東京天井食堂

Open Now

Now Closed

牛肉壽喜燒 $54汽水 +$6吉列炸蠔1件 +$11甜點（糯米糍）+$5同事以前在柯士甸路附近中學讀書，曾推薦這間位於巷仔的民間小店。經過同事多次推介，終於有機會到訪。選擇壽喜燒的原因是因為得知這裡做法有別於日本店鋪。與其叫壽喜燒，它更偏向於汁煮牛肉，醬汁不算多，帶微微甜味，牛肉煮得有點過老，不過份量頗多，生蛋的蛋黃味不重，純只為帶來嫩滑口感。配菜反而比牛肉出色，醬汁滲入蘑菇洋蔥之中，用來送飯最適合不過了。至於炸蠔，雖然外層炸粉少厚，但由於即叫即炸，所以外脆內嫩，而且附上迷你椰菜花沙拉，整體油膩感不重，沙律醬於我有點多，不喜歡的可以走醬。當日甜點為Tiramisu 糯米糍，它比較像朱古力糯米糍，沒什麼特別，可以不試。這間小店味道正常，但由於地理位置特別，不妨可以一試，體驗於巷仔享受食物的一刻。

冇試過食鰻魚會係有咁多骨，啖啖都有...帶骨吞又唔得，想扯出來又難，真係搞唔掂。跟住個牛肉壽喜燒勁鹹，你個牛肉幾好食都冇用，彌補唔到，真係太鹹...食完飲左半樽水都係覺得鹹

〰️經常有人排隊等位，所以位置唔算難搵😂週末等20分鐘就坐到室內。店家白飯任添，岩哂大食嘅你🥰 記得Follow埋ig，有一份甜品送，當日係抹茶蕨餅🤩〰️🌟吉列芝士豬排 $58評分: 4.5/5一上枱熱辣辣，芝士多到湧緊出黎🤤呢度即叫即炸，炸粉絕對唔厚😌平時會咬走炸皮嘅我食哂落肚，呢個期間限定好有驚喜👍🏻Menu上只當係小食，網上唔多人留意。小食價錢仲有成4-5大舊，勁抵食🫶🏼必試〰️🌟牛肉壽喜燒 配和式定食 $128評分: 4/5醬汁經過特別調配，壽喜燒唔會似坊間咁甜😉肥牛肉質嫩滑，金菇、甜洋蔥、蘿蔔等配菜腍身入味，撈埋生蛋黃，分分鐘食哂成碗飯～〰️環境: 4/5服務: 3.5/5地點: 3/5〰️

依間餐廳選擇類近日式家庭料理，比較精致和簡約，但位置比較難搵，係街道進入一所大廈先發覺係天井位置，店名名符其實，但附近亦有唔少人食煙，所以安排左入內坐。🍚🥩🥬 照燒雞扒附野菜雞扒上鋪咗照燒汁同紫菜絲，雞肉嫩滑多汁，份量仲多過啲白飯，好彩白飯可以任加，配菜係椰菜、青瓜、紅蘿蔔等切絲再同日本菇炒埋，顏色豐富又健康有盈，加上照燒汁味道就更鮮甜。🍚🐟 黯然銷魚飯賣相同暗然銷魂飯相似，除左澳門醬汁嘅慢唔同必要既蔥，最重要當然係雞蛋，佢地用左新紀元•曉蛋，蛋黃顏色份外鮮橙，做到蛋白熟、蛋黃生既荷包蛋。鰻魚份量仲多過珍珠米，魚肉扒又厚實，而醬汁味道冇太大特色。🍗 明太子雞翼雞翼尖中間釀左一個球狀既明太子肉丸，食落有啲魚子既鮮味同少少辣，唔知點樣釀入去而外表又完整呢。🍮 是日甜點最後上既係松露朱古力糯米糍，咬開薄薄煙韌既糯米皮，入面餡料係香滑既朱古力味忌廉，香味濃郁。

週末的日子，我們都喜歡尋找一些隱蔽的美食。這是我們就來到位於尖沙咀附近的東京天井食堂。這一間餐廳的位置比較隱，大家可以留意大街上的指示牌。餐廳很有日式格調，部局和裝潢都跟日本的餐廳很相似。我們二人點了蒲燒鰻魚半條配和式定食，天井牛丼配日本溏心蛋和一杯熱情果梳打。蒲燒鰻魚半條配和式定食，雖然只是半條，但一上菜的時候，看得岀分量都很足夠。鰻魚很厚身，魚油香味足，蒲燒的醬汁也調配得很好，甜度適中。 加40元可配和式定食，有日本珍珠米，味噌湯前菜和甜點。 珍珠米的米香味濃，配上鰻魚一起食的非常好吃！ 味噌湯和中華沙律也很有地道的日本風味～另一個是天井牛丼，一上菜已經可以看到滿滿的牛肉和日本蛋。攪拌一起後進食非常美味，蛋黃香味和牛肉的香味非常配搭。另一方面這間餐廳可以免費添飯，如果我不夠吃的話可以向店員要多些飯～他們都很親切！另加的日本溏心蛋，切開的時候看到很漂亮的蛋黃溏心顏色，吃下去蛋白相當有口感，再加上流心的蛋黃，非常美味而且價錢便宜值得大家試一試！最後是熱情果梳打，熱情果香味濃烈，再加上原支的梳打水，非常抵飲！

東京天井食堂位於佐敦被幾座大廈包圍的特殊空間。餐廳對出抬頭一望就是天井，環境氛圍很特別。牛肉壽喜燒 配和式定食🥢壽喜燒牛肉配以菇菌類和洋蔥，加上一顆溏心蛋黃。壽喜燒醬汁不算甜，醬汁更重牛肉味。壽喜燒醬汁、牛肉、蛋黃、白米飯全都混和在一起放入口= 💯 如果不夠還可以免費添飯。另外定食還包括了中華沙律和味噌湯 。另加了無糖凍紅茶，在這裡用餐好像一時掉入了另一個空間。很特別的環境，食物亦吸引，很愉快的用餐體驗。

小弟已經有段時間，無食日式套餐；除了因爲價錢外，更因爲好怕中伏。不過，呢間隱藏於佐敦同尖沙咀之間，位於住宅大廈内的天井食堂，就係小弟難得遇到的驚喜。呢間食堂，最近先被高手們採訪，小弟被食堂的老闆們感動；感動在他們堅持在合理價錢下，選用優質食材，製作極爲優質的味道。小店的食物選擇唔算多，但係配搭頗爲新鮮。例如：漢堡肉可以成為丼飯的食材。不過，對於有 ”選擇困難症“ge小弟來講，呢次選擇較爲傳統的日式鰻魚飯。外面食到的鰻魚飯，一般係【鰻魚+米飯+燒汁/甜醬】；好似小弟呢種大食鬼， 大碗的話至少都要$100起跳（如果講錯的話，歡迎高手指正）。呢個鰻魚飯的價位其實同外面差唔多， 但係當碗飯放到小弟面前ge時候，我有少少嚇親，然後好興奮。因爲呢個飯呈現的方式係【鰻魚+米飯+甜燒汁+蘭王半熟蛋+葱花】出面食到的鰻魚，主要食個汁；但呢個鰻魚，食到微甜的汁之餘，同時食到鰻魚肉的滑順。然後蘭王半熟蛋+葱花撈埋個飯到，蘭王蛋的味道超突出，加埋葱花的清新；個飯真心食得好開心。所以呢個飯，小弟會形容為 ”近期難得一見的好作品“。同時間，小弟試埋店舖期間限定的唐揚炸鷄。6舊炸鷄都算大份，配埋菜絲，檸檬（純榨汁用

▫️好鐘意去發掘下啲隱世小店👀 唔講唔知係尖沙咀一條小巷轉入既神秘位置，有間親民日式小店，地方唔大但當晚去到都坐滿晒😯 等左大概10分鐘左右就有得入去食喇😋🐟 蒲燒鰻魚 $88▫️餐廳其中一款熱門菜式就係鰻魚😍 鰻魚好肥美，無腥味無魚骨🦴 食都食得放心啲🥸 配埋照燒汁同粟米🌽 撈飯真係一流🤤🍱 和式定食 +$40▫️鰻魚可以加配定食，珍珠米飯灑上紫菜果然即刻變得好食好多🤩 味噌湯唔會太鹹，前菜係中華沙律，微微辣味幾惹味🌶🍜 巑岐湯烏冬 $48▫️要左醬油湯底，鮮味得黎唔會太鹹🧂 烏冬夠彈牙，配上野菜感覺都健康啲🥬🍟 七味海苔薯條 $48▫️炸得好香脆，灑上海苔粉超香口🥳 好食過shake shake薯條好多🤣🐡 味醂烤雞泡魚干 $48▫️要左啲期間限定既小食試下🫶🏻 呢個雞泡魚干真係大推😻 熱辣辣上枱，烤得好香，雞泡魚干煙韌得黎好鮮味🐡 有得飲酒既話簡直就係一流既送酒小食🤤🥔 忌廉可樂餅 $38▫️外皮炸得脆身，中間忌廉都好滑😋🫧 熱情果梳打 $28/🍊 柚子梳打 $28/ 🫖 紅茶梳打 $28▫️梳打真係超解渴💦 仲會俾埋剩餘既梳打水自己refill👏🏻 熱情果同柚子味道清新唔會太甜🍊 紅茶就無甜

上網睇到呢間既牛肉當飯好吸引 特登收工黎食不過就有啲難搵 不過都唔係問題👍🏻最緊要係啲野食 男朋友試左個天井牛當 我就試左個鰻魚飯 仲加左個雞翼餃子鰻魚汁比出邊既濃厚 連埋舊鰻魚食不足不覺都加左轉飯 好出色😻男朋友個牛當都唔輸蝕 偷左佢一啖原黎日本生蛋黃撈埋落啲飯係可以咁正濃濃既蛋香加埋牛肉汁撈飯 值頭感覺反左日本咁好食到差啲搶埋男朋友碗飯🤙🏻🤙🏻絕對可以再黎一戰

天井食堂個味真係改得啱😂一開始以為係天丼食堂。店面小座位少～要等位！但值得吃的！叫咗牛肉壽喜燒同埋黯然鰻魚飯！個人推薦鰻魚飯！！鰻魚少少骨～都幾肥美肉嫩～有時出面食果啲膠膠地～個汁都係正路～但略嫌唔夠汁撈飯！想講半條完全唔夠喉！下次要叫15X$果個壽喜燒 對佢嘅印象係好大盤牛肉本身質素就還好吧，但加埋個汁吃就相當唔錯，最緊要佢牛肉都好多！！要添多次飯先食得晒 味道都不錯 係CP值高之選沙律就都係出面普通餐廳食開果種*POLY學生送野飲～

✨ 雙重黯然銷魚飯（$158）熱門菜式～雙份鰻魚好邪惡 🫣，鰻魚肥瘦適中唔會太膩，而加埋蛋令撈埋飯一齊食更香 😝。值得一提店舖係可以免費添飯（除非好似我當日係午市比較遲去就已經得返一碗飯 🫠），絕對係大胃口人士福音 🙊。✨ 牛肉壽喜燒 配 和式定食（$128）本身想加錢升級貓飯，但可惜去嘅時候係午市尾聲，老闆話剩返一碗飯，所以叫咗鰻魚飯之後呢一份轉咗烏冬。壽喜燒味道甜味較低，牛肉唔會太肥，配埋洋蔥、金菇同蛋都幾豐富 😝，另外仲配有中華沙律、味噌湯同是日甜品 — 蕨餅，食完都幾飽足 😝。✨ 燒菠蘿（$28）菠蘿甜甜酸酸好Juicy又開胃 😆，面層焦糖脆脆哋。·位於尖沙咀舊式大廈入面，比較隱蔽，真係路過唔仔細望都好容易錯過 🫣。店面唔大，坐位只有十幾個，店舖由老板同一位店員主理。地點關係衞生真係唔算特別好把控，相信呢一方面老板花唔少功夫。小店感覺上有少少似日本深夜食堂嘅Feel（店內真係貼咗一張深夜食堂嘅海報 😂），老板空閒嘅時候亦會主動同食客交流，鍾意日式小店應該都會感興趣 😆。·🧾 免加一服務費💰 $314❤️ Follow @852foodietraveller ✨

東京天井食堂 (尖沙咀)尖沙咀柯士甸路15A柯士甸大廈地下D舖佐敦D岀口老闆係和藹可親嘅人，你望到佢就會有親切咁，地點或者唔方便，裝修亦都唔係豪華，但人情味喺呢餐飯食得最開心，廚師用心製作食物係會令客人食得到靚同健康。雙重黯然銷魚飯 $158今晚食唧黯然銷魚飯，師傅啲功架了得，現埸燒🔥比睇，將大大條嘅鰻魚燒得金黃香脆，香氣撲鼻，賣相靚，睇見就食慾大增，加埋隻溫泉流心蛋，蛋🥚味香滑甜，鰻魚焦香，油甘，肉滑鮮甜，好食到不得了，值得推介😋😋😋是日甜點🍮追加 $15係抹茶泡芙，鬆軟綿滑細緻，冰涼透心。忌廉可樂餅 $38炸得外脆內軟，熱辣辣，滑溜溜，好好食🥳🥳🥳荔枝梳打 $28荔枝梳打水，夠冰凍，荔枝香味十足，甜度適中，好飲🍹🍹🍹

呢間係一間有溫度嘅小店。六點幾去到，餐廳未開始忙碌，老闆親自招呼，幫我哋開咗outdoor位置嘅小木枱，輕輕交談幾句，小店就係有呢種人情味。餐廳係一個神秘嘅空間，完全感覺唔似喺尖沙咀嘅鬧市！餐牌選擇唔算多，我哋食咗鰻魚飯、壽喜燒牛肉、雞泡魚乾同埋明太子雞翼。暗然銷魂鰻魚飯好正，口感軟滑嘅鰻魚配上濃味嘅鰻魚汁，送飯一流😋 蛋汁同埋蔥花亦令到味道更加豐富。另一個主菜係壽喜燒牛肉配咗貓飯，貓飯本身味道已經豐富，再撈少少牛肉汁真係好好食！壽喜燒牛肉份量好多，仲有好多菇菌配菜，推介啊👍🏻本身好想試佢哋嘅漢堡扒，可惜小店人手有限，依家一日只做十個，我哋去到嘅時候已經賣晒囉🥲小食亦都高質，明太子雞翼味道鹹香少少辣，雞泡魚乾烤得乾身，兩個都係好好嘅送酒小食。今次時間有啲匆忙，無點甜品，下次再試下。

今日經過柯士甸道時發現有一個洞，八卦進入時發現了原來有幾間餐廳在，最喜歡橫街的小店，隨時有驚喜，我們便選了日式餐廳解決晚飯。餐廳雖小，但別俱風味，很像去了日本的居酒屋，餐牌種類不算多，主打鰻魚或牛肉，每款都很吸引。黯然銷魚飯 $118黯然銷魂飯吃得多，銷魚是第一次見，其實是叉燒變成了鰻魚😂半熟蛋的味道十分濃郁，橙紅色的蛋黃，店長說是用日本新紀元雞蛋，先吸一口蛋黃，再留下一點蛋黃打散到飯裡連同主角鰻魚一起放進口，肉汁豐富，口感柔軟，鰻魚十分肥美，還有焦香味，份外滋味，最重要的是傍邊的蔥，這蔥花十分香，提昇所有食材的味道，看得出店主別出心裁。牛肉壽喜燒配和式定食 $128滿滿的一鍋，超級多牛肉還有配菜，湯味道濃厚，陣陣牛肉香，中間還有生雞蛋，沾點蛋黃使牛肉更加滑嫩順口，配上一碗白飯，熱呼呼的、暖心暖胃，非常過癮！最後店長還送我們一份甜品，抹茶蕨餅，煙煙韌韌，少甜，一解我們的嘴饞😋非常有人情味的小店👍🏻

今日特意去到尖沙咀近佐敦附近一間朋友推介的餐廳, 位置有點神秘, 要留意路邊小牌轉入小巷才能到達. 餐廳正如其名對住1個由舊式樓宇組成的天井, 十分有特色.大概因為餐廳位置比較隱蔽, 店舖亦唔算大間, 加上濃濃的日式裝潢. 令整個氣氛都充斥著一股隱世的日式食堂感覺.黯然銷魚飯外貌上, 用上了香港傳統的公雞碗, 擺碟上非常接“食神”中的黯然銷魂飯, 呈現非常有趣的畫面. 鰻魚不單肥美, 肉質彈牙不鬆散, 日式燒鰻魚汁的咸甜平衡. 珍珠米口感彈牙中有點軟糯, 配上以日本的頂級靚雞蛋所煎的流心荷包蛋, 蛋汁包裹著飯粒, 加上蔥花, 是將每樣食材都發揮到極度的美味. 牛肉壽喜燒 配 和式定食壽喜燒不是坊間般極甜, 咸甜比例唔錯. 牛肉煮得入味, 加上洋蔥, 又是經典組合. 壽喜燒中亦有多種不同的菇類及蔬菜, 令整道菜比較一般的清新.隨餐的面豉湯不會過咸, 唔錯.燒綿花糖正餐後的一份小甜品, 雖然不是非常特別, 但都足以令人高興. 燒得剛剛好, 外層微脆, 內裡有如雪糕般溶化.整間除了位置和裝潢等等, 都令人置身於東京街道上一間小小的食堂. 食物簡單但將每元素都發揮得完美, 令人難以忘懷.