Thai Basil (Moved) New Location

通常中環，金鐘， 一小時飯局， 都好似打仗一樣。如果無訂枱， 需要等好耐。 第一次試， Thai Basil , 不過不失啦～但都有好食嘅菜式推介豆腐咖哩：豆腐炸得好食， 內部豆腐好滑。 只是因為有咖哩（因為我唔食得辣）所以好似食到個汁。 建意，一定要加Roti . 唔好浪費左個汁。 漁餅： 雖然有少少辣， 但可以接受。蟹卷： 可能之後的食物太刺激， 所以曬係尼個好似相對無味😅金邊粉： 份量約一人， 但唔咩太過特別， 但相對價錢， 會有d貴。 唔太值😅

Pacific place 內的泰國菜 Thai Basil, 是一間擁有很高水平的泰國菜，雖然首先到炒金邊粉有一點點的普通，後來的蝦餅和蝦串燒都好味越食越有驚喜， 再來的燒鱈魚紅咖哩就非常好味， 肉質鮮嫩的鱈魚燒到皮脆內軟 紅咖哩有點辣 配上風味十足薄餅剛剛好，最有驚喜的地方在甜品，是每間泰菜都有的 芒果黑糯米，普通的一個甜品，他們這個黑糯米display得十分精緻 ，咬落去有2重質感好特別再加入花生碎增加香味，好好味

今日感恩節，約左屋企人👨‍👩‍👧‍👧係太古廣場食泰菜，早早訂左12點多，但一去到竟然話訂左位都要等10 分鐘，咁無辦法黎左當然照等。😖環境好昏暗，我地一行五人，三個坐沙發🛋️，兩個坐硬椅子🪑。坐得都還可以。打開餐牌比起平時既餐廳🍴選擇吾多，都係炒金邊粉，菠蘿🍍飯等、小食得係得幾款😔。劣：金邊粉： 好大彈蝦醬味，死咸，金邊粉又吾夠煙韌，份量有點少😣冬陰功魚湯：用上好似監犯用既杯上桌，好吾美觀，二黎，冬陰功無蝦係入面仲要酸到一個點，無辣🌶️可言，而且魚帶有腥味，飲左幾啖放棄左。薄餅夠煙韌，可惜一大彈油憶味，就算蘸左咖喱🍛食都係味道一般。優：海鮮🦞喇沙🍜： 份量好足，有魷魚🦑、兩隻脫左殻既大蝦🍤、沙白，好新鮮吾錯，喇沙味濃郁，麵條質素吾錯。泰式椰汁芒果糯米飯： 芒果🥭甜，誠意之作，伴隨埋杏仁片，配上好有口感既糯米飯，好香。雪糕香蕉🍌布丁🍮： 冰火二重奏既口感，一定要「筆」一啖冰冰冰雪糕🍦配上香濃香蕉🍌味既熱辣辣布丁🍮，好完美既配合，「布丁」既質感係蛋糕，香軟鬆。總結：太多不能盡錄 只簡筆者認為既優劣作評論食物款式少 味道一般 價錢中上

同客食飯，好差既experience，如果係business lunch 千其唔好去首先，訂左位都要去到等15分鐘，仲要係企係門口等架，咁樣一開始印象已經好差，咁訂位既意義係邊度？浪費我時間仲令到我個客都晒時間一齊等另外，員工態度惡劣，黑口黑面，講野冇尾音，叫佢地拎多份餐具黎都要催幾次，見到佢地既面口食飯都唔開胃環境黎講，都幾嘈，唔係好傾到計，食物質素平平冇咩特別，但係就唔平囉，平均消費400左右，食得唔開心就貼錢買難受冇下次

星期四晚上, 來到太古廣場食晚餐. 晚上七點左右, 齊人可以直接入座. 我等朋友放工, 兩個人到齊便入座了. 店內燈光昏暗, 有一點情調. 打開餐牌, 是彼有特式的泰菜. 串燒除了傳統豬牛雞肉外, 還有海鮮和蔬果選擇. 我們兩人點了一個沙律, 四串串燒, 一個主食和甜品. 兩串帶子, 兩串牛肉附上兩款醬汁, 味道很好!柚子沙律主要是柚子肉, 脆脆花生等. 味道清新. 蝦炒金邊粉味道不錯金邊粉好味. 雪糕香蕉布甸甜品很特別! 香蕉蛋糕上有雲呢拿雪糕, 頂頂上是蜜糖脆脆蛋糕上有忌廉, 好香的. 這個甜品很特別, 有機會可以試下. 整體OK, 泰菜有驚喜. Good choice!

呢間泰國菜餐廳已經開左好耐啦，我都唔系第一次黎食，算系老顧客啦，呢度環境同埋食物質素都唔錯，性價比比較高，比較適合同朋友屋企人一齊，推薦一下呢度噶冬陰功魚湯，味道正宗，魚肉口感好好真系正！

牛油果軟殼蟹米紙卷＿HKD128　一夾起件牛油果軟殼蟹米紙卷，感到好足料，件軟殼蟹好大件，啖啖肉又香脆，再配上牛油果醬和沙律醬，牛油果軟殼蟹米紙卷的味道立即多層次好多，是一道好推薦的泰式小食！大蝦青咖哩炒有機糙米飯＿ＨＫＤ１１６有機糙米飯吸了青咖哩的香濃汁，食起來每粒飯都好充滿咖喱味，但有少少辣的，　十分野味的。糙米飯相對普通米飯有嚼口，十分煙ｕｍ和有口感，　另外，有４大隻開邊大蝦，算大隻的，大蝦好新鮮，肉質超爽彈，十分驚喜。超級推薦這道菜給大家！蝦炒金邊粉＿ＨＫＤ１１６同樣地都有４隻蝦，但金邊粉的蝦相對細隻Ｄ，依然新解爽彈的。金邊粉炒得條條分明，味道甜酸辣恰當，而且好香口。其他配料芽菜和魚蛋增強口感，食起來好好的！燒豬頸肉 （忘記價錢）豬頸肉燒得好香口，配上泰式酸辣醬，好醒胃和好食！　整體上，餐廳位於金鐘太古廣埸，原本以為食材價錢好貴，其實價錢相對食物質素而言性價比高的，係我食過算驚喜的泰菜餐廳，十分推薦，會再去光顧，食其他款色的食物！　

自己一個想食個快lunch, 你到金鐘PP呢邊搵嘢食，有一間泰國嘢成日都聽到啲人話幾好食今日嚟試吓。樓面好大好多位置所以好快都被安排位置但有限時。試泰國餐廳是否好食，都係食佢啲基本菜式，我叫咗個Pad Thai noodles . 效率快到呢。。。我諗我坐低唔夠五至6分鐘已經上台，我當下好好奇看看究竟夠唔夠熱，點解咁快呢，用餐具嘗試撥開啲面，見到有出煙係有熱力，先放心食😅味道中規中矩，份量適中，我覺得係啱女仔食男仔未必夠食。呢個價錢係高檔商場來講算係可以。

今天午餐到金鐘見客戶，便到了太古廣場的thai basil,一到12:30 ，就會大排長龍，如果預約便會更加好，因為太古廣場沒有太多餐廳選擇，而這間的泰國菜也不過不失是見客和朋友聚會的好地方。午餐我點了哈蝦炒金邊粉，金邊粉炒得乾身，配上青檸汁味道配搭得非常不錯，不過配料略少，但蝦也很彈口和新鮮。另外亦點了軟殼蟹米給紙卷，米紙卷賣相漂亮,食物也非常美味，咪紙卷煙韌得來又不會痴牙,軟殼蟹不太油膩，而且很吹口，原來蔬菜和牛油果配上甜甜酸酸的沙律醬,增加了米紙卷的層次。整體來說本身對這間餐廳沒有特別大的期望，但食物質素令我有點驚喜，下次還會再嘗試其他的食物。

位於金鐘太古廣場的Thai basil，雖然要等位，但也值得一試！因為飯店也算大，所以大概等5-15分鐘左右就有位！但店內燈光比較暗！食物款式多，味道不錯，比起一般泰國餐廳來說，論特色，款色，味道都屬於中上！必試 炸蝦餅 。 燒菠蘿 。 炸軟殻蟹米卷 。 柚子沙律 。 芒果椰汁紫糯米飯。炸蝦餅。是有蝦肉粒粒的，味道非常新鮮！燒菠蘿。超甜，似炭燒，不會有燒焦苦澀味！炸軟殻蟹米卷。非常脆口，不會有滿口油膩感！柚子沙律。雖然是普通，但起碼細心會將每一塊柚子去除所有皮，因為在外很多柚子都是沒有去清柚子皮，所以口感會有點苦！芒果椰汁紫糯米飯。必食之選，用上紫糯米吃感更好，更香！但如果可以多兩片芒果就更加好食😝

午餐試左一間位於金鐘既泰國菜，環境幾大，坐得幾舒服。點左素菜炒金邊粉、菠蘿雞肉炒有機糙米飯、柚子沙拉、牛油果軟殻蟹米紙卷。素菜炒金邊粉既粉幾好食，但由於較少配菜，個人認為配蝦既味道會更加㘃味，呢款素菜炒金邊粉應該適合素食者。菠蘿雞肉炒有機糙米飯既米偏硬，較難消化，所以個人認為一般。柚子沙拉幾清新，但菜式比較普通，價錢略貴。最好食都係牛油果軟殻蟹米紙卷，牛油果配軟殻蟹真係好好味，軟殼蟹大大件，啖啖肉建議中午book 枱先去，可以唔需要等位。

平日同朋友約630餐廳等，已經要等位，不過仲早，都係等左15分鐘就有二人位-餐單好多好多野揀，多到揀左15分鐘先決定到🤣-牛油果軟殼蟹米紙卷 (三件)🥑🦀一向好欣賞有得叫半份嘅餐廳，啱晒少人/想試多幾款小食嘅人👍🏻意外嘅好好食，軟殼蟹炸得好適中，外脆內軟，裡面又有牛油果醬調味，成件事好fresh好好味♥️早知叫成份六件，依家每人食得一舊半，好想繼續食啊😫-蝦炒金邊粉🦐炒得好香，唔會太濕唔會太乾，有蛋有蝦，唯一係啲金邊粉有少少碎得濟，同埋份量有啲少🙈佢嘅花生同辣椒粉係碟邊，等食嘅人可以自己想加幾多就幾多😗不過啲辣椒粉都幾辣，食唔到辣嘅朋友要小心🙈-環境好舒服好大，啱晒夜晚約人黎食飯傾計👌🏻以泰國菜黎講，可能有啲貴，但以佢係金鐘同埋佢嘅精緻度，係絕對食得過🤤-Thai Basil (金鐘)好味度: 8.5/10抵食度: 7.5/10回頭度: 8/10

Thai basil 開了有十多年了，餐廳環境、餐牌不斷推陳出新，不變的是其人流不斷，食物質素性價比高，環境舒適，是不錯的一家泰菜。今晚先來一個冬蔭功魚湯，酸辣度剛好，魚肉也很鮮嫩，不會煮得過熟。再來個牛油果軟殼蟹米紙卷，這個米紙卷做得太厚了，牛油果打成糊狀，反而吃不到其味道，不過可以要3 件或6 件，即使2 人世界，也不怕吃不了。餐牌多了一頁串燒，我們點了燒菠蘿、燒帶子和燒露荀，燒物做得很不錯，價格也很化算，平均才20 多元一串。主菜要了泰式燒鱔，很美味，外脆內軟，亦很juicy 不會過熟過乾。甜品要了個香蕉雪糕布甸，其實是香蕉蛋糕，加了焦糖脆脆，很香甜，不過可以再鬆軟一點。

香港人放工不定時，相約晚饭在太古廣塲的Thai Basil, 規矩是人齊才能入塲，遲到者則有点壓力了。Thai Basil 给人的印象是注重賣相及醬汁配搭。今晚點的泰香魚餅及泰式炸蝦餅，各有各的酱汁，比较喜欢醒胃的酸酸辣辣汁。柚子沙律，柚子清香夾著花生碎，汁有多層味道，帶微微辣，好吃。串烧帶子，煎香的带子可惜不太新鮮，肉質怪怪，完全令人失望。素菜炒金邊粉，芽菜雖是全生但一些菜腥味都没有，粉幼细炒得有鑊氣。牛油果軟殼蟹米紙卷，薄薄的米纸包著軟殼蟹，可點沙律醬或牛油果醬，這個美味。慢煮牛肋骨黃咖喱，骨已拆去剰肉上抬，羽衣甘蓝和木瓜𢇃中和了咖哩味，汁醬調校得適中，配印度烤薄餅美味可口。酸子醬慢煮豬肋骨，加有罗白片，波罗片，只是一般。信用卡打七五折後，四人共吃了$776.10。

同frd約係太古廣場約lunch，啱好排到呢間店。其實神往很耐但係次次都冇機會試，今次終於等到位了❤️我個人覺得泰國料理店睇質素高低嘅方法就係試金邊粉同某個炒飯。我哋點左蝦炒金邊粉&菠蘿雞炒飯金邊粉味好料足，炒飯搭配菠蘿絕妙下次會再試其他菜品㗎！