原味棧 (Closed)

原味棧，見網上咁多好評，當然要會一會☺說到底也只是單純的【為食】。係openrice寫由黃埔地鐵站出只需行8分鐘，但最後我足足行左20分鐘（我冇走錯路）。雖然路程遠，冇損我興致，放工後寧舍餓。我選擇打邊爐，見好多人讚不絕口。及後我都好想食埋炒小菜😢但肚唔爭氣，冇咁多空位。炒出黎小菜碟碟聞落有如仙氣，鍋氣多到似打邊爐咁🙄建議大家兩樣都可以試下一坐低就見到中式碗碟，好精美，好耐未見過呢種一套碗碟的餐館。茶葉係香片茶😊夠降火今次我就集中講下呢個火焰臺山五味醉鵝。睇相唔太影得出個震撼感，但我望住個員工倒米酒再點火個刻，差啲相都唔記得影😂個陣香味加視覺效果，我喜歡。米酒，唔係一種我特別喜歡嘅調味料。但加落去煮鵝，都係第一次食。外面一向都得雞煲，呢個係鵝味道未必係個個都愛吃，畢竟加上米酒味。如果唔太想酒味咁濃，可以叫員工加多啲水一齊煲，就唔會有一大陣酒味。煲內一早有小豆卜、蔥段、鵝、枝竹、唐生菜，豆卜枝竹吸晒火酒味，係幾香😚食到開始冇咩食材，就可以加水煲滾食海鮮。海鮮拼盤一開始送上時，我未覺得有咩地方值得“嘩”一聲，過左陣，見到蟹腳、蟶子、鮑魚、龍蝦仔都郁郁下好新鮮呀！全部海鮮味道都非常鮮甜多汁，

火焰鵝煲任食（$208+30）-鵝煲上枱滾一陣，就會有店員黎落酒點火。點完火再滾一陣就可以食啦，可惜一食得就有店員黎加左湯，沖淡左個味啊，如果可以食完鵝再加湯就好啦🤔。-食完個煲，又係時候食海鮮，啲海鮮上枱仲腳郁郁好新鮮，入面有龍蝦、鮑魚、蜆同蟶子等等，食材都幾豐富喎。龍蝦鮮甜爽口無雪味，蟶子同蜆洗得都幾乾淨，唔會有沙，整體感覺都唔錯，幾滿足到食海鮮既心😜。-之後梗係要開始食配料，配料都係一般打邊爐料，選擇夠多。留意返佢地既配料超級大份，人少既話最好叫半份先，廢事浪費食物啊嘛！

好少去土瓜灣嗰邊 因為無地鐵唔方便 難得今次有地膽帶路搵食 喺深水埗搭12A巴士過來半個鐘都唔洗喺庇利街入口抬頭 見到「崇潔美食街」五個霓虹燈大字 好似旅遊區咁 睇嚟入面嘅餐廳都會好唔錯朋友book咗「原味棧」 6個人聚吓 叫菜好容易啲餐具有中式茶樓feel 配合返menu入面多元化嘅中國地方菜小妹偏愛川菜 大家叫咗幾味 不過要遷就各人口味 唯有小麻小辣餐廳有幾款主打麻辣雞煲 由於大家都好懶 點咗「麻辣豬肚雞煲」（其餘嘅「蝦雞煲」、「蟹雞煲」、「鱔雞煲」通通要lur骨😂😂）（順帶一提 之後嘅幾道菜都好多芫茜 啱哂芫茜發燒友）雞塊和豬肚好入味 口感偏韌 一邊咀嚼 啲味一邊滲出來啊 燈籠椒係最後加落去 味道較清新 可以中和下濃烈嘅辣味 令舌頭有個break～「口水雞」比起其他地方嘅無咁多油 顏色無咁紅（可能因為「小辣」 大家覺得好易入口）「川味水煮魚」係小妹至愛！呢度用魚片 （雖然食唔出係咩魚...） 每片都好薄好滑 好多塊都無骨 只係偶爾一兩片有條大嘅 要食都好方便... 湯底好多配菜 食到尾發現有好多粗身薯粉呢餐每人夾百幾蚊 抵啊！（美中不足係卡位太窄）

紅磡一般黎講都比較隔涉, 除非住係個頭, 正常平時都好少入去搵食, 但係其實紅磡有條食街, 叫崇潔街, 入面好多各式各樣餐廳, 有好多更加係隱世好餐廳, 今日放假一於入去搵好野食!今次搵到呢間以真係新鮮送到枱上重識得郁既海鮮做食材既雞煲火鍋!揀左龍穿鳳雞煲火鍋套餐, 送一個豪華海鮮拼盤, 美國安格斯手切肥牛片, 一籃時令菜豪華海鮮拼盤送到上枱時, D蝦, 鮑魚等等海鮮都重係識郁! 超級新鮮而且市面少見龍蝦非常鮮甜彈牙, 又多膏, 海蝦都一樣鮮甜彈牙!鮑魚夠軟又腍口, 其他海鮮都一樣鮮味龍穿鳳雞煲入面D蝦唔比海蝦差, 都一樣彈牙好食, 重發現應該之前炒過黎, 炒到好香好入味, 相信呢到既小菜都唔會差好多火鍋都有安格斯牛肉, 但有唔少都係薄切, 但呢到係厚切! 啖啖肉, 鬆軟有趙口每一口都充滿牛味!食返D菜, 菇類等等平衡一點每人都係二百蚊左右, 就已經有咁新鮮既海鮮食, 咁高質既肥牛, 出面起碼double, 甚至 triple 價錢, 花點時間入來都是值得的!

今晚約了親友們打邊爐晚飯。最喜歡嘗試不同地方的打邊爐(不是連鎖店)菜式，每每都發現驚喜。"原味棧"座落於紅磡崇潔街， 從黃埔地鐵站走过去約需10分鐘。親友極度推介這裏的火鍋及海鮮。我們一行八人被安排一張大圓枱上，極度期待因為多人就可以點多些款唔同菜式。 這裏主要分半放題形式或散叫小菜。這次我們選了半放題形式火窩，人多可以叫"火焰台山五味醉鵝" 鍋底(每位另加30元)。窩底上檯有火焰伴著濃濃的酒香味， 鵝件已熟再以慢火煮一下， 鍋底也有不少腐竹，吸收了那些炆鵝的湯汁， 美味無窮。 原以為這樣一煮的鵝肉會非常老， 但竟然出奇的嫩滑。 而湯底也沒有預期的油膩，而是渾和酒香和特製的湯汁，非常惹味。 這個鍋底非常推介，喜歡吃鵝的朋友更加不要錯過!以人頭計每人有一份海鮮，包括半隻龍蝦，象拔蚌，花蟹，鮑魚，蜆和蝦。 海鮮拼盤上檯的時候，鮑魚和龍蝦非常新鮮-- 仲微微郁動!立刻就放進湯底， 極道鮮味! 由於所有海鮮都是生猛新鮮，只要唔好淥得過度，基本上都可以吃出鮮甜美味。還有手切牛肉都是按人頭計例牌。 手切牛肉非常有肉味。 大小切得厚薄適中。 8人份量非常有睇頭。接著便是任吃的配料，我們點了魚皮餃，龍

老婆同我講話很久沒有和她哥哥一家吃飯，咁啱有個好友介紹這裡，他話很低食，二佰幾蚊唔駛加一，就可以吃飽，我們以前住紅磡，都有時常來這條食街，因為好多好野食。這裡有個大魚缸在入口處，養咗好多海鮮，一見到咁多游水海鮮，就知道海鮮一定唔會太差。我們㨂了$208任飲任食火鍋，送一盤海鮮拼盤及一盤安格斯牛肉，另外任飲就係汽水，啤酒則另外加錢的。雖然有幾款火鍋選擇，不過我們認為最有特色就係火焰醉鵝，所以就用呢個煱底去打邊爐。女侍應會在鵝件淋上白酒，然後點火，鵝件鋪在菜上，染有一股酒的甜香，味道有些似狗仔鴨的味道，吃完鵝件，女侍應為我們加湯，之後就可以打邊爐。首先來一大盤海鮮，包括有龍蝦、蜆、蚌、鲍魚、花蟹、蝦。可能因為有個魚缸，所以每件海鮮都很生猛。另外因爲我們六個人，所以安格斯肥牛，都很大碟，因為都幾好味，我們覺得少咗D。我們點了很多任食的邊爐配料，品種廿幾種，有蔬菜、肉類、丸類睇餐牌原來仲有其他菜式，下次再來時，要試試。

今晚好開心，因為約咗我亞哥一家吃飯，老公話有老友推介呢度，以前我們都住紅磡，知道呢條係食街，大把好野食。入門口已經見到有個大魚缸養咗好多海鮮，所以都應該知道海鮮一定正。睇睇餐牌，$208任飲任食火鍋配料，仲送一盤海鮮拼盤及一盤安格斯牛肉，至於任飲就係汽水，而啤酒另外加錢的。有幾款火鍋湯底可以選擇，一致認為最有特色就係火焰醉鵝，所以一致通過就用呢一個味道去打邊爐。呢一個火鍋真係用約100M L嘅白酒淋在鵝件之後點火，令到鵝件有一股酒的甜香味👍。點好了湯底，侍應先來一大盤海鮮，包括有龍蝦、蜆、蚌、鲍魚、花蟹、蝦，海鮮件件都好新鮮。打邊爐就一定要食肥牛，這裡的安格斯肥牛大大碟足夠六個人的份量。半任食的邊爐配料，品種都好多，讚👍，夠新鮮。任飲任食的確化算，飽餐一頓，每人都是2佰幾咋，仲唔駛加一，哥哥一家人都好滿意😍😍

去開紅磡家維村探親戚， 得知有家新開，頗受附近街坊歡迎， 專吃火鍋和家常小菜的餐廳－「原味棧」， 姨媽姑姐都讚好， 而且價錢便宜，便心郁郁帶媽咪去食好西。😆 餐廳都算大， 簡潔的裝修配上不少大圓枱和卡位， 坐得都算舒適。😉 見差不多每枱都食火鍋套餐，又幾抵食， 所以便點了～🙈 小編最喜歡打邊爐🍲， 即使在🌞酷熱天氣警告下， 都無阻我的興致，有冷氣就乜都唔怕！😂 火鍋套餐可分為兩個時段， 晚上6:30-9:30時段，每位$208， 晚上9:30後便開始優惠時段，位位只需$188， 便可以嘆到這個海鮮任食火鍋了， 抵過食放題！🤘🏾 食火鍋前先混個醬～🙈 芫荽、辣椒、炸蒜、生蒜樣樣齊。 首先要選擇一款湯底， 雖然店員介紹說火焰臺山五味醉鵝是招牌菜， 但我和媽咪都不喜歡吃鵝， 所以便選了龍穿鳳（胡椒海蝦雞窩）（半隻）。 雖然其貌不揚，但胡椒味香， 而且越食越出味，不錯啊！☺️ 雞件雖份量不多，但勝在肉質嫩滑入味， 而且事後還可以免費追加雞件。😏 海蝦肉質又新鮮彈牙，正！👍🏻 火鍋套餐皆附送一客豪華海鮮拼盤， 海鮮份量是依照人數而定， 而海鮮的種類是根據當日新鮮選材而定。

火焰台山五味鵝平時食雞煲就食得多，食鵝就比較少，依到嘅鵝煲食之前會落少少酒再點火就一個火焰出黎啦，識落酒味好香再帶點醬油嘅鹹味，味道都幾好食，而鵝嘅肉質偏硬身，感覺同食雞煲都唔同😖，入配仲有菜同腐竹，吸哂湯底嘅味道，好正！-依到嘅套餐仲會配埋個海鮮拼盤，有海蝦、蟹、硯，仲有埋鮑魚龍蝦添，海鮮樣樣都好新鮮，味道鮮甜，食落彈牙！-牛肉口感香嫩，味道牛肉唔會太濃！-仲有唔少火鍋配料，叫左菜、芋頭等等，佢嘅芋頭好好食好粉呀！

呢晚同舊同學係黃埔睇完蜘蛛俠後就係附近搵野食。以往極少黎紅磡黃埔呢一頭，自地鐵線開通左之後，依家都算係交通方便左 黎黃埔既情況都多左。友人係呢頭既地膽，呢一餐完全由佢發板，係佢一路帶領之下黎到呢間原味棧面前。不得不說 店內既裝潢都幾有心機，牆上以充滿中國特色既壁畫作主調，天花板上纏繞著花藤同埋吊住橢圓形既燈泡，更添詩意。就黎餐具都散發住中國既氣息，杯碗上都印著水墨畫般既圖案。餐內可打邊爐火鍋類，亦都有即叫即炒小菜。我地就揀左打邊爐任食，最後亦都證明呢個抉擇係好明智。四款火鍋任選其一，我地點左龍穿鳳即係胡椒海蝦雞煲，龍穿鳳 一聽就知夠架勢。未幾 一d調醬配料就送到。選擇唔多 但基本既如辣辣、蒜蓉都一應俱全。由於火鍋set太豐富既關係 我地淨係叫左半隻雞 點知份量依然唔少。整個鍋主角係鮮蝦同雞件，開頭既胡椒味有點兒淡，但當煲滾既時間越長既時候個胡椒味就越黎越突出。海蝦十分新鮮，蝦肉彈牙而又鮮甜。另外跟餐既豪華海鮮拼盤。絕無花巧 完全配得上豪華呢兩個字。分別有龍蝦、賴尿蝦、海蝦、鮮蟹、蜆同鮑魚。淨係呢一盤已經值回票價。龍蝦每人有半隻既份量，淥熟之後 將整舊肉身夾起 一啖擺落口，滿口龍蝦肉再配

鍾意食火鍋的我, 一年四季也會定期去打邊爐, 自從係新蒲崗返工後, 多了去土瓜灣紅磡一帶食飯, 今次便去了原味棧食飯. 店內牆上有一幅大畫. 我地選了龍穿鳳, 即係胡椒海蝦雞鍋. 點了火鍋套餐, 皆附送海鮮拼盤, 美國安格斯手切肥牛片和時令菜籃. 另外仲有任點任食配料. 胡椒海蝦雞鍋上枱. 鍋裡材料豐富, 除了半隻雞外, 仲有各式各樣的海鮮和蔬菜. 海鮮拼盤. 美國安格斯手切肥牛片. 肥牛片色澤幾粉紅, 脂肪分怖平均. 時令菜籃. 當個鍋底滾起, 先試下雞件. 雞件尚算嫩滑. 蝦肉幾彈牙. 若胡椒再突出一點, 湯底會更惹味. 牛肉幾鬆軟, 唔會覺得乾和硬, 牛味幾重. 估不到龍蝦也幾大隻. 龍蝦肉夠鮮甜, 入口夠彈牙, 吸收晒湯的精華. 鮑魚幾有咬口, 蜆夠乾淨, 入口無沙粒. 其實單單食套餐的配料, 已經相當飽. 但我鍾意食丸類的我, 另外點了龍蝦丸和墨魚丸. 龍蝦丸幾好味, 而墨魚丸就一般.

今天來到九龍城接友人下班，聽説九龍城美食多，這次順道來覓食。小巷內看到這餐廳，火鍋是外面的沒看到的，一於試試看。火鍋名稱夠特別，火焰又龍鳳。龍穿鳳，其實是胡椒賴尿蝦雞窩。在外面幾乎沒有看過，超多料的。未吃火鍋先吃一下配料也不錯。先加入醬料。套餐都包含一個豪華海鮮拼盤，包括: 龍蝦、鮑魚、象拔蚌、海蝦、蜆、蟹。看到店員在魚缸把新鮮游水的海鮮拿岀來，感覺十分生猛。上枱時還可以看到海鮮在動。海鮮依人頭分配, 每人有半隻龍蝦。龍蝦肉質鮮甜爽口。花蟹的殼夠薄，肉質鮮美多汁。鮑魚亦十分彈牙鮮甜。鮮蝦彈牙爽口非常甜。另外，套餐附上美國安格斯手切牛肉。喜歡他們的牛肉脂肪比較較少，吃下去牛味很濃，而且手切的關係入口夠彈牙有咬口。另外，任點的食物也不少選擇。不單單是鮮魚類、菜類、丸類，應該有的都有。兩人來說，食物份量真的很夠。而且最划算是豪華海鮮拼盤和美味安格斯牛，絕對值回票價！

踏入生日月份，好多生日飯局出席，但今次特別啲，係輪到阿爸阿媽同我食生日飯喎。阿媽話係阿姨介紹，知道紅磡有條崇潔街原來係食街黎架，仲話有間新開張火鍋店好好食架。所以今次比個地址我就揸車過黎試下啦。今次試呢間原味棧，阿姨話之前同朋友黎食好好味，而且新開張，地方新淨企理。阿媽仲話阿姨大力推介我地試呢個火焰臺山五味醉鵝煲喎，用鵝黎打邊爐，真係未試過喎。個煲一上，侍應都問我地影唔影相呀？準備好佢就點火，好似點奧運聖火咁。原來真係有火焰架，好啦影完相，侍應就話要冚蓋焗下佢喎。每臺都配有呢個豪華海鮮拼盤，有龍蝦、飽魚、海蝦、蜆、蟹等等，睇見都流晒口水了。安格斯手切肥牛都係每臺一客，色澤分明，脂肪同肉比例均勻，只要個湯夠滾，將佢拖一拖水就食得，牛味十足。時令菜籃都好豐富架，生菜、椰菜、蕃茄同粟米，全部都好新鮮。隔左一陣侍應就黎攞開個蓋啦，嘩！真係香濃撲鼻，我等唔切啦即時夾件鵝試下先，單睇呢件鵝肉已經見到沒有什麼脂肪，一啖放入口更食到少少酒香，應該有經酒煮過。阿爸阿媽食完都讚佢色澤好而且夠晒入味。除左海鮮盤、安格斯牛肉同菜籃外，我地都叫左啲任食配料，鮮肉鲩骨腩、魚皮餃、鮮肉鲩片，呢啲都係叫比鍾意食魚嘅阿

是日與友人一家大小吃火鍋放題，到了餐廳才知並非是一般火鍋，火鍋鍋底有火焰醉鵝、火焰魚等選擇，還有麻辣雞鱔煲和龍穿凰(胡椒海蝦雞窩)，很有特色。雞煲就吃得多，鵝煲還是頭一次聽聞，於是我們一致贊成嚐嚐火焰鵝煲。下單不久，服務員就送上鵝煲。服務員把高濃度的白酒倒進鵝煲，並以火熗點火，整個鵝煲隨即亮著火光，不但氣氛十足，陣陣鵝肉的香味同時撲鼻而來。鵝煲內的配料十足，煮法與羊腩煲有點相似，有大量支竹、芫茜、葱、八角等，味道香濃，鵝肉十分嫩滑入味，不同於羊腩煲每口都是肉，鵝煲就是吃上很多塊都不會有膩的感覺，喜歡吃羊腩煲的我，發現夏天吃鵝煲是另一好選擇呢！鵝煲內的鵝肉也不少，我們六人每人平均都有4、5塊呢 火鍋放題配上海鮮拼盤和安格斯肥牛各一份，指定配料則任點任吃。看到近門外魚缸內的生猛海鮮，我們對海鮮拼盤特別期待。海鮮拼盤單看賣相已非常吸引！有蝦、龍蝦、鮑魚、蟹及三款蜆，款款都色澤光亮，看來很新鮮 小小的龍蝦，肉還算厚，肉質夠爽口。蝦夠大隻，亦夠新鮮，吃來特別鮮甜彈牙鮑魚又滑又彈牙，真的想不到會有鮑魚，而且還每人一隻呢！安格斯肥牛色澤鮮紅，肥瘦均勻。肥口厚薄切得剛好，吃起來口感不錯，份量也非常充足