南小館 (ELEMENTS圓方) (Closed)

鍾情於上海野食既我，終於可以試下成日見到既南小館好無食。小籠包係多汁，皮薄但不易穿，一籠有5隻，豬肉味道鮮味，不過肉汁偏酸。生煎包包底煎脆，同樣包裡多汁，不過皮較厚身，入邊既肉都偏酸，唔知係咪上海正宗味道定點，不過個人唔多喜歡酸味。手抓餅真係令人大跌眼鏡，街邊貨都仲好食過佢，d油多到可以煎多幾塊餅，無乜味唔算特別。排骨菜飯要分開黎講，排骨好咸，炸粉好厚，而且肉質倫酸；相反菜飯好好食，粒粒分明，菜新鮮而且非常爽口，寧願食多一碗菜飯。總括黎講南小館食物質素參差，有好有既亦有難食，以上一共吃了$260，服務費再加埋什麼落單費。

茶芥 加埋差唔多要 $30 一個人 ... d滷豆腐 and醃蘿蔔絲 普通，其實一早已經放洗係枱面 凍同乾 上海粗炒 - 有少量肉絲，椰菜 同 冬菇，醬油味勁 味道似豉油皇炒麵 ... 唔似上海粗炒，而且都幾油。唔太鐘意黃魚齊菜餛飩砂鍋 - 份量都夠 2 個人食，黃魚好滑，好香。湯都幾有鮮味 (但可能會有人覺得腥). 餛飩有 6 粒，味道都還可以，d皮幾蔫韌 (但我自己鐘意食軟 d既皮).小插曲：侍應一開始上菜既時候唔知廚房未放黃魚 =.= ... 之後要拎返成褒入去放返條魚。餐牌 - 自己畫 都幾方便環境都幾舒適

今個星期六去南小館食左過快飯。點解係食個快飯呢, 因為對我地帶著孖寶的爸媽. 咩都係要速戰速決, 食都要係.所以呢度有樣好，就係上菜上得好快，真係好快，差唔多5分鐘內已經見到你點了的其幾樣，所以要食快飯，呢度係唔錯嘅選擇，又唔使等位。 我自己幾鍾意南小館嘅前菜.而值得一提的呢, 就係花雕雞. 佢凍呈度都可以話係岩岩好, 不會太凍而掩蓋了雞的味.同埋佢的酒味亦剛好, 不會太濃而變苦; 但係呢雞肉就有微微的雪味, 仲有不算嫩滑, 入口要用到嚼勁。不過真係幾細''杯''其他食物, 我地今次食左既, 都OK既. Overall 一般般啦~呢度埋單total $300左右.

圓方的南小館還第一次去，在等過境巴士旁邊。工作日中午去上班族還是挺多的。冷拼四小碟：喜歡這種一次可以品嚐多元的組合。醉雞肉質細嫩，酒味不重；口水雞味道不錯，皮薄肉嫩，但汁有勾芡不夠地道；糖醋小排：一共5小塊，味道酸甜適度；涼拌三絲：冰涼清脆！老幹媽炒年糕：一點點辣味，年糕裏老抽味比較重，有一丁點苦味，但油鹽適中。豉油芥藍：芥藍清脆爽口，自己在家總會便軟，但這裡的真的是讚！蔥油拌面：味道比鼎泰豐的要好！就是麵過長，份量偏小，一筷子下去基本就全被夾上來了。細沙南瓜：甜度適中，但其中的豆沙添加了太多芡粉，不是純豆沙蟹殼黃：等了足足50分鐘才吃上，店員說要焗所以慢。味道不錯，不過比較肥，裏面有肥肉丁，餅皮添加豬油以酥脆。

星期日黎圓方, 阿媽話想食上海野, 見呢間個樣都幾好就試下. 等左大概20分鐘. 雖然檯同檯距離近, 但都算坐得舒服. 入去坐低聽到右邊隔離檯個女人同老公話: “呢間野d 人好無禮貌囉!” 跟住見到張檯, 嘩~ 落雨黎呀? 濕到連張墊檯紙都爛埋!前菜4小碟: 烤麩較硬, 醉雞唔入味, 馬蘭頭比較好但算普通貨色, 黑木耳OK.小籠包: d豬肉蘇的!!!!!!!!!!!上海粗抄: 味道冇乜野, 油都預左, 但估唔到個麵差成咁, 麵身好粉, 結果食晒d菜同冬菇算.食到一半突然聽到隔離澎澎聲, 見到個waiter嚮隔離擺餐具, 專登(係專登)超大力響檯棟齊d筷子. 左邊檯的人都望晒過去睇下發生乜事, 個waiter繼續掟. 成杯斟左的茶大力放響檯, 我幾驚佢整爆隻杯!個癲的waiter走開左我叫個帶位的靚姐姐過黎, 我問佢佢同事係咪癡左線, 解釋返頭先佢同事做乜黎. 點知我都未講完右邊隔離檯個女人已經要爆, 加埋把口話做服務唔可以咁. 靚姐話可能因為佢之前比出面個阿伯激親, 咁當然係要我講一次 “咁關我乜野事呢?” 靚姐姐走左後見到個癲的waiter係咁笑笑口. 右邊隔離檯個女人都仲係好慶,

圓方戲院附近中菜之選。以前食過其他分店。餐牌菜色似乎更新了，有不少新意，抵讚！自選四小碟。揀了醉雞、黑木耳、糖醋排骨和四喜烤夫。味道無得輸，全是想像中最standard 的味道。尤其是小排骨，骨肉分離，感覺很好。雞肉又嫩滑。黑木耳有淡淡的wasabi 味。烤夫稍嫌不夠焾和入味。麻醬撈麵，醬夠香，但麵上枱時呈一餅狀，想點呢⋯⋯無錫口味同普通小籠包分別在哪裏呢？答案是湯！湯是深色的，帶甜味，比平常的湯包帶出另一層次的肉味，有驚喜！ 黃金網煎黃魚鍋貼。蛋網很薄很香，最估唔到係個餡係魚肉，食鍋貼有陣陣魚腥味還是第一次，鐘意魚的朋友應該會喜歡這個，反之就避免了。甜品拼盤。茉莉茶凍：淡淡的茉莉香，很特別的口味。茶控值得試試！杏仁奶凍：比想像中無咁甜，甜度適中，不似是杏仁粉那種很假的味道，也是很好的奶凍。質地稍嫌稀。綠豆糕：粉粉的糕，質感濃厚，正！蜜柚芝麻湯圓：其實我忘了這個的名字。起初以為是煎堆之類。其實是炸湯圓。小小幾條碌柚肉其實完全食唔出。為了這個等了20分鐘，不太值得。

來到西九Elements , 入面既餐廳美食雖然多款式，但價錢定位一般都彼高的，屬於高消費的地區。今次我吾係去食貴果d, 選擇左去南小館呢度幫趁。原因好簡單，價錢合理之餘，最緊要係好食，同埋呢間搵位容易d。我來過呢間餐廳幾次，所以今次我要寫番d 式食評出來先。我點左大良炒飯、南小館四小碟兩款。大良炒飯佢地既煮法幾得意，似用䜴油加埋蝦仁及松子去炒，但自己實煮吾到，佢煮得好香噴噴，食入口有種甜豉油既感覺，又有少少咸味道。佢其實菜名係大良係指乜既意思呢? 可能係大良係一種煮法啊! 就係呢種煮法，味道幾特別，再加上有蝦仁襯托，個種味道一口難忘，係吾停到手甘一啖一啖甘樣食。雖然飯有少許油既感覺，但吾緊要炒飯一定是這樣的。

Elements 新開的，六點鐘早吃也不錯！餐廳裝修簡約，光猛，不過通道略覺得有點窄！看看餐板，決定叫個大良炒飯，一個人吃，不妨淺嘗，飯來了，嘩，份量不少喎！試試個大良炒飯，聞到好香，粒粒也有鼔油味，一點也不咸，哈哈，加埋榛子，囗感一流，還有蝦伴飯，好多蝦，隻隻好爽好彈牙，好新鮮，為炒飯作點綴，不錯啊！另外一讚，他們的茶，我估是米茶，飲到好香的米味道，好解渴，炒飯配d茶，推介

和銅鑼灣的南小館相比，這間面積小很多，老實說，枱與枱之間的空間很窄。星期五晚上去，排了半小時多，一進去，嘩，嘈得好像街市一樣食物方面,我覺得圓方分店這間比較咸，各食物也較濃味。炸上海春卷不錯，炸得香口不油老干媽炒年糕，好咸，一點也不辣，還很油，這個不推薦平日南小館必吃的生煎包，保持水準，熱辣辣漏汁。我反而最失望是蕎麥茶，冲得好淡。總括而言，價錢相宜，食物普通，可惜太嘈了

為左方便係圓方睇戲 ，當然係圓方個商場食埋野較方便，新開左間南小館，又唔多人，嗱嗱聲坐底開餐。店內環境優雅整潔，店員都好快落單上菜，只是所有的餸菜十分之的骰（份量少），但價錢收費絕對唔的骰。醉雞 : 應該有 8件左右，放入迷你酒瓶內幾得意，酒香芳郁 ，雞肉都算滑溜。松子魚 ，炸到脆卜卜，十分香口，而且肉質嫩滑，醬汁酸甜，係比較花功夫的一味菜。大白菜炒年糕，年糕軟糯，煙韌醬汁味道適中。生煎飽，個底煎到香脆，飽內有些肉汁，熱辣辣。一個係正常小龍包，一個係蟹粉小龍包，但其實分別唔太 ，唔使專登叫貴D的小龍包，皮薄多汁，肉質軟滑。炸銀絲卷，沒特別。 膽膽麵 ，麵好快就將醬汁吸乾，所以食要快手，麵質感普通較淋，只是麻醬叫過得去。

圓方新店登場，剛開幕時一直見要輪侯，到今日見到唔係太多人，急不及待去食個lunch 。入到內堂比從外望內去寬敞好多，座位亦夠舒適。一坐低侍應就送上茶同開胃菜-花生拼麻味十足嘅麻辣豆腐干。南小館四小拼-可自選四小食烤麩唔錯，正正常常，馬蘭豆乾真係有啲乾，口水雞同花雕雞認真地唔係好食到咩味，因為都係胸是骨位，厚皮，無肉咁嚌。牛肉麵好多牛肉，味道都幾好又夠林。 敗筆在於麵質，似係新鮮麵伴隨住以防啲麵癡住嘅粉一齊煮完無過冷河嗰種口感。 擔擔麵麵質都係一樣，再加上好淡又好杰嘅湯，吃着難受，食左兩啖就收咗口上海粗炒一碟得五六條菜仔，炒到乾得可憐。整餐最令我覺得最失望嘅非小籠包同咕嚕肉莫屬。其實唔係關煮嗰個人事，因為小籠包其實皮薄多汁，咕嚕肉亦香脆，但係，連咕嚕肉呢道咁濃味嘅菜式都唔可以遮蓋到豬嗰種唔新鮮嘅雪藏味.....小籠包基本上係咬多一口都唔想。飲品選擇都幾多，叫左無咩味嘅燒仙草同埋ok嘅Oreo 沙冰。 還不及要收茶芥送上的第一杯清茶好飲😞食材如此，相信我絕對無下次。

一直都很喜欢南小馆。以前都要去到旺角的朗豪坊，现在圆方里多了这家分店，简直是造福了我们这些在ICC的上班族。今天试了醉蟹，豆腐蒸虾，小笼包，荠菜馄饨，冷菜拼盘和追加的糖醋小排。作为江苏人，南小馆非常合我口味，小笼包和荠菜馄饨都是皮薄肉多，尤其是荠菜馄饨，每只都很饱满而且汤又不会偏咸，所以我每次都会点它。小笼包是上海口味的,皮薄汤清淡带咸。醉蟹有点黄酒的甜味，大小适中，蟹膏很足，味道很不错而且一点都不会腥。豆腐蒸大虾样子看起来很不错，豆腐本身很嫩但是没入味，有点淡，虾倒是很有蒜香。冷菜拼盘里面已经有糖醋小排但是因为人多又追加一份。糖醋嘛，酸酸甜甜的，和家乡的口味很近，就是这个味道。炒年糕炒面和葱油饼味道都一般就没拍照。甜点里的两款布丁是亮点，尤其是抹茶布丁，第一次吃到有惊艳的感觉，很爽口又待一点茉莉的清香，应该点来吃一下。其他糕点就比较普通一点，没什么惊喜。这家店开张以来中午都排长队，如果不想等就得早点来吃饭。忙的时候服务有点乱，叫了很多次加茶都没人来，还上错菜。总的来说服务方面有待提高

因為要在最後一日限期攞Openrice送嘅酒店年榚，所以帶住3隻馬騮去到圓方，先去食個午餐，圓方雖然有唔少食店，但啱價錢嘅唔多！呢間南小館新開，去到要等位，大約5分鐘左右有位， 裝修新潮，唔似上海食店！安排坐在店內一個倔頭位，唔開揚（正面可以叫自成一角）在店外已睇定菜式，得我一個大人，小朋友又唔食辣，可以揀嘅菜色唔多！落單後店員通知無晒海蜇，又少一樣！ 可能新開店，服務唔太順暢，首先我哋入座時張枱只有3份餐具，坐低都無加比我，要我出聲先攞，同一個執枱中嘅女店員講要加茶，佢無應我，轉頭佢攞茶壺來加茶，但對唔準水杯，結果張枱濕晒！ 前菜（$15）黑椒豆干絲好乾身，平常豆干會有啲彈牙！呢個無，只有微辣！鹹花生粒就唔錯，鹹香香脆！ 糖醋排骨（$58）啲醬料凍到糊晒，平常甩係玻璃感啲，食落漿口，但又唔夠酸，帶唔出肉味，肉排本身嚡，無肉汁！差！ 鮮肉小籠包（$48）新鮮蒸，皮夠煙韌，包得到啲肉湯！肉湯鮮甜，肉餡嫩口！好味！ 金網黃魚生煎鍋貼（$48）鍋貼蒸得香脆，魚肉餡嘅鍋貼第一次食，有魚湯但比較腥！點喼汁幫助不大！ 上海菜肉餛飩湯（$42）湯底清爽，餛飩皮滑，餡料菜多肉少，有肉汁兼

眾所周知，Elements簡直是一個孤島，附近沒有其他建築和商場，搵地方食飯簡直是困獸鬥。因同行朋友不幸感冒了，選擇就更少了。中餐可以選比較清淡的餸菜，而當中南小館又可以散叫一些小籠包之類，算是不會太heavy的菜式 今次誤打誤撞睇完戲黎食，8點左右，要拎飛等位，外面剛好有商場的sofa位，等了10分鐘左右很快就被安排入座。之前食過南小館不同地區的分店，所以看看餐牌，感覺好像有點不同(?)不知是新menu還是這家分店不同呢?上openrice看看，才知道這是新開不久的分店。新分店另一覺得不同了的是有提供餐前小食。小食是花生和微辣豆腐乾，合計$15。豆腐乾看到有紅色辣椒碎但接近完全沒有辣味，醃過的味道有點怪怪，但還不錯，全碟給我吃清光。花生是已脫了皮的花生，炒香了的確幾開胃。(不好意思太肚餓沒拍照就吃光了)絲瓜鮮貝小籠包 $48之前每次都是吃招牌的無錫小籠包，所以今次試一些比較不同的。絲瓜鮮貝這組合很新穎，而且感覺清新，正合我倆希望清淡一點的口味。小籠包的皮依舊是南小館那薄而不易穿的質感，很讚 餡料換上了帶子，由肉味變成鮮味。神奇的是湯汁也做到那種鮮味，完全能代替肉汁的魅力。小小的