The Market

服務一般 Hotel Icon Buffet💔以前好難訂位的Hotel Icon Buffet～ 宜家都變得容易訂位了，有時都係事出有因，主要係自助餐都唔係平，服務水平不夠，就好難怪人不留港消費 💔食品同飲品款式都多既，質素都ＯＫ但唔係話去到好好食個隻，甜品比較出色，見到一大碗榴槤蓉都幾開心既。然而服務員態度OK的，係燒蟹腳個廚師真係… 當時其實都係得三個人排隊，先生行開左想放低隻杯，咁岩岩好又排到我，廚師大大聲咁話兩份要再排過 😅 望下後面其實得一個人排緊，搞到好似我好貪心咁樣要拎兩份，廚師把聲又大當刻真係超尷尬 💔 你都可以話佢渣正黎做既，但我俾成$900 幾一位都唔係黎受氣的 ：（然後因為係週年記念有請餐廳幫我寫個甜品Happy Anniversary，黎到變左Happy Birthday 💔 … 真係有D 無言，今餐食得唔係好開心，所以短期都唔會再黎了…🏠店名：The Market🚘地址：尖沙咀科學館道17號唯港薈2樓#尖沙咀 # Hotel Icon

朋友月初約定月尾，試大家都未去過的餐廳。餐廳在酒店內，裝修屬平實普通，景觀也未見突出。總結是食物取勝。先取凍海鮮，蟹腳波龍海水味不過多保持到肉質仍鮮嫩👍🏼試蜘蛛膏蟹宮廷伊面可以👌🏻芝士只試了合桃味，大量水果和沙律選擇👍🏼燒牛肉嫰香加芥末很美味👍🏼👍🏼有焗𧐢和烤牛油帶子👍🏼👍🏼意式磨菇雲吞太好味要節制👍🏼👍🏼壽司三文魚子很多未能試，魚生有水平👍🏼值推蟹沙律多士我加放三文魚子在頂哈哈前後吃了3件！👍🏼👍🏼留了肚吃這家的榴槤甜品…. 朋友說吃了一年的份了。很多看來好吃但吃不下如椰子雞湯、喇沙、海南雞、羊架、印度燒餅等等，算是食物種類很豐富的早午餐，加上一直加的sparkling wine, 寫意度過近三小時。

成間餐廳格局似快餐店，矮背座椅無地方放外套，侍應唔識招呼，場地無景走廊窄 ，食物普普通通，蟹腳蟹肉無味，羊架柴皮，蛇羹微熱，甜品少，橙汁糖精多到苦，食到8:30就不refill, 成仟元一位可以講係中伏，唯一可取是日本魚生刺身幾厚切。尖沙咀區有其他酒店自助餐可揀。無下次。

沈晚同老公一行兩人去hotel icon食buffet，因為之前我哋兩個都未去過，而且佢都係幾有名嘅，見佢有做蟹，就特登去試一次，都幾期待。去到環境畀一般酒店冇咁舒適，卡位不多，我哋坐近花園嗰邊啲四人枱，椅子並不舒服，擺袋很麻煩，其實可以考慮下用有咕臣嘅椅子令客人坐得舒服啲。食物款式並唔多，行走全個場，刺身新鮮，有三文魚子蟹子任食，但係佢啲蝦係甜蝦，有啲酒店已經用緊牡丹蝦。凍海鮮味道唔錯，唔會太鹹。但係款式選擇唔算多，呢個價錢，冇生蠔選擇。至於其他熟食，種類選擇亦不多，只可以說是普通。至於甜品，主打榴槤，榴槤蓉的確很好吃，還有其他用榴槤做嘅甜品。另外亦有godiva雪糕，häagen-dazs雪糕，榴槤雪糕等。甜品係我整晚認為最好嘅地方。飲品相對多，茶，水，咖啡，果汁等都有，而且任飲。整晚嘅自助餐，可能同一般傳統酒店有啲分別，食客食到八點半左右已經停手，外面拎食物啲人相對減小，所以酒店相對供應食物嘅數量亦減少。食過呢一次，應該短時間唔會再試，呢間酒店對比其他附近酒店嘅自助餐，性價比相對低，質素未至於這個價錢。

今日同朋友慶祝生日，食咗呢一間幾出名嘅自助餐，長期都好多人預約，好彩朋友一早約咗，今日係蟹嘅主題，所以有好多種唔同嘅蟹，價錢略為貴嘅，我覺得佢個自助餐，不過整體食物質素我覺得都OK，有好多種我鍾意食嘅海鮮！阿拉斯加帝王蟹，係全場嘅焦點，非常大隻，而且厚肉，食落去亦都有海水嘅鹹味，好似食緊蟹柳咁，非常好食！而且佢呢一個價錢有呢一個質素嘅蟹真係值回票價！另外龍蝦都好新鮮，係用波士頓龍蝦，每一隻都有膏，啖啖肉最好食！佢嘅鮮蝦都好好食，爽口彈牙，睇得出餐廳嘅食材都好新鮮！另外朋友就覺得佢嘅燒牛仔肉好好食，我都非常同意，中間粉紅色，燒得好靚，整體質素食物幾好！

最受歡迎的自家製榴槤雪糕、榴槤斑蘭卷、榴槤芝士撻、炸榴槤卷和炸榴槤球，會於各個時段輪流供應。聽說每日會不定時推出新鮮出爐的榴槤菠蘿包，為味蕾帶來非一般的味覺享受。

今日我生日，友人和我來食buffet慶祝！這裡出名食榴槤，作為榴槤控的我真係食得好開心！這裡有自家制榴槤雪糕、榴槤葡撻、榴槤奶凍、炸榴槤波波、榴槤芝士撻、榴槤班蘭蛋糕等等，真係好好食！每款食物都精心制作，榴槤味濃郁！另外，就是蟹！除了冰鮮蟹腳、蟹鉗，熱盤都好多蟹！焗阿拉斯加蟹腳薯蓉、阿拉斯加蟹腳伴粉絲、阿拉斯加蟹腳蒸蛋、貓山王肥肥蟹等等，好好味！好難得熱盤都咁有驚喜！雪糕除了Govida之外，有泰式奶茶雪糕，個味道超似泰國飲的泰式奶茶，好好味！

第一次來hotel icon食自助晚餐 選擇款式還算多樣如果喜歡榴蓮的朋友 一定會很喜歡依間 無限任食的榴蓮食品 冰淇淋、各類甜品、最特別應該是一大盤榴蓮蓉 刺身都很新鮮 龍蝦、長腳蟹那些…真心一說 不是很高質那種…其他食物都一般般 正正常常 沒什麼特別～

今日係正日生日🥳🎂揀咗中午嚟the market食buffet慶祝一下🎉buffet食物款式都有幾多選擇😍仲包括飲品任飲,而今期buffet以蟹做主題🦀榴槤系列嘅甜品亦係主打,榴槤愛好者必食海鮮包括龍蝦鉗.青口.蝦同蟹腳其他食物包括有椒鹽蝦.片皮鴨.刺身.燉湯.海南雞.喇沙同羊架等等.但部分食物味道偏鹹,有少少失色🥺最驚喜係抹茶奶凍同芒果奶凍,奶凍裏面有雲呢拿籽😍奶味濃郁香滑,抹茶同芒果味都好濃😋其中芒果奶凍面頭有芒果醬同芒果粒,令口感更豐富👍🏻仲有Godiva軟雪糕都係任食😍

—以前食過lunch buffet嗰陣友人玩poly orchestra時有買一送一offer7月時做緊🦀阿拉斯加帝王蟹宴($858)Book咗18:30 入座時已經人頭湧湧不時見店員refill 收碟速度都快食物大多都正正常常 甜品有榴槤味嘅嘢以下係自己覺得鍾意同有refill🦀燒蟹腳同隔離蟹肉沙律包🥖香煎鴨肝多士🦪燒帶子配魚子醬🍲雪耳椰子燉雞湯🍣刺身三文魚/帶子🍊金桔檸檬———————————————The Market 尖沙咀科學館道17號唯港薈2樓

原來𝐇𝐨𝐭𝐞𝐥 𝐈𝐂𝐎𝐍的 🌟𝐓𝐡𝐞 𝐌𝐚𝐫𝐤𝐞𝐭最近做 🦀阿拉斯加帝王蟹宴自助餐呀(≧▽≦)/ 有超多阿拉斯加帝王蟹料理，超過𝟏𝟎多款料理，流口水啦💕～由𝐃𝐚𝐧𝐧𝐲行政總廚嚴選的帝王蟹，又大隻又新鮮，肉質肥美，超高質!!▽ 🔥即席鹽燒阿拉斯加蟹腳 ▽ 🌶️新加坡辣椒醬炒阿拉斯加蟹腳▽ 🍶陳年花雕阿拉斯加蟹腳▽ 🧀芝士阿拉斯加伊麵▽ 🍶甜米酒蒸阿拉斯加蟹腳▽ 🥢泰式阿拉斯加蟹腳▽ 🥗阿拉斯加藜麥沙律▽ 🥭阿拉斯加什果沙律 等等蟹腳果然激鮮甜😍，當中我最愛即燒蟹腳，海鮮的鮮味超突出的～甜米酒蒸的也不錯，完美帶出蟹的鮮甜味。阿拉斯加什果沙律都好吃，蟹肉滿滿，超慷慨的!整體來說有多款口味，總有一款合你口味。除此之外，當然不少得冰盤海鮮啦😏，有龍蝦🦞、大蝦、蜆，全部都好新鮮。熱盤則有牛排🥩、喇沙、燒雞🍗。壽司款式亦多，有蟹棒、甜蝦、卷物及多款刺身。最後必吃甜品💕，有𝐆𝐨𝐝𝐢𝐯𝐚雪糕、抹茶奶凍🍵、芒果奶凍🥭、焙茶卷蛋、朱古力蛋糕🍫、鮮果撻🍓。榴蓮控，就不能錯過，榴蓮葡撻、貓山王雪糕、炸榴蓮、卷蛋等等，香到不得了呀～整體質素好高，不愧為我母校的出品，𝐓𝐡𝐞 𝐌𝐚𝐫𝐤𝐞𝐭果然好吃哦(*¯︶¯*)!

今次終於因為細佬生日可以試吓hotel icon The Market,出咗名海鮮同食物款式多,特色甜品榴槤亦都好受歡迎！今期係以各種蟹🦀做主打嘅自助餐，有唔同款式嘅蟹，食物包括咗阿拉斯加蟹腳、豆腐蒸蟹腳、蟹粥、黑胡椒炒蟹、粉絲炒蟹等等。果汁可以任飲，咖啡茶都可以喺出邊自己調配，不過價錢比較貴啲每人要$918再加一，而且訂位嘅時候每人需要預先比$200作為訂金，性價比唔高不過鐘意食蟹同榴連嘅可以一試！

作為榴槤忠實粉絲😍點可以唔食返個榴槤主題嘅下午茶去迎合榴槤季節呢 幾乎每年都會去一次Hotel Icon食榴槤主題buffet/tea 因為以前都覺得性價比較高 價錢包括各款榴槤肉及熟食 •湯•椰子🥥榴槤燉湯 燉湯口感清甜 有淡淡榴槤果肉香味 毫無違和感🫢 碗內更有少量榴槤肉•鹹食•🔸加勒比海野生龍蝦🦞尾🔸泰式香辣熟蝦杯 🔸泰式蟹肉魚餅配三文魚子🔸炭燒馬來西亞烏達魚肉🔸麥皮軟殼蝦•甜食•🔹榴槤斑斕蝶豆花糯米飯🔹榴槤椰子蝶豆花西米杯🔹馬來西亞直送D197貓山王榴槤🔹馬來西亞直送D175紅蝦榴槤🔹馬來西亞直送柔佛黃金榴槤仲有無限量供應自家製的D197及D24榴槤混合雪糕🍦今次整體對呢個afternoon tea都幾失望🫠 首先熟食份量都比較少 加上口感真係非常一般 冇咩特別🥲 到後面甜食部分啲榴槤望落去賣相一般 好似好唔新鮮咁 果肉部分黑黑地雪糕就好食嘅 真係食到有果肉 但係齋食雪糕回唔本呀🥹

15/8 和朋友去 The Market, Hotel Icon 吃 Dinner Buffet, 這個蟹主題, 相比起 23/4 同 Banyan Tree Crossover 主題相比, 今次現場有燒蟹腳, 好味到以為自己去咗日本食蟹, 另外 + 三文魚籽帆立貝刺身 Super Yummy。。。蟹主題 CP 值好高, 縱使只有 10% off, 也令人回味無窮, 味道加乘 N 咁多倍好味！ 真心推介 另外, 本來喜歡飲燉湯的我, 覺得椰子雞湯有味精和好咸, 希望有所改善！

The market自助餐其實都食過幾次，每次都會有啲新款式嘅食物，佢嘅食物種類未必係自助餐界別入面最多，但勝在每樣嘢都幾好食，刺身同海鮮都好新鮮，刺身又三文魚、帶子、吞拿魚等等，仲有任食三文魚子令口感更有層次，海鮮有龍蝦、長腳蟹等等，甜品種類都非常豐富，尤其係榴槤味嘅甜品，自家製榴槤雪糕配埋榴槤蓉，簡直係絕配，每次嚟都要食返幾杯，熱食種類都好多，有牛扒同羊架呢啲自助餐必食嘅食物，另外仲有海南雞飯同鵝肝多士都好好味，唔食生嘢嘅朋友都唔怕冇嘢食啦！