To-Gather Cafe (Closed)

今天放工約了幾個朋友去happy hour，來到旺角金雞廣場19樓的「To-gather Cafe」真想不到在旺角的鬧市中竟然有這麼舒服清淨的環境，大大的梳化很寬敞，坐得很舒服，還有兩部大電視。店內的corner位放了很多款board game，可以隨意借來玩。我們選了party set，可以share食。凍芒果蜂蜜，熱蜂蜜檸檬，凍熱各一， 2大jar飲品。田園沙律配日式芝麻醬，沙律菜超新鮮芝士薯條薯條就食得多，加了芝士的薯條就第一次食，味道出奇地夾，很快就被我們食清曬。小食拼盤：有吉列珍寶蝦、粟米墨魚餅、蜜糖雞翼、咖哩角，款式都幾多。蜜汁雞肉串和泰式豬頸肉，配酸甜汁，豬頸肉微辣， 點埋汁，辣辣酸酸甜甜的，不錯。芝士焗蔬菜：有西蘭花、小甘筍和粟米芯。黑松露海鮮意大利飯， 海鮮有青口、蝦、魷魚和蜆肉，喜歡淡淡的黑松露味，不會把海鮮的鮮味搶晒。抗氧黑蒜忌廉意大利粉，有好幾款菇和三色椒絲，意粉軟硬適中，黑蒜味香濃。餐廳沒有時間限制，如果有三五知己吃飯談心，這裡真是很好的選擇。

上次試過呢間cafe唔錯，今次約左幾個fd再黎，順便吹下水唔洗比人趕。我地4個人好早到左，所以有U型Sofa枱坐。我地叫左party set，所以可以有兩款野飲任飲，滿足哂我地吹水時最緊要既"水"，而且唔係好甜。田園沙律 (意大利油醋汁)，菜都幾新鮮，加上油醋汁，清得黎帶酸味。雞肉串同豬頸肉，焗完熱辣辣既香味好難抗拒。芝士薯條，芝士好濃，唔係好傑，薯條熱辣辣好香，夾埋非常好食，瞬間清哂。成盤都係新鮮整出黎，蜜糖雞翼一啲都唔乾，吉烈蝦同咖哩角都好脆。芝士焗蔬菜，食落比較重忌廉味，不過都幾好味。白汁香蒜蜆肉意粉，蒜味勁香，而且好多蜆肉同蘑菇。卡邦尼煙肉扭扭粉，汁唔係多，但完全包住哂每粒粉，芝味濃郁。

第一個感覺係較靜，唔算多人，又有各種board games 提供，係聚會唔錯既選擇。主菜點左冬蔭公忌廉蝦肉意大利粉，冬蔭公同忌廉意外地夾，係好新鮮既配搭，不過我覺得有D辣，中意食辣既朋友應該會中意，蝦肉同菇都好爽口。另外點了黑松露海鮮意大利飯，略嫌黑松露唔夠濃，海鮮算多，亦算彈牙，飯粒粒粒分明，唔會太一pat pat個sauce . 小食點了薯條加芝士（+$5），芝士係較稀個隻，如果係拉芝會更吸引，味道唔錯。飲品點左草莓同木瓜奶昔，份量多，偏奶味，木瓜奶昔冇草莓奶昔咁甜，略嫌冰粒未有刨到所有都碎唒，有大冰粒🤭

中同聚會又要諗地方，唔係放題就自助餐。悶悶地就上網搵CAFE 轉下口味。上網見到呢間旺角CAFE好評如潮，決定簡呢間To-Gather Cafe~位於旺角金雞商場19樓，非常方便，Lift門一開就見到～Café 既環境唔錯，燈光足夠唔會太暗可以方便影相。而且座位好闊落， 好似K 房既皮沙發。board game嘅款式都唔少， 想玩乜都得。最後拎左估估畫畫，同朋友笑到傻左，等左大約10分鐘到食物都陸續上台。我地叫左個PARTY B (4個人分享)!可揀2款主菜同2款飲品，其他店員會按人數來分配。首先嚟咗飲品～我哋揀咗大家都啱飲既柑桔檸檬同蜂蜜綠茶，唔好睇佢好似係普通飲品，但勝在兩大榨，夠曬飲，而且飲得出佢係自己手調。柑桔檸檬輕輕的甜、微微的酸、淡淡的橘香好開胃。蜂蜜綠茶好養生既感覺。凱撒沙律: 羅馬生菜同炸麵包粒，落埋巴馬臣芝士碎、檸檬汁、橄欖油、雞蛋、喼汁、蒜頭碎同黑椒粒調味。好重既芝士味，但又有蕃茄仔做配菜，食落好新鮮，唔會好膩。無得輸薯條:新鮮炸出嘅薯條鋪上滿滿嘅芝士每一條都充斥著芝士香，但係呢種芝士唔係味道好重嗰款，食落似白汁咁，所以都唔會覺得好膩，店員甫上菜已經提醒我地薯條熱食

朋友聚會既好地方！早幾日上左togather cafe食晚飯一去到已經俾餐廳既裝飾吸引住佈置得好有心思去到既時候 好多group人已經係入面玩得好開心因為餐廳提供左唔同既board game俾客人借玩 我今次得兩個人去就無玩 主要都係食 我叫左個焗豬 即叫即焗 豬扒大大塊 一個女仔真係食唔哂 set跟餐湯同飲品 一百蚊都唔駛 玩埋board game消磨下時間就更加抵！通常見到餐廳有提供party嘅餐似乎越多人嚟食越抵睇嚟下次都要拉埋朋友一齊嚟玩！

放左工最開心緊係約埋班老友一齊圍威喂啦！想坐耐啲，又想有野食有野玩？呢到 ❮To-Gather Cafe❯ 就岩哂啦。旺角方便，玩夜左基本上個個都有車返屋企～呢到個環境雖然唔算好大，但都坐到幾張大台，而且每台既空間感都幾好，SOFA既椅背做得好高，幾有私人空間，玩得幾顛都唔會好影響隔離～仲提供左多款BOARD GAME比大家玩～～如果你係一大班人去，可以叫個PARTY SET，唔洗諗，又有好多野食。當然仲可以單點，都有好多唔同選擇同推介。白汁香蒜蜆肉意粉 $97呢個意粉黎到既時候己經覺得佢好香，好大陣蒜味慢慢飄出黎，而且一眼就望到材料都好多，蜆肉分量真係好多，真係食到最後都仲有～而且白汁配白蒜既味道好夾，煮得幾好。黑松露海鮮意大利飯 $119賣相非常吸引，所有海鮮鋪哂上面，特別係啲青口同大蝦，一睇就知好大隻，好足料！佢啲蝦仲好爽口！而黑松露飯更深得我心，黑松露味道唔會過份濃郁，對我來說食起上黎岩岩好～美式薯條加特濃芝士 $50喜歡芝士又點可以錯過呢～而且薯條人人都好喜愛！薯條最緊要就係趁熱食，雖然感覺熱氣但真係忍唔到口。不過芝士味比我想像中淡左啲，不過都係一個不錯的嘗試～蜜糖雞翼 $5

旺角真係有超多間cafe，今次同朋友就黎左呢間，首先讚下個名改得幾好，有double meaning！雖然唔算好大，但空間都okay，坐得舒服👍🏻3人或以上就可以叫party set，有兩款揀，兩個都ok既，但貪心既我地就揀左b，好似多啲野食😆😆逐樣野食講，沙律叫左田園沙律，侍應好好人，主動講平時比較多人叫日式芝麻醬，但可能我地沙律都偏好西式既感覺，我地都係叫左意大利油醋汁，其實油醋同沙律都好夾，因為都係帶點fresh既感覺。小食，一上碟我地勁開心，因為真係好多野食，又要讚下侍應溫馨提示我地薯條要襯熱食，所以我地都即刻試左個薯條先，芝士熱得黎唔會稀，醬汁既感覺掛喺薯條上勁夾！真係無得輸🤤🤤另外仲有吉列蝦、雞串、咖哩角、蜜糖雞翼、豬頸肉、粟米墨魚餅，每樣都好惹味，同埋泰式豬頸肉既醬汁，唔係普通嗰個甜辣醬（平時好多都用m記嗰隻泰式辣醬），雖然都係甜酸辣，但食到有啲唔同，可能係因為濃稠度同味道多啲層次既感覺。另外本身我地有啲疑惑個芝士汁焗蔬菜，因為小食裡面爭佢一樣，可能因為要焗就需時，上枱時係熱辣辣既😆😆正～我都特別喜歡芝士或者白汁去焗西蘭花，味道好夾！不過同薯條一樣都要襯熱食先最正。之後就

呢間Cafe好啱一大班人嚟👯有大枱同埋好多款Board game🧮另外仲有Party menu🙆🏻🙆🏻🍛黑松露海鮮意大利飯 $119呢個🌊海鮮Risotto好足料 有海蝦🦐 藍青口 魷魚🦑同埋蜆肉  黑松露味好香濃 飯粒軟硬適中好creamy😋 第一次食risotto用長碟上 賣相幾靚幾特別🌟Set dinner仲會包埋餐湯☕同32蚊嘅飲品🍸 想嗌其他嘢飲可以補返差價💲 今日嘅餐湯係粟米湯🌽 飲落好綿滑 +$5士多啤梨🍓雪香 呢隻粉紅色真係超級靚😍😍😍 我好鍾意喔🤗10% Service Charge💰

朋友介紹間店幾好同埋都幾舒服，所以今日約左一班朋友在依度聚聚。第一次去金雞商場，個感覺好舊，原來有咁多桌球店同打機嘅地方咁，等lift時大部分都係男仕，開始時有點懷疑係咪自己去錯地方。一入到聞到陣味有啲後悔，好似有清潔劑味。咁唯有盼望一下野食啦。味道好一般，鰻魚整得唔夠淋，飯太硬，爭鮮嘅鰻魚壽司內飯同鰻魚都比佢好食。要讚下嘅就係嗰兩片青瓜幾新鮮啦。呢杯香蕉奶昔嘅香蕉係味粉嘅假香蕉味道，鳳仙雪條最外邊一層嗰種味，奶味唔濃，有一堆碎冰。其實都唔知自己飲緊咩。服務態度唔錯，坐位都好闊，如果想一大班朋友玩game可能都幾好，但食物質素唔好期望太多。

［TO-GETHER]曾幾何時, 細個嘅時候CAFE係大部分時間HEA嘅最佳地方, 一下子係可以HEA到2/3個鐘閒閒地.呢日襯住放緊假，同男友妹妹4人黎到呢間cafe打發時間，傾計最好就當然係唔限時。Board Game 係上cafe 必玩，首先我地係玩到食物黎都唔理嘅林林種種game放係櫃上，任君選擇。選擇未算話極多，但平時諗到嘅大路款都會搵到。但等食我地就揀玩d簡單嘅層層疊。Menu 有Set dinner 同 Party A/B set 可選，連埋2個男仕夾埋4個餓底，B餐款式份量都好多，應該就更適合我地。*留意返要3人以上先可點party set, 仲有係有機會限時3小時飲品係任飲嘅柑桔檸檬 & 荔枝紅茶，一Jar 咁上，飲完再添都仲得凱撒沙律 - 份量一人大約一碗左右，一般質素菜都叫新鮮巨型小食拼盤 - 分別有咖喱角/ 墨魚餅 / 豬頸肉/蜜糖雞翼/串燒同薯條，份量極多，零食精嘅我地見到呢個巨型小食拼盤開心到呢吉列珍寶蝦 - 人頭一隻，都算幾大隻芝士焗雜菜卡邦尼煙肉扭扭粉 - 份量勁多，醬汁黎講算做到夠濃夠香，由意粉轉左做扭扭粉算幾新奇，都冇咩違和感。基本上食完都飽左8成。

準備開Party 或者成大班人gathering 既人注意‼️之前我對樓上cafe食物質素冇乜信心 因為質素真係好參差😕俾我搵到旺角金雞廣場呢間 初頭期望唔大但係有驚喜😳一邊有四張大嘅梳化 好有私人空間👍🏻又有board game玩.#黑松露海鮮意大利飯 $119海鮮有青口魷魚🦑大蝦🦐同蜆肉海鮮份量都好多 基本每啖都會有蜆肉🤭意大利飯嘅口感煮得啱啱好🤤唔會太淋 亦都唔會太硬 超鍾意呢個黐黐地地嘅口感😳黑松露醬落足 啱晒我呢個黑松露控.#白汁香蒜蜆肉意大利粉 $97一放落枱 好香香蒜味🤭香蒜係用咗碎碎既炸蒜 令到意粉更加香口😋意粉硬度啱啱好 超級掛汁👍🏻 除咗白汁之外 每啖都會食到蜆肉同野菌蜆肉真係海量🤣.每份set dinner 🥘 都會送忌廉湯 忌廉湯入邊有野菌 面頭有小小嘅法包粒🥖.開party嘅記得訂位 因為平日夜晚都幾多人book咗🙈.#Togather_cafe旺角洗衣街39-55號金雞廣場19樓15-17室

好耐冇食過旺角果啲樓上Café，今次同朋友去到「金雞廣場」，我真係第一次黎呢個廣場，對呢到冇乜認識，不過朋友話之前係呢個廣場搵食，覺得價位公道同埋冇咁多人，會舒服啲，所以就帶我黎。環境Café不算大，但有提供比較多人座既位置，可以坐10人一張枱都冇問題，令我即刻諗返起Re-u呢樣野，大學生好中意一班人去Café食野吹水坐一晚，相信呢到叫自己做「To-Gather Cafe」都係因為想提供一個場地同大枱比一大班朋友上黎食野吹水，亦唔少得Café必備既遊戲供應。另外，朋友因為手機冇電，就問左店員有冇充電頭，可以比$100按金，座位下面有插座比你插電，呢點幾好，唔洗比錢借尿袋。餐牌以Set餐為主，有A至I餐可供選擇，都有一個叫做Party for two，有哂小食、主菜、甜品，飲品仲任飲添，不過主菜選擇就得四款，當中冇我地想食既款式，所以我地都係叫返Set Dinner。珍寶吉列鳳尾蝦配薯角 $55都幾大份，吉列鳳尾蝦幾大一條，外層酥脆而且完全冇油溢味，炸油新鮮，蝦既肉質都可以，薯角正正常常，以$55價錢都不錯。Set Dinner均送是日餐湯及$32以下飲品一杯，亦可以補回差價選擇$32以

同班朋友好耐冇見，想大家坐埋一齊傾下計食下飯，同埋想玩下board game，有個朋友介紹話之前黎過呢間cafe覺得唔錯，所以今次一於試下。我們大概7點到cafe，cafe不算很大，大概可以接8枱客左右，沒有想過會full哂!cafe除了有電視可以睇，仲有很多不同的boardgame可以玩，岩哂我地!而且冇諗過cafe都會有不少小朋友黎到，我諗可能係佢地仲未放完假吧!跟朋友坐低後看過餐牌，揀選了party set，因為根據過往經驗，食party set係抵食過散叫的。而且party set飲品可以任飲，唔怕飲完一杯再口渴!荔枝紅茶、熱蜂蜜綠茶，party set飲品係一jar jar的，飲完可請店員再refill!田園沙律配日式芝麻醬，這款沙律除了有沙律菜，還有粟米粒、青瓜及車厘茄，所有蔬果都夠新鮮，芝麻醬也足夠食完整個沙律!無得輸芝士薯條，呢個芝士薯條有淡淡的芝士味，薯條用上粗薯條，上菜時熱辣辣，很香口。吉列珍寶蝦、粟米墨魚餅、蜜糖雞翼、咖喱角，這幾款小食好似拼盤咁上，吉列珍寶蝦不會炸得過火，蝦都有少少爽口。咖喱角炸得剛剛好，蜜糖雞翼如果蜜糖可以再多一點就好了!蜜汁雞肉串、泰式豬頸肉

上到黎to-gather cafe 有一種返返去中學嘅感覺，有一個好地方比朋友談天說地雖然話係一個比人傾計嘅cafe,但食物都絕不兒戲，大家望下餐廳，會發現有好多fushion菜式，東南亞混西式先黎兩個周打蜆湯，味道剛好邪惡芝士薯條係呢度必叫嘅小吃，店員仲會好貼心提你親熱食當然仲有去到邊都會嗌嘅雞翼，煎得好香脆，贊！呢個白汁蜆肉意粉份量好足，而且無意大利嘅al dente ，適合返香港人嘅口味黑松露意大利飯都好驚喜，青口同大蝦都滿佈成碟，不知從何吃起，飯都好creamy

今晚跟姊妹們 gathering，當然想選擇一個可以聊天而不被店家施壓趕走的地方聊天吃晚飯，仔細搜尋一番以後，我們來到這家位於金雞廣場的樓上Cafe☺️ 有吃的又可以玩桌遊，重點是沒人會趕你走! 非常適合一班朋友/姊妹聊天gathering。食物方面，我們選了Party B set（因為我們都太懶惰，下班後已不想再動腦子了🤣）。這個套餐超級划算，以人頭費收費，每位$159，包含一客四人份量的沙律，八款小食，兩款主菜，兩款任飲飲品，及一口雪米糍。先來的是兩瓶飲品—蜂蜜綠茶（左）及荔枝紅茶（右）。蜂蜜綠茶 茶味較重，蜂蜜味較淡（我想如果我帶寶寶來的話，他肯定很喜歡這個綠茶）。而荔枝紅茶就比較甜，但甜得來又有些茶味中和一下甜膩感。相比之下，我們幾個女孩子也較喜歡清甜系的荔枝紅茶😆。再來的是日式芝麻醬田園沙律。蔬菜很新鮮，蔬菜的種類也蠻多。👍🏻剛吃完沙律，就來了三個小食—粟米墨魚餅、咖喱角及蜜糖雞翼。三個小食也是熱辣辣的😍🤤，非常好吃！咖喱角香脆可口，粟米墨魚餅煎得生熟剛好，口感彈牙，蜜糖雞翼非常入味，同時鎖住了雞汁，一口咬下去超滿足❤️，表面的蜜糖層也為整隻雞翼生色不少！吃完三個小食後10分鐘左