たまご園 (北角匯) (Closed)

❤️好鍾意北角匯嘅tamago-en，因為本身好鍾意食雞蛋🍳，餐牌上有好多雞蛋菜式， 雞蛋係沖繩縣直送，好吸引。餐廳佈置都以雞蛋為主體，可愛。叫咗黑糖珍珠鮮奶，珍珠彈牙，唔會過甜，好飲👍生雞蛋拌賣相好精緻，蛋白好似白雲咁鬆軟，中間是蛋黃， 配飯素同日式豉油，簡單得嚟又好食。蕃茄海鮮蛋包飯好推介，番茄汁酸咪咪好開胃，蛋夠滑，海鮮又新鮮。最後係原味梳乎厘pancake，好鬆軟，充滿蛋香😍👍 連上面嘅忌廉都很美味，牛奶味香濃。

店員推介既時候提及雞蛋由沖繩縣直送！！係香港人最愛既沖繩🤤感覺啲蛋都新鮮啲 而米係用日本米 食都食得安心🤭P.S.: 餐廳仲好支持環保用紙飲管滑蛋北海道吉列蠔丼$98⭐️⭐️⭐️⭐️⭐️呢樣係新出㗎！呢個飯附上柚子胡椒 味道又離奇地清新無諗過咁襯🤣最最最重點既蠔係有4隻 抵食又大件 一啲海腥味都無👍🏻燉牛肉蛋包飯 $118⭐️⭐️⭐️⭐️呢個飯既汁非常濃厚 配飯好合適 牛肉係牛腩肉 正啊！吉列沖繩琉香豚滑蛋丼 $88⭐️⭐️⭐️⭐️吉列豚肉雖然同滑蛋一齊煮 但都好脆😊

近期香港開左幾間專做日式蛋料理既餐廳，寫到明話d雞蛋係由沖繩縣直送。身為雞蛋控既我，當然唔可以錯過啦！間餐廳係北角匯，地鐵一出過條馬路就到，非常易搵！門面裝修都好有心思，有好多蛋😂😂平日夜晚去食，唔洗等位就有得入喇👍🏻 d位都幾闊落，坐得幾舒服😌先嚟個玉子燒小食，有五款口味，食落熱辣辣，好有蛋香味👍🏻 d配料都好夾，全部都好食😋之後到生雞蛋拌飯，賣相相當吸引！ 軟綿綿的蛋白，配上一切流心的蛋黃和新鮮帶子同飛魚子，賣相可愛治癒之外，食落亦好滿足😆 記得要加埋飯素一齊食啊！店員推介既炸北海道蠔蛋丼，果然無介紹錯👍🏻 個蠔好鮮甜，外脆內軟，d蛋漿好惹味，食到停唔到口🤪最後甜品時間，焦糖菠蘿珍珠梳乎里Pancake為呢餐劃上左完美既句號!!! 個mascarpone cream cheese非常邪惡，好正🙈🙈

雞蛋向來都是料理中廣為採用的天然食材之一，可算是生活中不可或缺的美味元素，試想想自每天第一餐的太陽蛋或滑蛋，到午飯或晚餐中的菜式如溏心蛋或XX煎蛋等等，或多或少也會用上了雞蛋作媒，而且有些朋友更是無蛋不歡！最近筆者就造訪了一個來自新加坡、以日式蛋料理為主打的餐廳，位於新落成的北角匯2期，從裝潢到菜式全都是以雞蛋為主題，太陽蛋造型的桌子、天花燈和鏡子，色調亮麗鮮艷，滲著童真與玩味；加上一系列的日式玉子料理，更是襯托起一股和式少女風，在內用膳連自己也感覺年青起來。據店家資料顯示這裡的雞蛋全部由日本沖繩新鮮直送，經過了嚴格的UV殺菌程序，是可以直接生吃的級數，食得自然更安心！細閲餐牌單是幾款鮮黃的玉子燒已十分吸睛誘人，加上其他的菜式如沙律、三文治、蛋包飯和甜品等亦非等閒之選，單看未食已叫人垂涎三尺，讓人選擇困難症即時發作，良久後筆者和朋友才能擬定心儀菜式。先來的是芝士明太子筷子卷，一端上來已被那「屈機」的太陽蛋深深吸引著，橙紅色的蛋黃狀甚誘人，加上以蔬菜、紫蘇葉絲混和麵糊煎成的薄身「大板燒」，以筷子捲起後放上木魚絲、芝士和明太子醬，全部佐著一起入口，濃香鬆軟而流心，蛋香徐徐滲透，鹹中有甜，口

果日去開北角買野，諗住順便買埋外賣番屋企食dinner，然後屋企話想食呢間～有唔少人都係呢間買外賣喎～但我哋最近等咗好耐😭超餓呢🥺吉列蝦滑蛋丼 $88吉列蝦大大隻，高質！配滑蛋好正呀！海蝦明太子忌廉意粉 $88明太子好味呀😍意粉好大份！夠飽肚👌🏻大阪燒風八爪魚捲 $78好吸引🤤個醬汁惹味🤤好食喎！芝士明太子筷子捲 $38見好多人推介呢個，我哋都試下先！賣相幾可愛，特別係隻蛋！原來雞蛋係有沖繩縣直送架👏🏻味道都掂👍🏻

1:35落單外賣自取，到2:20先有得拎，遲落單仲快過我，仲要比錯餐，拎返去換餐時仲要冇道歉。食物質素一般地差，啲汁太多又太淡，牛肉太硬，蛋冇味仲要標榜食蛋嘅餐廳，加上垃圾服務。冇下次。

之前上網見過呢間雞蛋專門店一直想試，今日嚟到北角見到有分店就排隊試下。餐廳除咗主打由沖繩直送嘅雞蛋外，仲有多款特色飲品。我揀咗黑糖珍珠奶珠，飲落唔算好甜，珍珠都幾彈牙。友人揀咗鮮果水果茶，生果多達五六款，酸酸甜甜幾開胃。主食我揀咗燉牛肉蛋包飯，牛肉切好厚身大粒，燉得好腍好入味好好食。蛋包飯外層雞蛋香滑，完美地包曬成個飯無穿無爛。飯加咗雞肉粒同冬菇一齊整，食落味道更香更有口感。友人就揀咗海鮮蕃茄忌廉蛋包飯，海鮮以蝦肉及章魚為主，醬汁蕃茄味重唔錯。最後我哋揀咗一人一個班戟，班戟整得比較鬆軟，食落口感好綿。香桃焦糖味道比較甜，而士多啤梨味就酸酸地，兩款各有特色。

今日下午在北角工作，離開時順便在北角買外賣。午市已經有不少顧客。這家主打日式蛋料理的餐廳，雞蛋採用沖繩蛋，安全又美味。⭐️燉牛肉蛋包飯$118以外賣來說這道蛋包飯十分吸引，頂層是扭紋蛋包飯，濃郁的雞蛋配上肉味突出的燉牛肉，令人十分驚喜！牛肉偏瘦，入口軟嫩，一口蛋包飯一口牛肉，滿足！⭐️煙肉明太子意粉$78這裏的意粉很出色，中間有一顆雞蛋。攪拌之後，意粉的味道配搭蛋漿更香濃！明太子不會太鹹，忌廉醬不會太乾，入口好滑好可口，點綴煙肉和雜菌令意粉不會太單寡。⭐️明太子三文魚忌廉蛋包飯$98半球體蛋包飯配上三文魚塊也十分適合。明太子忌廉醬調味剛剛好，蛋包飯入口香滑，三文魚塊厚厚一塊，味道香濃，十分飽足！

今日去咗北角探婆婆回家前諗住買埋外賣返去就去北角匯睇有咩好嘢食見到Tamago-EN好吸引😍整間店舖嘅裝潢都充滿咗蛋嘅元素🥚既然決定咗就當然要點有得蛋嘅食物啦叫咗5款玉子串燒蕃茄仔🍅海藻醬 親子三文魚鱈魚子沙律🐟蟹肉蛋味濃郁之餘每一款味道都好夾玉子燒口感好有層次芝士明太子筷子捲🥢就好似一塊扁嘅大阪燒用對筷子穿住方便拎住食上面鋪咗成隻煎蛋🍳 色香味俱全主菜就叫咗吉列炸蝦蝦滑蛋丼🍤炸蝦香濃爽口每粒飯都粒粒分明加上被滑蛋包圍極之享受另外仲叫咗份炸雞🍗炸到好鬆脆入邊依然有豐富嘅肉汁最後仲叫埋甜品士多啤梨🍓梳乎厘Pancake🍓鮮甜味美不在話下梳乎厘鬆滑可口為呢一餐畫上完美句號鍾意食蛋嘅朋友千祈唔好錯過

疫情下非必要都唔想出街但係要帶狗仔去沖涼都無法避免 既然落得街就順便買埋外賣返屋企食北角匯 原來開咗一間Tamago-EN 日式餐廳離遠已經俾佢充滿蛋既設計引咗埋去😍研究咗一陣叫咗最鍾意嘅玉子燒蛋味勁香而且等外賣嘅時候見到師傅係即場燒拎到返屋企都仲係熱辣辣明太子蝦意粉🍝係我最鍾意嘅幼身意粉爽口彈牙好嚼勁味道濃郁但唔會好口乾另外仲叫咗海鮮蕃茄蛋包飯咬落去真係會咇晒啲茄汁出嚟每啖咬落去蛋同飯嘅口感都好好最後唔少得店員推介嘅黑糖珍珠奶茶🥤香濃細滑珍珠爽口彈牙黑頭甜度適中整體來說好值得一試 而且外賣即整時間亦都唔會等好耐店員都好耐心介紹

好少見主打雞蛋嘅餐廳，仲要係沖繩蛋，咁得意，梗係要試試！假日去都幾多人，要排隊等位。餐廳裝修都係一隻隻雞蛋咁，幾好笑。主食叫咗海鮮蕃茄忌廉蛋包飯，超惹味，蕃茄汁酸酸甜甜，加埋忌廉中和返，creamy又好食。重點係啲蝦大大隻，魷魚圈成隻手鈪咁大，好足料！飯都唔只係白飯咁簡單，係有菇同肉，層次更豐富。友人就點咗燉牛肉蛋包飯，牛肉好嫩，個汁又好味，配埋滑蛋，真係殊一聲吞落肚。Pancake好軟熟又淋，好香蛋味。我叫咗士多啤梨味，酸酸地手，好啱食完飯食，開胃啲。友人就點咗蜜桃味，佢話好香甜。飲品方面我就飲水果茶，好多料，水果夠哂甜，唔使另外加糖槳都夠味。友人嘅黑糖珍珠鮮奶都好濃味，正！

前幾日俾我發現咗一間以沖繩蛋做主題既餐廳採用嘅雞蛋都由沖繩縣直送㗎蛋黃既色澤係靚靚既橘子色而且食落會比起普通蛋黃甜一啲好矜貴㗎～五款玉子串燒（番茄仔，海藻醬，親子三文魚 ，鱈魚子沙律，蟹肉）一次過就可以試曬五款味蛋香味好香甜好突出絕對值得再食親子三文魚同蟹肉都做得好出色芝士明太子筷子捲筷子捲即係用筷子卷成既關西風味大阪燒好有特色係香港好難搵到㗎推薦食法係整爛蛋黃再點佢既蛋汁黎食筷子捲中間仲有超多芝士勁滿足大阪燒風八爪魚捲係我最鐘意既一道菜啖啖甘香既玉子入面有好多粒粒章魚非常好食南蠻炸雞配自家製他他醬正宗既南蠻炸雞雞肉口感甚佳而且多肉汁扺讚親子丼親子丼係日本一向大受歡迎半熟既雞蛋加上雞肉同醬油配埋柚子胡椒係簡單又非常美味既家常料理呢間店既親子丼就更滑更吸引用靚雞蛋真係唔同啲㗎

自從星加坡人氣 蛋料理店登陸香港，以前好鍾意用生雞蛋拌飯，又會飲下滾水蛋，這些回憶又可以重新實現了。餐廳選用日本沖繩進口雞蛋直接送港，確保雞蛋品質，以雞蛋做出各式各樣的食物。招牌終極TKG 生雞蛋拌飯，蛋白先打到企身似雲朵，蛋黃再放其中，淋上豉油再落飯素攪拌一起，一羹羮放嘴中，蛋香豉油香，口感一流。芝士明太子筷子卷 好味又好玩，味道似大板燒，裏面溶化的芝士好吸引，上面還有一絲絲木魚，加埋滑滑的沖繩雞蛋，口感層次豐富。士多啤梨🍓soufflé pancake 是很好的甜品，鬆軟柔滑，濃濃的蛋香加上士多啤梨漿，無法抗拒。

話說見到商場出面有花展，帶埋小朋友黎睇，點知天氣太熱，搞到有啲中暑，拿拿臨入返商場降溫，順便食啲野休息下。呢間餐廳出名嘅就係蛋包飯，岩晒小朋友食，不過因為限聚令關係，一家四口要分開兩張檯坐。我地叫左兩個飯吉列豬扒蛋飯豬扒夠大份，而且好入味，蛋好滑，洋蔥都好香，兩個小朋友好快就食左一碗，估唔到咀刁嘅細仔連洋蔥都食埋燉牛肉蛋包飯呢個主要係俾我食，因為中暑咀都青埋，要食返啲牛肉補下血肉汁好濃，肉質都唔錯，可惜牛肉略嫌較少，配埋蛋包飯真係一絕。不過小朋友黎講啲汁就濃左少少。總括黎講呢間真係唔錯，如果有埋小朋友high chair就更好。下次再去北角匯我會再黎幫襯。

一直都想試試這間使用日本沖繩直送新鮮雞蛋的日式雞蛋料理專門店Tamago-EN。以為只有旺角和元朗有分店，才知道原來港島區有北角分店，位於北角匯，就在地鐵出口對面，十分方便！外賣有85折，外賣盒每款 $2。《明太子三文魚蛋忌廉包飯 （原價$98 再85折）》- 外賣的賣相跟堂食的一樣吸引。雞蛋蛋香濃郁，而蛋的顏色特別鮮艷，加上了明太子三文魚和忌廉，與飯拌勻很開胃惹味。《南蠻炸雞 配自家製他他醬 （原價$58 再85折）》 - 南蠻炸雞還有熱度，但外賣的關係外皮一定沒有堂食的香脆，但肉質入味亦嫩，再蘸上他他醬和千島醬實在好吃。《玉子燒 （原價$38 再85折）》- 有三件厚身香甜的玉子燒，再簡單蘸上醬油就已經夠提味可口了。 《日式拿破崙你意大利麵配溫泉蛋 $78+$15 set 配雜菜湯/麵豉湯+沙律 （ 再85折）》- 原來還有意粉吃，一定要試試，因為醬汁多，足夠拌勻整碟意粉，配上溫泉蛋又能使意粉入口更滑溜又有蛋香。外賣不錯，可以再光顧。