崟

Open Now

Now Closed

早幾日特登入咗元朗食鐵板燒，其實元朗對我黎講都幾遠下嫁🤣 不過當食完呢餐飯之後..... 我覺得係超級值得嘅。已經好想再去食 我哋點咗特上活龍蝦二人前：前菜溫室野菜沙律活龍蝦北海道帆立貝銀鱈魚/白甘鯛日本響螺A5鹿兒島野崎和牛 (厚/薄燒) /西班牙黑毛豬炒飯/炒烏冬炒野菜鯛魚湯甜品呢個餐真係超豐富又好食。每一樣嘅食材都能夠令你食得到佢哋嘅個種鮮味，另外我自己就鍾坐bar 枱位置，可以睇住師傅係你前面燒比你食同交流下咁。

今日去咗元朗踢波，踢完之後我同個波友講今日冇飯食不如一齊去食飯啦，佢一口答應，仲話帶我去元朗一間鐵板燒餐廳好好味嘅，咁我咪跟住去試吓囉！去到見到門口已經覺得好高級，入到去感覺舒服，侍應仲好好服務態度添，我哋兩個坐低左，叫咗個二人龍蝦套餐，真係唔講得少一黎個前菜，佢話係日本白粟米，唔知大家有冇食過，我喺好耐好耐之前有食過一次，可以話比大家知超級好味，所以呢到大家係值得去嘅因為唔係到到有得食，呢度嘅海鮮都好新鮮仲有和牛食，一個套餐其實食到一半已經開始飽，最後佢仲會有一個炒飯，甜品仲要係360牛奶凍，大家真係不妨去試吓，環境，食材，態度都做到一百分！

好耐冇同阿媽出街食飯，咁就問媽媽我哋出去食餐飯想食乜，佢話不如食鐵板燒啊！咁我就喺元朗搵咗一間鐵板燒餐廳，呢度環境幾靚，仲裝修得好舒適高級優雅嘅感覺，服務態度仲一流添，我先講一啲比較平嘅食材，佢有一個多士超級好味大家去到記得一定要食，我前菜都係一般嘅沙律但呢度嘅錢財特別就係有日本白粟米，我諗唔係度度地方有得食，之後轉入直路我哋叫咗有龍蝦，和牛，帶子，魚⋯仲有好多好多！佢呢度嘅和牛入口即溶好味到想尖叫，其餘嘅海鮮都係好生猛新鮮，估唔到喺元朗都可以搵到一間五星級嘅鐵板燒餐廳，大家不妨去試吓，保證你哋唔會有投訴！

好嘢食過一次真係好難番轉頭，今次嚟到地點較遠既錦田食鐵板燒有覧於上次廚師發辦係勁飽既關係，今次叫既係龍蝦套餐。一坐低就有前菜食，好開胃清甜，之前食個北海道粟米係勁高質，不過勁貴，估唔到今次有得食睇住廚師喺我地面前煮立貝，煮得剛好，彈牙新鮮之後就有金鯛魚，配上底下個黑松露，一啖脆皮加上好香既黑松露，勁夾。帆立貝同樣火侯控制好，唔會煮太熟加埋個好正既魚子同紫菜湯，勁好食。。所有嘢食材烹煮時間完全睇到師父既功力龍蝦新鮮，煮時仲識郁，加埋d膏，甘香，肉質彈牙，調味剛好。宮崎牛，肉汁爆出嚟，因為師父用包吸左d油，唔係太油膩。而之前用剩既龍蝦頭就用嚟煮奶白色鮮甜既湯。最後有櫻花蝦香葱炒飯同炒什菜，見到無論我地定其他客人食到清哂個碗，都知好唔好食估唔到佢用既雪糕係我地喺其他日本店食既蕃薯雪糕，一d都唔hea!!!我地2個好滿足咁離開餐廳，really happy Friday !!!

今晚同朋友慶祝生日，揀左佢至愛既鐵板燒餐廳呢間餐廳係錦田個邊，搭西鐵到錦上路站之後轉幾分鐘巴士，再行兩三分鐘就到喇，相當容易搵～入面位置唔算多，大約十數個，當晚雖然係閒日，人流都頗多，我地就算有book枱都無得坐bar位睇師傅表演添，有啲可惜！餐廳有單點同套餐選擇，見大家都好推薦呢度既二人套餐，加上朋友又鐘意食海鮮，所以我地就毫不猶豫地揀左特上活龍蝦鐵板燒(二人前)第一道上既係溫室野菜沙律，每款蔬菜都切成bite-sized, 食起黎相當方便，蔬菜本身好新鮮，芝麻醬既份量亦恰到好處。之後就到白粟米，上年去北海道個時食過，估唔到今日係呢度又再食到，同回憶中既味道一樣咁清甜呀日本響螺，師傳將響螺切成薄片以突顯貝類既脆感，再簡單咁用左小小鹽同胡椒黎吊出響螺既鮮味已經好好食北海道帆立貝，帆立貝本身好大粒而且肉身相當厚，一開二之後啱啱好係一啖既份量；一入口先食到小小魚子既鹹味，然後帆立貝既鮮甜隨即一湧而上，無論係味道同口感都做得好好活龍蝦，師傅煮之前先係水缸拎出黎，所以龍蝦既鮮度係無容置疑既，亦都完全反映到係龍蝦既肉質上面，肉質相當有彈性又細緻，加左龍蝦膏去煮，係鮮甜上更添甘香，好出色白甘鯛，魚

今次叫左個二人鐵板燒龍蝦套餐，有各種燒海鮮同埋靚和牛食～～係煮之前師傅會拎曬當日食材出黎比客人睇，每樣野都非常新鮮，龍蝦係直接係魚缸到拎出黎，仲識郁嫁～沙律同北海道既白粟米，清新同清甜既前菜～大大粒煎帶子，口感極佳，配上三文魚子更突出鮮甜味，個汁可以直接飲埋嫁，好清甜～海螺切成薄片加左小小鹽同胡椒吊味，非常爽脆～連埋魚鱗炸既鯛魚，估唔到鱗片口感仲脆過薯片，但魚肉仍然保持嫩滑，沾上小小黑松露醬汁食滋味滿分～原隻龍蝦，因為食材新鮮既緣故，食起黎非常清甜同充滿彈性，加埋龍蝦膏同海膽一齊煮更添甘香～入口即化既和牛，油脂香十足～櫻花蝦炒飯，聞落超香～蒜蓉炒白菜仔，健康之選～濃厚既鯛魚湯，真係好濃稠，起曬漿咁濟，而且飲到魚既香甜但毫無腥味～柚子雪葩，好fresh既飯後甜品～埋單每人大約一千蚊，價錢合理，值得一試～

都唔知幾耐冇同過老公去撐枱腳，都想靜靜地，又想食好啲，老公提議不如去食鐵板燒，因為我同佢都好鍾意食鐵板燒！今次嚟到元朗錦田食呢間超正宗日本鐵板燒，我哋叫咗個二人餐，雖然價錢平，但質素好高，我哋叫咗個龍蝦加鵝肝做主菜。隻龍蝦新鮮到一個點，即劏即燒，就算乜調味料都唔加，只加幾粒鹽同蒜片已好好食。輪到我最愛嘅鵝肝，夾埋塊白方包就無咁膩。然後就到個炒飯，六粒金黃色的飯，完全唔會黐埋一齊，而且入邊仲好足料，有好多櫻花蝦♥️🦐！食完飯就飲湯，個魚湯奶白色，好香而味濃，一飲已經知道好足料，一定放咗好多嘢落去煲先至有呢個效果! 最後想讚一讚佢個甜品，我叫咗個綠茶雪糕，個綠茶雪糕簡直就係超級有綠茶香味，而且又有少少奶味，食完仲想再食啊⋯⋯雖然呢間鐵板燒喺元朗，好似好遠咁樣，但係想食好嘢，遠少少又有乜所謂喎！

朋友住左係元朗好耐，今日帶我黎到高埔村食鐵板燒。叫左個2人餐，前菜、海鮮、和牛、甜品都有齊，十分豐富。點左龍蝦鐵板燒，見到隻龍蝦從魚缸取出，廚師仲拎左隻龍蝦同其他海鮮過黎比我地睇，由係個海鮮盤到到上到鐵板都見到龍蝦非常生猛，原隻新鮮烹調。龍蝦肉質彈牙鮮甜，經廚師既烹調已經好夠味，唔需要再加任何調味料，即刻食得。大粒又厚身既帆立貝，鮮甜又有咬口，仲有自家調味既魚子係面，較平時外面食既更甜，並去走左魚腥味，更容易入口。另外，湯都可以飲埋。A5和牛可以選厚切或薄切，朋友同我都比較喜歡厚切，粒粒和牛，肉味香濃，滿滿既牛油香味，油脂平均，入口咬落又多汁，真係久久不能忘懷的滋味。櫻花蝦炒飯，炒飯粒粒分明，金黃又乾身，蛋漿分佈每粒飯，爽口唔油膩。鯛魚湯呈奶白色，非常鮮甜，魚味好濃又唔會腥，底部仲有嫩滑豆腐。甜品有幾款雪糕可以選擇，柚子、芝麻及綠茶，綠茶味道濃郁好香滑。

食鐵板燒不單要食到高質既食物，另外令人興奮既係可以睇到食物製作既過程，見到食材有幾新鮮，同師傅既刀工仲有用心製作。新鮮沙律菜，醬油味道比較咸香。粟米非常多汁又清甜。咬落去會噴汁，要小心d慢慢食。帆立貝非常出色，鮮甜可口，湯埋個紫菜高湯，啖啖鮮味，三文魚子經廚師處理，用左特別既調味令魚子並無腥味，仲格外清新。日本響螺，螺片切得好薄，味道甘甜，韌中帶脆，好爽口。銀雪魚，好香口，魚肉滑身，仲有薄薄一片既魚皮，令人食指大動。厚燒和牛，雪花分配得好平均，唔只看起來好靚，食落啖啖肉，油脂岩岩好係口中融化。炒蔬菜，有芽菜同香菇。另外仲有雪糕做甜品，為豐富既套餐畫上完美句號。

辛苦工作六天，終於來到星期日，當然要吃餐好的慰勞一下自己。趁著假日有時間，我們今晚來到位於錦田的這家鐵板燒專門店。餐廳位於錦田高埔村，不熟路的我們搜了一下還算好找。店面設計簡約，門面的LED燈與店內偏暗的燈光形成強烈對比，滿具設計感。特上活鮑鐵板燒二人前(HKD 1980)前菜冷盤酸甜爽口的沙律及新鮮小龍蝦，簡約的開胃菜。鐵板燒杋立貝燒杋立貝只加入紫菜和小許三文魚籽，將帶子的鮮味全數保留。鐵板燒甘鯛甘鯛以半煎半炸的方式將魚鱗都炸得蘇脆，肉質卻保持嫩滑JUICY，而拌碟的黑松露薯蓉汁亦使整體味道更有層次。鐵板燒鮑魚簿切原隻活飽魚共有兩種煮法，首先是爽甜彈牙的簿切鮑魚片。鐵板燒鮑魚裙邊配鮑魚肝醬再來是厚切再配上以鮑魚肝製成的醬汁，口感紮實，煙韌而不失柔軟，鮑魚肝醬濃郁甘甜，毫不搶味。法國鵝肝多士煎得香嫩的鵝肝火候控制得剛剛好，稍稍咬破外皮便覺流心，熱辣豐腴的肉汁加上軟熟的多士，口感豐富多元。焦糖多士(上)用鐵板製作的焦糖多士入口香脆甜蜜。青檸啫哩(下)冰涼帶酸的啫哩除了冷卻一下口腔外，也去一去油膩感。鐵板燒和牛A4和牛燒得半熟，油脂完全溶化，質感細膩香滑，牛味濃厚。鐵板海和牛炒飯(上)魚湯

老虎今次竟然走到入錦田。由朋友帶我食位於佢屋企附近既崟。我一次都未食過,但朋友就話崟好正架,食材又新鮮....下刪一百字。見佢講到咁,心郁郁就入到黎,一試崟既滋味。因為我唔熟呢邊,我想分享下我點搭車去。去食飯既時候,我係搭西鐵去到錦上路西鐵站再轉的士,的士都係唔記得$22定$23。因為人生路不熟MA,搭的士就最方便。食飽飯走呢,就係餐廳對面過條馬路,有個私人住宅叫爾巒既門口有小巴出錦上路西鐵站都係$5個幾入到去坐低,又幾好Feel,主廚就係你面前煮比你食,整間店既色調同格調都好高檔,令老虎更加期待...既然係朋友推介黎,當然由佢"發把"-特上活龍蝦鐵板燒二人前。先係沙律,老虎對菜無咩興趣,但都比佢既味道同食才吸引,竟然有蓮花枝莖切片,又幾新奇,味道唔錯。重有半個北海道甜粟米。第一次食北海道帆立貝,香煎完擺係個湯入面,連湯都可以飲埋。佢自家醃製既蟹子唔腥之餘,同道菜既口感又幾夾。銀雪魚亦煎到金黃色,一d腥味都無,可能係食材新鮮而且又煮得好。唔太喜好魚既我,都一啖接一啖食晒。頂! 個龍蝦超鮮甜,肉質彈牙,加埋d蝦膏,哇,差d碟都lam埋。日本嚮螺原,彈牙香口配味鹽巴/海鮮汁/就咁食中間有個

隱世，堅係隱世推介！首先餐廳位於元朗，仲要係元朗再轉車入去，夠唔夠隱世先？餐廳佢係係一個新開嘅美食區裡面，裡面都有十幾間唔同類型嘅餐廳，大家週未又多個新景點喇🙂.崟係做鐵板燒嘅，套餐大約幾百至二千蚊到，可以單點加料，餐廳座位唔多，大約10個到，去之前記得訂左枱先呀。餐廳食物無論係食材定係廚師嘅廚藝都屬於高質，另外環境同服務都好好，會有員工keep住serve你，廚師煮完會放喺你面前介紹下食法食材，食飽員工好快幫你收碟，Keep住幫你加茶，成個氣氛都好好。小妹認為都好適合慶祝週年紀念又或者係生日。😄.套餐係龍蝦套餐（$1980）（細細聲講：見到隔離食鮑魚套餐，鮑魚超級大隻，佢哋仲另外加咗隻蝦，隻蝦有廚師手臂咁長😧小妹睇到之後覺得鮑魚餐正啲，龍蝦套餐隻龍蝦太細隻啦）🤤帶子帶子兩邊先到金黃香口，依然保留到裏面嘅肉汁好juicy，加上清酒紫菜湯底，外加一點三文魚子點綴, 一級棒呀！🤤比目魚比目魚嘅做法有驚喜，比目魚嘅魚皮煎煎下會切開咗佢分開煎，大家幻想一下，塊魚皮變左魚皮味嘅薯片，surprise??? 超正呀呢個。🤤響螺用牛油同醬油炒到岩岩好，口感爽脆，味道新鮮🤤龍蝦要扣少少分呀，龍蝦真係太

因為近呢一個月工作都非常忙碌,除左無周圍覓食之外,陪家人既時間都少左好多。連父親節正日前後都係忙緊做野。今晚終於有時間同BABA食餐好既去補祝。 然而,BABA當晚係食得相當愉快,食材既優越﹑主廚精湛既烹調技巧﹑優質既服務,未見過BABA係食飯既時候可以笑得咁開心,重話『勁勁勁勁勁滿意呢一餐』。有見及此,推介大家帶父母﹑愛侶黎呢到食,既浪漫又溫情,重點係食物好食。呢一到比我既感覺係高級既日本鐵板燒餐廳,我當日1830去到,睇個裝潢唔知以為去左日本。BABA睇MENU左睇右睇,最終我地決定叫一個$1980特上活龍蝦鐵板燒二人前。BABA係選擇鮑魚好定龍蝦好,幾經掙扎佢終於就叫左🦞龍蝦。食材真係生勾勾,由大廚身後既水江拎出黎,擺係我地面前。前菜既沙律,色彩好豐富,味道亦特別好食, 特別在佢既食材我同BABA都係第一次食,包括有來自日本既紅芯蘿蔔﹑呢一塊充滿氣孔唔知道佢係咩黎,於是問下店員,原來係蓮花既莖部,非常爽口清新。除左沙律,旁邊重有個白色既粟米,店員話係來自北海道既粟米,食後感就係:爸爸話咁大個仔無食過咁甜既栗米,又甜又多汁,食半舊完全唔夠侯。第一道菜係北海道帆立貝。對我黎講都幾大粒

元朗一帶，都好少咁用心，選料咁高質的日本料理店。咁岩今日同朋友慶祝生日，選了一個1980的二人前套餐，點了之後，廚師會放今晚嘅用的食材放係你面前，再一一在你面前處理海鮮全部都係新鮮活煮，鮑魚，龍蝦，全部都好生猛，再加上廚司特別烹調嘅方法，令到海鮮更鮮最後特別一提，係佢地既魚湯，一定要飲，係用了15斤魚，煮4個鐘煲出黎，鮮味濃郁整體：一間食物品質，服務客人極之用心機，環境裝修，餐單，絕對係好似令你去日本一樣

今日黎同屋企人黎元朗一日遊，行左一日想搵個地方chill下。係open rice serach到呢間廚師發板既鐵板燒。我地叫左個鮑魚二人餐，師傅好細心同我地解釋第一輪會煮既菜色。第一碟上既係北海道帆立貝，其實平時麻麻地鐘意食，因為好多時候食既都好腥。但佢呢個唔單止唔腥仲好甜，個湯亦都好清。第二道上左白甘鯛，見到師傅又煎又焗就知道唔簡單😆 魚皮勁脆身之後魚肉又好清甜。之後就上左個鮑魚，唔點佢畀既汁就咁食好鮮味。佢隔離擺既醬係用鮑魚膽汁整出黎，食落去口感就更thick。點同唔點都咁正，令人無從入手。最後就到呢餐飯既highlight，就係鵝肝同A5鹿兒島野崎和牛。下面墊住左塊面包，佢哋d油就吸收晒落去，唔會食落去覺得好油膩，perfect到入口即溶🤤。其實一直都冇喺香港試過呢啲omakase既鐵板燒，今次嘅experience真係好好。雖然嗰日好full，但師傅每道餸都細心同我地解釋。