美味故事 (Closed)

返工咁大壓力,Lunch 緊係要去cafe chill 下, 洗滌下心靈啦我好鐘意入面既環境,枱與枱之間唔算迫可以同朋友靜靜地傾計野食方面質素都幾好今次我地既餐湯係蘑菇湯入面有好多蘑菇粒, 好足料然後我地叫左個羊柳意粉味道都不錯, 唔會好咸, 羊柳又唔羶餐廳整體都算唔錯,下次再黎既話就想試下焗薯

諗住開開心心去食餐飯，之前去過，環境可以，點知今晚食物質素其差，唔值個價錢。除了一開始個杯沙冰好味外，叫了四個主菜，份量可以但味道偏咸，雞唔熟有血水，豬肉質可以但好似好hea咁煮。蘑菇湯好咸，擺碟仲奇怪，將兩個主菜求其放埋一齊，放低大家要自己分。焗薯薯菜都好唔掂，好求其。成餐冇人有衝動拎相機出黎影可想而知咩事，一路食一路安慰自己都唔係咁差啫，但笑唔出，食完一落樓就知大家對呢餐勁失望。本想支持下餐廳但冇辦法我一定唔會再去。

入到餐廳 揀左窗邊嘅榻榻米風格座位 想同fd搵個地方靜靜地坐下傾下計 嚟呢到就最啱🤣​​▪️Lunch set - 慢煮牛扒拿破崙意粉​​蘑菇湯真係有蘑菇蓉同食到一粒粒蘑菇🍄 蒜蓉包都幾脆 沙律就正正常常🤤​​5成熟嘅牛扒 肉質鮮嫩 唔會好乾🤩 意粉嘅拿破崙番茄醬都可以多番少少咁就perfect啦🙊​​餐飲嘅水果茶係橙茶 橙香同茶嘅味道好夾好清新😛

旺角樓上居然隱藏一個「美味故事」😮，原來係一間有基督教理念嘅樓上Cafe，靠窗有挑高榻榻米座位，有日式情懷又坐得舒服。疫情真係好影響小店生意🥺，有良心又用心經營真係好值得支持，一齊共渡時艱！————————————————👅煙三文魚千島沙律意大利包（$56）👍🏻意大利包好似法包咁硬身少少，好有咬口，夾住新鮮生菜、青瓜同蕃茄🥒，仲有煙三文魚嘅鹹香，唔錯嘅輕食配搭👍🏻一個套餐嘅價錢已經包左一份主食、沙律、餐湯連餐包同飲品😲，餐湯仲好有心思用忌廉畫咗個笑哈哈添，咁抵嘅價錢真係冇咩好挑剔👅澳洲Midfield牛柳排（+$60）👍🏻凡購買午餐一份，可用優惠價60蚊加購🥩唔知係咪放凍左，雖然顏色粉嫩，咬落就有啲啲韌，趁熱食應該好味啲👅特濃檸檬蛋糕（+$28）👍🏻本身食個輕盈啲嘅甜品，結實嘅蛋糕體同檸檬奶油層層相隔，面層檸檬糖霜，底層又有餅底，酸酸地係幾refreshing🤣太真材實料食完都有啲飽滯👅溫泉蛋肉醬意粉（$72）————————————————🚩總結：午市套餐性價比高，環境舒適，坐耐少少都得————————————————🌟注意：因疫情關係，餐廳逢星期六營業，午餐menu會不定期更換，詳

五餅二魚是幫助社會的機構，因曾贊助過山區小學生們，現久不久會 收到他的電郵。來到這裡才知道是他其中一所店舖，真巧合！差不多二時上到來，旺角與太子之間的樓上舖，今日人流不多，坐得舒服又優悠，簡約佈置，角落位有琴鼓結他，想必晚上有真人彈唱表演。我們選了靠著窗邊，二人坐四人位，夠闊落呢！有三款 S餐，每款減了$6-7，選了S3 ❮日式麻醬蟹柳讚岐烏冬❯雖是凍食，但也泛起一陣紫菜香味，蟹柳被撕為幼條，旁邊伴著沙律菜，烏冬頗乾身煙韌，惟麻醬不足夠，要求加添一些，這樣才好味呀。R4 ❮溫泉蛋肉醬意粉❯肉醬美味，加了半生熟蛋，特顯了更加濕潤，不過我們吃意粉時感略硬，應可改善。伴❮沙律菜❯爽脆，醬汁流在底部，撈混吃，味道可以。❮磨菇濃湯❯ 味道可以，磨菇碎上，飲落頗香磨菇味。❮美式朱古力蛋糕❯ 點餐平宜10元。夠朱古力味，香甜，ok！❮熱水果茶❯ 嗅到清甜的水果味，檸檬又帶少少酸，可以喎！

呢一間唔起眼要求OpenRice先搵到。環境嘅舒適，仲有幾張大枱近窗。Bff特別提到好鍾意呢一度氣氛，因為有人聲得來唔會太嘈，傾心事一流。食咗兩個鐘，有三枱人慶生。最正係佢會特登較暗啲燈，營造氣氛，成場一齊唱Happy Birthday ，有feel。一嚟到就有Welcome drink係芒果沙冰，好重芒果味。佢咩料叫法都幾特別可以額外加錢叫主菜，所以Bff同我叫咗一set再額外多一個主菜share食。晚餐好豐富有南瓜濃湯煙三文魚薯仔沙律、煙三文魚他他多士，主菜有慢煮原隻春雞、慢煮澳洲牛柳，配菜就有酸忌廉焗薯、肉醬意粉、甜品就係北海道奶凍，最後飲品係熱情果茶。好豐富！！南瓜濃湯偏杰，有南瓜蓉。 煙三文魚薯仔沙律中沙律份量都多，鐘意佢薯仔質地夠淋。成個沙律食落fresh。一口一啖嘅他他多士，煙三文魚醬加埋少少蟹子加埋多士係好好嘅前菜，令我對主菜加添期待。主菜極推慢煮澳洲牛柳。Size唔係太大，但好厚，鐘意佢厚身嘅質感，中間仲好嫩滑。一切就見到迷人嘅粉紅色，不專業估計係5成熟。原隻春雞親比較一般，有少少嚡。值得一提熱情果茶，Bff好鐘意，大讚似一芳嘅味道。就連少飲養生果茶嘅我都幾鐘意酸酸地

之前搭巴士經過，見呢間樓上舖喺玻璃窗貼住有免覑漂白水提供。心諗，呢間係一間有良心既店，一定要搵次黎幫襯下。終於最近喺旺角返工，行過黎食 lunch 都唔遠，有機會食了～上到去環境好好，枱與枱之間唔迫，而且近窗嗰邊係 tatami 座位（但不用除鞋）又好特別。食左個芝士肉醬焗薯+蟹柳沙律餐，頭盤既菇湯好足料，焗薯就略乾，如果加啲沙律醬或 yogurt 會好啲，餐飲杯熱橙茶就甜左啲（不過可以加熱水），總括黎講係不過不失既。我會再幫襯（想試其他菜式）。

疫情，我已經很久沒出動去見朋友了有一個朋友，每次約會最喜歡尋找小店大集團，多人去的，都不是她的茶這次見面，她找了美味故事我差一點走錯地方，以為是隔離一點整棟都是食店的那個地方美味故事的入口，是一個完完全全住宅FEEL的樓梯我一坐下就顧著聊都沒拍過環境他們有普通的桌，也有我們坐的"他他咪"FU的，但不用屈著腳的，不用擔心價錢是屬中上？因為他裝修是一般CAFE看著價錢牌，我朋友說了一句：如果他不好吃，我會想打他！我們3個人，朋友說不是每個人都有一碟沙律，怕吃太多的確看過隔離枱，沙律也挺大的一碟最後叫了2個餐，其中一個加多一個主菜坐下來，東西都沒點就算給了我們每人一杯沙冰好感倍增芝士配神秘波波卷我看到芝士就不自覺舉手說我想要煙三文魚薯仔沙律！我大愛這款沙律！是打了蓉呢！話說這個卷，我一口吃下，神秘波波真的變得很神秘我吃不出是什麼來的，看起來像極西瓜另一卷朋友就切開來吃，原來是提子紫菜雞卷紫菜的味道很搶，配上沒肥肉的雞肉整件事變得很健康似的溫泉蛋我篤穿了來拌沙律沙律的醋也很好吃，不愛吃生的菜如我，拌了醋也會覺得很美味湯我比較喜歡南瓜味道比蘑菇做得山色香草三文魚配焗薯沒想到三文魚下暗暗藏了我最愛

同朋友係附近staycation 完俾朋友帶左過黎食地方乾淨，走文青風，仲有個台添，期待佢疫情後再有live band。午餐選擇唔算太多，每個餐都跟湯同沙律，磨菇湯係blend出黎個隻，飲落有顆粒感，味道都ok，沙律菜正常發揮。叫左麻醬烏冬，唔知係咪因為我地三個都叫呢個，個烏冬係熱既，麻醬暖既，上面既蟹柳係凍既。我無乜所謂，但朋友唔係咁中意。份量適中，但如果係大食肉食男就會唔夠。送熱飲，可加錢轉凍或特飲。呢到用illy咖啡，朋友屋企都飲開，但就話呢到既同佢屋企既唔同味。本人就覺得普通，唔會特別覺得佢正。另外個杯係朱古力沙冰，十分甜，朱古力味都假假地，不過呢個係呢類朱古力飲品既通病。總結係，有好有唔好，但價錢係cafe價，如果黎聽歌傾計，個地方好舒服，但如果只係黎lunch，應該有更好選擇。

旺角行街搵黃店食飯, 突然搵到呢間樓上cafe, 見評語唔錯就上去試下, 真係好有驚喜, 上菜快, 食物溫度適中, 水準幾高嘅西餐廳!不過門口好易錯過, 要慢慢行先至搵到。以唔夠一百人均消費食到高質西餐, 真係唔錯。會再幫襯!

太嬲 第一次打食評就係因為太難食lol可能個廚師今日唔開心可能我今日唔好彩 但奉勸大家叫頭嗰兩個餐都要三思因為唔係好肚餓 咁我同男朋友就一人叫一個份量少嘅餐就算啦 一開始睇個價 咁都幾好咁 包湯 嚟到仲有多個沙律 但無諗過咁樣樣 個包同烏冬真係好少餸同好難食 同埋比我嘅感覺係佢冇心做 個包嘅三文魚係幾好食嘅 但佢咁大個包 得一舊蕃茄係入面lol比多塊生菜我都好呀 就算你收貴啲都好呀 落啲心機整個賣相同味道呀！之後個烏冬hmm烏冬好立 好痴口 唔好食 就係咁啦 一開始以為係佢冇落麻醬搞到咁 我再問佢拎多啲麻醬 落完都係咁難食hmmm其他意粉可能唔錯嘅 唔知道 但唔好揀呢兩個 除非你好窮 咁你就去食車仔麵啦

如果講起旺角食西餐，大家一定諗到普通有個扒有餐飲嗰類，呢間樓上店係一大驚喜。一個晚餐好似full set咁，先嚟一個餐前飲品，然後有湯、沙律、小食、主菜、甜品、和餐飲。一點完餐就即上餐前特飲芒果汁，好清新。好快就上埋沙律和小食，多士好脆，沙律個汁好味，份量都夠。主菜個虎蝦好爽，要提一提個汁都好香，可能有忌廉或者橄欖油，所以好滑，甜品和餐飲就比較大路，不過都係中上水平。要提一提，佢哋個餐牌有寫，可以折扣價加第二份，所以最好雙數人數或者上去前諗好點叫，會比較抵。另外，用餐當晚佢哋booking 係滿，因為我6點一位walk-in，先至安排到座位，要7:15離座。

簡約裝修，加上樂隊設備，特題了氣質，再配上窗外的陽光，好動感。枱上擺放了水、杯、搓手液，送放便客人自己斟酌，談天說地，慢慢享受歡樂。 慢煮羊肉拿破崙意粉：意粉爽而不硬，很入味。羊肉嫩滑，中間都有少少血；侍應沒有問要幾多成熟。如果不吃生的肉，就要主動提出。燻三文魚忌廉意粉：燻三文魚較鹹，忌廉汁都有點飽，如果早上吃太多，就不太合這個。反而燻三文魚配拿破崙意粉倒不錯，希望日後推出。亮點是：湯：飲得到有心思！開心笑笑，解苦！果茶。好飲：不酸不甜也解喝，解了我吃忌廉的膩。而且大大杯，顏色也吸睛。最加了榴連慕絲，中間有榴連肉；整個甜品🍮很正！

同朋友約咗周末食lunch，最後揀咗呢間位於旺角嘅樓上cafe。呢間cafe距離地鐵站B出口大概5分鐘嘅路程，都幾就腳～ 一入到去就見到裝修風格係偏日式，窗邊嘅卡位更係用上榻榻米嘅風格。坐低後，店員送上一個落單嘅QR code，並告知我哋要一次落晒飲品同甜品，唔可以加單～菜單的款式十分簡單，都係以沙律、意粉之類的輕食為主。我哋點咗 三文魚忌廉意粉 （$88）同埋 日式墨魚汁冷麵（$59）落單後10分鐘到，就送上餐包，餐湯及沙律。蒜蓉餐包十分香脆，蘑菇湯就好重蘑菇味，沙律正正常常～煙三文魚忌廉意粉，味道正常，食到最後會有小小膩，不過還可以～有兩大片煙三文魚，都算足料，不過不失。而朋友點的係墨魚汁冷麵，價格平得黎，味道都唔錯。食起上嚟十分清爽，適合夏天～～但除咗小許蟹籽之外，並冇其他配料。值得一提嘅係，佢地嘅咖啡係即磨illy咖啡，味道香濃，係我鐘意嘅咖啡豆🥰 價錢便宜，加上坐得舒服，係適合週末brunch嘅cafe~~

上星期二因公司食飯，有機會去試吓呢間樓上西餐廳，晚市時間座無虛席，今次多人所以就坐唔到窗口位，佢嘅窗口位好特別，好似日式榻榻米。一嚟到首先就俾我哋品嚐下芒果沙冰，其實平時我都唔鍾意飲沙冰，但佢係好開胃同埋食得出係有菠蘿同芒果香味，真材實料，細細杯，令我對沙冰改觀。然之後呢就叫咗個套餐 佢有湯、前菜丶主食 丶甜品。湯我叫咗蘑菇湯，好香蘑菇味，我同事叫咗南瓜湯都話好飲。三文魚沙律同雞卷，沙律好清新好食嘅，但雞卷我覺得一般可能唔啱口味，反而他他多士好好食。下面嗰個蒟蒻沙律好特別感覺健康但係蒟蒻冇味所以都係食緊菜沙律嘅味道主菜慢煮羊膝，裏面啲肉好嫩好好食，調味亦都唔錯，慢煮應該都好花時間同功夫。個安格斯慢煮牛都好好食嘅感覺，雖然我冇食到，但聽講好有肉汁，同有質感。墨魚麵 ，佢本身個面已經係用墨魚汁做，所以食落去唔怕成個口都黑色。甜品方面，芝士蛋糕同咖啡蛋糕都好出色。飲品水果茶感覺太濃雖然唔係嗰種死甜，但真係太甜，下次再食應該飲其他嘢，咖啡就可以啦。整體而言，雖然貴但係嘢食超水準，同好豐富嘅感覺，啲食材好食會覺得好享受呢餐飯。