唐記包點

Open Now

Now Closed

唐記除包點及盎頭飯外還有碟頭飯水準都不錯今天試了它的魚香茄子飯及老火湯水準依舊保持到一定水平雖然說是魚香茄子飯不過魚香的咸香味其實不足再加上它放在保溫櫃內一段時間肉未及茄子都已燜到跟汁融為一體但味道上是不錯很好送飯而飯也是在保溫櫃放了好一陣子飯絕對不算硬也不能說是軟糯有飯香但絕對不會是珍珠米的了老火湯反而比飯來得真材實料的味道沒味精問題,很有原材料煲出來的味道唐記絕對是偶爾一吃是不錯始終它的碟頭飯油量真是下得有點重而且汁有也明顯有用肉香精來提味的味道但作為這價錢這水準是給過的了當然對比起早年推出碟頭飯時還是剛推出時質素比較好只能說作為平價飯這區是沒有什麼對手的了而說到要吃得健康嘛,它絕對是不會首選吧光是看它的油量、肉香精味道的汁及肉末的口感都可知一二但絕對是糧尾及草根階層的思物,這個價位已沒什麼好挑剔了

唐記包點近期同很多卡通公仔聯乘合作，繼之前嘅my melody、角落小夥伴之後，今年適逢布甸狗25歲，推出以布甸狗造型的包（兩款表情）及印有布甸狗樣的焦糖布丁燒，兩者不但外型吸引，味道亦不錯，前者的餡料是奶黃，香甜而不膩，質感有啲似吉士，軟綿綿的，至於焦糖布丁燒，雖然外型無前者咁吸引，但頂層印咗布甸狗親切笑容嘅樣，為本身平平無奇嘅布丁加了不少分，味道也很不錯，雞蛋布甸幾香蛋味，質感細滑，連埋底層嘅液態焦糖一齊食，完美配搭👍🏻不過要買的話要問定職員幾點返貨，校啱時間，因為好快賣晒🙈

🥟素肉菜餃 唐記包點🥟•唐記包點出咗素食系列一排，噚日經過順路買盒素餃同素飽返屋企第二日做早餐試吓。•餃子打開盒時扁扁地賣相一般，個飽就保持到個樣。蒸完出嚟，素餃餡料份量足，皮口感似蝦餃皮，煙煙韌韌，水準不俗，加埋少少辣椒醬仲好味。•之後到試個包，好彩我先用刀切開個包（因為打算影張相），切開一睇，攪乜係真菜肉包嚟㗎？唐記阿姐畀錯咗包 😅。咁下次有機會先再試啦。•又一間連鎖快餐店提供素食系列，而且價錢親民貼地，相信對素食普及化會有幫助，我哋素食者亦都方便好多。

之前知道呢度嘅搶手款Melody麵包經常售罄，有一日好好彩行過見到，二話不說一定要買返去俾老婆食。 包款有紅豆包melody 造型 亦都有圓形款嘅菜肉包。紅豆包Melody有少少貴$18 ，不過唔緊要啦氹老婆開心最緊要🥲更加重要嘅係一包難求。 菜肉款嘅Melody包$9 比平時貴啲啲。雖然紅豆包款比較貴但係呢分量十足，老婆話食一個已經好飽。其實我哋仲見到有Melody點心賣，不過嗰日去到已經賣晒lu🤦🏻‍♂️我欣賞唐記成日都會推出一啲新款包點👏🏻 例如之前出過阿華田包。 好有創新精神

最近得知唐記出melody包，睇相已經俾佢深深吸引住，路過唐記打算買時，＂吓，賣晒😱＂，如是者幾日來，出街經過唐記就問，終於俾我買到了，太好了，原來好似話每日得十個，早上一早好快賣晒，今日終於俾我買到，個袋已經係melody來，加上個盒同包裝紙也是，太靚了，打開一睇，哇😱造型也太靚了吧，真係唔捨得食，攞去蒸完，影埋相，不捨之下也要食，內裡有很多豆沙，唔太甜，好味，另外也買了蝦餃及菜肉包，兩者質素也不錯，有外表也有內涵👍🏻店內服務態度又好好👍🏻

今日要搬屋，所以落去粉嶺名都買飯同包點醫肚，真係又平又抵食。買左香芋包、紅豆包，阿華田包，上次食唔到既阿華田包，今次食到啦，阿華田唔會太甜，而且仲係流心，阿華田味夠濃，3款包都好鬆軟，唔係食空氣每次都會必買既砵仔糕，因為得佢先做到多豆。。 蝦餃同鵪鶉蛋燒賣，蝦餃個皮厚薄適中，蝦肉都爽口彈牙，鵪鶉蛋燒賣口感不會過實足料糯米雞，入面材料豐富，飽肚之選，夠大隻。阿華田奶茶，今期限定，奶味重，夠滑，阿華田味夠濃。

最近唐記出左新系列-柯華田系列，成個IG都係柯華田流心包同柯華田奶茶嘅Post，我屋企附近果間成日都好早賣曬，今次咁岩去粉嶺終於比我買到！！包有熱有唔熱，即食就當然要揀熱，但若然拎走似乎買凍嘅比較好，拎著會無咁熱🤣叉燒包係家人最愛，餡夠多而我緊係比較中意阿華田流心包，好味到差不多晚晚溫書都食番個做宵夜蒸會比叮好味D，會較鬆軟同流心效果較佳但就時間耐少少即使凍飲阿華田味都好濃（一般來說阿華田凍左會無咩味），而且奶茶味又唔會被蓋掉，更添香濃幼滑感😋😋😋😋

同事託我買飯盒，咁順便買埋自己個份，唐記蒸飯$27一盒，有幾款口味揀。中午都幾多人黎買飯，但姐姐好熟手，排一陣就買到了，仲好有禮貌問要唔要菜同豉油，原來豉油可以要醬料包自己加。買到返公司仲熱辣辣㗎煎蛋牛肉飯自己要左呢款，貪佢有隻蛋呀～鹹魚肉餅飯同事嘅鹹魚，幾香喎，佢話啲鹹魚無骨，鹹鹹地好好下飯。鹹蛋肉餅飯另一位嘅鹹蛋，有成隻鹹蛋黃，鹹蛋黃控嘅同事表示滿意！豉油包，食先落豉油就唔怕啲飯浸住哂啦。自己個牛肉餅，仲有芫茜係入面，啖啖肉軟腍幾正。加埋豉油就更好食啦，豉油撈飯不嬲都係絕配。煎蛋配豉油都係perfect match黎，簡簡單單最好味。27蚊個飯真係好抵，無飯帶又唔想出街食嘅首選！

經過由 6 - 10pm 返工日子，今天是星期六，但習慣了早起床又睡不著便買早餐吧～ 剛好在粉嶺名都廣場的《唐記包點》新鮮出爐了！ 而且精選蒸飯及凍飽優惠好’抵’ ！ 鳳爪排骨飯 HKD 27鳳瓜、排骨份量都足夠，鼓油自行調節，而飯粒軟硬度適中。 金錢肚 HKD 18 很入味又棯，老友記也適合 奶茶 HKD 12 、 黑芝麻豆漿 HKD 9 有支裝飲品選擇山竹牛肉 HKD 18 共有3粒，牛肉球很大粒又彈牙，最緊要脂肪不多（任何包）奶皇包 + 沙嗲牛肉 只是HKD 15 放耐了，如流心蛋黃更好。 沙嗲牛肉包味道不錯，內裡很多料。

明日一早要早起出門驚到時食唔切早餐，聰明的媽媽叫我落唐記買定凍包，明日一起身就蒸來食呢間凍包做緊特價15蚊有2隻👍nice,岩曬我簡緊包果陣，聽見好幾個女仔黎問有冇阿華田包出於好奇問下職員係咩黎原來唐記新推出期間限定- 阿華田流心包嘩， 限定版仲要係我鍾意的阿華田當然係不得不試啦可惜職員話賣曬，日日一蒸好就賣清光下輪要等超過半個鍾，好彩岩岩有包番貨職員買我要唔要凍的自己番去蒸甘搶手當然要買番個😏除咗包之外 仲有呢一個新搞作阿華田奶茶阿華田味濃 配上香滑奶茶，兩者味道出奇地融合又唔算甜,非常岩我鵪鶉蛋燒賣出面茶樓已經買少見少，呢度居然有一件一粒鵪鶉蛋 配上豬肉包成燒賣底層仲鋪左腐皮番家蒸左8分鐘， 阿華田流心包終於有得食麵包軟綿綿,流心阿華田馅爆漿明天的早餐🤭黑芝麻蓉包 紅豆包 榨菜肉包 香菇雞包

星期六訓醒唔想煮早餐，貪方便可以揀唐記，排骨飯係首選因為有肉有菜有飯營養之選！排骨唔肥而想健康些就食少d飯！留個肚可以食埋鵪𪂹蛋燒賣，因為怕膽固醇高一家人些牙食就最滋味。其實唐記固定班底嘅點心都好有水準，而鵪𪂹蛋燒賣係我地一家必選。怕下午餓買定d包食，其實包點趁熱食最正，不過有時要番工或者買定下午茶有時都會凍左，蒸番熱或者叮熱都無失水準架。今次揀左本人至愛糯米卷暖笠笠飽肚，馬拉糕太耐無飲茶所以想食，香芋包餡多足料，而香蔥包就是媽媽至愛唔似食曼頭咁寡！

講起唐記包點， 一定會諗起佢係早餐店之選！ 但今次我就唔係早餐時間買, 而係收工時間去買啦！ 原因今晚有人懶得煮飯！我買咗窩蛋牛肉飯 ,唐記包點將牛肉片變成肉碎餅 ，食落好好味，有牛的香味！單牙易入口,就算打包返屋企,溫度都能保持！另外當然唔少得包點啦，最鍾意食就係叉燒包。 而且呢一間唐記包點，可以買未煮熟嘅冰鮮包， 返到屋企放入微波爐，或蒸爐就可以叮嚟食啦，好方便呀！叉燒包肉質鮮嫩,大大件夠飽肚 ！砵仔糕大件又多豆,好食過平時泰昌嘅缽仔糕, 甜度適中, 又唔黐牙！正！

最近出街出得多洗大左，所以唯有要開始慳番，出街食野就以平同飽為標準🤣番工之前經過呢間位於粉嶺名都嘅唐記包點，見到最貴嘅食物都唔過$27，份量又ok，於是就買曬一日三餐嘅份量番公司食😂🤣黑豆漿係出面比較少見，見唐記嘅黑豆漿又唔算貴就買左支黎試下🤣唔會好甜👍🏻11點番到公司第一件事就係食早餐😂食左個菜肉包加黑豆漿就夠飽🥰去到下午3點3又夠鐘食下午茶，就食左個馬拉糕同雞蛋牛肉飯，8嘅馬拉糕同茶樓10幾蚊得1舊嘅馬拉糕味道差不多，都係咁好食又飽肚。不過雞蛋牛肉飯我都係第一次見，味道都唔錯，又夠飽肚！去到夜晚緊係要食飯！咸蛋肉餅飯$27 飯粒粒粒分明，又有口感，肉又唔會過咸。食完一盒都已經有7、8成飽，再加個燒賣，正❤️

每到星期一，工作總係密密麻麻，由於聽日去旅行既關係，今晚又係簡簡單單一餐就算，諗唔到食咩既關係，又想快靚正、快快手食完執行李，我又去左我既食堂-唐記，近排真係食得好密，食過咁多間唐記，其實每間既味道都差唔多，但計服務，呢間真係最好，啲姐姐個個都好好笑容，好有禮貌，而且佢地啲動作真係好快手，今晚8點半去到都仲係排長龍，不過姐姐動作好快，唔駛等好耐已經可以買到，呢樣真係要俾一百分。今晚我買左個鳳爪排骨飯、蝦餃、鵪春蛋燒賣、雞扎同奶茶返屋企同我媽食，因為呢間店人流多，所以點心可以新鮮出爐，就算外賣返到屋企都保持到夠熱，本身都鍾意唐記啲點心，因為真係足料、又抵食又大碟大大件雞扎包住芋頭、豬肚、雞肉等，呢度既芋頭係好粉，而且大大舊，唔會瘀瘀黑黑，雞肉又係大大件；鵪春蛋燒賣就唔係度度地方都有得賣，一碟三粒，每粒都好足料又大粒；蝦餃我就第一次買，一碟三粒，皮夠薄，夠大粒，唔錯；鳳爪排骨飯就好正常，好多時我都會買呢個飯，因為貪佢有兩樣餸食，而且又會配埋椰菜都算健康；最後買左樽奶茶，糖分唔太高，無添加，最重要係都算幾滑。

今日早咗放工，但又唔想煮飯，經過唐記發覺佢嘅蒸包好抵！ 諗起今晚屋企人都唔同時間返嚟食飯，就決定咗用包包去完成今晚嘅晚餐！揀咗四款包，一鹹三甜！蒸完之後發覺佢皮光肉滑，仲要脹卜卜❤️想個個口味都試下，所以切開一半嚟大家share ，發覺佢餡料非常充足，絕對唔似得西式嘅包咁空氣感極重！黃～ 番薯包餡料極具番薯味，真材實料，有creamy嘅感覺！紅～ 紅豆包餡料，好似紅豆冰底下嘅紅豆料，好沙同時亦有原粒紅豆咬到！紫～ 紫芋包一樣好creamy，紫芋本身係非常飽肚嘅嘢，加埋個包包，真係十級飽！但咁好食，當然食得哂！😂肉～ 香菇雞肉包，雞肉好夠味，雖然餡料唔會好似以上三個包咁爆，但係都好夠，反而咁多個包當中我最喜歡就係呢個！另外，買咗大排長龍嘅蒸飯款式算多 ，價錢實惠！自己屋企好少整鹹魚，見咁耐冇食，就買咗個咸魚蒸肉餅飯，見到其實有好多菜配埋，啱曬一定要食菜嘅人， 食物balance其實好重要，而咸魚竟然係超級咸香，絕對係優質食材！讚呀！