豆腐主義

Open Now

Now Closed

第一站，幾經辛苦先o係楊屋道果邊搵到呢一間!!~一行到去，佢個店面係用黑色做主色，感覺好in 咁~但門口d店員用mic sell 豆腐，太大聲，重要冇停過，真係耳仔受罪！一入去，會有店員問幾多位，唔似其他咁你有你搵位，你叫佢先行埋黎~我地3人share︰煎釀黑豆腐($10)︰我乜野醬都唔加，食左一啖，果然係豆腐，冇乜味，最慘佢連少少咸味都冇......得個實字~:煎釀豆卜($8)︰真係好失敗！！！係un架lor！d油又係咁滴，個嘴好似飲油咁！個賣相先搞笑，好似chocolate咁一粒一粒相連咁！佢同煎釀黑豆腐都係冇味可言~煎釀琵琶豆腐($10)︰呢個得呀！佢個味岩岩好，而且係有咬感，唔係只係食粉漿咁~為左呢個，如果有機會去，只order呢個！油豆腐粉絲湯($18)︰請真，$18呢個價，佢可以多番少少菜 / 粉絲，湯就好大碗，不過味道可以~其實我真係有d失望，成一年前睇openrice後好想去食，但今日試完，真係唉...不提也擺~

原先打算去肥媽車仔麵,不過要搵,但個肚又不停叫,終於忍唔住.一間主打乜都係豆腐專門店,時尚的門面及裝潢,的確比起一般豆腐舖吸引得多.簡約的擺設,空氣中灕漫著黃豆的香味,細看餐牌,的確化身成各種不一的食品或飲品.麻辣豆卜 : ($10)自己想試多幾款,一碟六件要十蚊都幾貴,鹵水同麻辣各一半,即係各三件,但放上檯時明明是麻辣豆卜,眼前是一碟豆腐,唔通我真係咁都唔識分,仲要再三講多幾次先比返啱,而由於麻辣豆卜不足,先上檯的明顯浸得好耐,已經變得色澤深沉,及後的一件是淺色得多.先講麻辣味,豆卜吸收大量麻辣汁,辣是足夠,但麻味不足,至少我的咀唇唔多覺麻痺.鹵水豆卜真係唔得,由於汁太多,所以變得好咸,好難食,仲要咁既價錢,唔值.油豆腐粉絲湯 : ($18)一個我認為合理既小食,黃芽白的豬骨湯底夠鮮甜,再加上釀豆腐及釀豆卜,認真之餘,味道居然不錯,主角之一~~~粉絲亦相對地吸取湯汁之後變得冶味多了.豆漿 + 四寶 : ($19)考立名目搵飯食,明明煎釀三寶變奏版,包括:煎魚茸豆腐餅,煎釀豆卜,煎釀豆腐及煎釀黑豆豆腐, 味道幾款都差不多,早知真係食三寶都仲有青椒,紅腸吖!比門面呃晒,其實係一間門面好靚

　　下午跟友人路經位於街市中的豆腐主義，愛吃豆腐的我提議入內一試，於是晚上就在這小店中用膳。想不到一片吵鬧的街市中竟然有裝潢不俗的食店，我尤其喜歡鏡面牆身的設計，有美感。本想讚讚店內環境，但正想坐下時，竟發現椅子滿佈油漬，桌子亦如是，喚了店內的姐姐好一陣子才得到回應，旁邊沒有人的桌子亦有油漬，衛生情況不算太理想。　　MENU中的大多是小食，於是我和其餘兩位友人都選擇了套餐。$34，豆腐火腩飯、配豆漿或豆腐花、菜心或生菜及煎釀豆腐四件。若除去了蓋在煎釀豆腐表面的餡料，這跟普通蒸豆腐沒太大分別。吃不出煎應有的香味，但有豆味，可以接受。火腩飯的菜汁不錯，用作拌飯十分美味，豆腐味道一般，豆味不如煎釀豆腐的濃。　　價錢來說相當廉宜，而且份量不少，我吃了半碗飯就已經很飽，所以十分抵食。不想多費金錢又不願待薄肚子的時候可以選擇此店。

同朋友係楊屋道打完波諗住食LUNCH, 嘉樂又排長龍,小出荃灣既朋友建議食特別D 既野食....咁就出事啦!行下行下見到呢間豆腐主義勁多師奶係度買豆腐, 入邊又坐好多人,諗住食下豆腐清清地都好啦,根本都唔會個一會事,所謂既豆腐...其實同煎讓三寶無分別, 只不過係無左茄子青皮椒你簡, 淨係得炸豆腐( 仲衰..)炸到油淋淋...點健康法?講真我食唔太多豆味, 四舊炸豆腐無咩分別, 好似食緊舊油咁...價錢平? 煎讓三寶大多6-7蚊4舊, 佢就10蚊4舊, 魚肉又小講平唔係平...環境?....更加唔好講, 同街市豆腐檔差不多, 如果唔係朋友想試我先唔會入泥...想健康...m 記可能仲好..

今日同朋友行街既時間見肚餓,見到呢間出名主打用豆腐做主食好似幾健康,所以入左去食2個人叫左個煎魚茸豆腐餅,椒鹽豆腐角,黑白豆漿同埋2個碗仔翅豆腐花煎魚茸豆腐餅-真係要加左d辣醬先夠好味囉椒鹽豆腐角-唔夠味....勁淡碗仔翅豆腐花-食落好奇怪,味道一般黑豆漿都ok,但白豆漿就好似維他奶咁........埋單每人都係三十幾蚊總結黎講d野好淡,唔夠味

終於一試lee間之前好出名o既豆腐主義佢基本上係主打豆類製品, 以健康食材為大前提overall口味係偏啖, 不過清清腸胃都唔錯黑豆花, 層次俾一般豆花為高, 我所指o既層次係佢真係一層一層咁, 好似d梯田一樣, 唔會一攪就散開~~~ 其實我覺得lee個黑豆花似芝麻類o個d多少少, 可能黑豆味唔夠重, 得個色多d!!! 咸豆漿, 佢個形態係半liquid半solid咁, 都幾得意, 面層有少少油條, 咸咸地咁, 幾好味, 不過熱d會更好佢lee度有得order"二寶" or "四寶", 其實佢d豆腐類小食揀幾款o既combination!!! 不過之前miss左, 所以order左2款豆腐小食 每碟4舊!!!煎魚茸豆腐餅, 好似酒樓食o個d魚餅咁, 不過我相信佢加左d豆腐入去, 魚肉相對較少, 都ok o既, 不過油多左少少, 同埋塊餅太薄唔夠咬口, 可以整成細塊d, 不過厚d可能會更好煎紅菜頭豆腐, 之前想order煎黑豆腐o既, 可惜已經售罄, 嘩..咁好賣o既......... .於是order另一款啦~~~ 貴過煎黑豆腐$2...................其實個樣就幾靚

之前睇倒有本雜誌(忽xx周)介紹,抱住一試無防精神,因為每個人都有自己對食物的要求,自己亦要試過先知得唔得.唉!可能星期六關係,人太多,d位又窄,枱面又抺得唔乾淨,已經大打折扣,咁我叫咗碗黑芝麻豆腐花(凍),等咗好耐都未有,遲過我嚟d客都有得食,終於有得食喇,當食第一啖時巳經覺得好冇味道,再食多啖時已經唔想再食落去,黑芝麻非常"結"而且冇d香味,甜味都冇,總之自已都唔知食緊d咩野落口,到d豆腐花好似係街市就咁買嚿硬豆腐就咁食無分別.好耐都未試過食唔晒d食物,覺得非常浪費,個心同自已講下次都唔嚟幫襯.可能當日就咁叫碗普通嘅熱豆腐花,可能都仲有機會嚟幫襯多一次.註:本人向店員查詢,是否要自己加糖時,店員回答本人:已調好味,不用自己再加糖.

不經不覺第一千篇食評，值得記念，當然有食家在場，就寫與她一起鬧爆的一間豆腐專門店。周六收工在荃灣，知道食家愛吃豆腐荃灣又有呢間豆腐專門店，就帶佢去試下。店子裝修新穎，牆上貼滿鏡子增加其空間感，可惜一入門口第一個感覺就已失敗，就係招呼的待應全是粗聲粗氣帶國內口音的姐姐。8:30pm來到，阿姐姐話佢地9:00pm就關門，叫我地快0的叫野食，唔係就無，我心諗你咁趕就不如落半閘唔俾我地入來吧，都未坐低餐牌又未睇點叫野食，唔洗咁趕嘛？全部野食都已豆腐作重心，見有幾款都幾得意就試下，點知問左三四款阿姐姐都話就收工所以賣哂，其實都係煎豆腐吧，煎多兩件唔洗死嘛？咁最後就問佢有咩食，阿姐就介紹左話有紅菜頭豆腐同埋生菜魚肉豆腐羹。同食家心中有氣，本來諗住來吃晚飯的點知阿姐又催三催四，食都食得唔安樂，不過一場來到就試下呢兩樣吃過就算﹗紅菜頭豆腐是帶紅色的煎釀豆腐，豆腐下已經是吸油紙，亦都濕到爛咁濟，可惜豆腐仍不停標0的油出來，食家一咬仲有油從豆腐中溢出，射到一枱都係，嚇到佢掉到掉唔切，油不用錢嗎？還是由朝煎到晚的賣剩貨最後幾件﹗？味道帶點點紅菜頭的草腥味，全無豆味實淨不滑溜，四件我地只係吃了件半就收手了﹗生

睇雜誌見到有間專賣豆腐野食既鋪頭開..咁岩呢日去開荃灣~所以單拖入左去試新野!豆漿腸粉: 食落感覺比食開一般既腸粉.."漿"不過真係有豆味~創新! 但比想像中既味道有少少距離..木瓜豆腐燉豆奶: 開頭唔明佢點樣豆腐燉豆奶..但原來同豆腐花冇分別..不過分量就真係好大碗~叫一碗都飽!另外我仲買左d煎釀果d豆腐外賣..製作過程見到好油..食落黑豆腐~魚蓉豆腐餅都冇特別~最好食係"琵琶豆腐 "..不過d阿姐好搞笑..我買4件返到屋企見到6件~送多左2件俾我!

十月十八日(星期日)我們決定黠都要試豆腐主義!雖然看過食評,都知道不要抱太大期望!人算多,而且很多人買外賣最初還以為有麵食,原來全都是豆腐製品!有set,就是一樣食品加豆漿!煎釀黑豆腐:味道不錯呀!黑豆有一陣特別的香味!推介!豆漿腸粉,我們很想試的!吃下去沒有味道,但是過了一會有一陣豆香!推介!豆奶燉豆腐花,反而覺得味道不夠濃!一般!煎釀豆腐卜,都不錯,但是多了點油!總括來說都算中上!價錢又便宜!最重要的是黃豆有益!

睇到雜誌介紹他豆腐美食，忍不住都要去拜會一下，好彩不算太多人好似有好多用黃豆製成的食品，而且價錢又幾經濟但食完又不會覺得特別好，不過款式就眞係特別多，盅飯、碗仔翅都有。愛吃豆腐人仕不仿去試下。我見他們有即撞豆花，見到都好滑，但因為食不了，所以只好放棄。黑豆漿 +鮮肉豆腐粒腸粉 $18黑豆漿好夠味，又不會太甜，但不算大杯。鮮肉豆腐粒腸粉不滑、偏硬、皮厚，肉味淡都食不到豆味煎魚茸豆腐餅 $10都OK，豆腐同魚茸就薄了點點，油就多了點點煎釀黑豆腐 $10話是黑芝麻豆腐，但食不出芝麻味來但如果檔普通煎豆腐食都幾好食，豆腐幾滑，不過魚茸就好少琵琶豆腐 $10好食，因為新鮮炸起，好有酒樓水準，都算大粒咸豆漿 $9份量較少，相對材料份量都少，但味道都好難得油炸鬼都仲有少少脆

平日去吃東西會特別舒服，沒有人會催促您快點下單，沒有人會站在您身旁用審判的眼神要您快點吃完離開好令她快點有位坐。所以吃起來特別好味道。就是在豆腐主義可以享受到如此的一天，跟平日完全是兩碼子的事，坐的位置也覺得好像大了許多一般。記得之前來試的時候那餐牌跟現在已經有許多的不同，證明老闆有花心思去改良口味迎合顧客不斷改變的口味。好像也加入甜品類豆腐製品，甚至是咸豆腐花此類我已經很久沒有聽過有得吃的食品了。希望老闆也可以考慮推出咸豆漿就更好了。今天吃了煎黑豆腐，黑豆腐比一般的黃豆製豆腐多了一點特別的味道，自己就頗為喜歡，而且發現沒有太多油份，但是當然口味人人不同，朋友就不太接受得來。在店鋪內應該多貼上有關吃豆腐能令人更健康之文章，相信會是一種自我宣傳的方法。試試黑跟白豆漿也是一樂也，從來黑跟白就是美術中最配的組合。

原本想食嘉樂架~但因為勁多人所以我吔排咗一陣就無排LU結果過咗另一邊食呀~"豆腐主義"我都係比呢個名吸引入去試下~坐低叫咗豆槳+豆槳腸粉, 豆槳+栥飯 , 豆腐魚粥豆槳好有豆味, 幾好, 豆槳腸粉好特別,但就不滑囉, 有點"鞋", 可能用豆渣做既關係(我估喳...HEHE)粥就好普通,又貴又唔好味, 粥好稀, 魚肉又實不好味, 只是加了一點點豆腐就說是豆腐魚滑粥~栥飯係即叫即做, 油炸鬼好脆, 味道幾好呢度既食物一般啦, 試一次就OK

打完羽毛球，瓜已急不及待提出要去「食豆腐」，其實是指位於川龍街的豆腐主義。鄰近楊屋道街市，如單看門面，其實跟一般的豆腐店無異，店內裝修以黑色作主調，平淡中帶點現代感，都幾「四正」。各人點了一杯豆漿解渴補充水份，分別點了原味豆漿、薑汁豆漿、黑豆漿、涼粉豆漿及西米露豆漿，餐牌上還有芒果豆漿、西瓜豆漿等多款創意選擇，幾特別。沒有點豆腐花，反而對一些特色小吃更有興趣。先來的是鮮肉豆腐粒腸粉，賣相跟酒樓蒸腸粉分別不大，那想到厚厚的腸粉皮一夾就散，內餡味道似足老少平安，可能豆腐跟腸粉的化學作用非我所能接受，結果只好一咬即棄。另一道煎魚蓉豆腐餅，賣相又是跟酒樓煎魚餅一樣，外皮尚算煎得香口，但內裡卻無比軟腍，魚蓉少，豆腐味淡淡的，感覺奇奇怪怪，說美味不是，說健康又太油膩了。最後上檯的紅菜頭豆腐，厚厚的賣相，友人笑說是煎午餐肉，味道方面，跟豆腐餅一樣的外脆，唯一咬下內裡的豆腐，會令人立即變「囧」，只能說豆腐鞋過「不灰鞋」，豆味只得一點點，徒具創意，周中話齋，難吃都要比一分。我唯一滿意的是凍原味豆漿，滑入喉嚨，質感竟極似「維他奶」，「少甜」下仍感到有點點豆味，收貨。除非你對以上介紹的創意小吃好有興趣，否則

一向被視為老餅工業的豆腐店,這一次由"豆腐主義",來一記"古老當時興",將老態龍鍾的豆腐工業,全面年青化.但是荃灣店的地點,仍然是在街市之內.裝修比那些義香,公和,廖同合光鮮得多,年青化嘛,門面當然要光鮮一點.店名更有英文名"Tofulism",是那些幾十年老字號有所不及的.全店皆腐,真是想得出都做得出.平時想也想不到,連豆腐都可以用來整腸粉,在豆腐主義裏面,講得出,做得到,但做得好不好,要吃過至知.便來個鮮肉豆腐蒸腸粉吧.誰不知,腸粉一夾就散,眾人夾一下,腸粉變成已解體的飛機,內裏的鮮肉豆腐餡,十足似我們平日吃的老少平安.很佩服店方的創意,將豆腐與腸粉二合為一.或者因為專注在豆腐方面,結果將腸粉皮的質素忽略了.豆漿選擇亦多,有芒果豆漿,有涼粉豆漿等"騎呢"之選.小弟取向穩陣,只要一杯黑豆漿,其質感不算很濃,喝下去還有點點豆香,與我最愛的義香黑豆漿相比,還差一段不短的距離.煎豆腐魚餅尚算煎得香口,身邊的友人均說很油,與這間奉行簡約,健康主義的宗旨,有點背道而馳.另一道"店自慢",是煎紅菜頭豆腐,外表似厚切午餐肉,其實是將紅菜頭,一早與豆腐融為一體,所以豆腐顏色同午餐肉相似.不過食味就差