豚豚食堂

Open Now

Now Closed

嗰日咁岩去左北角做野，人生路不熟就既我就決定係商場解決我嘅午餐。入到去依個豚豚食堂，雖然已經3點幾，但驟眼睇人都唔少，一坐低侍應就比左搓手液同抺手紙比我，係依個時勢下，抵讚！望望個餐牌，就叫左佢地既招牌 牛油拉麵 同 炸豆腐 食下。拉麵先上，就即刻試下個湯頭，鹹度適中，加上牛油同配料，味道唔錯。特別想講海帶，比較起其他拉麵舖用d冧巴巴既，依度既更加有口感彈牙。炸豆腐炸得岩岩好，熱辣辣，唔係整定比你嗌就即上嗰個種。$76蚊，普通一個簡易午餐黎講都算ok，下次會再黎食。

行過見到呢間餐廳竟然接近九成滿，加上又有少少想食日式炸雞，所以就決定試下佢! 一坐底店員已經俾每人一個保鮮袋裝住口罩，都幾細心既。漢堡奄列咖哩飯漢堡好juicy而且肉味濃，真係有種食緊漢堡包既個種口感，而且咖哩味亦都好香又唔會太淡，加上日本蛋煮成既奄列食落一流! 3樣野配埋飯一齊食好夾而且份量都好多，朋友一個人都食唔哂!炸雞燒牛肉便當炸雞有3件仲要超級大件，係日式炸雞既整法，食落有肉汁而雞味濃郁!牛肉亦都好有驚喜，肉汁好香同埋可以帶出牛味，咸味適中再帶少少甜味，送飯真係一流!串燒雞肉丸呢個都係典型日式料理經常出現的串燒，雞肉既香再加少少雞軟骨，有咬口而且唔會太實同太乾，加埋店舖既醬汁食味道岩岩好!

北角匯開咗之後，開餐多咗好多新選擇。今晚同囡囡2個人冇煮飯，去咗食豚豚食堂。因為囡囡好鍾意食日本菜，佢食得好開心。餐廳都幾受歡迎，晚市六點開始，未夠鐘已經有好多人喺門口等，好快就滿曬座，要等位㖭，好彩我哋早咗食飯。餐廳餐牌好豐富，有好多唔同嘅和食，就連洋食即係意粉都有，好多選擇。我哋叫咗一個豚肉壽喜燒鍋物，升級做烏冬，仲叫咗蟹籽沙律，串燒雞肉丸，炸豆腐同埋流心蛋豬肉餅，好豐富，當然仲有囡囡最愛嘅波子汽水。好鍾意個鍋物，入面好多蔬菜，豚肉有4、5片，最正都係啲烏冬，夠曬彈牙，食到唔停。

今天收工前要把兩箱貨送到北角，所以我就和同事兩個一齊送過去，由於送貨地址對面就是北角滙，我們就決定走過對面吃個晚飯才回家，過馬路從地面看到這間《豚豚食堂》，加上我們兩個都喜歡吃日本菜，於是就選了這家，上到一樓我們就取票等位，約五分鐘左右就到我們入座，這裡的餐牌，可選擇都幾多，有咖喱飯又有拉麵及串燒小食，最後我們選了二人餐，每人可選一個主食外，還可選三份小食，我就選了咖喱吉列豬扒飯，豬扒香脆好味，我同事就選了赤豚拉麵，他說湯底也夠濃拉麵好味，至於其他的小吃是炸雞、串燒雞翼、串燒雞軟骨及炒魷魚鬚，也是相當不錯，埋單才兩百多，這麼飽也不算貴，下次經過可再來！

成日都會經過北角匯，入去呢個商場就真係第一次，最後決定去試吓呢間豚豚食堂，望落去都幾吸引，一入門口已經有消毒洗手啫喱俾我哋用。我哋一坐低，店員即刻問我地要唔要個膠袋放住個口罩，好貼心🥰我哋叫咗個自選二人套餐，包括兩碗拉麵同埋三個小食，價錢唔係十分貴。我就食咗一個豚軟骨拉麵，因為我自己本身比較鍾意食軟骨，哩度嘅豬軟骨整得好林好林，仲有一隻糖心蛋，糖心蛋煮得啱啱好，好正！湯底就更加唔使講啦，我識得有個日本朋友，佢話俾我聽，點解日本拉麵賣得咁貴，原因係因為個湯底，佢哋用好多豬骨去煮一個湯底出嚟，所以真係真材實料，食唔晒碗麵，都要飲埋個湯佢啊！哈哈！另外三個小食當中我哋叫咗炒魷魚鬚，炒得好惹味，魷魚鬚都好爽，仲有叫咗個自家製餃子，有六隻，每人可以有三隻，佢哋整嘅餃子個皮好薄，啲肉好多，好抵食👍。另外都叫咗個炸雞肉非常非常好食，佢炸到啱啱好，外面脆卜卜，入面啲肉好鬆軟！真係食過返尋味！值得推介！！！

今晚係平日，但係拎要等位先入得😂😂😂不過依間真係性價比高，啱晒鍾意食日本嘢嘅香港人👍🏼👍🏼👍🏼♥️♥️♥️♥️有一大堆醬料調味，正👍🏼👍🏼👍🏼😊滑蛋豬扒井套餐，大大塊豬扒，食咗一半拎覺得飽啦😂😂😂😂😂😂炸雞塊燒牛肉便當，牛肉好入味，配埋洋蔥食，好chur飯呢😍😍😍😍😍😍😍😍蟹肉棒沙律，好fresh👍🏼👍🏼👍🏼凍奶茶、凍柚子蜜燒雞翼及燒雞軟骨，我的最愛，燒得好香，又入味👍🏼👍🏼👍🏼👍🏼

近排雖然少左出街，但間中都會過去鰂魚涌公園跑下步，然後行落去北角搵食。上次去左「北角匯」食韓國魚糕串，今日竟然有人主動提出話要帶我去試新嘢，我當然樂意奉陪。原來有人 睇中左一樓呢以淺木色為主調嘅「豚豚食堂」。餐廳門面非常搶眼，離遠已經見到門口頂頭掛了一列日式大燈籠， 顯得特別 Sharp 醒。踏進店，內裡地方雖然不算很大，但勝在燈光火猛，而且座位之間亦算闊落，讓人坐得舒服。餐牌印刷得非常精美，圖文並茂，選擇頗多。其實剛才進店前已經喺門外細心研究過餐牌，所以入座後便可以立即點餐。我哋揀左個自選二人套餐 ($228)，套餐可以任選 2 款拉麵或飯及 3 款指定小食。小食點左燒雞翼 2 串及燒雞軟骨 2 串、炒魷魚鬚、炸豆腐；而主食就揀左牛肉咖哩飯同黑豚拉麵 (+$5)。燒雞翼 2 串及燒雞軟骨 2 串：雞翼好大隻，而且全部都已經𠝹開左，非常方便享用。雞皮燒至微焦，入口超級香脆，雞肉很嫰滑，有肉汁，一點也不乾。至於雞軟骨味道亦唔錯，不但油份充足，而且軟骨位亦夠曬咬口，唧上少許檸檬汁吃，鮮嫩味美。炒魷魚鬚：魷魚鬚很粗身，非常彈牙， 最鍾意就係個汁，調教得啱啱好，配魷魚鬚吃，入味又有嚼勁。炸豆腐

前排去食左哩間新間日本食堂，價錢幾抵食，野食都幾好味，值得一試。喺新商場北角匯2期1樓，食店乾淨企理。日式輕便料理有多款選擇，相當吸引！一人套餐 $89可自選一款主食和一款小食，揀左親子丼同日式煎餃。丼飯都幾大碗，面頭擺滿雞肉同滑蛋，賣相滿分。雞肉幾滑，份量都多，唔錯！有4隻煎餃，係我至愛日式小吃之一，係椰菜同豬食配料，好味。一個女生食晒一個套餐超飽，CP值高。照燒雞扒+漢堡扒拼丼 $82哩個丼盒好豐富，有2款主配菜，照燒雞肉好香，個汁好味，漢堡扒好林又入味，整體好味。熱柚子蜜半價優惠，即加$8升級飲品。燒鯖魚 燒得好香，加d檸檬汁提升鮮味！

今日黎左北角呢個新商場北角匯，呢度新新淨淨好靚，連餐廳都特別光亮。呢間豚豚食堂，好似好抵食，有和食有洋食，有炸物又有燒物，係幾抵食嘅日本嘢。今日我一人晚餐，叫定食就啱曬，所以就叫左個網燒牛排定食（$128），有齊前菜、味增湯等。前菜正正常常。牛扒似係西冷，中間一條肥膏，旁邊嘅肉夠曬牛味又夠嫩。調味比較鹹，要配飯先得。飲品方面呢度未有酒牌所以就叫左熱檸水，可以半價，即$8。另外口痕加多個雞泡魚乾（$55），黎到都係熱辣辣嘅，有咬口，味道少少甜。

早2日去一田買野,補充日用品,唔係搶糧只係買少量補充,都要排好耐咁就買完野打算食埋先返屋企一田上2層有一間新餐廳開幕見到都不用排隊,就想快快食完走人餐牌選擇多,有拉麵,咖哩,定食,炸物等等 選了一客壽喜燒豚肉鍋,加5蚊有飯或烏冬半價加購飲品另一款定食,網燒牛肉定食 可樂係罐裝,有日本辣油同漬物提供 鍋物先上,有各種蔬菜同豆腐等食材大約150克豚肉,份量都相當豐富烏冬最後先落,吸飽汁再食壽喜燒汁夠甜,食既時候夾上碗加少少辣油味道會更加好,無咁死甜網燒雪花牛扒定食 $128 包括沙律菜,粟米,半隻熟滷蛋牛扒煎至5成熟,肉嫩肥美甘香加上照燒汁非常夾,配飯一流北角渣華道123號北角匯2期1樓120號舖Shop 120, 1/F, Harbour North Phase 2, 123 Java Road, North Point

北角匯開咗間新餐廳 行街經過睇menu就覺得好吸引 今日專登黎食個lunch 十五十六 好多款都想食🤤🍱便當午食套餐照燒雞扒加漢堡扒便當我最鍾意食嘢有多種唔同嘅食物呢個便當大大份 有飯同沙律菜 miso soup 煎雞扒啱啱好 塊皮係脆嘅 而且唔油膩最驚喜嘅係個漢堡排 好軟熟 醬汁好惹味 配飯一流🍛咖喱午食套餐吉列豬扒Omelette咖喱飯淨係個賣相就好吸引咖喱有好輕微嘅辣（朋友覺得唔辣）吉列豬扒嘅粉好薄沾啲咖喱配飯食至夾炒魷魚鬚🦑好耐無食魷魚鬚簡簡單單一個魷魚鬚落咗啲薑絲 蒜頭🧄去炒 彈牙得黎爽口又香口另外仲點咗明太子雞翼同牛舌釀咗明太子嘅雞亦漲卜卜 牛舌細細塊 一啖一塊燒到啱啱好 下午兩點幾去都差唔多滿座 食物質素👍🏻比呢個價錢抵食 下次要再去試烏冬同餃子🥟🤣

經過門口，成排花牌很注目， 有些人好奇地 看看門面和餐牌， 連我們也不例外新開張，裝修光鮮亮麗， 價錢也吸引點了一個二人餐($228)，主菜分別是白豚拉麵和牛肉丼飯。雖然這間餐廳並不是拉麵專門店 ，賣相平平的白豚拉麵比我想像中好， 湯底有濃厚的豚骨味之餘，拉麵熟透的程度 亦煮得剛剛好，很煙韌。牛肉丼飯超!級!大!碗! 白飯足足有兩碗之多， 有大量的肥牛， 一點也不肥， 十分抵食。二人套餐可選三款小食。 炒魷魚鬚的燒汁很香， 配魷魚鬚一流。炸雞肉新鮮炸好， 外皮香脆 ，內裏的雞肉卻是嫩滑的。差不多有四大件的炸雞，作為套餐小食，也太慷慨了吧。超推薦明太子雞翼， 上菜時已經聞到香噴噴，也是新鮮炸起。咬一口皮脆肉嫩， 裏面是脹卜卜燒好的明太子， 好正呀!

係北角咁耐，今日終於入左依個商場行下，諗住入去搵間餐廳食晚飯。就揀左依間日式餐廳！個場地唔算好大，但坐落位置都好舒服算寬敞！吸引我入去既係，佢地門口有一棵好大既櫻花樹 非常岩打卡，本人最中意打卡，但好可惜當時有人坐，坐唔到個張台～ 所以無影相比大家睇～下次一定要坐到 去同櫻花樹打打卡我地兩個人，只叫左兩個食物，其中一個跟餐就有埋小食。下面依個係海老拉麵，湯底十分濃郁用料十分足！麵質都好岩口感我男友連湯都飲曬跟餐揀左依個小食，忘記叫什麼名子。但係一個好有新意既小食，本人覺得絕對要一試覺得好好味～跟住我揀左牛肉壽喜燒，最中意鍋品了！份量非常岩一人吃，可以跟飯或烏冬！很飽喔！吃完滿滿既滿足感！（忘了影烏冬同生雞蛋）總結係一個我會返轉頭食既餐廳！因為佢地仲有好多其他選擇！基本上你諗到既日式野食 佢地都有！我見到除左拉麵同壽喜燒，仲有咖喱系列、鰻魚飯之類仲有其他～價錢都很相宜！感覺可以做日常飯堂既餐廳等我多啲行來依邊先～

這裡環境不錯，空間舒服，店內坐位不多，但勝在地方少，但空間感大，食物水平唔錯，拉麵湯頭香濃郁，麵條爽脆幼滑，讚！咖喱奄列飯，炸豬扒厚身香脆，但日式咖喱偏甜，炸雞塊水準好，兩款的炸物都沒有油膩感，不錯