東京築地拉麵 (Closed)

繼"武骨"後, 屯門又開拉麵店某一天見到小巴的廣告才知道開了新店.. "黑夜拉麵"即係夜晚某鐘數後又平一點我們2人, 坐bar檯, 面前有調味料架叫了2個拉麵, 分別是豬骨湯豬軟骨拉麵 及 豬骨湯叉燒拉麵湯底都算不錯, 但比起出面不是連鎖店的拉麵店不夠好叉燒受豬軟骨都好好食! 唯獨是........ 拉麵有梘水味..........我最怕的 梅子冰 -- 即是凍的酸梅湯可以再去的...

同家姐lunch到這新的拉麵店食lunch, 唔洗等位, 去到即時坐低~ 拉麵都係正常屯門價錢$50-70都有~ 我叫左黑鬼濃厚豬骨湯叉燒拉麵, 但係個湯一d都唔濃, 完全唔似食緊拉麵..似食緊公仔麵多d~ 個湯完全唔合格, 無豬骨味, 好似溝左好多滾水咁...

下午茶築地拉麵～點了個豬軟骨拉麵，再配個酸梅特飲。因為是下午茶的關係，所以份量少得很，肉只有一片，配料也流於稀疏～不過湯底質感真的不錯，（餐牌說這是熬煮過五次的豬骨湯底），很有豬骨味，那僅存的一塊肉也醃得很好，入口即溶！整碗麵吃起來是享受的。酸梅特飲，也很好喝，裝飾也很別出心裁，酸梅消食之效也可以減輕一點湯底的油膩，可值一試！

兩個人走去試一試個"黑夜拉麵" 先，即係晚上九點半(21：30)後入座，埋單有半價！！店內面積唔算好大，座位不多，等咗大約10分鐘，被職員安排坐在四人枱，要和陌生人一齊撘枱啦！！冷氣唔係好夠囉，可能人多。個拉麵味道唔錯！至於啲豬軟骨真係好入味同好淋。而個炸蠔，雖然細隻啲，但係好新鮮。我地食咗兩碗麵加兩個小食，埋單$120都唔駛！！

還在沒掛三號前到了屯市。。試新店。。在旺角的築地還沒試過呢。。不過也不算試新菜。。下午茶 menu 價錢也差不多。。有六款拉麵。。其中三款是醬油湯底。。另三款應該清湯底配飲是熱綠茶及汽水供選擇。。加 $6 可選特色飲品。。記得上手店好像是糖圓圓。。這次築地把能坐的位置好像劃分得不錯。。調味料區也很齊全。。其實我分不出醬油湯底及清湯底有什麼分別。。顏色不同？我覺得味道差不多。。上檯也夠熱。。但湯好像很多油。。豚角煮也很軟身。。下午茶的份量當然少了點。。輕食者較適合。。加了 $6 飲梅子冰。。名乎其實是酸梅湯。。上面還加粒酸梅。。咬一口卻感覺到有少許酒的感覺。。立即放進梅子冰裡。。酸酸甜甜的味還可以。。希望下次可再試試小食。。

之前病左......睇完E生太夜..就同媽媽去食"黑夜拉麵"是關媽媽同爸爸去食過,,,,咁就是但啦~等左15分鐘左右就入得去~~~因為唔想食太油...我都係睇下圖邊個個樣似無咁油啦...果然...圖片只供參考....我叫個碗仲油過我媽媽個碗........= ="之後我就同媽媽交換...6/10原先E碗係叉燒...乾到呢D肉.......個湯頭又油..........5/10我食左E碗係豚肉......唔太差呀D肉.......不過個麵好大陣鹼水味..........D麵質又太淋......... /_\ .........so sad...........

築地第三間分店係屯門開左揾左個下午去試一試tea time 人都唔少 我一個就坐bar枱tea set有五六款選擇 我揀左豚角煮醬油拉麵 加六蚊飲梅子冰係築地食野一定要等得我order到杯野飲黎 都差不多十分鐘呢杯和歌山紀州梅子冰我係貪得意叫 因為未試過梅子冰 點知中伏飲落去酸咪咪都okay 但慘在有種中藥既味道 好似飲緊苦茶咁可能我真係唔buy梅子冰既味 唔岩我再過多十五分鐘 碗麵終於黎第一件事先試湯底 um...其實係好味既 夠濃但唔會太鹹太油而麵質比較硬 我好buy 其他人未必鐘意至於塊豚角煮 睇落個感覺好鞋我到最尾先咬左一啖皮個度好滑 而肉既部份的確比較鞋但塊肉好入味 值得贊碗麵整體係唔錯既 但我覺得欠缺驚喜下午茶四十幾蚊埋單我都覺得抵畢竟普通食碗拉麵都要成百蚊但叫我俾正價黎食就絕對唔會等得耐絕對係一個缺點由order到碗麵黎要25mins其間有個阿婆趕時間等唔切唔食走人要黎食絕對要有時間同耐心

有友人報料話屯門有新拉麵店，前天放工後做完修眉後，就去了屯門時代廣場地下，近尚書坊對面，位置好易揾，我去到時間，客人不算太多，亦唔使等位，我入座後，築地比麵屋武藏平D，今次試了北海道牛奶叉燒拉麵（58元），個湯都幾好飲，又唔太咸，有D牛奶味，叉燒只有1片，我覺得好食，拉麵就一般啦，另外，叫了蔗汁冰（22元），比普通蔗汁無咁甜，服務都OK啦，環境都OK ,地方不算太大，坐得舒服味道：我覺得唔錯，豬骨湯好飲，拉麵一般，唔夠爽囗環境：地方不太大，還可以，坐得舒服價錢：平均68元，有加一收費，今次叫埋飲品，88元1位屯門而家多了拉麵店，屯門市廣場有5間，除了丸龜未去過，其他先後去過，好唔好味見仁見智，暫時覺得抹茶館好食D

屋企樓下的築地拉麵開張超過一個月，一直沒有機會試試。 是日自己一個，來到時正值開飯高峰時間八點正，所以一個人也要等位。等了十分鐘，被安排坐在二人枱，和一個陌生人撘枱（我情願坐吧枱）。不過也不要緊，我吃麵的速度非常快，就來個速戰速決好了！打開menu，全是滿滿的相片，也有介紹每款拉麵不同之處。很快就選好落單，因為第一次光顧的店舖一定是點最基本的那款，這裡的是黃金豚骨湯叉燒拉麵。值得一提的是店子提供的麥茶，那杯茶的溫度實在太高，杯子燙得拿不起。見另一位食家也有相類似的情況，店家應要改善一下了。拉麵等了約十分鐘，因取名為黃金豚骨湯，因此對它有一點期望，以為會是一碗很濃郁的湯頭。拉麵來了就急不及待先試一口湯，結果令我很失望，既沒有豚骨香，也沒有濃稠黏口的感覺。湯頭的油脂不算多，望落算清的一類；肉味也不覺濃，不過溫度方面則不錯，吃到最後還是熱的。這款拉麵的配料有少量筍條和粟米、半隻玉子和兩片叉燒。單以配料的質素來說，我覺得是合格的，雖然並非非常出色，但比湯頭和麵條好得多。叉燒是圓形薄片狀，肥瘦肉比例大約是三比七。雖然瘦肉為主，但肉質淋滑，沒有乾的感覺。當然帶有肥肉的邊緣部分味道更佳。另外，叉燒的

曾經聽妹妹講過位於旺角的東京築地拉麵的拉麵很美味，但一直也没機會去試。有次行經前身是”糖圓圓”的糖水舖時，詫異地發現已易為東京築地拉麵，心想毋須專程去旺角，在屯門已可品嚐到她們的拉麵。由於公眾假期的關係，而且店內面積小，座位也不多，需要等位的時間也相對長，約半小時左右被店員問及可會介意坐吧枱，老公和我都異口同聲說没有問題，在吧枱吃麵更有風味和可近距離目睹廚房的情況！我們點了黃金豚骨湯叉燒拉麵和鹿兒島醬油湯豚角煮拉麵。等了約10分鐘，黃金豚骨湯叉燒拉麵先上，濃稠而奶白色的熱騰騰又充滿骨胶原的豬骨湯底，老公吃後說湯的膠質豐富，黏住了整個嘴巴。拉麵裡的叉燒算是大塊，配料有粟米粒、竹筍絲、木耳絲、糖心蛋。麵條相當彈牙，煮得軟硬適中。再等多幾分鐘，鹿兒島醬油湯豚角煮拉麵終於到了，醬油湯味道濃不過咸，有2大嚿豚角(五花腩)，配料有竹筍絲和紫菜。豚角做得很入味，放入嘴裡表層先溶化，下截的瘦肉略嫌較硬但吃起來没有渣。比較同區的拉麵店，價錢算合理，質素方面也不俗。下次想吃拉麵，這兒可是我的首選！

今日來屯門，女友話市中心開了數間食店，咁就晚上看完戲就去吃，21：20行到門口已見人龍，估唔到咁旺，向店員了解後，原來搞了「黑夜拉麵」，凡21：30後入座，就埋單半價，咁正既優惠唔試唔得喇。吉烈生蠔…一落單就送了過來，好快，仲要是岩岩炸好，一咬就爆汁，辣到條舌頭，但又幾好味喎豬骨湯豬軟骨拉麵…豬軟骨夠「林」，夠味，赤湯叉燒拉麵…望見賣相已嚇人，最後無勇氣去吃，但女友話好香，我喜歡店內的座位，坐得舒服。

縱使我近乎每一天都在屯門市廣場行來行去，不過連接隔離的屯門時代廣場就好少逛，最常去的只有在一樓的稻香及商務。是日下午搭506巴士出屯市，在屯市巴總下車後，肚子感到餓，遠處看到魚米家附屬的小食店，便順便去八一八有什麼好吃，最後給我發現到的是前糖圓園的位置已改變為一間拉麵店﹗那一刻我都好驚訝，因為還記得上次在這裡第一次食糖水只是四個月前的事，現今的食肆真是快來快去...直到晚飯時間，我們對於屯門市廣場入面幾間新餐廳也找不到共識，然後我提議去食拉麵，友人OK便即時出發去了。七點鐘的時間，在門外已企有十人八人，新店子受歡迎，所以等位乃是正常的動作﹗無所事事的我便在門口看看單張及餐牌。拉麵款式都有不少，更有小食及飲品，所有食物定價是中上，整體上與同區的麺屋武蔵都差不多。入到店內，幾位女店員都會高叫"歡迎光臨"(疑是日文版音調)，算是有些氣氛。店子不大，裝潢如同一間日本拉麵店的經典格局。座位是以二人和四人枱為主，當然都會設有單邊對住廚房位。(及後發現坐廚房位才是最好......)因為我們與另外的二人組合被一齊安排坐在同一張四人枱，攪笑的是店員叫我們二對二的打橫坐，即是面前那一位是自己不認識的。餐牌