稻神食堂

Open Now

Now Closed

天水圍街坊揮手區 🙋🏽🙆🏻‍♀️ 呢區美食一向匱乏，商場唔係茶記就連鎖快餐店，近日濕地公園新樓盤 The Wetland 入伙後，陸續開咗啲新餐廳，以後又多幾個選擇啦 😛 稻神食堂裝修偏復古田園風，以為係食西餐？睇完 Menu 先知有台灣滷肉飯、酸菜魚米線同「麻小二」麻辣湯米線。當日唔多肚餓就揀咗茶餐，特長熱狗真係童叟無欺，大隻過我手板嘅熱狗 🌭️ 脆皮腸加勁多茄汁同黃芥末，配埋蘋果薯仔沙律食極都食唔晒，先 $40 咋！😱男朋友叫咗台式肉燥蔥油雞扒飯，大大碗同樣都係 $40，雞扒皮脆肉嫩配埋葱油夠香口，呢個價錢呢個份量好良心，好食過臺味多多聲 😆 下晝曬住太陽望住一片綠色，其實都幾舒服 🌿 濕地公園呢頭比較靜未必好旺場，住附近嘅不妨支持吓 💪🏻

味道麻麻，個餸勁少，呢個餐叫網上外賣平台要$90（未計運費）。冇下次..咖喱用個細兜裝住，連一半份量都冇，同埋味道真係超級普通，唔明點解可以賣咁貴。完全不推薦！

濕地公園附近新餐廳，下午茶非常之抵食，而且選擇很多，有飯有麵有pizza，文青裝修靚，地方乾淨。點左個麻辣牛肉米線，湯底同出面麻辣火鍋冇分別，非常之油…有浸辣油喺表面，同飲油冇乜分別，膽固醇爆標，下次唔敢再試麻辣系列…

🏞濕地公園旁的新樓盤陸續入伙了，幾間餐廳開業半年，最近才有機會試試。🖼Cafe座位算是寬敞舒服，掛了感覺悠閒的照片和畫。陽光灑進柔柔的光，播的是Twins，𣊬間回到千禧盛世。🦆🍕餐單也走隨意路線，中西食物選擇都有，選了北京烤鴨薄餅。青蔥沒有烤焦，餅皮跟鴨皮都燙熱可口，不至於入口即溶地酥脆但也不會咬不開來就是。🌸🫖飲品可用套餐選擇多款茶飲，外面動輒加30元才點到的柑橘肉桂茶，中女如我覺得相當歡喜。👨‍🦰💛特別一提的是侍應態度特好，是個溫柔的哥哥，下單時也輕聲細語的，cafe變得更舒適高級了。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍The Farm Cafe 稻神食堂@the_farm_restaurant新界元朗天水圍濕地公園路9號🥰 環境悠閒舒服😆價錢實惠😅鄰近濕地公園，還蠻遠的烤鴨薄餅💲6️⃣2️⃣柑橘肉桂茶💲6️⃣#cafe #天水圍cafe #打卡cafe #天水圍 #天水圍美食  #西餐 #thefarmcafe #咖啡店 #文青cafe #打卡 #薄餅 #fusion #花草茶 #濕地公園 #wetlandpark #sloweatfoodie #hkfoodlover #hkfoodie #

又約老友出黎食飯，話想試下d新野又唔想出咁遠，上網搵到呢間開係天水圍濕地公園新屋苑入面，睇過d食物相幾靚同價錢都唔係貴，一於走入去試下啦。店面唔算話好大，大約幾張枱，晚飯時間都唔多人坐唔爆，應該係主力做返呢個屋苑d住客既生意，好少人真係會特登走黎食，始終唔係中心點。講返食物先，今日求其叫左個酸菜魚水晶粉，牛腩牛孖筋菜飯，小食拼盤，酸菜魚老友話ok，牛腩用坑腩，夠腍夠入味，牛筋都好腍，菜飯正常但上枱d飯暖的，奇怪，d餸又好熱，小食拼盤有炸酥肉，雞豬沙嗲串同炸雞翼，全部香口野，唔會炸得太油，幾好。服務睇落唔錯，格黎枱有個人係度同個侍應問長問短又大大聲，d侍應都係好有禮貌咁對答，唔會黑口黑面。下次可以再試埋下其他食物。

呢頭開咗啲新餐廳，門面好企理，就入去試試。試咗個牛孖根菜飯，啲牛筋好痴口，炆得好林，份量都多，補充骨膠原佳品，啲菜飯索滿牛腩汁，如果驚太濕建議牛根另上。另外叫咗麻辣胡椒肉丸鴨血，辣味適中易入口，鴨血幾爽口，夾起唔會散，胡椒肉丸都好特別！佛跳牆，值得食，藥材味好濃，好足料，入面有花菇同瘦肉等等，兩個人share 一碗啱啱好～試多個手拍青瓜，飯後叫黎食，酸酸地好解膩，咬落好爽脆，仲帶有蒜蓉香味，幾好味！

配料都幾多 麻辣湯底幾好味水晶粉好煙韌 都幾好食油條口感比較似麵包牛油果蔥油薄餅都幾好食雖然無肉 但係味道都唔錯排骨豬扒炸得太乾身 咬落去好硬完全冇肉汁 菜飯正常半隻溏心蛋都好食肉燥同埋豬軟骨都普通偏乾身 冇乜汁溏心蛋同埋肉燥同上面個飯一樣蔥油雞扒都係偏乾身 麻麻哋

位於Wetland seasons park🌿既新餐廳✨似一間台式style x cafe既感覺 由於位置未有好多人流 成個環境好寧靜 好舒服 〰️💓🌶麻辣鴨血配米線 (麻辣湯) $63嗌完先發現配料已經有鴨血😅唔緊要 鴨血打孖上絕對食得落 鴨血正常發揮 唔算好滑好入味 配料仲有炸油條 溏心蛋 魚腐等等 全部配料都好好味 但唯一好需要改善既係⋯個湯底太油🥴油到好難接受 而且係完全無味 無麻辣 所以好似飲緊油咁😅🌶紅燒牛肉牛孖筋配米線 (麻辣湯) $63紅燒牛肉牛孖筋好好味😋炆得好夠淋 分量都好多 中意食牛筋必試❣️不過同一個問題 個湯底太油 好可怕😂我同朋友一致認為下次叫清雞湯會好啲〰️🤓🐟酸菜魚配米線 $58我哋已經酸菜魚會係最無驚喜 點知好驚喜😳❣️竟然係好夠酸 分量都多 但呢個餐就無溏心蛋 炸油條既配料😯〰️✨🍗家鄉酥肉 $35不錯的小食 炸得好酥脆好香 分量都多 值得一試～

睇MTR螢幕廣告知道天水圍開左個濕地商場順道就去睇下樓，了解呢個住宅啦!!!好似有朋友揸車入去，原來都幾入下好彩有呢D餐廳開左，如果唔係就幾荒蕪架加上D餐廳裝修同飲食質素都高質，所以成件事就變得幾relax睇餐廳名最初以為係食西餐睇Menu 先發現原來係中菜，見到係食酸辣粉都幾吸引裝修真係好，坐得好舒服，成個環境都好似去左外地咁同埋好似剛剛開業，服務質素好好，D店員好nice檸檬意米水見天氣熱，自己走黎走去就更加熱上熱所以專登叫杯凍飲獎勵下自己滿滿的意米消暑，再加上檸檬醒胃，不算太甜的味道真係幾解熱麻辣鴨血 平時買一盒台灣鴨血都真係幾貴依家用$63 就可以買到現煮好曬的有曬材料的一個餐，真係幾抵鴨血都有成7-10件，又有一個糖沁蛋、魚腐添最特別的是有提供油炸鬼呢個餐就更加豐富了!!油炸鬼浸過麻辣湯後，D汁索曬起入面，就令到個湯無咁油，食到湯底個味用個熱鍋盛載著，每一口都是熱烘烘的岩曬我呢D慢吞吞既人食耐左少少都唔會被吹到D野凍曬最喜歡它的魚腐，有少少空心，D汁流左入去，更加入味懷念燸米釀雞翼呢個菜式先發現原來真係好大份無骨的雞翼釀入滿滿的糯米飯，當中有D臘味、臘腸碎架!!個表皮又脆喎

天水圍最近因為有個新樓盤變得熱鬧多人 而且商場都多咗好多 今次去到呢間食港式餐廳嘅 間舖頭好新 所以入邊都好乾淨環境好靚入到去叫咗紅燒牛筋菜飯 真係估唔到幾十蚊竟然足足有六七舊牛筋 仲要係大大嚿 非常之入味而且炆得好琳 仲有上海菜飯 個質素一啲都唔差過出邊一啲傳統上海舖頭秘製美國黑毛豬煎蛋飯 燒得好靚而且用黑毛豬整嘅叉燒特別好食 因為佢夠厚身 加上足足有三隻蛋用嚟蛋汁撈飯真係一流我哋仲加咗個香酥雜菜餅同埋芝麻單骨雞翼 雜菜餅好大份㗎 不過就油膩咗少少但係入邊啲雜菜有紅蘿蔔洋蔥絲都好好味 雞翼炸得好香脆 抵食再叫多個魚腐小棠菜 食咗咁多肉食返個菜平衡下嘢飲仲有檸檬薏米水 呢個天氣飲真係一流 勁解渴同埋去濕

Wetland season park 開左好多新餐廳，每次經過都好想試呢間，平時好少人，所以都無勇氣入去.今晚見都多人，就入左去試，侍應啲態度有啲怪，唔太親切.酥肉（餐前小食）份量有啲少，仲有啲油，的確幾香口同邪惡嘅.二人餐牛油果pizza超級好味，第一次食素食pizza覺得咁好味.大蝦肉燥飯肉燥好好味，大推！可以見到肥瘦平均分配，配飯真係好好味，蝦都好彈牙.烏梅蕃茄個種酸尾尾，第一次食，好開胃！.啲飲品都好特別，以涼茶為主題，味道都唔錯

因為新開 所以過來試下其實主要都係粉麵多我就叫左好似水晶粉甘既 好粉好q酸菜魚xxx不過有dd失望 魚塊係油炸過變相湯底感覺多油另外我叫了肉酥 我係幾鐘意食！ 但涼拌雲耳就要加油了 感覺唔夠味仲食到出似水煮雲耳然後加d汁既感覺