Tokoro爐端燒日本料理及威士忌酒吧 (Closed)

食得放題多, 試下朗豪酒店日本餐廳, 睇下係咪相差好遠先。搭lift時忘記幾樓, 同太太研究中, 酒店職員已代勞。踏入餐廳只得兩位人客, 可能時間尚早。頭盤先來一個壽司拼盤,質素尚可,洞庭烏冬不錯, 但同759差唔多, 串燒雞肉算是最好, 醬汁味道非常惹味, 重頭戲是龍蝦天婦羅, 炸得算少油, 但味道略淡。總體來說, 以$1000兩位, 有龍蝦, 有串燒, 有壽司, 算不錯了。

公司高層請食飯，先有機會黎呢D高級地方食野...一個lunch set最平都$200左右，自己食真係會唔捨得。不過以酒店餐廳計，200幾蚊又唔算貴嘅。餐廳裝潢、服務、餐具擺放等等細節都有酒店水準 餐廳用ipad顯示menu~看似高科技、追得上潮流，不過個人來說，整一份漂漂亮亮的menu，會比把menu scan進ipad更顯高級.....(笑)Menu比想像中多，有兩版ipad(笑)，各式魚生飯、燒物、炸物、仲有比較少見的鰻魚飯定食!!鰻魚飯定食 ($218)定食有沙律、關東煮前菜、三文魚魚生、主食、甜品，好豐富的course。主角的鰻魚好大條，飯都幾多。鰻魚好鮮味同厚身，令人非常滿足。個鰻魚燒汁好正宗雖然不及在日本的鰻魚飯專門店吃的香和新鮮，但酒店日式料理店用高級食材、烹調技術所製的鰻魚飯已經是物超所值的美味以其食物質素和份量來說，其實都算幾抵，只要你是用dinner budget來吃這一餐lunch，真係差不多啦。不要忘記，他們是在提供酒店級數的服務。食過一次高級lunch......會唔會令人更上進呢?諗起lunch如果可以成日食咁好食嘅野，即時動力大增?(笑)或者可以考慮，將

又有生日飯局要出席，今回是Langham特約飯局。壽星女是Langham Supper Club的會員，生日收到一張優惠coupon, 可以於三間Langham旗下的食店其中的一間享用免一位的優惠。三間食店包括:1. 朗廷酒店 The Food Gallery 自助餐2. 逸東智酒店 Metro Buffet & Grill 自助餐3. 朗豪酒店 Tokoro 日式早午放題仔細分析下，發覺：- The Food Gallery 開飯網已有自助餐七五折coupon可下載使用。- Metro Buffet & Grill 本身經常做自助餐半價團購，跟本犯不着使用生日coupon。經考慮過後，最後選取了剩下的日式早午放題 - Tokoro早午放題在十二時開始。我們於十一時四十五分左右到達。食店尚未開始營業，侍應生雖然看見有食客已經抵達，但顯然沒有打算先把客人放進食店座位就坐的意欲。沒辦法，唯有先退回酒店大堂坐下，等到分針指正12點時才動身再次前往。一般標準的二人餐枱都是面對面而坐的小長方枱。可能我們差不多一個月前已訂坐，可以獲得較大的機會被分發一些較佳的座位。是日二人便被安排進駐一張足夠五人

訂位時已說明是生日飯, 請幫忙預一個好d既位置, 當時接線員已經答應安排。點知一去到是安排一個清潔廚房既出入口位, 我問點解會咁, 佢地話我無接到佢地既confirm電話,我檢查我手接漏電話只得一個 "3115 82xx" 但絕對唔係訂位既電話 "3552 33xx" 同埋我再打返轉頭,電話係唔通既。但亦無佢地既留言話請 confirm or 取消我既訂位。 等左30分鐘, 終於轉咗個好d既位 到點菜, 睇住ipad菜俾, 入面份量表達抽象"20g", 並無註名一人, 一份, 一條, 一串,...。我第一次食, 唔識預4人既到份量, 咁我就話唔該要4份丫, 此時落單員立即無禮貌大聲悔氣地呼喝咁問,你係要1份定4份 。我第1次去, 同埋唔清楚, 係未應該要同客人細心解析一下喔。 

正如題目所講，真係好耐冇食過好吃的鰻魚飯。這次是我第一次來朗豪酒店「Tokoro」吃午飯，感覺上走時尚的路線，有爐端燒吃及威士忌、清酒吧，點菜都是用iPad去展示，甚有型格！「鰻魚飯定食」$208其實在未點菜之前，我已經想好要吃鰻魚飯了！定食附送沙律、前菜及三文魚刺身，沙律似是凱撒沙律，有很多脆卜卜的煙肉，加上酸的沙律汁，醒胃。到主角鰻魚飯，我覺得重點是鰻魚要燒得焦香，外面充滿鰻魚汁，內裏的魚肉仍能保持軟熟，還有當然是不會吃倒那些討厭的細骨，我覺得這幾項它都做到了，好吃啊。「刺身定食」$258友人的選擇，這個我沒有試吃，不過我吃自己的三文魚刺身，新鮮度高，亦夠肥美，整體食物質素屬中上。最後甜品有「蘋果菓凍」，的的骪骪幾啱夏天吃：整體服務非常有禮，環境也幽靜，可算是旺角區的一片飲食綠洲。午餐的消費不算便宜，但偶爾來一次豪氣來獎賞一下自己，也不算過分呢！

因為有張800元VOUCHER 7月頭到期, 所以一有空檔就2個人去食O左去, 唔好SINE~BOOK O左1點, 叫O左個498元的套餐, 同埋一個刺身定食, 約2XX元~因為掛住傾計同食O左關係, 所以唔記得影相 1. 煙帶子沙律: D菜OK, 但D煙帶子麻麻, 可能係唔岩我口味.2. 刺身: OK, 夠新鮮.3. 大蜆清湯: 呢個又係麻麻, 個湯真係好清, 清到好似飲水咁, 隻蜆自己買D 沙白返屋企 "陸" 下佢都有咁O既效果.4. 燒野拼盤: ROBSTER OK, 和牛同粟米無食, 俾O左我朋友食, 銀雪魚出事了, 我食O左1啖, 覺得佢O係變O左.... 我俾少少我朋友食, 佢話'無事喎~', 咁我照食LA, 但今日醒起, 我朋友係食唔出D野有無變, 事關有時D 餃子變O左時, 佢竟然全部食哂..... X_X5. 鵝肝旦: 呢個好味, 旦好滑, 鵝肝味濃~6. 壽司飯: 太飽, 食唔落, 俾O左我朋友食, 我食O左上面D 三文魚, 都係好新鮮的.7. 甜品: 雪糕好味, 不過我個人唔鍾意食芝麻, 我朋友個啫喱都好味, 不過, 啫喱又好難會整得難食O既~2個人埋單補返31

和一眾好友眾餐，開飯於朗豪酒店Tokoro爐端燒。店內裝潢和風味不重，環境清淨，閒聊用餐不錯。是日有專人負責點菜，大家可以用心閒聊及等待美食。前菜吃了帶子沙律及凍蕃茄，帶子沙律的沙律菜切得略碎，帶子量少不甚突出。凍蕃茄大大個，清甜酸香。刺身試了三文魚、油甘魚及鯛魚，價錢不便宜，鮮度理想，口感味道俱不俗。至於日式卷物，質素比預期遜，單是不脆紫菜已扣分不少。串燒小吃雞軟骨，香身脆口。燒鯖魚同樣不錯，魚香甜美。燒大蝦味道OK，肉質稍稍不夠爽口。醬燒黑豚肉軟腍肉香乎預期，亦可一試。雜錦天婦羅成品還算甘香，脆漿稍厚，控油水準合格。雜菜豚肉鍋豚肉食味都算濃郁，菜蔬份量質素無驚喜。主食清湯烏冬，滑口質軟，OK喇。店員服務都算勤快，合乎酒店水準。

There is a reason why this place is empty for lunch on a weekend in a busy part of town. The quality of the ingredients is so bad at this restaurant for the amount you are paying for. Even cheap sushi at a super market is better quality. We ordered a beef sukiyaki lunch set for $218 and it tasted horrible and lacked ingredients. The beef was hard and had this odor like it was not fresh. The sukiyaki broth was watered down and very oily. Look at the picture, is this quality japanese food for a h

我地遊車河遊到旺角，BF睇到呢到有信用卡優惠，而且免費3泊車小時，所以決定黎呢到餐廳喺LANGHAM HOTEL入面細細地既日本餐廳，燈光柔和，感覺幾WARM望出窗唔係好高，係上海街，所以冇咩VIEW但靜靜地喺旺角食飯，感覺都幾特別 芝士豆腐好特別，食落去係豆腐TEXTURE，但之後有CHEESE既AFTER TASTE! 夾埋酸酸地既DRESSING，好開胃!甜蝦都幾大隻同鮮味BF 點咗我最喜歡既銀鱈魚肉質好肥味，蜜味剛剛好，唔會太甜 LOVE IT!BF 點咗佢近期最愛既黑豚QUALITY一樣好好，燒得好MOIST，肉食起黎好香 呢個就唔夠之前係澳門新濠鋒既TENMASA天政做得好...炸得比較油，雖然脆漿唔算厚...烏冬都幾好，好滑而且有咬口

每次我們女生飯聚完都習慣性地會在附近找個地方飲杯野傾下計.今次來到旺角食完飯, 大家又來煩惱去哪裡飲野人會少一點.這時友人想起朗豪酒店好像有BAR, 大家便馬上跟著她一起去看看.上到去地方出奇的靜, 不似其實酒BAR放著很大的音樂, 嘈得沒法傾計.來到門口侍應說因為周末關係人比較多, 只剩下近門的一張矮一點的桌.不過地方還是頗寬敞的, 也有單人SOFA椅座.我們女生不太勝酒力, 還是點些沒那麼烈的COCKTAIL飲下.我一貫地要了STRAWBERRY FROZEN MARGARITA不過這裡的FROZEN不像沙冰的質感, 反之冰粒很大顆, 有點飲吃碎冰就是了.友人也是要FROZEN MARGARITA, 但味道改成香蕉的. 因為說很少地方可以嘗到香蕉味.不過來到時香蕉味超濃, 質感十分似奶昔, 也很杰的, 友人飲了半杯最後因為太滯頂不住放棄了.另一杯是另一位友人點的, 有朱古力的成份, 名字忘記了, 但朱古力的濃味加在酒內, 比BAILEYS更濃烈, 味道不錯.店內亦有小吃提供及添加, 這晚的是蝦片跟甜爆谷大家都很喜歡這家店的氣氛, 而且不太嘈雜可以輕鬆傾到計.最後大夥兒傾到12時多才

因為在這裡的宴會廳舉行宴會，所以得到一張現金餐飲券，可以選擇吃自助餐和日本菜，自助餐我們一向麻麻，而且我看評語也不算特別好，所以就選擇來這邊。其實兩年多前我們來過一次，記得那時好像在做promo，九點後食物有折扣優惠，忘了是不是半價，但對於食物的質素如何已經印象模糊。訂了七點半的檯，其實訂檯的時候鬆弛忘了說我們有禮券，看真一點原來禮券寫著公眾假期是不能用的，還好店員很體諒，說既然來到就讓我們試試他們廚師的廚藝。店員帶領我們坐在窗邊的位置，餐廳中間有兩個用木做成的圓球座位，很特別，我記得上一次來就是坐在裡面。 餐廳的餐牌改用了ipad，其實只是把餐牌scan了放在裡面，如果設計成多圖版，每款食物都有製作品的照片或者我可以直接在ipad選了想吃的然後直接落單，否則我覺得用ipad也沒什麼意思，拿實物餐牌反而更好。綠茶($60)。除了綠茶其實這裡還有玄米茶、煎茶等等，一壼賣$60其實都幾貴，因為我也喝不出有什麼特別之處，不過餐廳不見得會主動提供茶水，所以一定要點。溫泉蛋芝士豆腐沙律($68)。溫泉蛋戳開，蛋汁慢慢流出來，與淋上柚子沙律汁的生菜混合起來，生菜爽脆，味道清新帶點甜味， 芝士豆腐很

幾乎每次到旺角朗豪酒店都是為了在明閣飯聚，於是這日我們搞搞新意思在朗豪酒店3樓的Tokoro餐廳吃日本菜。店內裝修簡約、地方打理整潔。其中部分座位如鳥籠般頗特別，如果人數不多，可以考慮訂座時指定預留。'翻'過menu - 其實不是翻，因為這店用ipad代替一本本的印刷menu。我們從午市定食中選了網燒牛肉定食（$218）和燒銀雪魚定食（$208）。這裡約有10多款lunch sets，定價有$168起至$288。先來酸酸前菜和清新沙律來醒醒胃口。另外原來每套餐亦有一份三文魚刺身。刺身厚切，味道算鮮美。接著到主菜網燒牛肉。這個主菜不單賣相有點凌亂，而且肉質稍嚡，煮得過熟了，失望。點了燒銀雪魚做主菜的朋友也說他們的魚燒得過乾。最後甜品是黑芝麻奶凍。吃起來很滑和有淡淡的芝麻香，亦不會過甜，不錯。總括來說，這餐的食物只屬十分一般，至於服務，雖然是合格，但如以酒店的水準來說又可說差了點細心和貼心。以這價錢，要吃個日菜午餐可有更多好選擇，所以再訪機會應該不太大了。

之前來過吃午飯，覺得水準不錯，便把名字記進腦子裡。今天，要跟老友吃些東西傾點事，需知在旺角很難找到個地方食物及環境俱佳的，尤其是日本料理，所以便提議前來。沒有預先訂位，直接衝上去碰碰運氣，可幸立即有得吃，甚至是可以坐靠窗的位置。甫坐低，四周望望，未知是否時間尚早，發覺吉檯比客人還要多，還記得上次來並不是這個情景的，莫非一段時間沒來，水準大跌Watt？還是不想太多了，徬徨也是沒用，只會影響用餐心情。既來之則安之，看有什麼東西好吃罷！印象中上次仍是用普通的餐牌，如今已換成I pad當Menu了，餐廳也該學懂與時並進。先來點小食作熱身，按老友意見，要味燒黑豚肉卷。兩片捲起的豚肉，墊著些菜，賣相有欠吸引，而且份量真的少，以百多元的收費去計，似乎不太值。黑豚肉燒得唔夠香口，同埋味道頗咸，很是一般，或許有杯啤酒會好些少。另外的小食比較豪華一點，是燒龍蝦配海膽，端上來似樣得多。龍蝦肉燒得香，吃起來爽口，質感富彈性，海膽即鮮美，沒丁點腥味，以龍蝦肉沾上汴膽來吃，滋味無窮。老友想吃壽司，便叫一客壽司拼盤，到底是什麼壽司，就等師傅發板好了。拼盤分開兩碟上，率先享受的是熟蝦壽司以及青瓜卷。前者飯糰握得麻麻，

原來已經1年多冇寫食評,回歸第1篇,就由元宵節開始,其實,冇特別去慶祝,即興即日訂檯,竟然有位.唔係第1次黎Tokoro,比較喜歡其熟食,多過魚生.由於只有我食牛,所以放棄叫牛1. 龍蝦火鍋,300幾蚊,以酒店價而言,算抵食,可惜煮得老左少少,少量烏冬配菜,不錯2. 大蜆清湯$88, 雖然只得1只大蜆,但鮮甜,不會煮得過火,好飲3.串燒類-燒雞軟骨,我們的最愛,乾身惹味,大荵雞串,一般,燒日本青椒,我比較喜歡少一點的調味,哩度合我心意4. 是晚日本黑豚肉扒冇貨,唯有叫黑豚肉串,燒得剛剛好,保持肉質好juicy,是晚的亮點,對比下,明太子雞翼便顯得好普通5.冷喬麥麵-朋友仔最愛冷麵,覺得這裡的喬麥麵的確比較彈口服務好好,推介之餘,不會hard sell, 但我還是比較喜歡用傳統menu,多過用ipad

Hi,We Went for casual lunch in this restaurant. We ordered 4 set lunch and each of them cost over $200. We all agreed that the food quality is pretty average. One big drawback is all the staff are day-dreaming in the restaurant. They gave me the bill when I have not asked and then the second time when I want to order some dessert, she said "Mai Dan?" I was astonished and I finally did ask for the bill. I guess the only good thing is the hotel is in MongKok, and the place is comfortable.