The Starred

Open Now

Now Closed

門面望都幾靚,以為好大間,點知入面好細,不過座位都算舒服,唔會好迫,服務態度就麻麻,有D黑面,一野放低D空碟就走人,食物方面好多個Set choice,但就無小食,豬牛雞，飯意粉，薯角試齊哂，6個人叫左5個set share都夠飽,主要係d野食好一般,所以大家食夠就停手,果個豬仔骨”林”得黎又乾巴巴,肉眼扒好大塊但唔太好食,全晚食完由個湯,沙律到最後豬手都無一樣係印象特別深係好好食,只可以講唔算貴但無下次

食物質素「差！」職員服務「一般」環境「尚可」衛生「劣」當晚叫咗個海鱸、雜扒鑯板同埋烤雞，餐飲叫咗橙汁海鱸：成個餐用木板上，下面喺薯蓉，啲薯蓉唔夠細滑，海鱸面有個茄汁令到本身煎脆咗既魚皮變得又淋又唔好食。雜扒：呢個餐本來諗住最穩陣，點知伏到一個點，完全唔明點解一個雜扒都可以咁難食，喺比起茶餐廳個啲更難食(所以唔多講)。烤雞：個廚都唔知喺邊度出嚟，定喺放咗假。廚房可以燒到啲雞冇晒汁，而且啲雞肉又乾又老，難食到不行。橙汁：喺稀到一個點既橙味水，我會形容喺某大牌既果汁+糖水食到尾段都已經黑晒面，仲要喺張梳化度出現大家食飯最唔想見到既嘢，唔講太多，廢事又話誹謗，成件事差到一個點。之後上返open rice 睇食評，都唔知點解仲咁多人讚話性價比高囉！！

下午茶時段，餐廳內唔算多人，唔使等位直接進入餐廳。我同屋企人想坐卡位，侍應最後都安排到卡位俾我地坐。我地亦眼見好多顧客都係兩個人一組，照坐四人卡位。上咗湯同餐飲冇耐，侍應對我地講：“唔好意思，卡位要搭一搭枱！”侍應將張枱一分為二，左右分開做兩邊，由於座位係卡位，郁唔到，偏偏我同屋企人坐嘅右邊枱，張櫈得返1/3坐！(左邊枱佔座位2/3)好在我pat pat細啲啫，否則屁股要懸空咁坐？後來搭枱嘅老夫婦都嫌搭枱成件事好odd又窄，侍應又安排咗佢地坐第二度。講開食物水準。我懷疑餐廳提供嘅金屬水杯唔乾淨，我望杯入面嘅水，有層油喺水面。大家可以想像一吓，水上面浮住似機油嘅嘢（同水不相融）。我懷疑，一係水有油污，一係個水杯啲洗潔精未洗透就攞嚟裝水。我叫屋企人唔好飲杯入面嘅水，驚飲壞人。最最生氣嘅係，我叫個卡邦尼意粉啫，等足半個鐘先上餐。其間我叫侍應追追，侍應平時就三個聚埋一齊吹水，於是佢地先入廚房幫我追。追完都要等成六、七分鐘先有得食。我諗我唔會再去幫趁。畢竟筲箕灣大把西餐廳服務、食物水準都好過佢。

門面都真係唔錯，但内裡真係好差 先講餐具，隻隻都勁污糟黑醋加橄欖油嘅樽摸完隻手油淋淋 ，即刻要抹手碟上面更加有明顯既污跡我都唔明點解佢可以放落客人嘅枱面莫非佢哋真係睇唔到？再講下嘢食牛肩肉叫三成嚟到都五成熟都唔緊要啦但肉質鞋到不得了我覺得大家樂啲牛扒好食過佢薯蓉仲要係出哂水雞扒又咸到黐孖筋如果等可以食好嘢我唔介意可惜我等左45分鐘先食到主菜 仲要咁難食真係好失望坐得舒服店又好食嘅喺筲箕灣大把鋪頭完全唔會再幫襯佢！

紅星咪我公司附近的一間餐廳，現在又開了不同分店，公司附近成日都食這店，今次就試下另外一間。點了吉列豬扒士配士多炒蛋，說實我是點了吉列魚柳，但比了吉列豬扒，雖則都冇乜所謂，因為都可以接受，而且好大塊，匠一塊吉列豬扒非常之脆而且好鬆軟，另外亦都非常厚肉。蛋就老了少少。多士就剛剛好亦都唔會太燶。點了橙茶，估不到橙片茶壺同埋茶杯是分開上枱，這個使我有驚喜。味道: 非常好環境: 尚算舒服衛生: 一般服務: 一般抵食: 非常超值

近期都好少見服務員態度可以咁差。一入餐廳，個侍應見到有客個樣已經嘴藐藐，面黑黑。以為佢地生意好，做得辛苦，由佢啦～食個tea, 等左半個鐘，打黎話share 枱，入坐後感覺好奇怪，4人卡座，細細張，好close 咁同人坐埋一枱。咁見到隔離2座位有人走去。拿拿聲問佢轉枱得吾得。後生姐姐答，吾得，後面仲有2位等緊，call晒冇人坐就比你。聽到已經火火地。我吾係都要等先入到黎咩。。咁我坐低左決定吾踏枱吾得咩。。之後先火滾。個黑面老侍應，話：咁你頭先就咪應承踏枱都得啦，嘩。我頂原來係我入黎食野有錯。真心打搞晒。老侍應口黑面黑執好枱後，後生侍應姐姐笑笑口話轉得，佢都算係咁，真乜野係好態度。大佬，你去幫襯都可以有要求掛。最後我決定吾滾搞佢地，吾鬼轉。之後咪有兩個坐低左嘅，自己轉坐埋佢。。咁吾通你又鬧Q佢啦～真心食得不愉快。永不幫襯請我食都吾想再入黎。食物又普通。裝修到高級餐廳。但服務態度衰過好多茶記。

我會因一家餐廳一個好的菜式而重複光顧，但亦會因一家餐廳一個侍應的態度而斷然不再去，這裡食物是OK的（注意只是OK，我共去了4次，只有豬手可以keep到水準），最後一次，我與父母一起去，我老父想拿沙律醋用在沙律上（這裡的沙律醋是用來點麵包的），他自己去櫃枱上找，找不到，那位貌似資深的侍應以超級不滿的語氣及表情問他要什麼，我連忙走過去說要沙律醋，跟著拖他回座位，那位貌似資深的侍應延續她狠辣的表情瞪著我老父，坦白說，老人家是有不對的地方，因沒幾個侍應，他又心急下才自己去拿，因他在其他餐廳也試過這樣沒事才會如此，但那位貌似資深的侍應亦沒需要用一個看著殺父仇人的眼神，像被搶了整副身家的咀臉去對著一位客人吧！因此，我絕不會再去有這種服務質素的餐廳！

住在筲箕灣的同事常跟我介紹筲箕灣的好餐廳，最近聽她常吃的是在樂融軒的starred，說是份量超多、性價比極高的西餐，而且環境舒服，我聽得心動，下班後馬上帶著老公去starred撐枱腳。同事提醒我要夠早，因為餐廳不算大，而且因爲性價比太高，晚餐時段很早就要等位，於是我們六點左右就到。餐廳充滿懷舊情調，一盞盞水晶吊燈，座位是深褐色高身沙化，亦因爲夠高身，每一枱都頗有私隱。同事推薦我要試三文魚和慢煮牛臉肉，不過老公想吃牛扒，所以我們點了一份美國牛肩扒配鮮菇汁($148)，和墨角蘭香草雜菜配慢煮牛面珠燉肉($98)，還加了$30一客凱撒沙律。跟餐的麵包充滿筋性，軟熟，配黑醋橄欖油，是意大利風格。相比起一般西餐配普通超市都買到的牛油，檔次馬上提升👍🏻忌廉蘑菇湯還吃到粒粒蘑菇碎，蘑菇味頗濃，老公喝的蔬菜牛肉湯也非常足料！這份凱撒沙律竟然是全餐飯最令人失望的，沙律醬太多，每片菜葉都沾滿質地較稠身的沙律醬，加上大量芝士碎，太膩了，失去了沙律本應清新開胃的功用⋯⋯老公點的美國牛肩扒鮮菇汁配意粉 牛肩扒有約8安士，頗厚，他要了五成熟，但切開發現有幾乎七成，牛味不算很濃，他不太滿意。我點了同事推薦的墨角蘭香

平日較少到筲箕灣，今日難得一來朋友話呢間餐廳新開不久，水晶燈又靚裝修別緻，帶點復古歐洲風情，就試試午餐吧午餐種類繁多、仲超多，有A至S共18種！由雞牛豬羊蝦魚鴨素食，應有盡有，要花不少時間從餐牌中揀想食d咩，朋友話食足一個星期都唔會重覆🤣經過一輪心大心細後，終於選好主菜，先上餐湯及麵包。麵包熱騰騰亦鬆軟，沾上油醋汁同吃剛好，值得一提的是油醋瓶容器幾別緻，餐廳願意在細位上下功夫；蕃茄雜菜湯個人口味認為不太夠酸、亦不夠熱，比較一般主菜選了「Duck Leg Confit 法式炆鴨腿 配香橙葡萄汁」呢道菜充滿驚喜，法式油封鴨腿是心機菜，淨係事前準備功夫包括用鹽、百里香醃鴨腿已經要花上大量時間。鴨腿焗至外皮超香脆，肉質柔軟鮮美，骨肉容易分離、鴨皮下的脂肪分佈均勻而且甘香，配上橙及葡萄調配的醬汁更減少了油膩感；比較可惜是薯仔的烹調手法並沒有跟傳統法國傳統用鴨油煎，略感美中不足另外朋友點了「鐵板厚切美國豬梅肉」及「美國牛肩扒」同樣好評不斷最後以熱咖啡作結，呢餐可謂十分good value for money😊

話說某日遊車河突然見到一間裝修好靚既西餐廳，搵過下食評見又唔貴，放假就走去試，果然係無失望首先，鋪頭細細大約只有七八張枱，但枱與枱之間好闊落，私隱度好高，而且大部分位都係梳化卡位，適合朋友或情侶慢慢坐下傾下計，另外，餐廳行英倫風，古典紅梳化襯水晶燈同雲石枱，成個feel好好講講野食，dinner set由80-200不等，包主菜，主食，餐湯，可refill既餐包同飲品，主菜相當大份，以性價比黎講無得輸先黎既餐包同餐湯，餐包係微暖既香草麵包配黑醋同橄欖油，麵包煙韌又香，簡簡單單已經好味，餐湯揀左法式洋蔥湯，第一次飲，好多洋蔥好甜，甜得黎無洋蔥個陣口臭味主菜，朋友叫燒三文魚配薯角+我叫燒羊架配紫薯蓉燒三文魚燒得香，但有少少overcooked，朋友話覺得有好微腥味，但可接受，同汁味道都夾燒羊架，有三大件，生熟程度岩岩好，唔會太肥，羊蘇味剛剛好凍檸茶，檸檬係俾一大碟你自己落，糖水都係自己加，避免左有d餐廳因為檸檬浸得太耐而有苦澀味最後要highlight兩樣野，第一係餐廳廁所，乾淨程度係完勝最近去過既酒店，仲要同餐廳既設計係一體，空間大之餘仲有張紅梳化，花紋地磚同水晶吊燈第二就係侍應十分有禮

好耐冇食過平、靚、正嘅一餐。之前同女朋友經過時已經想試，但睇個價錢咁平，會唔會係豉油西餐呢？因此打消咗個念頭。早段時間諗住同佢父母一齊試下，心諗未到7點，點都會有位啩，點知侍應話最快8點先有位😤。唔通好好味？前兩日女朋友同佢屋企試過，甚為推介。結果尋日再同佢哋一試，果然真心好味，而且仲要好抵食👍🏻先講飲品，小弟向來愛好嘅德國啤Erdinger，惠康一支都賣$21，佢竟然賣$38，唔係咁抵飲嘛？最衰我咳仲食緊藥，否則我都要飲番2支。另外就係正題 - 食物質素。坦白講，好味，尤其係豬手，好味到食食下先記得影相。佢同一般德國鹹豬手唔同，事關佢係「炆」嘅。味道層次複雜，入口鮮嫩，飲埋佢炆成嘅湯，一個字形容 - 一絕！遺憾跟個扁意粉雖然彈牙，但味道略淡。可能要配個豬手湯食啩⋯⋯另外就係個牛扒，重10安士，配白松露肉汁，非常美味。若果豬手係滿分嘅話，佢只攞到90分鐘。因豬手實在太強。最後要提一提個Cheese cake，自家製，同平時食嘅比佢餅低較厚，入口一陣淡淡嘅鹹香芝士味，絕對值得一試。我哋4個人去，叫咗2個餐，已經好飽。開咗支紅酒、4支啤酒，埋單7百蚊鬆啲，唔係嘛，抵食到咁？如無意外會帶自己

當初我係因為佢門口有好多人等位而被吸引嘅，見入面D裝修唔錯，座椅闊落，岩曬我地一家人去食晚餐。入到去就聽到西方懷舊金曲，屋企人即刻有曬話題同共鳴，一正。我尼D後生仔可能對尼D歌唔太熟悉，但得不提嗰度環境真唔錯，有晶燈啦又暗暗地，睇得出佢地想帶出經西餐嘅主題，成件事好 match ，二正。我地四人各叫咗四個餐，有包野飲，湯，包，平均百幾左右，唔算太貴，但D野食真心大大件，好足料!我都差D食唔曬要打包，三正!個人認為呢間餐廳性價比都幾高，不妨一試。

依間餐廳我自己都食過兩三次，之前食下午茶冇得訂枱，兩個人都等咗半粒鐘先有位。今次一個人食夜晚book咗都係要等十分鐘，不過啲嘢食同服務都值得等待嘅。一點完餐就有包同湯，本身要紫薯忌廉湯，好似幾得意咁，但太杰身，唯有同侍應轉做番茄湯。塊餐包好抵讚，侍應見我食完問要唔要加包，仲推薦用嗰樽油醋，係幾有心思嘅。到嗰main course，啲配菜有蒜香，甜得嚟又唔膩，塊豬我都怕會煮太熟或者有騷味，侍應落單時有提鐵板會易韌同大油煙啲，所以我揀木碟上，依個價錢好抵食，嗰汁好惹味唔鹹。不過連埋薯仔係份量太大，侍應問我要唔要打包拎走，冇諗過西餐都可以打包費事晒嘢我都拎走咗。餐飲有幾個好特別，之前飲過朱古力，濃到要加糖先得，今次飲橙茶，侍應話會甜過檸檬茶，怕澀可以試吓，但我覺得係嗰茶底太濃，都係問佢拎糖先總括要等位同叫完嘢飲都要等一段時間，但餐廳裝修唔錯，聽住啲舊英文歌都幾relax嘅。嘢食真係值得等一等，餐廳啲侍應都幾後生，怕醜啲但有禮貌，就算多要求都會做，臨走又會話小心門口梯級唔會話俾完錢就唔理你。

同屋企人一齊去食下午茶，因為見到個裝修唔錯，價錢又okay，所以就去左試一試。因為價錢以西餐廳黎講真係算平，所以我地都係以試一試既態度黎食。不過，三個下午茶黎講，得南瓜湯同芝士魚柳焗飯係ok，個蜜糖雞腿(好甜，但又唔夠味)同薄切西冷都唔係太好食。至於服務，由點餐開始，一個較為年輕既女服務員已經係完全冇笑容，但因為果度唔係高級餐廳，我地又唔係俾好貴去食，所以一開始都冇乜意見，亦冇乜要求。不過，直到個年輕女服務員上其中一個菜。因為佢地係用木製碟，啲油係上菜其間因爲斜左，而滴左落我屋企人身上。但係年輕女服務員並冇道歉(去到埋單走人一直都冇)，而其他服務員事後覺得我地有唔妥都有過黎道歉，同幫忙清潔。而埋單後，因為屋企人一直覺得年輕服務員應該要道歉一聲，所以就去左同一個疑似店長既女士講一聲該名服務員既態度需要提醒一下。不過講完之後，我就見到疑似店長只係搖搖頭，冷笑左一下，俾我既感覺係佢覺得我地係”奧客”吧😅。所以我認為佢地唔太會尊重客人既意見。重申，由頭到尾我地都係覺得個服務員應該要有一聲道歉，我地並唔係蠻不講理，要拎著數果啲。可能大家會認為只係小事一則，但咁費心去將間餐廳裝修到咁靚，我都希望佢

總體食物其實我只覺一般，但三文魚的質素實在非常超班，所以我還是讚的。餐廳名字挺有心思，the starred, 而red就是紅色，成為star red, 不錯的idea. 這間餐廳的定位是中檔餐廳，並非同小區的其他茶餐廳。午餐有多個不同價錢的選擇，最推薦的是三文魚，質感非常鮮嫩，十分少有，香港大部分餐廳即使是貴價西餐廳或高級酒店都未必有這水準，好有意外驚喜。好多時三文魚都overcooked令肉質會”鞋”，又或只seared (略煎)表層而內裡仍是生的，而這裡的三文魚一切開已知道不錯，食落口即時好意外那恰到好處的cooking👍👍 還襯了幾塊basil羅勒葉，一般餐廳可能用薄荷葉，basil就更能托出三文魚的香嫩😋😋以這個質素同份量，$120成個午餐就好抵，第二度仲貴啲都未有呢個水準。如果我再去這餐廳，毫無疑問我會叫三文魚，因為呢個質素難求。另一個午餐我叫了雜菜紅酒炆牛尾，味道十分之一般，牛尾一般襯濃味，而這份牛尾略嫌唔夠味，以這水準個餐$93就唔抵，一般餐廳可能會更好味同平啲。所有午餐包餐湯、主菜、蜜糖豆甘筍及以下任一樣(薯蓉、炸薯角、意粉、紅米飯)、餐飲。餐飲有橙茶，即平時檸檬茶但