天勝

Open Now

Now Closed

今日去食日本野，間鋪座位唔多，有bar枱可以睇住師傅整刺身壽司，亦都有房可以自己一班人喺入面把酒言歡。職員放低左杯茶之後就捧左塊黑板喺隔離位，原來係本日推介，有啲喺menu係無既。酒盗芝士，個名幾特別所以叫左。上面初頭唔知係咩，後期sesrch返個英文先知係魚腸黎。再加埋下面既忌廉芝士，搽上餅乾簡直一流！吞拿魚腩，係有啲貴，不過唔多地方有。入口好似即刻溶左咁，滿口魚油，吞左之後魚味既餘韻仲會喺口入面keep一陣。銀鱈魚西京燒，職員拎到黎仲係熱辣辣的，啲肉好滑，甜甜地幾好味。飯團比想像中大好多，我仲驚好細舊所以叫左2個，一個起碼有成碗飯！職員態度都好nice，放低野唔係求其放就算，收碗筷又唔係搶野走咁。

平日工作比較忙，我很少中午出外午膳，今日早上在銅鑼灣開會， 正好找得着機會靜靜地食個晏才返公司。亨利中心聚集了不少中高檔的日本料理店，2樓的天勝，是日籍師傅開的，中午價錢相宜，百幾蚊一個午餐定食，今日我選了$160 的滑蛋豬扒飯。天勝沒有其他料理店般講究擺盤，裝潢亦是平平常常，長了鬍子的師傅有點cool，可能是他專注工作，又或者是言語不通的關係。前菜有三款，番茄青瓜沙律用酸汁，依我口味我覺得過酸了少少。我喜歡木魚青菜，清而味道足夠。蒸蛋滑溜，日本師傅沒有失手。滑蛋豬扒飯，熱辣辣以小窩送上，分量十足，鍋內有充足的湯汁，估計是用味醂酒煮的，鹹鹹甜甜味道豐富，淨飲過鹹，加少少佐飯適合。豬扒肉質鮮美，飽吸醬汁，炒蛋幼滑，滑蛋豬扒，不可能投訴的組合，整體評分3.5。

今天心思思，加上短期内又要返一轉鄉下關係，提早吃一餐日本料理，以舒缓一下思鄉情懷，真是一個不錯的選擇。今天約了朋友，二人來到銅鑼湾恩平道，這條街我很有感覺，仿佛已經到了東京澀谷的某一街頭，到今天心儀的日本料理店 - 天勝。二個人來到這裡，環境頗清静，正合我們來的原意，就是彼此談談往事和職埸，互相欷歔一番。吧枱還擺上了當日廚師炮製的佐酒小食，酒當然不能少了，我主動叫了一瓶特A山田錦的天鷹心大吟釀。喝得大吟釀，怎能没有佐酒美食，首先叫了各一客蟹肉菜之花和燒香腸，雖然碟頭不算大，但用來送酒確一絕，香腸皮脆可口。一小杯吟釀落肚加一口香腸和蟹肉，加上與知己共飲，人生一大快事。我們再添加了汁燒牛仔骨和薯仔牛肉，這碟牛仔骨真的有驚喜，牛肉煎得香口又带一點嚼勁，不像吃和牛入口即溶化，我覺得這才是吃牛仔骨之要門。兩人的清酒還未喝完，我也點了雜錦天婦羅，脆卜卜，又是送酒的吉祥物。來得日本餐廳，魚生怎可不叫，伙記，來一客深海池魚厚切刺身。池魚新鲜不在話下了，做得這一行，唔新鮮真係唔使做。想暖下胃，叫了一個雞肉丸豆腐湯鍋！淡淡木魚昆布湯，加上京葱和豆腐，簡單的滿足。呷一口暖湯，在辛勞工作後特別暢快。誰說只

喺香港日本菜都幾受觀迎，不過質素都十分參差。銅鑼灣都算係好多日本菜的地方，今日喺亨利中心試左間幾地道，幾乎日本人多過香港人的小店。甚有居酒屋風格的它，又有房的私隱度，又有吧枱的風格。今日和爸爸去試下，所以選擇左吧枱，除了可以近距離欣賞日本人廚師的手勢，更可以輕鬆地用餐。雜錦天婦羅天婦羅有日本小青椒，大蝦，南瓜，茄子，冬菇和蕃薯等好平常的材料，最令我感到驚喜是蓮藕，炸完好爽口。炸粉厚度適中，不油膩相信隔油的功夫做得好好。加上蘿蔔蓉的醬汁，食落感覺無咁熱氣！厚切池魚刺身時令的魚，又點可以唔試？店員奉上一塊當日新鮮貨的木板，入面都有唔少刺身和佐酒小食。當然要叫下飛機貨啦，唔係點話比人聽黎過日式居酒屋？既然唔飲酒，無叫佐酒小食，所以叫左出面比較少食的池魚。厚切就真正見到條魚係咪新鮮！池魚入口鮮甜，厚得令人滿足。入口無任何雪的感覺，那份清爽感覺好灑脫，加入青檸汁略為提味，更有夏天的感覺。薯仔燉肉呢個可以被稱為每一個日本女仔都一定要識的家庭小菜，黎得咁地道的小店一定要試下正宗日本人整的味道。正所謂愈容易整就愈試到師傅的功夫！薯仔切得一大舊，細嚼之下原來切都下了功夫，切了六角型！炆得淋身，加上燉的肉

考完試當然要去吃好西！中午過左去位於銅鑼灣亨利中心的天勝吃日本菜~ 餐廳裝修整齊，感覺舒適午市餐牌選擇豐富，分門別類，豐儉由人~ 當天想吃熱食，於是就點了滑蛋黑豚定食午餐跟前菜、沙律同埋茶碗蒸旦🥚沙律菜新鮮爽脆，配芝麻沙律醬好吃茶碗蒸旦非常嫩滑呢，蛋味濃滑蛋炸黑豚豬扒用熱鍋呈上，有保溫作用。厚切豬扒大大塊，外皮酥脆，肉質鬆軟，豬味濃🐷豬扒底下有滑蛋和洋蔥段，吸收了汁的精華，用來拌飯好好食白飯用了日本米，粒粒分明，好食啊最後還有生果作結尾，大滿足呢下次會來試試這裏的晚餐

一入餐廳, 發現大部分都係日本食客嚟嘅, 我相信呢度係充滿日本嘅感覺, 應該係最地道嘅日式食物, 可以令我哋飽肚喇!店員拎左個黑板, 寫了今日最新鮮既美食, 有心思!帆立貝肥厚鮮嫩，其極致細膩的口感及鮮味甘甜的味道赤身有如 紅寶石般的色澤, 令人喜愛, 口感絕佳楤樹芽天婦羅~ 日本人最愛把楤樹芽製成天婦羅, 卜卜脆, 味道有点甘, 口感相當新鮮!牛仔骨脂肪分佈平均，部份帶有筋腱，口感軟嫩有嚼勁, 佢既醬汁好惹味哦銀雪魚西京燒~ 銀鱈魚本身已經鮮甜味美, 配以師傅特製醬汁, 味道鹹中帶鮮, 外脆內嫩, 咬一口, 感覺到滿口魚油, 簡直係人間極品。

今日難得放假，去享受一下美食！訂了在銅鑼灣新開的日本餐廳。位於恩平道，地點方便容易找；木製的椅及桌子，簡單又悠雅；有睇住師傅切功的bar 枱外，也有這種安靜舒適的房間好多客人來，有日本人、中國人，當然香港人也不少！午餐選擇好多，有：便當、麵、刺身魚生及咖哩我選擇了滑蛋黑豚肉鍋；朋友就選了9款魚生的雜錦魚生飯（好多客人叫，新鮮多款魚生，好吸引哦）1. 前菜沙拉：新鮮蔬菜配上麻醬，好香美味又健康，有青瓜（爽口清甜）、番茄仔（鮮紅美味）及嫩綠沙律菜蒸蛋：香滑雞蛋配有不同的材料：肉碎、香菇、香葉；好豐富菠菜好嫩又翠綠，木魚野味香口2. 主食（滑蛋黑豚肉鍋配日本飯）鍋子好大，豚肉好厚又份量多，好腍好香豚肉味，炸皮好薄；滑蛋好嫩好滑，有煮腍了的洋蔥，香甜美味；還有麵豉湯（豆腐及海帶）；伴菜（蘿蔔及咸菜）最後還有生果清甜的梨子，清一清口中的餸菜味道，完美的句點

今日放假同男朋友去食好野我男朋友都幾識做知道我鍾意食日本菜佢話佢揀咗成晚就搵左呢間一間環境同埋食物質素都好高入到去感覺係日本嘅因為隔離枱仲坐住個日本人係咁講日文唔知佢講咩但感覺係自己係日本咁我揀咗個三文魚子定食因為我本身係一個三文魚子迷前菜有沙律 登蛋 我全部都食晒 酸酸地幾開胃之後有一個大碗盛我個主食份量都幾多 唔單止有三文魚子 仲有煮熟左嘅三文魚 原來2種一起都幾夾三文魚子粒 好新鮮彈牙 食完勁飽仲有甜品雪糕 正可以再戰

一個晚上，又是嘆返餐日本菜的時候。這次的地點，是位於銅鑼灣的「天勝」。這兒晚市的價錢，不算便宜，可也不算很貴，特別是它每樣菜式份量都不少，刺身全是厚切，飯團大大個，就連牛舌也是厚厚的，就讓人覺得物有所值，價錢合理了，加上這兒的環境光鮮企理，服務也到位，都算是個吃日本菜的好地方。 顏色一點也不漂亮的「茄子田舍煮」（$50）雖然外觀無並不吸引，但味道卻挺好。索滿甜味醬油的茄子，冰涼多汁，絕對是道開胃的涼菜。 「上選刺身三種」（$280）包括帶子、深海池魚與吞拿魚赤身，全部都是厚切，特別是兩款海魚，魚味都比薄切的濃郁，雖然這刺身的價錢不便宜，但帶來不少的滿足感。 「汁煮牛舌」（$90）足有三大件厚厚的牛舌，三件牛舌全都十分軟腍，而且味道也不錯。 「照燒美國牛扒」（$148）肉質過得去，不會流於老韌，味道也可以，但就不算出色。 「西京燒銀鱈魚」（$138）正正常常的，與其他食肆的無甚分別，帶甜的味道，滑溜的魚肉，就是我點它的原因。大大塊的「牛肉薯餅」（$70）一客兩件，熱呼呼的薯餅，香口，好吃。同樣是重量級的「三文魚飯團」（$40）上桌時仍然溫暖，飯團裡的三文魚也不少，大口大口的吃

天勝 銅鑼灣恩平道42號亨利中心2樓 又要浪費半個星期六上堂，食個豐富午餐先，因之後直落到730！燒魚定食$130定食本身已包了白飯，沙律，前菜（醃菜），湯，蒸蛋，味噌湯，好豐富的，因包含很多東西，算下來仍是很值的。沙律淋上芝麻醋汁，酸中帶甜好開胃冷菠菜伴柴魚碎，同樣是清新開胃味噌湯中加了海帶嫩豆腐味更鮮蒸蛋好滑溜，入面加了菇同香菜同蒸是日燒魚是鮪魚，油脂omega 3多吃對身體好，魚皮燒到帶焦香，肉紮實沒腥味，用鹽調味後燒已好好味還有飯後果做甜點以銅鑼灣物價來就很超值，還有見到師傅是日本人說日文，所以做出來絕對是日本正宗口味

朋友之前介紹過一間位於銅鑼灣鬧市的日本餐廳，今日剛巧經過附近，就試一試佢既商務午餐。午餐的選擇很多，經過一輪既心思熟慮後，最後揀左佢既三色呑拿魚飯。套餐包埋前菜、沙律、蒸蛋、味噌湯和甜品。前菜和沙律非常醒胃，仲有我最愛的日式芝麻醬伴沙律，好清新。蒸蛋好滑好足料，有冬菇、雞肉等，足證佢蒸煮的時間拿捏得很好。主菜有我最愛的呑拿魚伴紫菜飯。呑拿魚分別以三種不同的手法來處理，包括刺身、微燒和碎葱呑拿魚腩，各有不同的特色和口感，最重要既係食得出呑拿魚並非很普通的貨色，每一口都有豐富的油甘香，我個人就十分喜歡。整體來說，餐廳佈置很有日本的特色、座位寬敞舒適，服務員都親切有禮，食物亦有一定的水準，的確是一個不錯的推介。

平時少去銅鑼灣 中午都唔知有咩好食行到亨利中心樓下個水牌呢間叫天勝的招牌好吸引主推日本新鮮食材反正我自己一個食 所以就膽粗粗走左上去食環境好日本風情好乾淨簡潔店員好親切服務午餐定食套餐勁多款我最後決定咗食北海道丼好快就上咗啲前菜有沙律 蒸蛋同埋菠菜其實啲前菜都好好食別係個蒸蛋 好新鮮仲熱辣辣一邊仲有冬菇同埋瘦肉 個水蛋勁滑 正 之後店員就送上我嘅主角 仲有海帶湯 賣相已經勁吸引有海膽 魚子 鮭魚 長腳蟹肉海膽係勁鮮味 口感10分豐富 蟹肉好甜又鮮又滑 飯仲要係日本米 細細粒 好容易入口最後食飽飽仲要有甜品 係芝麻雪糕 係好芝麻嚟㗎

<cwb新開日本野😍🇯🇵>喺cwb恩平道呢間新開既日本店 環境舒服 有多種唔同既日本食物點😆 除左本身menu有既食物外 . 仲會有每日師傅推介 今日就小試牛刀 睇下menu入面既菜正唔正先😆🍴野菜炒 牛肉🌿🐂80 蚊 洋葱 蘿白絲 🥕葱花🌿 加埋野菜 椰菜炒成 夠濕潤同juicy菜新鮮 落左d煙靭牛肉增加口感 再帶d黑椒味 調味唔錯🐮😆🍴厚燒玉子 40 蚊🥚外表顏色靚既燒肉子夠哂厚身 肉子夠香甜 食落密度高充滿蛋味落足料 唔錯😍🍴牛肉蕎麥麵🐂🍜 90 蚊健康既蕎麥麵 比較闊身爽滑😋帶d洋葱絲調味 入面既牛肉落足料 比較煙靭同有肉味 個人覺得若冇甘熟會更佳 😌🍴雜錦天婦羅 148 蚊🔥有多種天婦羅 蝦 🦐南瓜🎃 蕃薯🍠 冬菇 秋葵 蓮藕 炸得香脆 茨粉厚度剛好 材料新鮮 尤其係蝦同蓮藕 都好正 yummy 😄🍴三文魚親子飯🐟🍚 98 蚊用左壽司既醋飯 有熟既三文魚 大粒juicy魚子 仲有紫菜等等 😄 🐟 夠哂口感 加d豉油 同wasabi更正Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&

今日同女朋友食飯，特意上網搵左一間日本餐廳，聽聞餐廳前身都是經營日本菜，今日去吃個日式午餐。天婦羅蕎麥麵配卷物定食。天婦羅即叫即炸非常香口，蕎麥麵彈牙配上冷麵汁好清新，卷物包上青瓜和蟹柳，清新健康，喜歡飯粒和紫菜散發出陣陣咸香，非常滋味。天婦羅入口完全唔油膩。套餐包括沙律、蒸蛋和菠菜木魚，蒸蛋極其滑溜，入面有香菇和雞肉，沙律菜配上醋香汁非常開胃酸甜，菠菜木魚是我喜歡的前菜，咸香得宜。另外包括甜品，時令水果：香梨。

今日一人行去左銅鑼灣食飯，記得亨利中心2樓開左新的日式餐廳，記得上幾手都是經營日本餐廳，今日來到新餐廳都想一試其實力。午餐餐牌價錢中上合理，餐廳有濃濃日本風味。我叫左滑蛋黑豚鍋定食。包括前菜、菠菜木魚、茶碗蒸。沙律菜配上油醋汁，酸酸甜甜非常開胃，蔬菜爽脆新鮮，喜歡菠菜木魚，清新菠菜配上咸香醬汁。蒸蛋滑溜非常，清甜雞蛋令人回味。原個鐵鍋有滾滾滑蛋黑豚，豬排軟腍鬆化，配上香甜醬汁和滑蛋，加入大量洋蔥，配白飯非常滋味。甜品是雪梨。