天吉屋 (Closed)

天氣悶熱，中午想不到吃什麼， 忽然想去天婦羅， 於是上網搜到附近一家日本人氣天婦羅丼飯。店家12點半才開始營業，我早了5分鐘， 已經有人在等。店面其實唔算大，小店風味，裝修簡單。Menu也很地道，選項不多，很專注。 我看了看，選了All Star丼， 天婦羅食材有：黑虎蝦、海紅鯛配紫蘇葉、軟殼蟹、魷魚、什錦炸物、雞肉、茄子、南瓜、四季豆、溫泉蛋。這家的天婦羅脆漿很薄，脆口之餘一點也不油膩。炸蝦跟軟殼蟹都很香脆，反而紅鯛及雞肉味道很淡。什錦炸物是我喜歡的櫻花蝦同洋蔥，味濃。配菜有牛蒡及蘿蔔漬物， 椰菜絲沙律，都是任吃， 最後喝口味噌湯，大滿足。

喺香港食過幾間天婦羅🍤丼飯呢間真係數一數二最好食雖然丼飯款式唔多但勝在味道真係非一般地好食😋😋😋炸漿夠薄脆薄薄地完美包裹住整件炸物一去到有任食椰菜絲呢樣其實都幾加分😂😂我自己幾𝒃𝒖𝒚呢樣野😂😂因為開左個胃 而且食啲菜落去再食炸野感覺無咁罪惡感🥴跟住一人叫左一款我呢個係烏冬同迷你飯丼除左蟹咩料都有啲個烏冬揀左凍既 好爽滑彈牙雖然有啲柚子皮有少少苦但好清新所有炸物都好好食隻蛋都勁好食呢個軟殼蟹丼又係淨係個賣相都哇一聲啦大大份 好食又抵食可惜經常食會熱氣🙊

又一開回頭率極高既餐廳店內主打係天婦羅丼而我每次去親都係orderAll star 丼💕💕因為包含左虎蝦，軟殼蟹，魷魚南瓜 四季豆 雞肉 笳子 流心蛋等等...(仲有啲未能盡錄)真係岩哂啲樣樣都想食想試既朋友仔呢碗丼飯真係一次包含哂咁多願望🥰同埋呢間餐廳仲有賣點的!大家都知道天婦羅新鮮即做製作都需時,所以餐廳係會提供免費既柚子汁椰菜絲沙律比大家頂一頂肚餓/開開胃口(食完可再無限refill), 我次次都食兩轉😝另外，餐廳亦提供牛蒡茶同牛蒡(小食)比大家解渴解膩😗都係免費既😂😂呢間餐廳回頭率好高，至少我係常客😆😆

每次行旺角朗豪坊經過 天吉屋 都見到長長的人龍，忍唔住睇吓Menu介紹，原來是日本超人氣天丼、天婦羅專門店；一見到連續八年榮獲日本丼聯盟天丼金賞獎，忍唔住排埋一份。果然冇介紹錯，日本過江龍由佢吸引之處，天幕御膳一試難忘。室內裝修好有日本風格，多款天丼、天婦羅可供選擇，有驚喜有特色，日本直送柚子胡椒沙律汁，椰菜無料添加，加入一齊食，酸甜爽脆，好開胃！天幕御膳 $168極力推薦！材料豐富，賣相澎湃，一次過品嚐幾款唔同嘅天婦羅，店員會遞上餐牌介紹佢有3種唔同食法，一啲都唔會悶，好細心。天幕御膳食法：天婦羅，天丼，天茶泡飯•共三種吃法1. 吃法一天婦羅將蘿蔔泥和薑末放進天婦羅沾醬，再將天婦羅炸蝦或天婦羅軟殼蟹蘸上醬汁，然後品嘗。最愛黑虎蝦，炸蝦好大隻，爽口彈牙！軟殼蟹脆卜卜，唔會油膩。2. 吃法二 天丼推薦吃法，將天婦羅炸蝦和紅鯛魚放在米飯上，均勻地淋上天丼醬汁，然後品嘗。天丼汁淋上魚塊配紫蘇葉，配搭特別又好夾，食到魚的嫩滑鮮味，鬆脆好正！3. 吃法三 -天茶泡飯將什錦炸物鋪放在米飯上淋鰹魚湯（主廚秘制高湯），最後添加芥末和紫菜作為點綴再品嘗。夏天喜歡第三種食法，天茶泡飯，入口濕潤，體驗升級，

128再加一唔算貴 同地方比較樓下一碗拉面都一樣價，以天井計一d都唔貴。份量算好多上到黎炸物係舖滿，都幾抵食。但係一食落口味道係淡到我唔信。 蝦同埋魚味道好淡，只有一dd味道。魷魚係直情無味。你唔講我以為係啫喱。上菜既時間好明顯唔係即炸，地區問題都係正常。 但係炸物入面好明顯係唔夠熱，而且成個偏乾。最難明係蝦上面既柚子皮，真係唔太慣。讚既係份量，飯既軟硬都唔錯。湯既味道都幾足，仲好有心比多一碟沙律。結論咁啱係附近可以一戰 特意黎就不必。

同朋友行完朗豪坊，正當想搵餐廳食，剛好行到11樓，見到間天吉屋,朋友喜歡食天婦羅，所以就揀咗呢間食！餐廳裝潢簡潔，富有日本風味。入座後先送上椰菜絲及秘製柚子沙律汁，口感爽脆又清新。天幕御膳，飯與天婦羅分開上，天婦羅有黑虎蝦、石斑魚配紫蘇葉、軟殼蟹、洋和魷魚炸物、茄子、南瓜、炸紫菜、四季豆。份量十足，每樣食材的炸漿都好薄身，炸物不會油膩，外層香脆有口感。黑虎蝦彈牙鮮甜，用雙煆炸法，令口感更勝一籌。天幕御膳備有三種創意食法，我揀咗第二種天丼食法，先將部份天婦羅放於米飯上，再均勻淋上秘製天丼醬汁品嚐！飯是用日本七星米，每顆米粒大而晶瑩剔透，煮出來的米飯粘性低，飯味甜香撲鼻、口感極佳！軟殼蟹丼，食材滿瀉，份量十足！有軟殼蟹、皇帝菜和樱花蝦炸物、茄子、南瓜、溫泉蛋。呢款係港店限定的，軟殼蟹選用厚肉的越南軟殼蟹，蟹肉啖啖鮮甜不油膩。天婦羅溫泉蛋，流心爆漿！再配合秘製天丼醬汁，保證會一試難忘﹗

作為天婦羅愛好者嘅我，難得出城去旺角，就梗係試吓來自🇯🇵日本東京嘅天婦羅🍤順便可以一解思鄉病🤭🍱天吉丼 $128有黑虎蝦，魷魚，石斑魚，茄子，南瓜，四季豆，炸紫菜➕流心溫泉蛋🍱All Star 丼 $128有黑虎蝦，魷魚，石斑魚，軟殼蟹，雞肉，茄子，南瓜，四季豆，炸紫菜➕流心溫泉蛋⭕️炸過嘅流心溫泉蛋再撈飯👍🏼絕配💯食後感⬇️▶️冇期望冇失望🫢▶️唔係唔好食，可以再好食啲🫣▶️唔係即叫即炸，入口係暖嘅同淋咗唔卜卜脆❌❤️值得一讚無限量refill椰菜絲沙律➕甜甜酸酸柚子汁💯好開胃❤️大大份好足料，食極都食唔完食評～最高5🌟🌟🌟🌟🌟味道：🌟🌟服務：🌟🌟🌟🌟環境：🌟🌟🌟🌟性價比：🌟🌟🌟

香港天婦羅丼飯店喺香港並唔多，整得好食嘅更加少之有少。天吉屋絕對係結合平靚正嘅三個元素，因此呢到係我同男朋友常常光顧嘅餐廳！每次都會點呢個「天幕御膳」嘅套餐，因為佢好多料 係最豐富！呢碗天丼非常足料，有成8款天婦羅！我最愛黑虎蝦，佢好大隻，而且爽口彈牙！跟第二個食法，將天丼汁淋上石斑魚配紫蘇葉，個配搭好特別好夾，仲食到石斑的鮮味，好正！我地都好鍾意佢個第三種食法，天茶泡飯，加入秘製高湯-鰹魚湯，再加啲wasabi 同紫菜，將成個體驗升級左不少！仲有點咗個軟殼蟹丼飯，軟殼蟹份量都幾多咬開好多汁好juicy！仲有佢好正嘅炸溫泉蛋，輕輕一督蛋黃汁流出，個外皮又夠香脆，非常正！仲有呢個皇帝菜mix櫻花蝦嘅炸物卜卜脆好香口，勁大塊，同男朋友一人一半，兩個都食得好開心！下次再嚟！

到了朗豪坊見到間天吉丼，幾有日本風格！ 主打天婦羅，menu見有6,7款唔同款式選擇！ 日本椰菜可以無限量添加，再加入 柚子酸醋，清甜清香，非常開胃！天幕御膳， 有3種唔同食法，而配料超多有石斑魚配紫蘇葉！石班魚嫩嫩滑滑，外層粉漿唔會過厚，幾鬆脆！軟殼蟹卜卜脆，唔會過份油膩，而什錦炸物有洋蔥清甜外層清脆，魷魚 ， 茄子，南瓜，炸紫菜！每款都大大件，非常出色。之後可問店員拎 鰹魚湯，放入米飯變成泡飯，幾有日本風味！飯粒粒粒分明。好味！天吉丼，賣相都好靚仔，有黑虎蝦，魷魚，石斑魚，茄子，南瓜，四季豆炸，紫菜，溫泉蛋！ 外表上澎湃。份量夠哂大！温泉蛋爆汁，虎蝦彈牙，整體幾抵食。員工態度有體，幾有heart

※本文以用餐當日的環境、服務和食物質素為準，口味亦因人而異，文章只作參考之用。.日本原宿過江龍「天吉屋」已落戶在朗豪坊幾年。晚市時間仍能座滿，可見其魅力沒有退減。小妹愛吃炸物，但平時很少會食天婦羅丼飯，深怕會很油膩。.可他們的卻不會呢! 之前已食過有三種食法既天幕御膳，今次就試試香港限定的軟殼蟹丼!.椰菜是任食的啊，加上麻醬同吃，簡單開胃。.軟殼蟹丼 $178 (香港限定)皇帝菜櫻花蝦、茄子、南瓜、溫泉蛋上枱時充滿霸氣的丼飯，呈現原隻蟹型的樣子但原來已細心的切件，也是厲害!.用上較厚肉的軟殼蟹，天婦羅漿薄薄一層炸得酥脆不油膩。還用上適合生吃的日本雞蛋製作溫泉蛋，中間很流心，食落蛋香濃郁突出，不愛吃甜雞蛋的我，也覺得很不錯!.米飯用上北海道出產的七星米，粒粒分明，軟糯帶點口感，整個是很滿足!.天吉雙品 $118 (暖烏冬+小天丼)讚歧烏冬，上面灑上柚子皮、乾海草、蔥花芝麻等。丼飯跟了黑虎蝦、茄子、四季豆、溫泉蛋、洋蔥櫻花蝦.胃口較細的我便叫了這個烏冬，以為沒這麼飽，但原來食埋小天丼，都非常飽! 小天丼來到時也被天婦羅鋪滿了整個碗，份量一點都不少呢!.很喜歡這裡的炸天婦羅蝦，用上雙蝦炸法的

次次去朗豪坊都見到呢間主打天婦羅丼既餐廳🇯🇵排隊入座，今次一於試下。去到排第2️⃣，好快就有得入。入到去未點餐前會送上椰菜絲沙律🥗配柚子汁，畢竟一次過食咁多天婦羅實在太熱氣😂，係要balance番既。叫左1個天吉丼，1個All star丼，圖為All star丼。份量極之豐富‼️ 件件天婦羅都好大件 食完真係脹住個肚離開🤰🏻。最驚喜係個隻溫泉蛋🥚，溫泉蛋天婦羅真係第一次食，好有層次，先有外層既天婦羅脆脆，跟住到軟滑既蛋白，最後係流心既蛋黃，真係好出色😋😋。稍為有啲失望係啲天婦羅唔夠熱同少少淋，應該係炸哂放定係廚房但個warmer唔夠熱。👉👈不過一百鬆啲既價錢性價比都高～

好耐都冇出過嚟行街啦，好多餐廳都未食過，又因為疫情所以出唔到國，所以就周圍試吓未食過嘅餐廳，因為喺附近行街朋友話想食天婦羅，就搵到呢一間我就叫咗連續七年日本金獎既天吉井，入邊有黑虎蝦，佢嘅虎蝦真係足料，好大條，魷魚好大粒，食落去好似魷魚魚蛋，石斑魚，茄子，南瓜，四季豆，炸紫菜，同埋溫泉蛋，所有嘢加埋一齊已經係個碗嘅三分之二，口感炸得好鬆脆，同埋佢嘅炸粉係好薄，完全只係點綴食物，唔係好厚嘅炸粉食落口最重要餐前佢哋會送個沙律，沙律菜好Flash朋友就叫咗個天幕御膳，真係好豐富嘅一餐，佢係有三種食法，員工會拎個介紹牌出嚟俾你，跟住點樣食，呢個餐就多咗個軟殼蟹，唔夠食仲可以白飯任添食得出很用心製作

想食天婦羅 夜晚去咗旺角一間叫天吉屋好好食有黑虎蝦🍤石斑魚配紫蘇葉🐟軟殼蟹🦀什錦炸物🦑🧅茄子🍆南瓜🎃炸紫菜店員會遞上一張教你三種食天婦羅嘅方法每一啖天婦羅都覺得好滿足

第一次嚟天吉屋食，環境好似好乾淨咁，不過座位就比較窄，坐得唔舒服！我今晚就叫咗All Star 丼，材料好豐富，有黑虎蝦、石斑魚配紫蘇葉、軟殼蟹、魷魚、雜錦炸物（洋蔥和櫻花蝦）、雞肉、茄子、南瓜、四季豆，同埋最重要係有溫泉蛋！我仲追加左白飯，驚太多餸冇飯食，哈哈！碗飯嚟到嘅時候好大碗，實在太多餸，而且非常之香，佢嘅天婦羅係屬於比較厚粉嘅，炸得好脆，每款食物都發揮到自己嘅味道，特別係雜錦炸物，估唔到依個洋蔥同櫻花蝦嘅組合係咁好食！最唔好食係四季豆，咬咗一啖就放棄，就算搭配埋佢好好味嘅豉油都冇用。佢仲有椰菜絲沙律任食，有一碗湯唔係麵豉湯，應該係豚汁，所以仲出色！而且價錢唔貴，可以再encore！

今日嚟到位於朗豪坊的天吉屋，當然要一嘗以天婦羅為主菜的美食。餐牌上的款式都不少，而呢個天幕御膳都極為吸引，有黑虎蝦、石斑魚、軟殻蟹、洋蔥、茄子、南瓜等炸物，價錢相當公道。落單後好快就上檯，炸物香氣撲鼻，而且件件炸物炸得金黃香脆，賣相相當吸引。而且仲有天婦羅的醬汁，以及蘿蔔蓉，會係一個合拍配合。而炸物方面，黑虎蝦蝦身非常彈牙，而石斑魚身亦嫩滑非常，加上薄薄的炸粉，層次分明；而軟殻蟹亦都非常滿足到我，比起坊間一般的更大隻，但蟹身依然保持軟身，加添紫菜或者七味粉更添美味。