個counter位，便提早訂位，因為是平日所以無難度。當晚店內只有一位侍應服務，串燒師傅有2位，都是年輕的本地師傅。我們先點了高木沙律，味道是不錯。另點了鱔、豚肉露筍、甜蕃薯、秋葵，羊架和銀杏。食物吃得出是新鮮的，但師傅的調味實在太重手，落鹽不遺餘力，令食物本身的味道都被掩蓋了，連我本身很喜歡的甜蕃薯都變得太咸，實在浪費了。羊架燒得半熟，不錯，因此第二次重點了。另外又點了牛舌、大眼雞魚、雞皮、味淋魚乾和飯團。牛舌是厚切，很考師傅的功夫，但當晚是燒得過熟，有點失望，雞皮是我很期待的，但燒得過乾，咬下去便碎了。大眼雞不錯，保留了肉質鮮味，味淋雞泡魚乾亦很好，最後的飯團反而是我最喜歡的一道，裡面加了芝士，很香。

是日朋友約食DINNER, 佢話未試過呢間串燒, 所以就二人同行去試試..睇下有咩過人之處...當然呢間佢絕對係高消費既地方..因為串燒都係比較份量小..所以我地都叫左十幾樣野先夠飽...女仔咁樣食都已經夠, 如果男仔黎食, 絕對要出去食多碗麵...不過咁, 佢貴得黎有價錢...佢既凍蕃茄實在太有HEART..佢係切左一小件之後再砌番一個蕃茄再上碟..而且個蕃茄好甜, 是唔錯既CHOICE..之後再叫左個燒芝士, 超香超軟熟, 唸起都令人回味....當然佢個羊都燒得好出色, 好香..一D都唔穌..味道非常好色..當然, 佢所有燒物上都灑上一D香料...令味道再提升一點....而且環境相當細既...多數係BAR 枱同一兩張四人枱...所以傾計或者大伙先聚會就唔太岩啦....

How the heck have I missed this Yakitori joint in my day-in day-out of TST, I don't know. It's a lovely gem I recently found on a small street that will solve both lunch and dinner hungry matters.Originally planned for ramen at Butao on Minden Avenue but were caught in a long queue, so we decided to stroll a little to see what's on offer lately on this tiny street. Found this Yakitori place just diagonally across from Butao which was almost filled at the time.The place is incredibly tiny with se

高木的燒烤很有名，但原來這幾個月靜悄悄的加開午市定食套餐，還是看到店前易拉架才知道。地方不大, 所以一個侍應也足夠。先上麵豉湯。牛井定食的牛肉非常多汁又有嚼勁, 推介。鰻魚定食的鰻魚微焦，這裡的燒烤類十分不俗。

很久沒有吃過日式串燒,見到openrice 食評不錯,於是特地前來品嚐一下,我們兩個沒有訂座,到來的時候大約十一點,人不算太多,於是我們便可以坐下,店内的座位不多,大約有20個,枱和椅的比例很少,空間很細,像一些傳統的日式居酒屋。天氣炎熱,想也不想,我們便先點下啤酒, 店內主打手工啤酒味道不錯,但價錢相當昂貴,五十八蚊一支。我們點了不少東西,因為肚子餓得很,我們點了日本帶子,明太子,羊架,A4和牛,安格斯牛柳,凍烏冬,燒雞翼,雞皮雞心等等。 上菜速度很快,明太子對於我而言鹹了一點.日本帶子,表面香脆,但內裏的肉質 不算很好,有一點'梅'的感覺.羊架燒得不錯,大約七成熟,肉質非常鮮味.我覺得A4和牛油脂實在太多了.而安格斯牛柳的質素可以接受.凍烏冬我覺得口感不太好,烏冬完全沒有彈牙的口感.燒雞翼最為失望,肉質太乾.雞皮我覺得是鎮店之寶,香脆非常. 燒雞心好像是只有七成熟。 高尚的價錢,一般的質素,有點失望。

燒烤這回事，真心係一衆朋友既最愛。無他,就係燒烤既味道來得相當直接，肉類脂肪遇熟後既油香係令人難以拒絕既味道。而事實上，碳火係聽覺上同視覺上都係比電爐更為優勝，當油脂接觸到碳火而爆開既火光真係點睇都唔會厭。當然，更重要既係佢果種獨有既碳燒焦香，坊間唔係好多間做得到。一來成本，二來師父火候控制，三來發牌問題都係令碳火越來越少既原因。話時話，想當年太安樓深夜既檔仔沙爹燒烤真心做到我心中所想，果種油脂、焦香，沙爹香三合為一，真心要了小弟既命。Hum...話歸正題，係第一餐唔夠皮既情況下我地選擇左高木。其實係尖沙咀要找好食既燒烤類食物我只係諗起伊呂波，當然哩個只係好籠統既講法，無把串燒、端爐燒、鐵板燒、日式燒肉、韓式燒肉分開來講。不過要講肉既質素，伊呂波就其係無得輸。噤高木又點呢？係型式上佢當然同伊呂波好唔同。高木係日式燒鳥店，我地就自然要試下佢既內臟類同免治雞肉串，可惜既係內臟類全沽清無得一試龍與鳳。噤有得賣既果d又點樣呢？我地一於去片。免治雞肉串um春蛋沾汁，對辦。肉質還好兼有肉汁，但說好既雞軟骨呢？太碎既雞軟骨令個免治雞肉既囗感上有所不夠。調味方面，相對上重手，就噤食應該會偏咸，但對我哩

今晚同位buddy聚聚舊，見棉登徑有間新開串燒，決定一試誰不知。。。感覺中伏了。首先一入到間鋪，感覺好逼好擠擁，但又唔係人山人海果隻，我地二人叫埋既野食已經唔算多，放上枱後已經冇哂空位，空間感方面真係超唔掂!!!好喇，到食物方面 :燒魷魚個燒汁味道係ok既，可惜魷魚不但吃不出鮮味，還燒得太過火，像橡皮膠一樣堅韌，是在考驗我的牙力嗎？燒焦了的地方還帶苦味,要用叉刮走啲 (黑屎) 先放心入口.....左起: 安格斯牛/ A4和牛 / 露筍豚肉/ 大蔥雞肉/豚肉串整體串燒質素非常普通，安格斯牛一串三粒索價$78，以咁既價錢，咁既質素黎講，完全係不成正比。到A4和牛亦一樣如是，肉質根本同普通牛柳冇分別，非常失望。。實在有被騙之感。其餘串燒味道尚算ok,冇特別，唔難食既， 但睇埋個價錢.......完全係唔值囉!!兩個人完全冇飽肚感下埋單800多元，如果願意比貴價去試下啲同普通質素無異既串燒，不計較錢既大可以一試。。。。。。最後我地去左掃街感覺都冇咁搵笨!!!

是夜，經友人介紹，來到高木炭火鳥燒是家串燒店，坐落棉登徑，若不是專程去應該也不會留意到只要在網上搜尋一下，便知道店名高木的源意，原來是來自古時東京的一個著名家族為了想讓客人吃到日本最正宗的味道，便由當地買入最新款式，可迅速提升溫度的串燒爐就算是用來調味的鹽也是從當地直接進口，挺設想週到喔!位處僻靜角落，豈料一進店便發覺坐面食客鋪位面積不大，只有約廿個座位，設有訂枱服務的，有幾檯早已被人訂了我倆今次坐在吧檯，兩位師傅就在面前煮理串燒看看點餐紙，除了一系列串燒，還有前菜和烏冬飯糰等飲品，當然還有啤酒和清酒供應，以此店規模來說，款式也算不少喇~串燒由$28起，最貴的燒羊架，差不多$100，最價相宜串燒前，有比利最愛吃的瑩光魷魚瑩光魷魚產自日本富山灣．乃當地之名物吃起來帶濃郁海水味，爽口的質感份外誘人伴以少少蒽花吃．挺惹味的，推介喔!!!接著是串燒時間，道先是小丸子最愛吃的燒牛舌一串三件，未吃己聞到陣陣炭香入口充滿彈牙質感，極富油脂甘香小丸子剛剛在外面吃過生蠔，這串燒岩蠔就等比利來消滅吧!說起岩蠔，剛在三重縣吃過的即燒岩蠔，實在蠔汁滿溢，鮮味滿載，實在令人難忘回到香港又再遇上，蠔身較細小，卻帶