一品雞煲火鍋

Open Now

Now Closed

本來平時係大排檔食開雞煲,　但大熱天時對住個爐露天仲要無冷氣，真係受不了。見呢間openrice上ｄ評語幾好咁, 決定同幾個愛雞煲之人試下佢。 黎到９點幾，仲要等位。已經好鬼肚餓，仲要聞到ｄ食物香味傳出來，有得睇但未有得食既感覺真難受 等左30分鐘，終於到我地。好彩個亞姐比定張ORDER紙我地揀定, 時間都過得快d。急不及待已經叫左個大辣雞煲，食辣野係我至愛。自從知道食完雞可以再加湯變火如鍋湯底後，已經取代左麻辣同沙爹湯底既地位，因為實在太好味。呢到D冷氣好夠, 唔會食到大汗細汗一齊流~~~~~講返D食物先: 大辣雞煲：香味四溢，夠曬辣，ｄ雞幾滑唔“鞋” 手切牛肉: 有牛肉味，網紋分佈平均，必食 雪花肥牛: 雪花比例均勻，但我都係ｌｉｋｅ手切牛多D 雙拼手打滑: 滑蝦 + 墨魚滑 正!!!! 因為本人愛硬硬地 + 彈牙, 呢個合我心水 竹庶水: 清清甜甜,味道剛好。 D汁撈埋個出前一丁一齊煮, 超級勁野味呀。喜出望外既係, 食完都無話好口渴, 跟之前食其他火鍋比, 無話要勁飲野。食到12點左右, 飲飽食醉埋單走人。

今日轉戰黎左荃灣, 聽同事講呢間火煱店幾好, 今晚同4個朋友仔去食。8點到左, 等左15分鐘就有位, 個侍應比左6人卡位我地, 座位舒適, 哈哈~~~叫左個豬骨煲, 好好味,好濃，夠白, 料是蠻多的--豬骨,粟米,蘿蔔,芹菜, 舊舊都有豬軟骨, 仲有超甜既粟米。好豪甘叫左個象拔蚌刺身同游水鮑魚, 切得好靓呀!!!! 象拔蚌刺身雪白精瑩, 刺生及火煱兩食, 生熟食都超甜, 正正正四寶丸: 蝦丸10 級彈牙, 仲有有好大粒蝦肉, 味道鮮美, 推介! 豬肉丸一般, 無乜特別; 墨魚丸唔錯, 好彈牙, 又有墨魚鮮味, 仲有粒粒墨魚肉; 鯪魚球就一般啦.今次叫左個粗麵, 幾爽, 唔會有好重既鹼水味同糊口重叫左牛肉粒, 貴花蚌, 牛肉粒, 金菇, 炸魚皮, 生菜等仲有, 好闆好好人, 送左枝酸梅湯比我地飲, 正!!!!!!上菜都很快,招呼都幾好! 無介紹錯, D食物好新鮮, 下次再黎過

一家人係星期五晚搵野食,見到開左間打邊爐,見到有幾個人等位心諗都應唔差(因為無人食我多數唔會去試,唔做白老鼠),於是係門口等下諗住試.等左大約十分鍾到已經有位唔算耐.入面員工叫我order 雞煲話呢度出名,但我之前食過雞煲都係好辣而今日一家人有大有細,最後只係叫左個澳門豬骨湯底.同普通火煲野食.個澳門豬骨湯底超級足料,多豬骨件件大大舊,又多好甜既粟米.湯底夠晒味,而其他野食我推介下面蝦與墨魚滑: 無懈可擊,絕不放過,爽,滑炸腐竹卷: 正!大大件又唔油炸魚皮: 好好味, 夠新鮮手切牛肉:最好食呢個,牛味重魚旦:彈牙酸梅湯:好好飲,唔貴,$20一瓶價錢唔算貴,都坐得寬敞,最梗要張枱夠大夠位放野食,全家都食得好滿足,值得再一試.....

今晚一行6人去開荃灣, 原本諗住去食韓燒, 不過真係太多人, 見到有間新開0既雞煲火鍋店, 咪諗住入去試下, 入到去D裝修唔錯, 原本擔心大熱天時會好熱, 不過好彩間舖D冷氣超勁, 一入去即刻透心涼, 坐坐下仲覺得凍, 要係咁野黎驅寒! 一坐低就聞到好香0既雞煲味, 有位好好人0既姐姐仔推介我地食雞煲, 原本我地諗住叫火鍋, 不過見姐姐仔係咁SELL,而全間鋪枱枱都係食雞煲, 我地梗係要試下, 雞煲有大中小辣同唔辣, KAR 仔唔係太食得辣, 所以我地叫左一煲火辣, 雞煲一到, 成班餓鬼即刻起勢係咁食, 個雞煲真係唔錯, 好有味, 除左雞, 佢仲有D洋蔥係煲入面, 雞煲入面D汁又濃, 又入味, 真係好好味, 啱哂我地成班人, 食食下阿姐姐仔同我地講話得閒要搞下個煲, 費事 “痴” 底, 食到差唔多個陣阿姐話可以叫多隻雞又或者可以叫D火鍋料黎食, 我地成班食肉獸梗係係咁叫肥牛啦, 又叫左一D蝦滑, 肉丸, 咩都叫左D, 我地見隔離枱有D好靚仔0既 腐皮卷, 又叫左個黎試下一路打邊爐, 阿姐隔一陣就會幫我地加湯, 原本諗住會沖淡雞煲D汁, 點知一路落湯, 個雞煲唔淡不特止, 仲越食越有味,

我係港島人，好少去荃灣行街或者食飯。上星期六剛好有朋友生日，就去左呢間剛剛開張既火鍋店食飯。本來唔想去，大熱天時食火鍋真係比埋條命你。不過朋友生日，無計啦！去到的時候，只係7:30pm左右，以經見到舖頭裡面差唔多坐滿人，而且重有人排繄隊等位添，心想，係唔係咁好食呀?!門口位姐姐好有笑容同埋好有禮貌咁帶我地入去預先訂左位既table，首先先讚下D裝修先，係出面睇，一D都唔似火鍋店，因為好得意，有卡位喎，而且D卡位重好大張喎，大肚腩都坐得落！地方好光猛，好簡潔，又唔迫，D顏色又靚，紫色架！跟位帶我地入位果位姐姐又好心機咁介紹D飲野比我地，佢地既"足料"竹蔗水同酸梅湯真係幾好飲，唔太甜。當我地唔知叫乜食之際，大家就周圍望下其他table既人食繄乜啦，奇景囉，張張table 都係食繄雞煲，而傍邊就有好打邊爐既食物。咁我地咪乜都唔理，叫左隻雞煲先囉！我就怕食太辣既野，所以叫左半隻微辣既。店員姐姐都話，先食個雞煲先，然後先叫火鍋料。個雞煲黎到，一打開個煲蓋，香到不得了，但D顏色就好似差D咁，原來要用慢火慢慢慶住黎食先會越食越好味的！初初我都覺得辣既程度都可以接受，但會越食越辣架！食到差唔多就開始點

今日係老公嘅生日, 我哋一家三口出咗去荃灣食飯慶祝. 之前上openrice見呢間新開嘅雞煲火鍋唔錯, 就決定嚟呢度試下. 去到門口個阿姐熱烈推介用雞煲嚟打邊爐, 見佢門口張poster寫住小辣, 中辣, 大辣, 我問佢雞煲可唔可以唔辣, 因為百厭仔食唔到辣. 佢話可以走辣, 跟住帶我哋坐卡位, 好闊好舒服.我哋order咗半隻雞煲走辣 $98.00--味道真係唔錯, 啲雞係好入味, 但走辣都係有少少辣, 百厭仔唔肯食, 要問阿姐攞杯熱水沖淡啲辣味, 佢才肯食少少.到啲雞食得七七八八, 阿姐就同我哋加湯做火鍋, 但原來加完湯果煲汁係勁油, 再渌啲肥牛, 腐皮卷落去就油上加油, 無論點加湯落去都一樣.講下啲火鍋生料先:-- 腐皮卷 $28.00--唔錯! 鮮滑牛 $25.00--有牛味, 但比較韌. 手打墨魚滑拼蝦滑 $65.00--超正, 好彈牙, 好爽口! 雪花肥牛 $50.00--個樣就麻麻地, 有黑邊. 但食落唔太肥, ok啦! 日本烏冬 $18.00--唔係普通嘢, 烏冬夠煙韌 彈牙, 正!!埋單$284 再加一小賬 共$313.00總括嚟講, 食物質數係唔錯, 但用雞煲嚟打

見到荃灣開左間新雞煲火煱店, 決定同幾個朋友試試佢。本來係諗住打下邊爐, 叫個沙嗲湯底, 點知聞到其他枱傳來好香嘅香味,服務員又不斷推介喎,咪叫左半隻雞煲試下。 沙嗲湯底味道香濃, 食落去有微辣, 用佢打邊爐的食物根本唔駛點豉油都夠味, 加幾多次水都仲係咁濃,伴牛肉,烏冬一流。 招牌雞煲 我地叫左個中辣, 一打開個蓋就好大陣香味~辣椒,花椒,,芫荽同埋醬汁,雞肉相當嫩同入味, 呢度係用紫色洋蔥,好鮮甜又搶眼, 真係想叫碟洋蔥放落去, 佢個醬汁,辣中帶甜好開胃又有少少麻辣, 又正又過癮, 大家搶住食﹗食完D雞原來仲可以加湯继續當湯底, 食物變得相當惹味烏冬 呢個真係超讚, 好滑好煙韌, 唔係平時食開果d, encore左5次 手打墨魚滑同鮮蝦滑, 又新鮮又彈牙 鮮水魷 ~ 呢個估唔到係咁好味, 魷魚好鮮好唔韌 手切牛同牛肉粒 ---- 好新鮮,牛味濃又嫩滑,ENCORE 再ENCORE 炸魚皮 好脆,好大塊水餃,雲吞 夠爽滑 皮薄餡靚, 足料大大隻 呢到服務員主動落力, 落單夠快，環境都幾舒服 食物新鮮又唔貴........仲有個雞煲, 一定會再食。

有朋友介紹我荃灣開左間幾好食既雞煲,又開到好夜,今晚就同埋幾個同事去試下.去到時十二點幾都幾多人食,裝修都唔錯,有卡位坐又夠闊.因為好肚餓,而一入去已經聞到香味,所以咩都唔睇先叫左個大雞煲先,到左後立即試一下,D味道真係唔錯,D雞好滑而好入味,加埋佢D濃既辣汁,真係幾好食.差唔多食晒D雞我地就開始叫D火鍋配料,試左蝦滑 : 超好食,又滑又彈牙,我食好多度最好食呢間坑腩 : 好淋,好有味,正!!炸腐皮卷 : 完全唔油口,有重腐竹味手切肥牛 : 好有口感,有咬口各樣手打丸:唔錯 講真我係其他地方食雞煲,都係個雞煲得但係D火鍋配料唔得,但係呢間我食果D配料全部都好好食.而員工服務都算幾好,睇黎我之後多個放工食野既好地方囉!!

今日行過荃灣搵野食,經過見到新開左一間火鍋雞煲,天氣咁熱,本應都只係望下,無諗住入去,點知係門口個店員講到有幾好食,都唔係抱太大期望最後都係入左去試.入到去安排左卡位俾我地,由店員介紹,佢叫我地先Order 個雞煲先,之後食完加水做火鍋.我地最後叫左個小辣雞煲.到左之後個煲好香,煲加左大洋蔥,開頭第一件時都唔係覺得辣,但之後愈來愈辣,但係愈辣就愈想食.因為D雞好惹味.食左D雞後,我地叫左火鍋配料,牛肉一定會叫啦,我地叫左一碟手切肥牛.D牛肉好好食,係荃灣其他D食店食唔到呢D牛肉,加理用雞煲食別有一番口味.我地仲叫左蝦滑同手打丸,兩個都好彈牙.最後叫左個日本烏冬!!呢個烏冬真係好好食,我未試過係火鍋店食到呢D質數既烏冬.最後同個老闆傾左幾句,佢話呢度仲有多多好野我未試,但今日我之前食左小小野,戰斗力唔係既好.我下次一定會再試其他野.