一門 (Closed)

好耐冇食一門喇，前兩次 walk in 想食都冇位，今次早兩日打黎 book 都係剩返 Bar枱，比較大煙少少，不過真係大部份野都好好食！！蟹肉厚玉子燒 ($65, 10%)呢個玉子燒差唔多枱枱都有點既，差別只係揀咩餡。今次揀左蟹肉，蟹肉🦀 鮮甜好足料好好食。 蛋亦唔會煎得好乾或者過熟。好正👍，下次再試下其他材料. 東洋卷 ($60) 成餐最最最最好食係呢個東洋卷，估唔到簡簡單單牛油果，鰻魚同蟹籽，落少少沙律醬，再用pancake 皮包住會咁夾，口感超好，直情想即刻叫多件黎食。十個讚。👍👍👍 .脆胡瓜 ($45) 其實就係青瓜上面加乾身既麵豉醬，係幾爽口既，但係又至於好特別，下次可以試下其他前菜。泡菜豚肉石頭燒飯 ($80)好似韓式石頭鍋飯，熱辣辣好香口加上有少少辣🌶幾好食，泡菜亦唔會太辣或者太酸。温泉玉子沙律 ($65) 🌱温泉玉子其實唔算好流心，不過配埋酸酸既沙律調味汁，同埋啲天婦羅脆脆，清新開胃。

今天昨天因為有GATHERING, 吃得很多, 所以今天想吃些清淡份量少一點的晚餐店內裝修很有日本FEEL, 想是老闆應是日本人, 店內很黑, 我和老公坐吧枱.點了:河蝦玉子卷: 日本人真聰明, 明明雞蛋不是很貴, 但就可以弄出收您幾十元東西, 是很滑, 但                             試過便算, 雖然是這裏名物, 但本人覺得真是不太值, 食的是手功, 所以試下就算,                             但都算好味.東京卷 : 用PANCAKE皮包鰻魚&牛油果, 很清新亦很美味, 推介牛油果卷: 包牛油果的卷物, 非常好味, 夏日吃一流雜錦SUSHI: 賣相是靚, 但三文魚不是很新鮮, 海胆就不同, 很新鮮, 其他一般, 這還卷物比SUSHI出色會不會再來?  一年一兩次吧, 不是好吃到非吃不可, 評分: 70分

同好耐無見嘅老友相聚，梗係搵D好野一路食一路傾近況同gossip下。因為有訂位，唔洗等，7點準時入座。入面環境幾好，燈光半暗，每張檯間隔夠寬，有BAR檯，情調幾好。牛舌好厚身，唔UN，仲好juicy海膽玉子燒海膽包左係玉子入面，玉子燒得好滑，海膽新解，加埋一齊食，雙重享受。每件魚生都好新鮮，好味石頭飯熱辣辣，香噴噴，滿足左我地要食澱粉質嘅胃carbonara 意粉，意粉有韌度，好食因為大家都唔飲酒嘅關係，只係叫左杯提子特飲，不太特別，可以嘗試其他。服務好好，見我地食完串燒有竹籤，或者有D殼係碟度，佢地都會好快手幫我地換過隻碟。飲完飲品之後，又會望動倒杯暖水俾我地，幾貼心。總結︰食物一流，每樣食物都食得出係迎鮮食材，氣氛幾好之餘，服務仲好貼心，會再encore的！

星期天，天朗氣清假日，睡醒了，友人和我想好好吃個午餐，我們不約而同想起來一門， 看看時間，因為這店不論中午或晚上，如沒訂位，多是沒有位的，抱著假期天，沒訂位但又掛念，即管試試吧！有位呀！因為我們去等開門中午了，我點了今天的午餐A，是海老鐵鍋燒，其實，這裡的食物，都是水準之作，友人則點了，溫泉蛋沙律、牛油果蟹卷，看到友人點的，我心癢癢，替自己加了燒牛舌，而且，要兩串。我的午餐，仍是出色海老，新鮮彈牙不用說，連放在底的芽菜，更是索哂海老汁的鮮甜，加埋配菜的荳腐，也極好吃啊！這個午餐有麵豉湯，用心煮的，感覺在日本家庭飲的，飲後好窩心，我點了咖啡做餐飲，這咖啡不會因為是餐飲，而求其，我每次飲後，都似靈魂輕了，超正友人吃的牛油果蟹肉卷，這人自私，居然一人獨吃，不留我一件。。。可惡！但，起碼我分到了溫泉蛋沙律，這個啊！正呀！溫泉蛋加沙律汁，酸酸的，極之開胃，至於牛舌，友人不吃牛，那我就獨自表演了，相信貨靚就一定，還有師傅的功力，牛舌在我口中已經不用多說，不是一般貨色相比。每次來這裡，我覺這是人生，體驗吃的美妙，享受吃。

初次去銅鑼灣的一門居酒屋整體很好的日本菜。推薦可試的店。荔枝shower 酒有點濃但很有荔枝香. 杏子酒的味道不像藥水 蠻好喝的. House 白酒也不錯。著名的厚燒玉子很香滑。但我比較喜歡傳統用法刺身和卷物均是高水準。Toro及牡丹蝦均非常好。串燒牛舌，和牛和雞棒也很香嫩而不油膩，但四十多元一串感覺有點貴。海鮮沙律用麻醬不錯， 菜也新鮮，蠻爽脆的， 兼且沒想過海鮮沙律的份量也蠻大的。Tuna 炙燒配生洋蔥味道清爽。最後一提蟹肉牛油果卷非常好吃!唯一要說是單價不算很便宜就應該讓客人坐久一點。。。

每次來到一門，我一定要吃我的至愛東洋卷。因為很喜歡吃牛油果，所以這個必吃的。今次點了以下食物：白身魚薄切，不是太喜歡這個味道，醋稍為落多了。香蔥呑拿魚魚腩卷，魚腩放在青瓜卷上吃，也很不錯。雜菌厚玉子，來一門，這個除了東洋卷也是必吃的。凍蕃茄，這個可以不叫，沒有特別。東洋卷，至愛東洋卷，班戟包著牛油果、蟹籽同鰻魚，實在太味美！燒和牛串，這個可以，只是熟了一點。鮭魚揚紫菜卷，這個可以不叫，熟了的鮭魚，比較淡味，包在紫菜裡，也沒有提升味道。銀雪魚西京燒，這個也很好吃！牛油果蟹肉卷，一上枱，見到牛油果變了色，賣相令食慾立即大減。不應用放了太久的牛油果。雖然不是每一道菜都那麼味美，但一門的東洋卷同厚玉子是令我再來幫襯的動力。

今晚同朋友去試下一門嘅玉子燒⋯點知D service差到食咩都冇味⋯⋯入門口同佢講我book左位，佢黑曬面話：你係有book！你係book半個鐘前lor！我心諗，你唔俾位我咪算lor，我可以走，但你唔好覺得我好似欠左你咁。然後我想睇desert，問佢拿menu，佢話：你食完main course先啦！求佢拿menu都算！重要喺我同朋友中間中插張menu，有冇禮貌啊？然後俾張卡佢look，佢見到銀聯同master，然後好大聲話：我地唔可以用銀聯！然後朋友話：哦。佢又聽唔到然後講左三次：唔可以用銀聯。然後我話：咁你咪用master lor⋯⋯真係好奇怪lor食個飯都要咁受氣！

真•日式居酒屋🎋🎋🎐裝潢充滿日式居酒屋風格，設計用心，仿佛置身於日本的感覺。燈光調得比較暗，以台階區分個室，令人舒適的空間感。《芝士厚燒玉子》$55呢度既最出名既就係厚燒玉子，蛋味濃。烹調時間處理好，一層層的玉子入口仍然有流心效果，質配合Cheese更加match，質地軟綿綿又滑，有拉芝效果 ❤平時外面食到既玉子燒有d粗製濫造，唔係太甜就死實，但呢度食到既感覺係用心製作，無論火候味道都調控得適宜，不仿一試。👍👍《一門沙律 $58》簡單食材，新鮮蔬菜沾上酸溜的胡麻醬汁。😝作為開胃前菜，絕對勝任有餘，蔬菜有預先處理，入口非常清爽，再加入大量紫菜絲，口感爽脆。食物唔需要大堆頭，簡單反而能夠帶出食材的鮮甜真味。雖賣相唔華麗，但作為招牌沙律，卻有實而不華的感覺。《上湯唐揚豆腐》🔥唐揚"在日文中代表油炸的意思，只要抓好油炸的時機，裹著酥脆的外皮的豆腐搭配。外面脆卜卜，入面豆腐仍然嫩滑。簡單比例的醬汁，加上舞動的柴魚絲，已經襯托出食物的真味。完全零油膩感，吸盡柴魚上湯的鮮味。👅冷麵壽司盛------------一門地點: 銅鑼灣軒尼詩道502號黃金廣場4樓。

同我男人再次返黎呢度，係因為我地都好掛住佢個玉子燒我地每次黎食都係點原味，真係好好食～蛋唔會過熟又唔乾火焰三文魚柚子風味三文魚外脆內軟，煎得岩岩好配柚子汁做底，所以食落一d都唔油膩廚師推介既五色刺身魚刺身新鮮厚切，不過海膽就略嫌唔夠鮮甜汁煮牛舌呢碟上次食過好好食，所以今次再encore牛舌煮到好淋，好入味一門雖然全部都細細碟，但全部都好足料食落係物有所值～難怪長期都咁多人支持，記得一定要book位

平日很少跟朋友去居酒屋。那晚是wedding party前的聚餐，呀姨邀請我和她的日本友人們吃晚飯。這是他們常光顧的餐廳，聽說這兒的串燒做得很不錯。吃過後我亦決定要約朋友們再來。跟著呀姨便常常可以食好西，真幸福。

突然心癢癢想食日本野，約埋三五知己食一門！不過，奇怪的事又發生！國內同事好心幫手訂位，一門話冇位！（其實呢間野已經有前科.....）勢不信邪嘅我... 係同事收線後半分鐘內再打（我當然係用廣東話啦，即刻話有位）嗯..... 乜事先？好！唔講接線生果筆，講講今次點嘅蝦仔碌碌雖然份量真係好細，唔係好夠飽，但係用料十足，粒粒彈牙！不過九十幾蚊一個餐，未計加一，得眼見嘅五隻蝦....... 仲要食唔飽...... 希望下次唔好再有笑料發生

由於早於2星期前已經BOOK 左位, 所以今日係唔洗等既~但當我到達既時候, 前面有位WALK IN 既客人被打道回府, 頓時覺得 LEE 間一定係正野黎~!一定要BOOK 左先食到!!各位有心人記得記得早啲BOOK 枱啦~講返正題, 今日其實唔算食得多野, 不過樣樣都好好味好滿足就真!!一門沙律 -- 原來好大碟架, 2個人好夠食, 佢個汁酸酸味味好開胃, 正!蟹肉玉子燒 -- LEE個超好味!!!果然係陣店之寶!!蛋入面好多蟹肉汁, 又JUICY 又滑!串燒 - 分別ORDER 左6款串燒, 特別想講, 佢地推介既牛舌, 我覺得厚左啲, 如果薄啲會更好味, 和牛串都值得食丫~湯浸豆腐 -- (唔記得叫咩名) UM, 冇乜特別, 不過豆腐都夠滑, 食落小小咸, 暖暖地咁西京燒 --- 又係勁好味既一道菜~!!魚質好滑流流, 味道有少少偏咸(我食開淡口野), 都係值得推介要試既一道菜!!服務方面都唔錯啦, 冇乜不愉快既感受.環境比較暗, 適合2口子浪漫一番喔~

上篇食評記斜了我在文華廳的生日飯局(一)， 延續下去，今篇寫生日飯局(二)，地點是位於銅鑼灣的一門。一門在銅鑼灣甚有名氣，openrice上有434篇食評(再加我這篇就是435)，翻查第一篇是2004年的，換言之，一門至少也開業了十餘年了。收藏已久，一次也未曾到訪，終於在今年的生日第一次光顧，吃後，也相信會日第二次，第三次....很多很多次。一門的枱向來很緊張，因此強烈建議預先訂枱，沒有訂位的分分鐘要白摸門釘。 男友book了七時半，準時到達餐廳，順利的被安排入座。餐廳燈光偏漆黑昏暗，裝潢用上了江户亭園風格，第一次到訪的我就迅即愛上這兒了。因燈光較黑，枱與枱之間了有距離，因此私隱度幾高，慶祝/見客/三五之已飯聚也十分適合。店員給我們送上餐牌，食品有一間居酒屋供應的串燒，小食，大至也是小碟小碟的，適合傾計佐酒時吃。當中有幾款是一門的招牌菜，每個來的客人都基本上會點的，那就是厚玉子了。我們先每人點了一杯果酎，我的是Sunset, 男友的是巨峰燒酎。Sunset$40: 顏色和名字一樣，有很夏天的感覺，我點了有酒精的版本，內有熱情果，西柚等材料。 呷下，酸酸甜甜的，有點像雜果賓治，酒味散後，

久聞一門玉子出名，亦不易訂枱，興之所至放工即興碰碰運氣，被拒絕準備出門口，剛好經理話有張枱改時間但要個半小時交枱，即刻坐低放工想食串燒飲杯清酒吹吹水，隨便點幾款。燒鱔香口，嫩，部份有小骨，不錯。燒牛舌另一推介，同樣嫩口有濃濃牛味。當然要配清酒。玉子燒感覺蛋味不太濃，或許蟹肉本來較清淡，如果用芝士或者海膽應該更惹味。

今日放工約咗朋友食飯，見年幾無食過一門。所以一早 book 好位，唔使等咁耐。一門俾我感覺坐得幾舒服，環境舒適，價錢相對唔算貴，食物質素又ok，算唔錯。燒和牛串 $58Grilled deluxe beef燒得啱啱好，口感好 soft, 有想追加的衝動。燒牛舌 $42Grilled ox tongue唔係厚切，但調味料好夠，好惹味。河蝦厚玉子 $55Omelette with shrimp知道一門嘅厚玉子好出名，叫咗個河蝦試下。玉子好滑，但味道稍微甜咗少少。蝦都彈牙，唔錯。泡菜豚肉石頭燒飯 $75Kimchi pork with fried rice in stone pot好夠味，就算放咗一段時間再食都仲好熱辣辣。巨峰乳酸配梳打 $38Grape calpis soda味道略甜，感覺一般。海鹽荔枝梳打 $38Lychee soda with salt味道幾清，但海鹽味唔係好飲得出。