The Joomak (Closed)

泡菜煎餅（$88）：粉漿不算太厚，但對愛好泡菜既k姐黎講，如果泡菜份量可以再多少少，就更好 。牛肉辣炒粉絲（$108）：粉絲煙韌，配以牛肉，冬菇片，洋蔥，非常惹味，亦不算太辣 。三文魚紫菜拌飯（$78）：一上枱，滿滿紫菜，三文魚碎則拌入飯中，驚喜位：飯中有黃蘿蔔蓉，附上手套，讓客人自己拌飯，玩得又食得，係紫菜包飯另一選擇 。紫薯芝士脆片（$68）：兩塊厚厚紫薯夾住份量十足既芝士，以炸天婦羅方式處理，口感比想像中稔，唔似脆片，同埋食落較油膩 。 。牛油青口馬格利配炸蕃薯條（$268）：牛油味不算濃，甜甜馬格利酒配以洋蔥粒黑胡椒等等煮成湯底，湯底不錯，好好飲，而且青口肥美 。黑蒜拿鐵（$68）：杏仁奶味較出，黑蒜要回甘才發現 .紅棗草莓雪沙（$58）另外，原來依家逢星期一、二都有任食青口煲😆加錢仲可以任食埋蕃薯條😝。

<新派韓式菜 青口好鬼正>😁呢間喺 海港城入面LCX既joomak平日都好多人排隊 今日得閒d終於有機會試下 , 因為6野幾就到左 所以就唔洗等位 😂入面環境帶d西餐類幽暗既燈光 坐位尚算舒服 不過當係比較熱鬧d既餐廳 因為都幾多位幾多人 . 但可以接受 食既係新式既韓菜 炸雞 🐤 煎餅 各式特飲等等 最正係每星期有某日就有得任食一種菜式 好似 逢星期一二有得任食青口煲 鍾意青口既朋友唔好錯過😈🍴泡菜蕃茄青口 伴炸蕃薯條 268 蚊🌶🥔平時就268蚊 如果每逢星期一二有得任食😍 青口煲 青口都有10 幾件 底層既蕃茄醬汁好鮮甜 🍅帶少少辣既爽口泡菜 令到青口好入味 而且青口又十分新鮮彈牙 最邪惡係入面充滿住半溶既芝士🧀 再將另上既炸薯條放入去點醬一齊食 冇得輸😈🍴素芝士紫薯粟米 78 蚊🌽🧀顏色好靚既大大條粟米 粟米夠香甜上面搽左好多素芝士醬汁 都幾香滑 但就冇非素芝士甘濃味 加上甜紫薯粉 夠靚味道又match 😄🍴羽衣甘藍煎餅 88 蚊🥦🍕用左近排好興既菜羽衣甘藍整成既煎餅 成塊餅都綠色 好特別 咬開煎餅既麵粉 就有層層有口感既甘藍 落足料 仲有d紀子做配搭 十分唔錯

LCX入面呢間人氣餐廳，peak hour真係長期好爆，好彩今次早食飯唔洗等呢個噱頭十足嘅飲品係二人份，杯邊沾滿爆炸糖，飲嘅時候變得更加酸酸甜甜，視覺同味覺都一次過滿足哂見佢定呢個價，自然會有少少期望。嚟到只得三串魚糕同埋菜，係會覺得有啲太貴，但勝在同喺韓國食嘅差唔多，高湯亦清甜原棵生菜上嘅沙律真係第一次見。芝士粒同埋濃濃蜜糖麻油味嘅dressing同韓牛好夾，用菜包住一啖食落口，口感倍增我個人好鐘意羽衣甘藍呢個superfood，用嚟做韓式煎餅都幾有創意包咗松子仁嘅飯卷比較少見，口感好豐富。雖然材料都係蔬菜為主，但味道亦好足，可以一口氣食幾件除咗泡菜同蕃茄，面頭仲有呢幾年韓國人好鐘意食嘅芝士，整體感覺好西式。味道酸甜香辣，青口都好新鮮好大隻，不錯馬格利係韓國米酒，用佢嚟煮青口同西式嘅白酒煮居然有異曲同工嘅效果。蒜蓉同牛油配上淡淡酒味，顯得青口更鮮甜蕃薯條喺我哋差唔多清哂成枱嘢先到，而且淋哂，不過蕃薯本身好香甜，都算ok最近做緊$298任食呢兩款青口，我覺得可以一戰

星期三晚同朋友行LCX行到攰想搵個位坐低食晚飯，經過JOOMAK朋友想話試，有位即刻唔使再諗。餐牌啲相好吸引，選擇又多，選擇困難症會好頭痛。最後我地㨂左新出既牛油馬格利青口煲、韓式烤牛肉、韓式松子仁吞拿魚飯卷。本來仲叫左酥炸芝士魷魚桶，但賣晒，下次要早啲去先得。韓式烤牛肉配生菜 $158韓式烤牛肉超好味！牛肉配菜有洋蔥同冬菇，好入味但唔會太冧。仲有兩種菜包住食，罪惡感大減。份量對兩個女仔黎講，岩岩好。韓式松子仁吞拿魚飯卷 $98味道比起一般既韓食稍微偏淡，但松子仁豐富左成個口感。個人黎講幾鍾意淡淡的味道，吞拿魚配青瓜同蘿蔔絲，大啖大啖食都無問題，健康之選。牛油馬格利青口煲 配 香脆炸蕃薯條 $268馬格利原來係韓國朝鮮半島特產濁米酒，非常清甜，用黎整cocktail既，但今次加入好香既蒜蓉牛油煮成個紐西蘭青口煲，個酒完全可以迫出青口的濃濃鮮味，青口超大隻，肥嘟嘟咁，效果清甜香滑，很新鮮既配搭，令人驚喜!再驚喜既係個炸蕃薯條，開頭冇睇清楚以為跟薯條冇咩特別，連賣相都有小小似薯條，但食落去就知係蕃薯，仲要超甜超好味，又夠熱，熱烈推介!原來餐廳今個月逢星期一，二有任食青口煲優惠，90分鐘任食

朋友約食齋，他們目標一致，放下酒肉不殺生。到達餐廳門外才知道這家是韓式菜館，侍應把我引進到餐桌位置，沿途的食客喝酒吃肉，是否朋友弄錯地點？這裡何來齋菜可言？餐廳以新派佈局為主，簡潔的木製枱櫈再配上柔和燈光，靠向玻璃位置還看到夜景，景色怡人。翻開餐牌，韓式年糕、韓式炸雞、Pizza、酒精飲品應有盡有。再看另一個餐牌全是韓式素菜，頓時恍然大悟了，雖然素菜選擇不多，但是各具特色。各人揀選着自己喜愛的飲品，我的是雞尾酒系列“冰馬格利”，主要用菠蘿汁調配而成，雞尾酒飲品可以不加酒精，價錢會平一點。由於今晚飯聚目的是放下酒肉，因此我的飲品無酒精啊！餐前小吃，這道菜名為“麻藥薯條”，最初覺得名字怪怪，上枱後有驚喜，薯條是採用甜番薯製成，甜甜的不用配番茄醬。他們的韓式紫菜包飯，名為“韓國水梨卷”，用水晶梨取代肉類。韓國炸雞大家吃得多，而這裡售買的“韓式甜辣素炸雞”值得一試，外皮脆口，適合熱騰騰時立即食用。令我記憶深刻的素甜品，名為“士多啤梨奶凍”，甜品成份沒有奶類及動物性明膠等。各大超級市場買到的魚膠粉就是動物性明膠，它主要是用動物皮提煉而成。有一些吃素的重點是為了不殺生，不吸取任何跟動物有關的食物，

之前同爸爸食過幾次呢間韓國餐廳，見佢出左新野，又同爸爸去試下啦～都好耐無黎食啦，入面既裝修好似有D唔同左，六點幾黎到都未有好多人住，坐窗口位可以睇埋夜景都幾浪漫丫～點左呢個二人份既仙人掌果酒，唔知係咩味呢？黎到都幾大陣仗。。。原來要將D爆炸糖痴喺杯邊。。。然後仲有D好迷幻既煙。。。味道呢，酒味唔重，有D果味橙味咁，一瓶都每人可以飲到四至五杯～去食韓國野，Si就會點最鐘意既飯卷啦～呢個韓式松子仁吞拿魚飯卷都幾好味，有D松子仁增加口感，幾爽口幾岩夏天食～聽D店員講，逢星期一同二都有青口任食～$298／位包任食青口、1杯飲品同炸蕃薯條，可惜Si去果日係星期四啦～但都點左個牛油馬格利青口，可以揀伴蕃薯條或薯條，Si就揀左肥薯條～平時既青口煲可能有好多青口，但D青口都係細細隻，雖然呢個青口煲望落去唔係好多青口，但隻隻都係超級大隻！同平時食既好唔同呀！！薯條熱辣辣好好味～如果想食甜既可以揀蕃薯條～ 呢個泡菜煎餅都好香口～如果泡菜味濃D就更好啦～仲點左呢個雜錦芝士菜盤，有菇、豆腐、露筍、茄子同菜～呢個係自己燒既，仲有一小碟芝士同芝士醬，燒到咁上下就可以加芝士一齊燒，然後就做到拉絲既效果架啦～都唔錯呀

好不容易過了一星期，心情好像平伏咗 d。雖然從來沒打算去改變已發生的事，但路仍然是要走，所以這次我主動提議食韓國菜。其實呢日好多人，响外面等了一會，不過職員很親切的招待我們。炸紫薯芝士脆片沒想過紫薯係可以拎來炸的，炸粉唔會好多，加上紫薯本身的甜味同埋芝士的香滑，感覺很開胃。土耳其蘋果茶一邊食著脆片，一邊歎著蘋果茶，味道本身是淡淡的清香，帶著啖啖蘋果肉。另外是可以自行加上蜜糖，調較合適的甜度，真係好貼心。薑黃拿鐵而他今次點的是非一般的拿鐵，薑味很重但不會很重奶味。韓式烤牛肉這一盤有兩種食法，一是直接食牛肉，味道很像以前媽媽煮牛肉的味道，肉汁索哂响牛肉入面，很軟很香口。另一種是以菜包住牛肉去食，味道較清新食落少 d 油。素紫菜拌飯一大碟紫菜加芝麻，先帶上手套把所有配料撈勻然後進食，很香口食完一碗又一碗。黑蒜．雞大大舊炸雞非常香脆啖啖肉，加埋淋响面的黑蒜汁，蒜味不太濃，不會搶走炸雞原本的味道。

有朋自遠方來～但朋友係素食者，於是問下公司素食朋友，有咩好推介！今次真係要多謝同事T，因為餐廳係正海港城入面，地點方便，而價錢亦都唔錯👍🏻好！去相先～同事叫我地記得星期三去，因為星期三係素食放題日$198就有得食～小妹好少食素，所以覺得好新奇🤩韓國水梨卷，食落好清甜，水梨又爽口👍🏻炒辣年糕~ 個醬酸酸辣辣，都ok，不過小妹覺得年糕可以淋D外表睇佢都普通芝士粉薯條無分別～但其實佢係麻藥薯條～ 好甜～仲有淡淡蕃薯味～👍🏻👍🏻仲叫左個粟米～代替飯🙈 (從而令小妹心理上減左肥😂😂😂)減左肥🙈就可以食甜品啦～ 叫左個tiramisu share～一人一個雪糕球唔洗爭～重點係有杯咖啡俾客人自己加落去食，讚！！！同場加影飲品兩杯，勁大杯😆😆😆朋友叫左紅棗草莓雪沙，味道偏甜～小妹叫左藍莓梳打冷，超清甜～～～～ 小妹自己就歡喜藍莓多d🙈🙈最尾要多謝朋友T推介，因為餐廳係睇到8點「幻彩泳香江」，我朋友勁開心😂

今日中午同朋友黎食飯。店內10多人左右，叫左待應姐姐落單，待應經已吾休做感企係到，吾理我地，之後再叫他地先話應我地。 之後叫左兩個石頭飯加五香肉等左大概20分鐘，黎到飯係凍既。之後五香肉一直末上，等多30分鐘，我地忍吾住問，吾該欠個五香肉，依個時候，侍應一句話，五香肉？要加錢加wo，你仲要吾要？係咪吾要？依個時候我地心入面反左100個白眼，但我地叫左，係末黎。之後他話感等等，之後一直再等多二十分鐘，我地已經食曬所有野，再同佢講先黎到黎到既肉係好咸。吾會再黎

Happy Friday 當然要食好啲啦行完一輪lcx 係時候搵地方醫肚 決定再戰joomak今次佢地轉左新menu 有青口煲食 好似幾正咁有兩款 一款係泡菜蕃茄 另一款係牛油馬格利我地㨂左泡菜青口 重配埋蕃薯條啲青口都幾大隻 一鍋大約15隻左右 都幾嫩口泡菜蕃茄好惹味 帶少少辣 越食越正蕃薯條熱辣辣 帶有少少甜味 好正芝士泡菜煎餅 加左芝士 好味啲呢個韓式烤牛肉 堅好食 調味一流 入口又嫩配上生菜食 味道岩岩好 可以唔洗點醬最後叫左水果飲品 二人份量

位於尖沙咀海港城海運大廈3樓LCX - 34號舖的The Joomak,主打韓國菜。餐廳的位置約有六十至七十個，而且餐廳較入的位置較強勁，女士可以先預備一件小外套。餐廳近窗邊的位置可以看到維港的景色，晚上有機會看到幻彩詠香江。餐廳提供不少素食的菜色，種類頗多元化，菜色編號以 “V”字為首的也是素菜。首先來到的為素芝士南瓜甘荀熔岩包 (Vegan cheese dipping cube and seaweed)。食物來到的賣相頗震撼，約有五款天婦羅炸物：素炸雞、雞脾菇、翠玉瓜、炸豆腐和炸蔬菜。各款炸物的size也頗大件，可以用剪刀剪成小塊。炸蔬菜下的便是南瓜甘荀熔岩包了，廚師先把麵包的內部掏空，再倒入南瓜甘荀醬和芝士。南瓜甘荀醬的質感幼滑而惹味，和炸物頗為搭配。個人最喜愛的為翠玉瓜片。翠玉瓜不會切得太厚，味道清新。豆腐的質感彈彈的，頗有嚼勁。 😍韓式甜辣素炸雞(Korean style spicy and sweet vegan chicken)來到了。其實上一味菜式也有素雞，不過這款是配頗香口的甜辣醬。素雞其實是大豆製品，質感和雞肉十分相似。甜品則點了一客奇異籽素奶凍 - 韓蔘蜂蜜

放假約好朋友食晏唔洗趕，可以慢慢嘆，所以我地揀左間可以望住海景又有set lunch 既韓國餐廳😍😍😍set lunch都幾多選擇，我地要左個A既牛油果大蝦沙律$88同C既炸雞拌飯$88，之後諗諗下又驚唔夠食，所以另外加多份板燒安格斯肉眼扒$246跟餐要左沙律，朋友就要左海帶湯~個板燒牛首先黎到，有原塊牛扒之外，仲有啲菇同菜，另外亦有一碟水牛芝士，份量唔少肉眼扒厚切，牛味好重，仲要無乜筋位，好好味而午餐A個沙律都好大份，大蝦肉爽，但嗰日有其中一款菜都幾苦下....估唔到連個午餐C都咁大份，至少有碗半至兩碗既飯量，仲要有四大件肉嫰皮脆既炸雞同流黃荷包蛋，飽肚抵食兼好食wooo放假要放肆是常識吧，我地見到set lunch 加30蚊就可以有個素食奶凍，我地見平平地就每人要左個我要左個士多啤梨味，朋友就要左芝麻，個奶凍又幾特別woo~佢係類近大菜糕既質感，仲食得出有豆香，甜度適中都唔錯朋友個甜胃食開有條路，問我食多個甜品好無，見係月頭加上放假心情靚，就陪佢癲下啦，所以我地最後仲要左碟焦糖爆谷雪糕$78，原來係用M字頭雪糕，有兩大球，加埋脆爆谷，又真係幾正既不過呢度冷氣都幾凍，所以都係飲熱野好

位於海港城的The Joomak一向主打新派韓國菜，最近他們更推出了韓國素食放題，90分鐘內任吃，包括人氣的黑糖麻藥粟米、素芝士南瓜甘筍熔岩包、韓式甜辣素炸雞等等，加$88還可以任飲最愛的韓國米酒，好滿足！ The Joomak位處LCX，面對著無敵維港景，單是吃景已感滿足。 給大家看看放題餐牌，食物選擇真的不少，不過記得，熔岩包和甜品都必須要在訂座時預留，否則不保證可以吃到啦。 素芝士南瓜甘筍熔岩包 (須預訂) 為了配合這次放題，餐廳的人氣熔岩包都改頭換面，例如是換上了素芝士 (用木薯澱粉加椰油製造)，純素人士都可以吃。魷魚、海鮮、非素包、含有魚露的泡菜等等，統統無得留低，素菜版換上了雞脾菇、冰菜、豆卜素雞等等，一樣香口美味。 韓國水梨卷 水梨卷很好吃，爽口而清甜，感覺十分清新，裡面還加入了日本醃蘿蔔、青瓜、紅蘿蔔等，全部都是爽口的蔬菜，好吃。 韓式甜辣素炸雞 羽衣甘藍煎餅素炸雞和煎餅都是我的必食推介。素炸雞是用豆卜包著素雞去炸，面頭再淋上韓式辣醬，脆卜卜帶微辣，怕熱氣都忍不住吃了幾粒；羽衣甘藍是super food，用了煎泡菜餅的方法來炮製，餅邊很脆口，裡

很多年前去過一次首爾，印象就是找不到東西吃，不吃肉又不吃辣的話選擇實在不多。近年韓風襲地球，大家都搶著吃韓式炸雞、人參雞、韓式燒烤......反正全部都不關我事，今天第一次在Joomak吃到韓式素食餐，實在覺得大開眼界！其實韓國也有很多適合煮素食的食材啊！Joomak 的餐牌上一直有多項素食餐點，今次就以「90分鐘任食放題」方式益街坊，每位只收港幣$198，點幾個菜就回本。如果你還沒來這邊吃過的話，正好襯藉此機會試試看它們家的韓式素菜。放題推廣詳情供應日期：即日至6月30日逢星期三 (公眾假期除外)用餐時限：90分鐘供應時段：全日每位價錢：HK$198 (另收加一服務費)另加任飲類別I飲品 +HK$38另加任飲類別I及類別II飲品 +HK$88位於海港城LCX三樓的Joomak景觀一流，風和日麗的藍天白雲或是香港夜景都非常棒。每樣給我來一客，唔該。(記得不要浪費食物，想吃多幾款的話不仿多約幾個朋友)麻醬雪耳沙律 原價HK$128 / 羽衣甘藍煎餅 原價HK$88 / 韓式甜辣素炸雞 原價HK$118前菜我最喜歡雪耳沙律和羽衣甘藍煎餅，雪耳沙律除了有養顏的雪耳，還有我覺得很古怪的冰菜，原

夾好假期去左澳門玩，五一當晚回港。同行朋友知我係海鮮迷，提議一齊去The Joomak食青口煲放題。專登由中港城行過嚟，等位等左大半個鐘，有個靚景。但原來青口放題限星期一、二供應(公眾假期除外)，oh NO！放題係$298 喺90 分鐘內任食泡菜番茄同牛油馬格利青口，一心諗住食青口嘛，嚟到唔食未免有啲失望，原來可以單點，牛油馬格利青口伴炸蕃薯條一客$268，OK 咁單點啦，再搭其他嘢食囉。一煲大大煲，有十幾隻巨型青口，配搭牛油馬格利汁，酒味同牛油味唔會太濃，互相平衡，帶出青口鮮味。青口肉都幾甜幾厚肉，好想叫多煲，但都係點到即止算，下次一定要嚟食個放題食盡啲，順便試埋個泡菜番茄汁。另外個蕃薯條係即炸，香甜又好脆口。第一次嚟The Joomak，叫左幾多嘢食。朋友點左冰馬格利(菠蘿) 有酒精$68，一大個鐵桶上枱，其實只係裝飾嚟，中間支玻璃樽先係裝住野飲。朋友話酒味唔嗆喉，又唔太甜，好易入口。我叫左土耳其蘋果茶(熱)$68，蘋果乾粒有啲酸，自己可以用蜜糖調較返個甜度，飲完覺得好清潤。卡邦尼年糕$68，個汁好濃，好飽肚。板燒安格斯肉眼扒$248，有菇、菜、水牛芝士，水牛芝士放喺差唔多熟既牛扒