三小漁

Open Now

Now Closed

提早食父親節飯，揀左呢間黎試下提早一日book仲有95折我地一行6人。望到人地枱全部都好大碟。所以剩係叫左4個餸全部都好似好好味咁😍賣相十分精緻。而且價錢好親民。一啲都唔貴叫左冰鎮咕嚕肉。芥末蝦球。炸蠔餅同埋通啫啫通菜冰鎮咕嚕肉第一次見。好新鮮呀😂 出面凍入面熱。表皮脆卜卜。好正芥末蝦球啲蝦大大隻。仲係新鮮蝦。唔係雪藏蝦。有蝦味又爽口彈口。加埋芥末汁仲有新鮮菠蘿。好開口呀炸蠔餅一流呀👍🏻👍🏻必食。我勁鐘諗呀 下次一定會再叫最後個通菜都好入味。送飯一流整體好滿意。下次一定再黎。好多野想試 😋

第一次去食呢間，十二點十五分到，唔洗等。(註：我平時食開辣，以下只以嗜辣者角度，如果平時你只係三小辣嘅可能有辣味嘅）見到餐牌上有辣椒🌶️嘅餐就叫，於是食咗酸菜魚米線餐。一共七十幾蚊，唔係話平。明明餐牌上有一隻辣椒🌶️，可惜一d都唔辣，不過味道算幾好。d魚新鮮，算幾多舊。幾大塊算厚。又夠蔥又有芫荽，正！👍🏻由於一d都唔辣，所以叫佢比我辣椒油，d辣椒油幾有heart，大大粒花椒八角，可是放入嘴𡁻都無特別，無味。雖然d辣椒油未夠辣，但隻油幾好味，而且感覺到佢係新鮮嘅。加兩蚊有罐裝汽水，又幾好喎。總括來說，食材新鮮幾靚，侍應們都幾好人，會再嚟，

這一日朋友介紹觀塘有一間比較隱蔽但係好食嘅中餐廳，所以一於試吓，我哋嗰日平日去大約七點幾到，唔使等位，進店後環境都幾舒服。之後睇餐牌，原來餐廳都有做私房菜，亦都有唔少海鮮的選擇，由於我哋只不過係普通食飯聚舊，所以都係點小菜同湯。我們叫左果原盅烏雞燉花膠，用料好足，有一粒大瑤柱，花膠亦都有一大片，味道好好，無落味精。之後點左一個小食，黑磚豆腐，一上枱賣相都吸引，食落口外脆內軟，加埋炸蒜味道好香口，推介食呢一款。我哋叫咗兩個小菜，第一個係金沙鮮魷王，鮮魷好大隻，鹹蛋及炸粉唔會好厚，鹹蛋黃味好香，味道偏鹹咗少少，但送飯好好。之後叫咗個係黑板寫嘅南瓜牛腩煲，呢個煲上菜時仍然沸騰，南瓜非常入味好淋，牛腩都唔會好韌，都係好入味，送飯一流。我們見到隔離枱食龍蝦賣相都相當吸引，希望下次有機會可以試吓。

最愛吃三小漁大廚特制枱私房菜！分享吃了多次的特式色菜總滙包有些令你（嘩一聲）但唔好問我每樣價錢，因為記不起了。喜歡的可以打去訂制屬於你們喜愛的私房菜式，感受不一樣的味道

上星期媽咪生日，細佬book咗呢間私房菜請晒全家人一齊食餐飯👏 五個人叫到成檯都係野🙈1. 花膠螺頭烏雞燉湯 ⭐⭐⭐叫左四盅，花膠同螺頭都好細舊😅 個湯就幾清甜，唔太覺得有味精，但個人認為唔係必試～2. 黑磚豆腐 ($18/件) ⭐⭐⭐⭐⭐面頭既蒜好香，豆腐外脆內嫰滑，黃豆味重，唔油膩，出色👍 價錢唔貴，推薦一試😁3. 話梅骨 ($98) ⭐⭐⭐⭐酸酸may may好開胃，肥瘦均勻，肉質juicy，份量唔算少，推薦👏 4. 薑蔥霸王雞 (半隻$108) ⭐⭐⭐肉質嫩滑但唔太香，個汁似普通豉油無咩特別，可試可唔試～5. 啫啫通菜煲 ($78) ⭐⭐⭐通菜爽脆但偏鹹同唔夠香，唔算出色6. 黑蒜蒸海斑件 ($168) ⭐⭐⭐⭐⭐黑蒜香，海斑好滑！😋😋 份量多，底下嘅粉絲索曬黑蒜汁都好入味好好食，呢個性價比好高👏👏7. 鮮菠蘿芥末蝦球 ($148) ⭐⭐⭐⭐⭐賣相精緻吸引👍 啲蝦超大隻超爽口！外層炸皮超級脆🤤 芥末汁開胃，連啲菠蘿都好甜，好食！8. 上湯龍蝦 ⭐⭐⭐⭐個味幾好食，比平時食既上湯龍蝦濃味啲，啖啖肉，唔錯😊食到咁上下細佬鬼鬼鼠鼠出咗去買單，所以有啲餐牌上面無/時價既野都唔知幾錢😂

這种小店，菜品價格高，質量差，与街邊大排檔一个檔次，但一上网就吹牛如何受歡迎，連手机支付，信用卡支付都不能用，只有現金交易，感覺回到上世紀50年代！以后開飯网要有監督，不能任由坑人的小店在网上吹噓！進入這小店，也沒有綠色碼通過掃描，也沒測量體溫，衛生條件相當差，只能适合工厂區的大排檔，但价格並不是大排檔，大多數是3一4百元的菜，遠遠超出大排檔价格。這种貨不抵樣板的广告宣传應該被禁止。初次上网訂座被一些照片吸引，但沒有標示真實的價格，下次不會再去了。

三小漁主打中菜，食物質素高，晚市大排長龍，最好預先訂座！黃金蕎麥茶 $12口感清香醇和，帶天然蕎麥香味，推介！煙燻糖心蛋 $18/半隻色澤光亮，蛋黃呈半凝固，食落除咗有淡淡煙香味外，中間橙黃色嘅溏心入口醇香美味！青麻牛柳粒 $168牛柳粒表面煎至香口，內裡充滿肉汁，而且牛味濃郁！配上特製嘅青麻醬，既香且麻，麻辣度剛好，與牛肉味平衡，令人回味無窮！勁正呀！啫啫通菜 $78啫啫通菜熱辣辣，火候及份量十足！加上蝦乾及豬肉碎，非常惹味！桂花桃膠燉雪梨 $58桃膠滋陰，雪梨潤肺，加點桂花，散發淡淡花香，清甜滋潤，女士們最愛！

原本疫情之前約咗朋友去食“三小漁”，但因為當時肺炎好嚴重關係就取消咗！放工約咗朋友出觀塘，路經“三小漁”即刻要佢陪我食晚餐🤭黑磚豆腐（$18@）：外層竹炭炸漿薄而且酥脆鬆化，入面嘅豆腐超嫩滑又有濃郁豆香味！配埋炸蒜令人食指大動，但係小食多滋味一人一件剛剛好❤️蓮藕蜜椒骨（$108）：蓮藕炸得好香脆同蜜糖亦都好夾，但排骨炸得太乾身好彩有蜜糖中和一下，增加濕潤感！鮮菠蘿芥末蝦球（$148）：芥末沙律醬均勻包住每一隻大隻而且彈牙嘅蝦球！菠蘿鮮甜多汁而且無渣，比我喺台灣訂嘅金鑽鳳梨更加清甜！估唔到芥末同菠蘿原來味道咁夾👍🏻自家製南瓜汁菠菜豆腐煲（$88）：原煲上熱辣辣上枱嘅時候仲滾緊！南瓜汁好香濃，自家製嘅菠菜豆腐好特別，好似玉子豆腐入面包住滿滿嘅菠菜碎！份量好多，除咗有自家製嘅菠菜豆腐仲有好多菇菌，味道鹹甜適中感覺好健康😋宮廷棗茸糕（$48）：店員推介新出嘅甜品話係100%紅棗整出嚟完全零添加，食落香甜煙韌唔會膩！

聽聞三小漁有細舖開始做起，來這邊搵朋友一起開飯，終於有機會試一試。眼見餐牌上邊嘅價錢全部都好經濟實惠，起初都是想應該都係普通嘅菜式，誰不知有驚喜。黑磚豆腐 $18/件外面黑色， 酥脆個渣粉又唔會太厚，再配上上面嘅金蒜，十分香口。入面吃到嘅豆腐好有豆香而且滑分滑溜，入口即溶。蓮藕蜜椒骨$108脆卜卜嘅蓮藕，點少少蜜汁食，感覺冇咁熱氣。啖啖肉，而且啲肉好鬆軟，好容易咬開唔會好硬。自家製南瓜汁菠菜豆腐煲 $88豆腐煲嘅湯汁送飯一流，甜甜地嘅南瓜汁，健康嘅菠菜讓左喺玉子豆腐入邊，玉子豆腐都好香滑外邊似有少少煎過，所以有兩層豐富口感，健康美味之選。鮮菠蘿芥末蝦球 $148超大粒嘅蝦球，蝦肉爽口彈牙，啖啖肉，芥末醬汁，為味蕾帶有一點點刺激，底下還有一啲好香甜嘅菠蘿。宮廷棗茸糕 $48女性保身最好食紅棗，棗茸糕唔會好甜，有少少QQ彈牙感覺，為這一餐飯帶上完美嘅句號。餐廳座位舒適闊落，唔會有擠迫感覺，菜式精緻價錢優惠。

三小漁因為食物出品高質，愈做愈旺，就算位於觀塘工廠區內，晚市一樣座無虛席！店員就算忙到踢晒腳，仍堅持為每一枱客人高溫消毒餐具，值得一讚！黃金蕎麥 $12有股清香嘅穀物烘煎味，而且麥味醇香出眾，又帶一點點甜，真係勁好飲！話梅淮山 $48疊得靚靚的淮山條清爽中帶一點甜，仲索咗少少話梅嘅咸酸味，很開胃的前菜！青麻牛柳粒 $168牛柳粒煎得啱啱好，香口得黎，牛味仲幾濃郁！青麻醬係呢碟餸嘅靈魂，又香又麻但又唔會搶走牛肉嘅味道，加埋炸蒜真係不得了，推介美食！棒棒雞 $88涼拌手撕雞的升級版，以匙羹輕輕打破用糖製成的醬料包，秘製辣油隨之流入手撕雞中！手撕雞極為嫩滑，涼拌醬汁因為有糖加持的原故，味道變得溫和，大人細路都啱食！桃膠燉菊花豆腐 $48極考刀功的甜品，將豆腐切成菊花狀，淨係刀功都值回票價！豆腐滑溜湯底清甜，really nice！

前兩日聽媽媽講話好掛住觀塘呢一間中菜，趁星期五出去同佢食個飯。餐廳位處於商廈一樓，地方闊落而且乾淨，今次食咗一個好特色嘅小食，叫黑磚脆皮豆腐，外層非常鬆脆，有媽媽最愛嘅炸蒜，而中間嘅豆腐，就非常軟滑。同上次一樣叫咗蠔仔肉碎浸時蔬，分量依然係大大碟，蠔仔肉碎鮮甜，湯底味道同上次有少少唔同，不過依然好味，我地邊食邊飲。聽樓面姨姨推介，有款新菜式叫青麻牛柳粒，擺碟幾靚做到好似西餐一樣，醬汁係佢哋自家處理，出邊冇得食㗎，麻香味十足，黎到不妨一試!呢度嘅菜式果然創意十足，兩次黎都覺得咁有特色！

有時成日出街諗食咩都幾懊惱，今日想簡簡單單食下住家飯，見之前食過呢一間餐廳味道有保證，就嚟食個中式晚飯。同之前一樣，所有餐具都會由侍應用滾水淥過再遞俾客人，感覺更加安心同衛生。前菜試下新野- 千絲西葫蘆，擺得幾靚！ 上枱後用叉扒絲，清清甜甜幾好味！上次食過冰鎮菠蘿咕嚕肉好好食，今次介紹老公再食，新鮮菠蘿食落清清甜甜咁，冰鎮之後涼浸浸加好味。咕嚕肉比上一次食更加脆皮，真係好好味呀！另外簡單叫碟菜，就要返蠔仔肉碎浸時蔬，老公見到話咁大碟嚇親佢！

開年飯揀咗呢度開餐因為好耐都冇嚟呢間食喇自從搬咗舖頭之後，遠咗好多大家都唔想行因為之前喺舊舖食過幾次都覺得好好食又抵食而且又送嘢飲又送甜品行遠啲都過嚟試一試點知今次過嚟新舖第一次食乜都冇得送環境裝修係靚咗好多同埋舖位係大左好多嘅但係啲setting就令人有啲失望首先lunch set 冇咗呢個咕嚕肉餐咕嚕肉係佢哋招牌菜，所以散嗌我哋都想要，不過食物嘅味道係冇變嘅呢個冰鎮咕嚕肉亦都冇失望因為都仲係外面好脆其他餸菜size就細晒以前送開嘅羅漢果茶又冇以前送開嘅涼粉甜品又冇係個白飯夠熱唔錯結論係出咗名嘅餐廳啲嘢都係每況越下

講起三小魚我係鐵粉 由牛頭角小鋪食到轉觀塘大鋪真係好勁介紹同事一齊食服務員 態度一流😉好好服務叫左個口水雞配白飯同四川擔擔麵口水雞辣度對我尚可 但同事喜歡大辣 可能下次要問問有冇得揀辣度🤣🤣🤣白飯一碗 男性分量相對小 可能要另加一碗白飯四川擔擔麵 香味俱全麻醬辣油，濃郁鮮香 ，花生味比較重愈食愈過癮😝😝另外點左個涼茶 另加$3（ps 之前飲品係free轉涼茶）價錢只不過加小左左 明白商場鋪座貴d價格都係可接受

午餐 - 菠蘿咕嚕魚柳飯🐟外觀吸引，份量多到爆滿🐟用新鮮菠蘿🍍好味😋🐟魚柳滑又唔會太厚粉🐟酸甜鹹味道都剛剛好 🐟配料都有煮到半熟，唔會生到食唔到👍🏻👍🏻👍🏻 高質午餐 - 椒鹽豬扒飯🐷份量一樣多到爆盒🐷夠多炸蒜好香🐷豬扒唔太硬又唔會嗱到爛晒🐷現場食應該好啲，外賣凍左有啲乾👍🏻都係抵食跟餐包一汽水或養生飲品而家外賣有八五折好抵