丼吉日式吉列豬排專門店 (彩星集團大廈) (Closed)

日式吉列豬排餐廳丼吉經已聽過朋友講好多次，今日終於有機會黎捧場了。安排坐卡位仲有個簾遮住，私隱度大增。係同朋友食飯聊天的佳選。落完order 後首先上檯的前菜-八爪魚秋葵色彩豔麗，未食已經很開胃了。秋葵切粒放最底層，混合粒粒八爪魚，表面再鋪上木魚絲，成層次擺放。秋葵爽脆，八爪魚彈牙,秋葵的汁液和各種成份混合一起形成獨特的口感。好看健康好味。日式冷菠菜菠菜切段札成三大束浸在日式醬汁。菠菜已經完全吸收醬汁味道，入口清甜又伴有木魚絲的香味，菠菜沒有一般令人覺得‘傑口’的口感。處理得十分不錯。吉列薯蓉薯蓉食過很多，就係未試過吉列的。第一次試可以將薯蓉外層炸得如此脆口的吉列薯蓉。將薯蓉切開，仲聽到渣渣渣聲，裡面還是新鮮滾熱辣，有煙飄出來。入口外脆內綿。主角上檯1.特選進口生蠔配日本膠原蛋白對食生蠔有要求的我，進口的新鮮生蠔一定不能放過。加上並非單單生蠔，有日本膠原蛋白成份，一定要試啦。生蠔上面有粒粒晶瑩魚子和透明的膠原粒。生蠔爽甜加上魚子，簡直鮮上加鮮。再試下點了生蠔汁的生蠔，味道更上一層。食上癮。可惜一盤只有6隻。2）牡丹蝦雜錦刺身盛合除了牡丹蝦外，另外3款刺身-油甘魚，三文魚和八爪魚。 為滿

老細今日宣怖了我有份升職加薪，放工就同老公去食餐好的慶祝一番。這間位於尖沙咀以吉列系列為名的餐廳，裝修以和風格局而且私隱度較高。日本醋蕃茄蕃茄本身已經帶有酸甜味道，而經過醃製後味道放大，帶點淡淡的醋酸味，十分開胃。日式冷菠菜菠菜無了平時的鞋口鞋利的感覺，帶點微甜的醬汁，清新可口。八爪魚芥辣毛茄秋葵爽脆加上帶點微微芥末香的八爪魚，味道更可口。吉列銀雅豚定食吉列系列果然名不虛傳，外層炸漿很薄但十分香脆，即使食到最後都依然脆口，豚肉肉質嫩腍，而且肉汁豐富，不會炸得太乾。吉列神戶牛肉定食牛肉的油脂比較少，但入口鬆化，肉味略淡，椰菜絲可以配搭著紫菜汁或柚子汁伴食，前者酸甜開胃，後者味道獨特不常見。綠茶雪糕伴和菓子綠茶雪糕味道香濃幼滑，而和菓則煙煙韌韌，作為一餐的完結。

如果要食炸物，首選一定係丼吉！因為響公司附近，所以通常都會食lunch set!最好食一定係炸豬柳配炸大蝦，豬柳勁juicy, 大蝦亦冇欺場，一d都唔細！飯後仲有西瓜送上，好食！不過就一定要訂位, walk in好難有位！

nothing special about this place, the manager is cold and busy,waitresses are better.Food is average, quantity is ok but not tasty.Atmosphere is a plus.

呢輪係咁忙住趕死線，終於今晚交到功課，當然要慰勞一下自己，一於去食餐好嘅!  忽然好想食吉列嘢，雙腳不期然走左去呢間 有幸坐到卡位，有塊簾幕，私隱度幾好!  枱上放左各式醬汁，飲杯茶就開始睇餐牌提供前菜/刺身/吉列/甜品及飲品 (酒類都有)先黎幾款前菜開下胃口 :簡簡單單嘅一客日本醋蕃茄，面層再舖上洋蔥碎，蕃茄爆汁，味道酸中又比人一種清新感覺，好食!呢度嘅泡菜比起自己係超市買到嘅，無咁酸，反而帶點辛辣度，用黎與白飯一齊食，凍熱同感，偷你半碗飯量無難度!呢客八爪魚芥辣毛茄，有齊我歡喜嘅食材，將芥辣醬汁與秋葵及八爪魚粒混合，味道帶點辛辣，惹人胃口!迷子刺身組合(B)，相中係有吞拿魚，三文魚及帶子，侍應透露今晚吞拿魚來貨唔係幾靚，問改為油甘魚可以嘛?  當然可以啦!  三款刺身都厚切，食起黎夠晒口感，味道仲相當鮮甜!友人鍾情蠔，呢客吉列廣島生蠔係佢囊中物，亦有2款小菜及蜆肉麵豉湯一客有成5隻炸蠔，隻隻都係大碼級，炸漿同樣唔厚，內裏仍然有蠔汁流出，非常JUICY!  單食蠔味濃又帶點外脆內CREAMY，亦可點上他他醬，同樣好味!  友人表示食完幸福同滿足感爆晒燈!餐牌上有呢客吉列京都銀雅豚嘅宣

平常談起吉列豬扒，大家通常都會想起在快餐店或茶餐廳那種脆脆薄薄的一塊炸豬扒，但其實要做到一塊出色的吉列豬扒，並不是一件簡單的事，有時真的不得不佩服日本人的專注專業，普通的一塊炸豬扒可以深入研究，務求做得出色，而且還開起專門店來。最近筆者就來到一間元祖級的吉列專門店，這家店算是最早登陸香港的其中一家吉列豬排專門店，至今已達十年之久，期間基本上沒有可以取代到其殿堂地位的同行，能夠在香港這個競爭激烈的大環境下屹立至今，必然有其獨到之處。今次來到廣東道的分店用膳，位於十樓居高臨下外望市景，環境闊落簡潔，空間感強，旁邊設有一個個獨立的卡座，用上長型紅色掛布遮隔上半部位置，自成一角，就仿似在一個小角落內用餐，增添了私隱度，舒適自在；而每張枱也設置一個服務按鈴，需要時只要一按，店員們便會隨傳隨到，是個有效率而貼心的設計。叫得上吉列專門店，餐牌內八成也是吉列炸物相關的套餐，當然還有其他單點的前菜和刺身，選擇雖不算多但也足夠讓客人心大心細先來幾分錢才開唯一食爛豆腐日本冷豆腐再上調製。先來幾款前菜開開胃，日式冷豆腐，以日本凍豆腐佐上自家調製醬汁、葱粒、薑蓉和木魚絲，入口幼滑富豆香，冰凍清新，就像在吃冰淇淋

從來對炸物興趣不大的我，豬亦係我比較無興趣的肉類。吉列豬自然唔係我杯茶。但朋友仔開到聲，都去了陪佢一試佢心儀的新店。位於廣東道Apple Shop樓上，環境同裝潢都好好！有獨立卡位，又有鐘仔，私隱度十足。Menu上都係以炸物為主，我幾欣賞佢有不同的自選配搭，每種食物都可以淺嚐一兩件。醬料亦甚講究。等待吉列豬同其他炸物時，輕點了幾款前菜，開開胃又可以同朋友仔傾下計。凍豆腐非常滑溜，醬料酸酸甜甜。八爪魚同秋癸係唔錯的配搭。菠菜吸收左好多醬汁，好refreshing。刺物屬一般，無驚喜但也可過過口癮。朋友仔提議點一客茶碗煮，暖一暖胃，迎接美食！主菜一上檯，淨係造型都嚇親人，份量超巨型！炸蝦比手掌長，而炸蠔都係jumbo size。我最鍾意個蠔，火候控制得好好，中心有少少半生熟，外脆是基本，而內軟得來非常滑溜。蠔肉本身亦無腥味，有濃郁的蠔香，好高質。而主角，扭轉我對炸豬扒的觀念，令我呢個唔好吉列豬的人一試就愛上。首先，銀雅豚係高級豚肉，絕對做到豬有豬味。而製作工藝更加令人讚歎！表面炸得非常香脆，但其實一D都唔「厚粉」，內裡的豬係岩岩好熟，絕對無過火。整件入口，輕輕一咬就化開，好神奇！除左主菜精

下雨的星期四，我們來到了尖沙咀吃豬扒丼，這家是我想吃很久的餐廳，所以不管是下雨天，也無阻我們吃它的心。 喜歡尖沙咀店的設計，因為私癮度很好，每個卡位都有帳幕圍着，可以令食客有自己的私隱度。 這次來有了想吃的目標，就是朋友推介的吉列銀雅豚。除了這個我們還點了另一個吉列薯餅和牛大蝦定食和一些前菜。 食物未來之前，侍應為我們奉上兩砵芝麻，讓我們磨碎它，等一陣食豬扒時點醬汁食！ 磨芝麻的過程也十分療癒，而且有趣。先來的金箔納豆刺身和沙律，都是新鮮貨色。納豆是第一次食，入面伴了秋葵，口感黏黏地，點啲豉油，簡單又健康。 三文魚沙律份量頗多，有八爪魚和油甘魚刺身在內，也有青瓜和車厘茄，健康又清新，為迎接一陣間的炸物，打了一個底。 期待已久的主角，日本最高級的豚肉終於來了，銀雅豚厚厚的一大塊，炸至金黃色，輕輕夾起一件，看到了裏面那閃令令的、粉嫩色的肉！用它伴上磨好的芝麻和醬汁，入口鬆脆酥化，油脂和肉的比例無懈可擊，豬肉彈牙又嫩滑，脆身得來帶著肥美，好食得難以形容。 我和朋友都讚不絕口亦食唔停口！ ！ ！一口吉列豚肉，一口珍珠米，兩者是完美的拍檔，令人着了魔般

香港專食吉列豬扒嘅地方越來越少，呢間有幾間分店，掛住日本的吉列豬扒時，就會來這裏。這間分店位於廣東道，在Apple Store 旁邊上樓。店員非常有禮貌，感受到很溫暖的對待。三款醬汁，豬扒汁是用來點吉列豬扒吃。另外柚子汁是用來灑在椰菜絲上吃。白芝麻親手顏碎，一會兒加入豬扒汁，味道會更香。日本醋蕃茄先點了個前菜，菜牌上看照片沒想到前菜的份量是非常大！這個醋蕃茄味道不錯，酸酸甜甜很開胃。泡菜作為開胃前菜，泡菜實在是不錯的選擇，食食下都幾辣！日式冷豆腐每逢到日本餐廳我都喜歡點冷豆腐。我們點了兩個吉列定食，分別是吉列廣島生蠔和吉列京都銀雅豚。原本打算點兩個豬扒，不過最後決定點兩款一同分享！吉列炸蠔的吉列外層實在是令人驚嘆！眼看好像厚到不少，但咬下完全感受不到厚實咁，反而是極為酥化的感覺，實在是太神奇！非常好吃，而且生蠔粒粒都飽滿多汁，真係超正！吉列京都銀雅豚同樣名層做得非常出色，不會有厚實感。而且豬肉鬆軟，美味得很！非常推介！餐後，店員更送上西瓜作為甜品，一解油膩感！

呢間可能係食過最好食既吉列豬！！講下個環境先，地方好大，座位係卡位，闊落，有塊半簾遮住，好有私隱！職員好有禮貌，食物上枱都會細心介紹啲食物同食法，唔錯！叫左三款小食日本醋蕃茄酸酸地，應該係撈左啲蘿蔔蓉，夾住蕃茄食又幾特別，好開胃！八爪魚芥辣毛茄原來秋葵另一個名係叫毛茄！唔算好辣，好爽口，小食一流！自家制泡菜微辣，同平時食開既韓國泡菜有啲唔同味道，我估係多左啲蒜蓉同香料，味道幾特別，好好味！唔同一般既辣泡菜，正！牡丹蝦刺身盛合好吸引！好大件！油甘魚同三文魚都係厚切，啖啖肉，好鮮甜！好滿足！八爪魚好大件！用檸檬夾住，食落有淡淡既檸檬味，好爽口！牡丹蝦大大只，好好肉！刺身蝦最驚佢腥，但佢食落無腥味，好鮮甜！叫左兩個定食有麵豉湯、前菜、主食、飯同西瓜。吉列銀雅豚定食我都係第一次聽呢個名，不過唔緊要，最緊要好食！炸得好鬆脆，一啲都唔油膩！咬落去啲肉汁湧晒出黎，好juicy！有肥肥地既肉痴住，食落好香，第一次覺得食豚肉係有甜既感覺，十級好食！一試愛上！炸日本生蠔定食蠔好大只，有五大個，外邊一樣炸得好鬆脆！入面既蠔肉好多汁，好creamy！點埋個蛋黃醬又有另一番風味！食完之後就有清甜既西瓜送上，無籽

今日放假，對自己好啲，去尖沙咀食好野，由於有啲餐廳午餐會平過晚餐，但份量卻差不多，故此，多數放假都會選擇呢啲餐廳。今日食既係吉列豬扒飯，由於晚餐真係唔平，所以中午食。食吉列豬扒，我覺得呢間最好食，豬扒炸得外香脆內淋滑，加啲豬扒汁送飯一流，而且生菜同白飯係任食，食完炸野食菜，感覺無咁熱氣，再加埋啲醋，酸酸地幾醒胃，不過我只食左一個白飯。佢個湯有2隻蜆，都算唔錯，不太咸。食完主菜，佢仲有幾西瓜，估唔到啲西瓜好幾甜。

食過咁多間吉列專門店，始終最鍾情呢到😌環境乾淨舒適，如果坐卡位仲可以望到窗外嘅夜景，好好feel😌一坐低，我地就叫咗幾個小食先！呢個係日式冷豆腐$56，豆腐軟滑重豆香，唔錯不過我最鍾意嘅係呢個八爪魚芥辣毛茄$58，估唔到wasabi 同秋葵咁鬼夾食起嚟健康又惹味，正！食得日本野，又點少得刺身哩我呢款係迷利刺身組合$108，有帶子、吞拿魚同三文魚🍣全部都係我最鍾意食嘅！一次過滿足晒我3個願望😂千呼萬喚，終於到今晚嘅主角啦！我自己最鍾意佢個吉列豬扒❤️炸漿真心做得好👍🏻薄身得嚟，仲好鬆脆，重點係一啲都唔油膩❗️而且肉汁鮮甜唔會韌，點埋佢個手磨芝麻豬扒汁一齊食🥢都算係暫時係香港，食過最好嘅吉列豬扒🙌🏻另外仲叫咗蝦同帶子，同樣都係超大隻，食落外脆內軟，每一啖都超幸福❤️❤️最後仲送左西瓜比我地食，成餐飯無論環境、食物、服務都超級好，我同朋友都好滿意呀

有人請客@Tonkichi Tonkatsu Seafood尖沙咀廣東道100號彩星集團大廈10樓全層天哦，朋友又帶我吃好東西，人生中有一兩個有錢又豪氣請人食飯架朋友，是前輩子做了好事勤力燒香所致。前菜三昧，冷盤用來增加胃口，日式冷菠菜$58、泡菜$52、八爪魚芥辣毛茄$58，先利用蔬菜，由淡身，到酸及微辣，用心考慮過的。由朋友發牌牡丹蝦雜錦刺身盛合$308，因我唔食刺身由佢口中得知好鮮架，又厚油脂豐腴,簡單點豉油同wasabi點套餐比較抵食,叫的吉列專門店，怎可沒炸物吉列豬 $228, 完整一塊豬扒，用上了鹿兒島豬，佢算係6瘦4肥啦，外面炸到好脆卜了好多麵包糠，加碗白飯配一齊。鐘意日本炸物呢間可胃首屈一指，午市比晚市更抵食架。

聖誕節新年成條街都好多人, 買嘢食飯真係唔少得, 至於食嘢, 今日一於去 Tonkichi review下, 刺身加炸物, 依樹始終最好食.首先, 黎個刺身拼盆, 牡丹蝦肥美, 刺身好新鮮, 三文魚切得夠厚, 有口感, 八爪魚煙煙Un Un, 越趙越出味, 油甘魚食落有清新的感覺.蝦頭重可以炸, 連殼食, 香脆可口有膏.主角炸物豬排好淋, 炸蝦香脆可口, 炸蠔juicy無鯹味, 白飯晶瑩發光, 仲有菜可以無限添加, 每次黎食都keep得到水準.

話説今天是二十四號晚餐時間，點解咁得閒係到打食評？因為我坐了進餐廳已經超過一個小時。。。但只是上了前菜。無論按幾多下service 鐘，都係無人會理。。。不斷聽到隔離枱吹啲野得未。明顯不只是我一枱。服務超級差，明顯不耐煩。。前菜味道十分一般，圖中軟殼蟹完全不熱，味道很一般。提醒一句聖誕節只可以叫聖誕餐$888，book枱時從沒有説過。。只可以説食物有幾好吃都無用。。二十四號晚咁既服務。。更何況食物不怎特別。請不要節日來吃！