越之味 (新都城中心) (Closed)

成個新都城都食勻，食黎食去乜都食到厭，行過呢間野，咦...話時話呢間好似無食過，可能我覺得越南野不嬲唔飽肚，今日無乜胃口諗住試一試啦。埋黎介紹返，我叫左個什麼大蝦蟹肉蟹膏湯河加$10加底，叫多個什麼牛丸小食，飲菠蘿冰，完。先唔好講食物質素，我等個外賣等左半個鐘，但出奇就出奇在間野得兩枱客，計埋我另加三個人等緊外賣，唔通我隻大蝦而家先出去釣？算！我唔趕時間。好喇，外賣出爐喇，阿姐叫：153，無人應，我拎住我張無編號既單比阿姐睇，我問阿姐個號碼係邊，阿姐無答我只係話：未到你，個態度囂張到妨似爆哂場唔得閒理我咁。隔左五分鐘，再叫：96，又無人應，過左一陣我終於發現個玄機，我第一次見有餐廳個外賣號碼係用銀碼，原來買$153先生同$96先生一早都已經企左係度浪費緊生命...閒話講完，返到屋企滿心歡喜打開袋外賣，有3兜野，一碗係河粉，一碗係湯，一碗係用湯浸住既3粒牛丸，我倒完個湯，個湯仲剩3份2，佢比咁多湯我係咪預我好似打邊爐咁食？要加湯？倒完個湯搞下個河粉，嘩！變X左通心粉咁碎，一遇水即刻化開哂？大佬，河粉唔係防水嫁咩？我第一次食河粉要用匙羹先食到，個味就更加唔駛講，大蝦老過你阿爺，失敗；蟹膏得

越南菜口味清淡清新，今次同事係比佢嗰張有蝦有蟹嘅圖文吸引，不過間唔中食吓自我感覺健康啲。餐廳用藤編織嘅草帽吊燈同草帽做裝飾，枱距算密，環境簡單乾淨企理。午巿套餐食物只有小食，撈及湯粉類，兩款法包，無飯餐供應。我哋揀咗兩款粉，一款係法包，追加兩款小食：食物賣相唔錯，兩款粉味道可以，法包有驚喜，幾滿意。慢煮燒牛肉撈檬，顏色好靚，有別其他越餐廳嘅生牛肉，有返一定厚度但唔重牛味，調味架有魚露可自己調教味道濃淡。大蝦蟹膏蟹肉湯河，為咗佢而嚟，賣相好吸引，蝦係急凍蝦肉，蟹餅淋晒，都足料嘅，湯底有啲淡。招牌法包(肉批，札肉)，個包好脆，裏面有兩款肉做餡，仲有唔同配菜，口感好清新。追加小食每款+$18：越式烤豬頸肉，唔係烤，可能係炒，上面幾塊都有啲蒜蓉喺面又無爆香，又淋，好怪，味又麻麻。網紙炸春卷(3件)，新鮮夠熱又香脆。餐飲：熱紅棗桂圓茶。+$3凍蜂蜜生薑茶。 +$3凍玫瑰蘆薈茶。

又黎幫襯今次食扎肉湯檬扎肉都係一貫帶香料香味，正👍湯檬份量都足夠另有好多芽菜增加菜量，不錯都係叫左炸春卷今次唔係熱辣辣，不過仍然鬆脆可口🤤好味！今次留意到嘅唯一問題係我叫熱飲，但佢俾一個無手柄嘅鋼杯俾我熱到好難拎，呢個安排有啲奇怪🤔

早兩日將軍澳百勝角嘅開放日， 山長水遠由屯門揸車入去將軍澳諗住參觀一下，可惜落氣滂沱大雨最後揀咗去新都城期越之味食tea，我最後揀咗一個越式法包，老公就揀咗一個慢煮生牛肉撈檬，然之後再加18蚊換多個蒜蓉包比較細份，質素都唔錯只係略貴法包亦都外脆內軟，入面嘅蔬菜都十分新鮮。老公嘅牛肉撈檬估唔到會有意外驚喜，牛肉唔係薄薄地嘅一片，都有番咁上下嘅厚度，而且燒到七成熟嘅狀態，一入口覺得好淋，同埋都有好香嘅牛肉味，可惜嘅係撈檬汁不是太惹味，比較淡一點，如果唔係都有90分。

呢一天嘅午後，本身諗住食越南嘢，點知要等位，就閃咗入隔離呢一間越南嘢，啲 set lunch 都幾底食，有一、兩個餐係四十幾蚊有埋飲品都好經濟。叫咗兩個set，女友要扎肉湯河+玫瑰蘆薈茶，我就要豬頸肉湯河+桂花生薑茶。女友個碗先到，幾靚樣！仲好足料！食落仲味道唔錯添，咁嘅價錢，有咁嘅質素，good ! 😋👍🏼跟住我碗豬頸肉都到，當然亦似模似樣，亦好跟料，豬勁肉唔算勁好味，但可以，不過都油咗少少，如果豬頸肉可以另上，應該會更加了😁

越南曾經是法國殖民地， 所以很多越南食物也會和法國食物來個mix and match， 在這間餐廳發現有法式麵包， 如此驚喜的表現也令我喜出望外。沒想到這間餐廳的法國麵包竟是如此珍貴的外表，配搭內裏口感獨特的麵包心更令我這餐增加了一份喜感。味道方面， 牛肉味欠奉， 證明鬆肉粉用料十足。喜愛化學成分的朋友定必一嚐！推介給勇於挑戰的朋友 ，不擔心胃部受到傷害的朋友也可以一嚐！下午茶價錢都不算便宜，所以都不用等位，直接入座。

前幾日午餐時段去左食，唔洗等位就有得入。我叫左個佢地招牌慢煮生牛肉湯河粉，跟餐有一杯熱生薑茶。但係佢杯熱飲用鐵杯裝住，搞到擺左好耐先攤得凍，先飲到，味道亦唔濃，飲品方面相對上比較一般。而個慢煮生牛肉湯河粉方面，首先值得一讚的是佢個湯底相當濃郁，唔係普通一般清湯，而係有幾重牛肉味，河粉分量亦相對上幾多，絕對夠食。而最好食當然係牛肉，啱啱攞過嚟嘅時候係生牛肉，浸一浸啲湯就半生熟，而牛肉味好重，亦唔難咬，值得再食。雖然個餐$68有少少貴，但係味道的確好食。

第一次黎呢度食估唔到幾高質！慢煮牛肉法包侍應話一般都係切兩份，但我要求要3份都可以做到👍法包唔會好硬，少脆！材料都好豐富牛肉配配蘿蔔同醬汁都好夾，好味！扎肉撈檬扎肉幾香，撈檬都standard反而係另加嘅網紙春卷有驚喜好鬆脆材料都好香，好好味！

呢一間越南食品喺新都城已經開咗一段時間星期六午市見到其他鋪頭都排晒隊呢一間唔使排，即刻入去試吓環境上面見到裝修都幾時尚價錢就大概$5x-6x個粉麵，飲品另計都幾貴下 約$80一位點左一個生牛肉湯檬，一個慢煮牛肉撈檬一杯青檸、一杯椰汁冰1）生牛肉湯檬：-首先個湯檬既湯底，好強烈既胡椒味，飲不到牛骨味道，同平時食開既唔同，個人覺得不好吃 如果早知道係胡椒湯底，我就唔會叫湯檬了-配料充足，洋蔥、芽菜、蔥、蒜乾-牛肉三塊唔鞋，但係全塊紅色，完全無脂肪，係有肉味，但完全無脂肪既甘香，瘦肉配湯粉實在不可口2）慢煮牛肉撈檬：-賣相幾靚👍🏻-牛肉係冰凍既，質感同味道都似parma ham😅，唔似平時食既慢煮牛，配合同樣係凍既撈檬，真係唔太夾，感覺怪怪-撈檬汁方面，好甜！！亦唔夠酸，個汁唔掂令我完成唔到呢碗撈檬3）飲品：青檸冰 同 椰汁冰味道都唔錯，個杯都好有東南亞風味，但冰太多，飲半杯後，冰溶就淡而無味了總括越南粉既靈魂：湯底&撈檬汁都唔ok價錢貴，口味不正宗，新配方但唔好味不推介附近有其他更佳選擇eg.越北甚至連越棧嘅cp值也比較高

第一次幫襯，叫左個慢煮牛肉湯河，等左一陣，終於有得食，睇下有咩咁出名，點知原來所謂既慢煮，唔係慢煮，係無煮😓😓😓 咁既然叫左，見啲待應又無咩笑容，目無表情，自己又因為怕羞，唔敢話要換，諗住算啦，照食啦，咪當自己叫左生牛肉湯河食囉，無計，但食落真係好韌，好難咬，就算係湯到浸完一陣都好，都係同生全生凍牛排一樣。食嘅時候覺得好鹹，個湯得鹹味，冇其他味，要不停飲野先得。其他配料都唔新鮮，用料好差！！！

基本粉麵等食物質素不佳，本來想點檬粉，但被告知沒有貨，下單時問多一句店員態度非常不禮貌，結帳時店員態度同樣非常不好，也不是要多好的服務，但基本禮貌還是要有吧？完全是受氣的一餐，同區絕對有其他越南餐廳更好，絕對不推薦。

星期六跑完步，有點餓，要祭祭五臟廟。簡簡單單選了屋企商場嘅越南餐廳。餐廳名越之味，店開了不久。餐廳面積略少，客人不算多。點了生牛肉湯河粉，追加越式雞翼，飲品點了生薑蜂蜜茶。河粉先上，急不及待飲了一啖湯。味道鮮甜，充滿牛肉味。湯底算不俗。立刻用湯弄熟生牛肉，咬一口非常嫩滑，但略欠牛味。河粉則普普通通，芽菜份量亦略少。整體來說，合格。越式雞翼則不俗，煎得非常香口，充滿越式香料味。生薑蜂蜜茶則一般。埋單$76，可接受。

我叫咗一個豬扒撈檬加春捲 同埋嗌咗個扎肉湯河 飲蜂蜜薑茶 嗌咗少甜 好好味個飲品真係有啲薑擺喺個杯入面 個春捲超出色 網絲做得好脆 平時好多人今日見佢冇乜人即刻試咗 會再返轉頭再食

If you love eating Vietnam food, can’t miss this one!The slow roasted beef and the spring rolls are excellent! As I want to try more dishes, we add different kinds of food in our bowls of noodles...Last but not the least, the cup of ‘honey with rose’ is delicious!

我原本都唔會點寫食評，但食完碗車頭湯河真係唔寫唔得 ，碗麵入面有慢煮燒牛肉，生牛肉，牛丸同扎肉。個湯食得出唔係味精，用咗好多唔同嘅香料。啲肉一咬落去真係食到反白眼，入口即溶，生牛肉都係軟綿綿，扎肉同牛丸都好彈牙，好掂。我仲叫咗春卷添，配埋啲撈㩚汁一齊食勁開胃 ，佢仲有新出一個豬頸肉同雞翼，都係好好嘢。至於出菜時間方面，我覺得超快，我好似坐咗一陣都冇就有嘢食，侍應方面幾有禮貌。喺度食餐飯都幾舒服。如果你本身鍾意食越南野 ，我真係強烈推介你尼食。