正斗粥麵專家 (新城市廣場一期)

Open Now

Now Closed

經過近日雲吞麵的風波，全城FACEBOOK雲吞麵狂洗版，冇理由唔嚟襯下熱鬧，呢間新開嘅沙田正斗都係第一次食，地點就當然靚啦，係最當旺嘅餐廳地下樓層，裝修都算好時尚，好鍾意D燈飾，好似一個個蒲公英。今日嚟到雲吞麵係必點項目，叫一碗細蓉慢慢品嚐，麵條夠彈牙，唔重鹼水味，雲吞大小適中，每粒都好足料，湯頭大地魚味夠濃，蝦子味亦夠，韭黃夠香脆，可以稱得上係一碗上等嘅雲吞麵。炸兩，腸粉皮拉得夠薄，油條食落仲係脆嘅，食完一舊又一舊，真係停唔到口。三拼粥，點咗皮蛋，牛肉，肉丸粥，粥夠綿夠杰，味道夠晒鮮味，牛肉做到剛剛熟，夠嫩，肉丸調味一流，皮蛋係流心貨色，夠晒香濃。唔知係唔係最近雲吞麵的風波帶動，今晚所見呢間正斗並冇比最近嘅淡市影響，成晚都不斷有客人入座，平日嚟講生意算好好，所以邊個話一定要食鮑，參，翅，肚先係算美食，食物不在乎價值，只有好食與唔好食。

近期討論雲吞麵的熱潮，在香港熱哄哄。前往沙田文娛中心睇話劇之前經過正斗，當然要入去叫碗雲吞麵抽抽水啦。環境格局都不錯，燈飾都幾潮，而牆身的畫作及餐桌就保留中國風。這裡的豬手超淋超入味，每次來都必選項目。蝦餃都足料，鮮蝦爽口彈牙。港式雲吞麵， 雲吞細細粒， 皮薄餡肉鮮味十足， 生麵沒有鹼水味，而且十分彈牙，做得非常好，一碗簡單的雲吞麵食出香港風味，又點可以同米芝蓮餐廳比較。 香港貴為美食天堂，若要選擇食物，申請列入非物質文化遺產的話，雲吞麵可能成為必選項目了。

近排雲吞麵事件鬧得熱烘烘的，大家也談論著誰家做得好，做得正宗，可是我只需要好吃便可，小弟心目中其中一間好吃的就是正斗了。不過，今次來到卻不是吃雲吞麵，而是吃粥及腸粉。除了雲吞麵外，生滾粥都做得不錯。粥底綿滑，有米香，以田雞為材料來煮，鮮甜無比，田雞經煮過後，肉質依然嫩滑，加上份量甚多，很滿足。另外，也叫來了腸粉來吃，今次捨棄了炸兩，改以一個很特別的蛋煎蝦米腸，起初以為是蘸上蛋汁去煎，但出來的結果卻是一大餅。煎得香脆的蝦米腸伴隨著蛋香來吃，別有一番滋味。只吃這些，始終有點口寡寡，就點來上次曾吃過的香蜜咕嚕蝦球，蝦球炸得香脆可口，酸酸甜甜的醬汁稠杰度剛好掛在蝦球上，食味大增。

最近熱爆話題雲吞麵成為城中熱話, 一向喜歡食雲吞麵的KAKA也來湊湊熱鬧其實雲吞麵的煮法一點都不簡單, 非常有學問, 而且歷史悠久, 更是能代表香港的一種食物. 由煮湯, 麵的軟硬度, 雲吞的比例, 在正斗永遠能吃出一碗完美的細蓉. 湯, 清得黎味道香濃麵, 爽脆彈牙雲吞, 蝦和肉比例適中, 而且皮很薄, 正!

口味嘅野，你有我有，人人不同，從來都沒有一定的事實，只有大眾與偏僻。就等如，以雞來講，你喜歡雞胸淡淡肉，佢喜歡雞翼有骨俾佢慢慢先滋味，我鐘意食雞脾肉較滑，重口味可能鐘意食雞屎忽雞頭，又或者男人鐘意雞，女人係咪鐘意食鴨呢？所以口味呢家野，人人唔同，你的標準可能就是我的底線，我覺得好好你覺得一文不值，百貨百客，從來就是市場的基本運作。正如電影，你覺得呢套好睇個套唔好都係好個人的事，就算金像獎的評審都自然有自己的想法或興趣，我們又點會有資格說一樣東西好不好，值不值得呢。林生說，剛拿了最佳電影的電影絕對不能代表香港，因為佢話如果以一種食物來代表香港，咁你會唔會用雲呑麵先。我唔明代表一個地方的食物要有什麼資格，駛唔駛填表，選舉，公投，申請和等待批核呢d business as usual的程序，我只知道，我很喜歡吃雲呑麵，林生的說法令我立刻想想我到底是不是同樣講出來笑大人個口。咁如果有人過黎香港旅遊要食代表香港的食物，咁會係乜呢?如果雲呑麵唔係，一定不會是那些魚蛋燒賣吧，唔通係帶佢地食鮑參翅肚?我腦海實在想不到有什麼代表香港。有朋友很久不見了，約出來聚舊一下，於沙田相約，想有個好點地方坐坐，朋友

小時候, 家貧, 不像CEO那般過著無憂的生活. 四兄弟姊妹, 可以吃的, 不多. 能夠出街吃飯, 更難得. 可以吃一碗雲吞麵, 已經很豐富了. 近日, 雲吞麵起了不少風波, 這環境下, 當然要吃碗雲吞麵, 重溫舊夢. 來正斗吃雲吞麵當然沒錯, 畢竟系出名門嘛.正斗鮮蝦雲吞麵 $40吃雲吞麵, 吃細蓉是常識吧. 正斗的細蓉, 先要讚湯底, 很有大地魚的清甜味道, 沒有師傅的痕跡. 到別的店, 或許不會喝雲吞麵的湯, 在正斗, 沒有問題, 照喝可也. 麵條很彈牙, 而且沒有那惱人的鹼水, 真好. 至於雲吞, 輸在不是散尾的, 但皮薄, 餡料對辦, 蝦肉爽口, 也有豬肉的油香.是日燉湯 $68我不像人家, 有家人照顧, 有湯水喝. 畢竟要上班, 回家後就照顧小晴晴, 那有時間煲湯. 於是, 上館子有燉湯喝的話, 一定要喝. 這晚的燉湯是西洋菜陳腎豬骨湯, 以及雪梨無花果燉南北杏. 兩款也很好喝, 有火候, 足料, 特別是雪梨無花果燉南北杏, 啖啖雪梨, 很甜美.原汁柱候炆牛腩 $98好久沒有吃原汁柱候炆牛腩, 其實這裡的牛腩一向有水準, 來一客, 也無妨. 牛腩質感不會太實, 易入口, 但

對上一次到沙田，已是 1月份了！  今次，跟好幾位無見已有一段時間我朋友們飯聚！ 我們相約到位於沙田新城市廣場1期食肆林立 1樓的 <正斗粥麵專家>！ 如果搭地鐵到沙田站，行到盡頭落兩層，由扶手電梯落去，向左便望到！很容易找！ 這間分店以清雅的裝潢，簡潔明亮！  桌與桌之間有足夠空間感，讓食客舒舒服服享受美食！ 供應的美食多元化！還有煲仔飯、蒸魚...等，真是不容錯過！  同時，方便附近的住客走來食飯！ 鳳爪、鮮田雞、臘腸煲仔飯 (2人份量) $168配料可選擇：鳳爪、排骨、鮮田雞、牛肉、豬潤、潤腸、臘腸、北菇滑雞！  (任選三款)晚上 6:00 起供應！煲仔飯配豬油及豉油！ 混合豬油及豉油，本身略帶飯香的飯粒即時變得油潤起來，  豉油添風味食起來更惹味！很一流！ 鳳爪雞皮柔軟入味帶微辣！ 鮮田雞是我的首選，並非每一間中菜館也有田雞的菜式，真是買少見少嘞！ 田雞鮮美嫩滑，令人回味無窮！  加上餐廳是米芝蓮餐廳，烹調處理食材會比較講究，因此可以食得安心！ 臘腸只有夾雜少許脂肪，香甜而硬身！ 是日燉湯有兩款：蘋果雪梨無花果/ 西洋菜陳腎是

作為一舊沙田柚都見住新城市廣場D 食肆既轉變由嘖水池時代到今日變左兩邊都變晒野食真係感覺有少少複雜仲要其實好多未食過已經收左 =P所以都係食多幾間先入到去基本上都即刻有位坐同埋個位可以望到條街感覺上無望商場入面個感覺咁迫之後羅左份menu睇下，菜式有D酒樓既菜款但又有撈麵、同煲仔飯，幾過癮下兩個人最後要左蝦餃、燒賣、 煲仔飯同芝麻糊試下蝦餃($38)雖然酒樓既蝦餃唔洗呢個價不過食野一定係睇返性價比既 ; )未入口已經知有D料子一夾起，個皮唔會因為蒸耐左而黏著張紙入口個皮薄，唔張口蝦都好靚，用料好，都食返個級數蟹籽燒賣皇($42)個人好鍾意個燒賣好耐無食過成隻都香既燒賣新鮮羅出黎個隻咬入口，第一下係香菇既香同個豬肉好出，而且彈牙食第二粒個陣係唔忍心成粒食食開左慢慢黎食煲仔飯($168)呢個飯幾得意，係二人份量選三樣料我地要左鳳爪、排骨同解牛肉由於二人份，黎個下個煲都真係比平時大三款料都放滿左飯面(煲都算深)當然佢俾左一兜煲仔飯既甜豉油竟然仲有一兜豬油 Orz 估你唔到但個人喜好問題無用到，但傳說加豬油係一個精粹...個飯加完甜豉油再混完之後好香而且有飯焦，好食到最後起晒黎食 =P用既排骨

好耐無試過飲主家靚湯了，自己又唔識煲湯，認真回味阿媽既靚湯係如此好飲！.所以是日人在沙田，就決定去飲返盅燉湯，原來正斗的是日燉湯每日有兩種，細問下今天既係蘋果雪梨無花果同西洋菜陳賢。小妹兩款都鍾意飲，所以與他一人叫了一盅。.蘋果雪梨無花果 $68此湯可以清熱降火、補心益氣，岩晒成日食香口食物的小妹。入面的材料好足呢，飲落味道清甜，帶點甜味很易入口，係大人小朋友都岩飲既滋潤補湯。.西洋菜陳賢 $68一向喜歡飲西洋菜湯，同樣有清熱潤肺的功效，味道清清地，帶點甘甜，不錯。.蔡瀾咸魚醬雞粒炒飯 $115炒飯炒得粒粒分明，材料有雞蛋和雞粒，仲加左菜框咬到索索聲增加左口感，相信亦有加到薑絲，所以隱約都食到薑味。反而咸魚醬既味道稍弱，不太食得出，不過這飯真的炒得不錯。.香蜜咕嚕蝦球 $138這道小菜之前已經食過，因為覺得好味今次又再叫。蝦球同樣咬落有微脆口感，食落很爽彈，送飯確係不錯。

近日全城熱爆雲吞麵，我也來支持一下；帶著小孩關係，近年的確少了通街通巷找地道雲吞麵吃，要吃多數來正斗，貪其乾淨又企理嘛。這裡的雲吞麵，又稱細蓉，非常標準，麵絲爽口彈牙、湯底帶鮮，碗內小巧剛好一口一隻的雲吞皮薄餡鮮，二人分吃一碗，剛好作為開胃頭盤。除了雲吞麵，來正斗吃得最多的，要數這南乳豬手：每次吃，都是那麼軟腍入味，薄薄的豬皮下脂肪不多，帶點鬆化的瘦肉更加好吃。其實來了又來，很大的原因就是為了它！細蓉完全不夠填肚，又點一份肉絲炒麵；豐富配料下，麵餅香脆可口，加醬部分又變得淋身索味，兩重口感十分吸引。常常聽到CEO大讚這裡的芝麻糊了得，這晚也點了一碗來試，當然貨真價實，香濃美味，貴一點也值回票價。又是滿足的一晚，印證小店也可以登大雅之堂，無問題！

相信最近因雲吞麵捲起了一股熱潮，皆令大家心癢癢的想要吃一下吧。市面上供應雲吞麵的選擇不少，正斗是其中一間大眾化的選擇呢。這天到訪的正是位於沙田新城市廣場內的正斗。是日燉湯： 在吃雲吞麵前先喝一下當天的燉湯— 西洋菜陳腎湯，湯料不少，西洋菜分量很多，挺清甜潤喉的。雲吞豬手雲吞麵： 想要吃雲吞外，也有點心癢想要吃豬手，想要惹味一點，於是便來了個雙併撈麵，雲吞一貫的不失望，豬手的骨膠原黏黏感覺也如預料般的，以點豬手的伴汁撈麵是好選擇。煲仔飯 （鳳爪，鮮田雞，臘腸）：有點詫意原來正斗也有供應煲仔飯，二人的分量，可從眾配料中選三款—鳳爪是一貫我愛點的。除了近乎必然的煲仔飯豉油外，竟然還有一小碟豬油！大家也高呼太邪惡了！可是加入飯中可想而知定必更香吧！ 想要一止吃煲仔飯的心癮，也不妨一試。蒸魚： 另一亮點是竟然在正斗可吃到蒸魚呢，據了解這條是紅鮪，相信是每晚限量的～以不是海鮮酒家而言，也真已是挺不錯的選擇。簡簡單單的吃過晚餐，隨便的逛逛新城市廣場，回到家還早呢。

Went to Shatin because some relatives live there and there are quite a lot of expats around this area as it is next to Tai Po where most BBCs live except me.Didn't know where to eat because Shatin is always packed with people but went here because of the recent reviews.We had steamed fish of the day and two other hardcore exotic dishes like XO sauce frogs legs and black bean sauce intestines!++++++++++steamed fish of the day:Basically a flawless dish when the fish is fresh and steamed just right

十年得到香港電影金像獎最佳電影, 引來相當大的風波. 說實話, 其他候選電影是否更值得最佳電影的榮譽? 五個小孩的校長是感動, 但拍得粗糙. 智取威虎山得到的話, 是否針對的由黃變藍? 葉問3是重覆又重覆, 而踏血尋梅當然是好電影, 但跟十年相比, 兩者的水準真的有那麼大差別嗎? 當然, 最大的問題是, 最佳電影從來不是比投資度, 不是大製作, 千軍萬馬就能得獎. 同樣地, 雲吞麵只要做得好, 成為全香港最好餐廳, 又怎會不服氣.說到雲吞麵, 香港吃雲吞麵的店子, 當然很多. 您的心水是那一家? 那裡才是您心目中的最好雲吞麵? 正斗的雲吞麵, 就是其中一家很有水準的出品. 這天晚上, 就跟文迪來到沙田分店吃吃雲吞麵, 以及其他菜式.正斗鮮蝦雲吞麵 $40: 8.5分, 這裡的雲吞麵有兩種份量, 要吃, 當然吃細蓉. 湯底很清甜, 帶大地魚香, 忍不住連喝幾口. 雲吞不是散尾的款式, 但就大細適中, 是一口一粒的份量, 蝦肉鮮爽, 跟豬肉的比例合宜. 麵條方面, 質感彈牙, 沒有鹼水味. 還是很有水準.是日燉湯 $68: 8.5分, 是日燉湯有兩款, 分別是西洋菜陳腎豬骨湯, 以及雪梨無

這一日，有某含著金鎖匙出世，從小便衣食無憂的所謂城中名人大言不慚地以雲吞麵多好吃也不及米芝蓮餐廳的食物好吃的錯誤比喻來質疑「十年」因何能奪得今屆的香港電影金像獎最佳電影。可這一夜，我就在這間源出於米芝蓮推介中榜上有名的唯一一間雲吞麵店「何洪記」的「正斗」，吃了一碗「雲吞麵」，覺得味道並不比米芝蓮的出品遜色。這晚的「正斗鮮蝦雲吞麵」，湯清味好，麵條爽口，雲吞也小巧正宗，小小的一碗，已是美味。同樣有水準的有「南乳豬手」。南乳味香濃，泛著油光的豬手皮滑肉嫩，骨膠原豐富極了。「銀芽肉絲炒麵」也不錯，雖然麵條稍嫌不夠脆身，但整碟炒麵味道適中，茨汁不會過份濃稠，整體水準令人滿意。「蝦子柚皮」十分出色，索滿汁的柚皮極為軟腍，味道也好，超正！最後還有吃飯呢！是二人份量的「自選百搭煲仔飯」，食客可在指定的八款配料中任揀三款，我與友人結果揀了北菇滑雞、膶腸和鮮田雞做這煲仔飯的配料，既足料，又熱暖的煲仔飯，吃上一碗，既飽且暖。誰說「雲吞麵」不好吃？我這等一介蟻民，沒有一個懂得賺大錢供自己讀書吃喝玩樂揮霍金錢一擲千金的父親，米芝蓮名店只能偶一為之試試，一碗正斗的「雲吞麵」已覺得很好味了。

睇番小弟晌沙田區嘅搵食足跡，原來大部分嚟嚟去去都喺晌新城市廣場嘅多，都喺多得老友就我唔使要我周圍搵，新城市廣場確喺挺方便。今晚，同朋友嚟食飯嘅地方又喺位處新城市廣場。「正斗」非第一次幫襯，所以，環境、服務都知道非一般粉麵檔咁「街坊」，但定價亦非一般街坊價，哈哈！原來打算食吓粥麵，不過，見有版小菜推介嘅小炒，內裡仲有好耐未食過嘅田雞，二話不說就想點嚟試試；另外，加多一客炒飯先。XO醬爆田雞 $125比預期細份量喎，不過，感覺好似幾惹味！先試件田雞脾，惹味就惹味喇，可惜炒得過火咗些少，所以，肉質未至好嫩滑，而且，鹹咗少少；反而，啲蜜糖豆清甜好味。希望佢哋會對證下藥，調校一下個味道，唔好嘥咗啲田雞啫。蛋白野菌炒飯 $108個炒飯唔錯喎，因為，飯粒炒得乾身唔油，配蛋白及雜菌，幾足料，又幾健康。如果加少少黑松露醬提升一下份幽香感，相信仲吸引。陳年金桔蜜 $22小弟要咗杯金桔蜜潤一潤，皆因有輕微喉嚨痛。嚟到時，金桔已經篤到蓉晒溝勻咗蜜糖，飲落金桔味好濃香，果然夠陳年，哈哈，就算未知功效點，起碼入口都潤晒。清潤雪耳燉木瓜 $50友人就仲潤，餐後要碗清燉糖水，我就黐少少試試。雪耳好爽脆，木瓜夠熟，味道