崟

Open Now

Now Closed

愈黎愈鍾意獨處, 自己搵野食, 唔洗約來約去咁麻煩呢間鐵板燒已經bookmark好耐,荔枝角都有分店,但佢LUNCH SET分1200&1330成日都就唔到時間 唯有星期六獨自去ENJOY都幾多人 同埋可能我一個人 比較難訂位要等三個星期先有位 不過唔緊要啦 好食既野要付出既 而家邊間餐廳唔洗等book左1200點. 去到天空之城中既崟店舖唔大, 鐵板燒爐有兩個, 大約有10-12座位,另外沙發位有4-5張左右.但食鐵板燒梗係坐師傅前面欣賞下 如果唔係一個人好悶架 哈哈今日都仲係舊價. 268+10%=295一位5月20後就加價了, 見到佢menu寫住係298+10%=328一位1. 沙律菜 配黑醋汁 咸左小小2.銀鱈魚 師傅會將魚皮同埋魚肉分開煎 魚皮煎到卜卜脆 好香口魚肉JUICY厚肉 唔鞋唔un 煎得剛剛好3.法國鵝肝 煎前已見到佢係撲左粉係面 所以出黎效果係脆脆地好香口 配埋下面脆脆地既多士一起食 好完美另一半麵包 做成黃金吐司 係用沙糖牛油 調味 煎香 好好吃4.美國特級牛柳 點左5成肉質好淋 無筋無肥肉 好吃 底個塊麵包係索油用 千奇唔好食呀5.炒野菜 呢到係一人份量 調味

【崟】已在我的to-go list 很久的餐廳，藉著好友的生日，我地3人行來到崟慶祝❤️預約了周日13:30的時段， 在門外等候至上一輪客人離場+清潔，約13:40入座。不用研究Menu，三人在門外已一致選了期間限定的龍蝦套餐 🦞 雖然個餐標二人前，但可加多1人份，價錢$1180 x 1.5 + $200 （total 2隻龍蝦3人分享）· 胡麻沙律 - 坐低後未點餐已有沙律送上 🤣 只是一些沙律菜 + 胡麻醬。清清地，沒有太多評價。· 今日Serve我地既係國樑師傅，他入行三十年，有豐富經驗，為人好攪笑，雖然可能每日都係煮差不多的餸菜給客人，但全餐飯仍能帶給我們很多歡樂與笑聲😆· 開始煮前，我們點的海鮮靚靚地展示左大盤上，相機Time 📸 · Teppanyaki & Omakase最吸引既係可望住黎緊既食物點整/煮，眼見海鮮在鐵板上郁來郁去，零食覺得它好新鮮！更加期待食個刻🤤· 白甘鯛伴黑松露枝豆汁 - 第一道菜，令我們非常驚喜，炸過的魚鱗，入口卜卜脆！魚肉鮮甜又滑！ · 南非鮑魚配鮑膽汁 - 我地今日好Lucky, Menu上是寫八方汁，但師傅解釋當有足夠鮑魚膽時，便會整呢個鮑膽汁

好少去元朗覓食，今次第一次来錦田上路食午餐，聽聞好難book，今次訂了兩位x2>四人一齊坐鐵板枱前享受廚師表演，及吃午市鐵板燒套餐，很滿意。交通其實都方便，錦上路地鐵外就有小巴直達，或乘座的士也很近。餐廳其實很細，只有10個位置對住廚師鐵板燒，另外有三至四張枱在後面。廚師很健談介紹食物也很清楚。睇住新鮮食材在面前煮食，色香味俱全。所有菜式都好好味，這個午時價錢真係好抵，絕不後悔長途入去食。柚子雪糕味都好好食，另外係慶祝生日飯，所以送上他們自製嘅紅莓雪糕蛋糕，好好食，但不是每次都是同一款的。餐廳環境其實很舒適，人不多，慢慢食，好享受

呢排少咗煮飯😅 因為多咗出街食😋所以會小咗見二少奶展示廚藝🤣但可能會見多咗二少奶出街揾食🦪🍘🥘🍝上次同朋友食完飯見到呢間個門面好吸引咁喎😍二少話下次諗唔到食咩可以去試吓唔想煮又諗唔到食咩🤷🏻‍♀️唧情況呢排經常出現🤭見好耐冇食過鐵板燒 就去咗試吓我哋叫咗個特上活龍蝦鐵板燒二人前👩‍❤️‍👨魚🐟揀咗白甘鯛👉🏻皮炸到脆卜卜好味肉🥩揀咗A5鹿兒島野崎和🐮厚/薄燒👉🏻 薄燒好味D日本響螺🐚改鵝肝👉🏻 一般,二少嫌個味唔夠濃 其他嘢都唔錯呀😋所以可以再幫襯已經同兩位元朗buddies 講咗下次一齊去食lunch啦🍱！#門面好緊要🤣#最緊要係打卡able#靠feel廚神越嚟越懶🥱#唔使煮其實食乜都OK😬

訂咗星期日晚上食 女侍應聽錯星期一 死要同客嘈 堅持自己冇聽錯 話自己有confirm 但係其實就係知道錯 將所有責任推晒落個客度過程完全冇謙意 一路反駁 冇諗過依個價位嘅餐廳態度如此差 非常失望

崟今日和好友相約，一試位於錦田的鐵板燒。這家店位置有點偏僻，要乘的士到達。餐廳和一般鐵板燒的餐廳無異，一邊是鐵板燒吧座，另一邊是枱座。午餐選擇有期間限定和一般的鐵板燒選擇，價格豐儉由人，有平有貴。今日試一下期間限定二人套餐$1180。先送上胡麻沙律。這沙律清清地，就是普通的沙律菜配胡麻醬，口感清爽，感覺平平。南非鮑魚配八方汁這鮑魚煮得ok爽口，味道淡雅，配上少量的三文魚籽，唔會好韌。銀鱈魚煎得表面金黃脆口，魚肉嫩滑，味道比較淡口，如果可配上美奶滋，可更滋味。接下來是龍蝦。龍蝦啖啖肉，以蝦膏牛油汁煎煮，蝦味濃郁，唯有點兒過熟，口感有少少韌。法國鵝肝煎得有少少油膩。鵝肝肥美豐腴，脂香油潤，幸好有多士吸油，減少一些油膩感覺，但味道不錯，吃到鵝肝原味道。美國特級牛柳比預期的好一點。牛柳煎得表面熟，仍然保持內𥚃medium rare. 而且牛柳口感軟腍，肉味濃郁，再沾上岩鹽吊起肉味，味道好ok!接下來是樱花蝦炒飯。炒飯粒粒分明，加櫻花蝦，除了炒飯的焦香外，多了一些鮮味。炒菜是以芽菜為主，清清地，炒得唔會好乾身。 最後是柚子雪糕，味道清甜，又有濃濃的柚子味，不錯。唯上菜時間有待改善，和友人一起吃，

一坐低有沙律🥗個螺都好正雞泡魚乾好香 熱辣辣可以連埋湯飲 好fresh 爽口彈牙，搭配埋三文魚子食完口齒流香😋😋可以連皮食 好似薯片脆咁我係好鍾意食魚肉😝清曬大螺肉好爽口 好彈牙同埋刀工好好，每1塊都切得好平均😋最鍾意就係呢一道菜😋龍蝦🦞肉好正都幾大舊 啖啖肉😋連埋d蝦膏炒，好香😋😋薄和牛夾住d蒜同蔥 好match D油脂分佈得好平均仲有麵包🥯係底吸住d油等無咁油膩我一般中意食飯 都ok鐵板炒出黎係香口d平時我唔係好食飯😋都食左幾啖最中意個湯可以encore .好香口😆仲印住崟字 舖頭名可以一試最尾每人一個甜品🍮柚子雪糕好味😋

行行行食食食成了我們拍拖的指定假日活動，發明openrice呢個search engine真好，只要有耐性打一些關鍵字，就有可能找到好的餐廳！喜歡鐵板燒的朋友絕對不能錯過；不喜歡的朋友更值得一試！鐵板燒可愛之處除了能食到美食，與廚師的交流，隔離枱的食客都很重要，點解？睇相不多說..............................是晚多謝廚師（實為老闆？！）為滿足我貪吃的心理，只時戲言說要有塊多士佐蝦膏汁食，他就立即處理我的要求亦要多謝隔離枱妹妹想食魔鬼多士，我也不知道原來沙糖加麵包就可以變成魔鬼👹！最後好想多謝接我訂座電話的職員，我只是查詢過拿蛋糕到店切餅費事宜，當我們吃飽時居然有「生日甜品」及happy birthday既音樂....我被嚇了一跳，今天不是正日喔！哈哈...他有點尷尬，我就更加，不過總要感恩生活中有些素未謀面的人為自己做了的一些事！

位於元朗一個隱世嘅地方，一間高質嘅鐵板燒。老公話話帶我食好啲，問我想食乜？🧐我想食鐵板燒，但又唔想去咁遠，結果就揀咗呢間，見到食評「全正」應該唔會差得去邊啦😋呢個地方都幾隱世，如果唔揸車，其實真係唔知搭咩車入嚟好🤷🏼‍♀️🤷🏾‍♀️雖然疫情咁嚴重，但今晚都爆爆哋場，建議如果想去食，一定要訂位先，侍應非常有禮貌，經常幫忙加茶，同埋每食完一道菜，都會喺適當嘅時間幫你收拾檯面👍🏻佢呢樹可以單點，可以叫一人餐，又可以叫二人餐，我哋就每人叫咗個一人餐。鐵板燒嚟講，佢真係每樣嘢都好大份同埋好好味，所以真係好full😹！環境都好好，因為入面其實唔係坐到好多檯客，同埋唔會逼住咁坐，所以，你係可以坐得好舒適咁享受食物，待應介紹，佢哋都會有午餐供應㗎☺️有興趣可以試吓

今晚同朋友嚟到呢間喺元朗錦田高埔村入面嘅隱世鐵板燒餐廳，如果唔係有人極力推薦，我都唔會去到，我喺錦上路西鐵站再轉巴士去高埔村，再喺高埔村行一段路先嚟到！原本我以為會冇乜人食，點知一入到餐廳，發覺bar枱已經滿咗，睇唔到師父即場燒！不過兩個人可以坐四人枱，地方都幾闊落！我哋揀咗龍蝦鐵板燒套餐，$1980 兩個人，一共有十一道菜！我會重點講幾樣最好食嘅嘢！首先嚟嘅係野菜沙津同埋白粟米，白粟米真係超鮮甜，有種忌廉嘅味！原來佢唔係跟menu順序出，師傅會安排啲嘢食上嘅次序，同埋煮之前會拎過嚟俾我哋睇下！下面係日本響螺、帆立貝同埋白甘鯛~呢個日本響螺好食，味道非常清甜，又夠爽口！帆立貝同我平時食法嘅食法完全唔同，師傅加咗啲自己醃製嘅魚子喺面，再將佢哋浸喺紫菜湯入面，帆立貝煎至外脆內嫩，加埋魚子嘅鮮甜，真係好夾！白甘鯛又係好好食嘅一樣，香港應該好少地方有得食呢樣，我喺日本食過一次！我敢講呢到嘅水準真係拍得住我喺日本食嗰啲！師傅將魚用油炸起咗，所以魚鱗係可以食埋，夠香脆！佢呢個調味係薯蓉特製嘅醬汁，特別得嚟好好食！重頭戲係伊勢龍蝦，呢個品種龍蝦出名高質，頭先上枱嘅時候仲見到佢郁咗一郁，都幾生猛！肉質

之前都有食過啲鐵板燒餐廳，不過都係啲掛🐑頭既放題🤭不過今次去一間真正食鐵板燒既餐廳🥴🥴仲要係比較偏辟既地方，不過食完真係覺得真心正既餐廳，地點都已經唔重要了😚呢度雖然聽落好偏辟，但其實都好多餐廳喺呢個位，有美食街之稱😳而呢間餐廳淨係門面都已經知佢真材實料，一貫日本”less is more”既風格🤗一入去就已經知不妙，bar枱已經坐滿哂人，我地要去坐四人枱等食物，唔可以欣賞到師傅既表演😭😭不過都無礙食正野既興致😤😤呢度有兩個二人套餐食，主要分別係你想食龍蝦🦞定鮑魚🐟，都係$1980，經過思前想後後，就決定食龍蝦🦞套餐了🤑🤑咁喺煮之前，師傅👨🏼‍🍳都會拎著啲材料出嚟📸📸樣樣都靚靚仔仔，尤其係隻龍蝦🤩🤩新鮮喺魚缸拎出嚟，處理完都仲係有生氣咁🤙🏻溫室野菜沙律&北海道甜粟米野菜沙律加埋麻醬啱啱好，好爽口，食到chopchop聲，而個粟米好清甜，甜得好自然😚食得好舒服😌日本響螺首先第一道就係佢，切薄片，食落爽口😆冇落任何調味，食得出佢淡淡既原味，好適合用黎打頭炮😌白甘鯛呢個係今晚top 3😍，上面魚鱗處理得香脆，底下有特製奶油sauce，再加埋嫩嫩而充滿油份既魚肉，三方完美配合，造成呢道美味佳餚

📍香港📍元朗📍崟 Takashi📍元朗錦田高埔村108號地下📍星期一至日 12:00-14:00 & 18:00-23:00🦄 煎鯖魚定食 $78🦄 評分: 7.5/10呢個價錢黎講份量都幾多👍🏻 1.5條大鯖魚🐟 加啲檸檬汁🍋都好難會唔好食😹😹 Lunch time黎到無咩人 環境舒服可以靜靜地enjoy個定食❤️#Foodieschu元朗~~~~~~~~~~~~~~~~~~~~#hk#hkfoodie#hkfood#foodie#foodies#food#yuenlong#japan#japanese#japanesefood#元朗#日本餐廳#日本菜#元朗日本菜#鯖魚#鯖魚定食#定食#白食#麵豉湯#牛餐#元朗美食#元朗美食推介#美食推介#fish

我們一年嘅工作努力，老細請了我們去食個午餐鉄板燒🤤這間地點也算方便由元朗或錦上路也有小巴及的士過去😉因為我們一行六人訂了鉄板位所以可以看廚師表演了👍🏻因為我們老細經常在這店食所以他比較熟叫什麼餐😉我們全部各都點鉄板燒一人前，包括了有溫室野菜沙律、銀鱈魚、法國鵝肝、美國特及牛柳/肉眼薄燒、炒飯、炒野菜、麵豉湯、咖啡/茶/甜品🍮每道菜都好好味而且午餐以鉄板燒很經濟，環境也很舒服！服務也非常好👍🏻值得再去☺️

錦田高埔村食市琳立，元朗居民人所共知。位處其中的崟，單看門面，已經感覺到它散發出來那種高級食肆的氣質。環境高雅舒適，抽氣系統良好，縱使坐鐵板枱前，亦不會油煙滿身。餐具精美，黑色襯金色，神秘中帶高貴，品味之選。前菜是白色超甜粟米，這客粟米是生吃，是日本貨色，味道清甜，跟一般粟米味道大不同。溫室野菜沙律，蔬菜新鮮配芝麻醬，最特別有心內美的粉紅蘿蔔，精心選材。鐵板燒海鮮四盛 - 活伊勢海老 - 活龍蝦龍蝦拆肉，蝦膏放入海膽炒香，燴入龍蝦肉，那種香味實在難以形容……💖💖 加上龍蝦肉厚實彈牙，回味無窮。白金鯛白金鯛，連鱗的外皮煎得香脆，沒半點渣滓。魚肉嫩滑，配點鹽或都黑松露支豆薯蓉汁均可。薯蓉味沒有被松露蓋過，份量掌控一流。日本響螺響螺用了胡椒一起炒，火候剛剛好，原味最理想，爽口無韌，亦可輕放點海鹽吊味，效果完美。反而海鮮醬會蓋過它本身的鮮甜味，堅持原味最好。北海度凡立貝廚子用青酒將凡立貝醃過，湯汁會聚了凡立貝的精華，味道清甜。用了三文魚子點綴一下賣相，有心思。邪惡多士，以沙糖煎香的麵包，換一換海鮮的味道。青檸啫喱，味道清新，雖然小小的一粒啫喱，在日式的小碟上，總覺特別優雅。A5 鹿兒島野崎和牛

鐵板燒真係食過好多次，但係要我講邊一間最好食，真係諗唔起。間間都大同小異，冇咩特別又或者驚喜咁。不過當我試完崟之後，就真係超級鍾意呢度，簡直係一試難忘。雖然店鋪位於元朗有點遠，但絶對值得專程入去再食。單看店鋪門口已經充滿住簡約嘅日本風，而店內是小小的，選擇吧枱位置，可以欣賞師傅在你面前為你燒嘅每一道菜。師傅們都好親切友善。食得好開心。呢晚我點咗 特上活龍蝦鐵板 <二人前>好豐富嘅餐單，材料亦非常新鮮，祗雖簡單嘅調味，就已經能食到如此嘅美味。$1980 加一