漁獲浜燒 (Closed)

今日放工已經好攰，想搵D好野食慰勞一下自己，所以就黎到厚福街覓食。行到H8，見到地下的招牌，俾浜燒吸引住，所以就跟同事上樓搵食。一出電梯就到餐廳，每張枱上都放著磯燒的爐，令我想去日本的開心時刻。看過餐牌後，點了幾款試試。六點壽司盛，壽司體積都幾大，每份壽司飯上的刺身都好厚切。六款壽司包括了三文魚、油甘魚、吞拿魚、帶子、赤蝦和三文魚籽。帶子厚切鮮甜，上面仲有黑松露醬，令帶子味道更甜更突出。吞拿魚魚味濃，赤蝦都幾大隻，蝦肉爽口，蝦頭有惹味的蝦膏。三文魚籽粒粒脹卜卜，好有口感。塩醬墨魚鬚漬，上枱時用上了一個杯放著，像有隻墨魚爬出來般，好得意。這裡的浜燒有店員幫忙，可以專心跟同事聊天。墨魚鬚帶有少少的辣味，非常爽脆，而且條條鬚都是脹卜卜的。二人浜燒盛合，有多款海鮮，當中赤蝦上面有粗鹽，所以食的時候會唔小心食埋個殼，個殼燒到脆卜卜。魷魚筒是超大隻的魷魚，店員還把魷魚燒好後放到好似花朵，好靚。帆立貝仲用左清酒同埋牛油兩款整法，好鮮甜。蕃薯雪糕，初初以為是一球咁上，但原來係將雪糕釀入蕃薯一齊雪，幾特別。雪糕有好濃的蕃薯味，就好似真係食緊蕃薯咁。

友人話好耐冇同我食磯燒海鮮，所以今晚就帶我黎到呢間位於H8的磯燒餐廳食飯!餐廳簡潔乾淨，看看餐牌也有很多不同的食物可以選擇 。點餐後，店員送上前菜。芝麻鹽醬椰菜，椰菜爽口鮮甜，配上芝麻醬令人停唔到口。原板韓國海膽，只要於facebook like佢地個page，就可以免費食到原板韓國海膽。雖然係送的，但係都唔差!海膽份量都有幾多，粒粒鮮甜唔苦，配埋紫菜一齊食更加美味!二人浜燒盛合，既然友人帶我黎呢間餐廳，當然要食磯燒海鮮。這裡的店員會幫忙燒，只要坐定定等食就得啦!這款盛合包括有生蠔、帆立貝、黃貝、赤蝦、貴妃貝、赤蝦同埋魷魚筒。生蠔成隻手掌咁大隻，脹卜卜，非常鮮甜，店員話本身呢隻生蠔可以生食，所以沒有燒到全熟，這樣會更鮮。貝殼類肉質都好鮮甜而且好新鮮。魷魚筒燒得好爽口彈牙，本身已經有落鹽的，但再點少許醬汁一齊食更加惹味!帆立貝有清酒燒和牛油燒，前者清甜，後者惹味!柚子雪葩，夠酸，味道係真柚子，唔係假甜，口感也是雪葩的口感，可以解膩呢!

一班朋友慶祝食飯店舖經理很好劃分一部分位置畀我哋有一個私人空間， 一行十多人分兩張枱坐間隔都比較日式化， 好像日式居酒屋前菜麻醬椰菜， 日本直送椰菜鮮甜開胃海鮮盛合珍寶燒帶子由於海鮮新鮮所以全部都很鮮甜很好味即叫即手握嘅壽司我哋還叫了燒飯糰， 外脆內軟由於今餐是朋友請客，所以都不知道實際食了多小錢!但最值得推介係燒牛舌，平時不喜歡食牛舌既我都要追加再食叫左實在太多野食都不能盡錄，值得自己比錢再去食的一間日式店舖

好耐冇食過日本嘢啦，今次係朋友介紹，佢話如果想靜靜地喺尖沙咀食下一啲高級嘅日本菜，就嚟呢間。我哋今日咁啱經過呢度，所以決定嚟試下佢，點知真係好高質 ，一向鍾意食磯燒嘅朋友一定會好鍾意。而我又超鍾意海鮮，今次食呢個 二人浜燒盛合除咗好滿足好飽，仲好開胃㖭 。究竟有咩特別呢 ，佢全部材料都好新鮮，仲要好大隻㖭 ，呢隻蝦真係肉質非常彈牙，再加咗少少鹽喺上面，食好到滿足呀。佢仲好貼心幫我哋剝埋殼，剪開一舊舊畀我哋食得容易啲。除咗蝦之外，仲有 貴妃蚌 ，蠔，魷魚等等， 咁多款海鮮全部都食到佢嘅鮮味。有啲蜆殼類嘅海鮮係加咗清酒入去 ，特別清新。 除此之外我哋仲叫咗個 味噌蟹甲羅燒，淡淡蟹肉的鮮味充滿喺口裏面好滿足 ，而我一向都好鍾意食多士，今次配埋蟹膏一齊食，充滿咗口感 。最後我哋仲叫咗個池魚刺身， 非常滋味，非常新鮮，配埋香蔥同埋蘿蔔一齊食， 仲好好味添！

間餐廳環境好好 ，服務亦都一流，我哋兩個人去食竟然畀張四人枱我哋， 想擺嘢食真係幾方便 。我哋健康啲 ，所以叫咗個椰菜沙律先。之後就叫咗呢度一定要叫嘅二人浜燒盛合， 包咗好多款海鮮， 包括魷魚 ，海蝦 ，超大隻蠔，北寄貝，貴妃貝， 全部都好新鮮。 魷魚上面仲加咗啲鹽喺度，配咩都好好食，而北寄貝同貴妃貝加埋啲清酒嚟食真係好清香，好好味 。我哋仲叫咗個味噌蟹甲羅燒 ，配埋多士 一啲都唔膩，啖啖蟹香，撈埋咗鵪鶉蛋一齊，充滿口感，配埋好脆嘅多士，真係大滿足呀。 另外個池魚刺身都好新鮮， 無論係配柚子醋定係就咁食都可以食到佢嘅鮮味 ，佢啲魚骨會攞嚟炸，撈埋檸檬汁特別好味！

Best fd 生日指定要食燒海鮮，之前見到好似有唔少明星食過，咁應該係信心保證。呢個有個好處係有人幫你燒，😂服待周到冇得彈。細芝麻鹽醬椰菜作開胃菜，幾refreshing🤓刺身五盛 精選嘅五款刺身都非常鮮味，我特別鍾意油甘魚，油脂豐腴 。牡丹蝦彈牙，蝦頭嘅膏好甘甜。龍蝦活貝濱燒盛合 組合非常豐富，有鮑魚、蟹腳、蠔、帆立貝。扇貝分別用左兩種方法燒，一係清酒，另一係牛油，猶如紅玫瑰跟白玫瑰。清酒會令扇貝原本的甜味，牛油較香較惹味。鮑魚充滿彈性，有淡淡海水味，唔駛調味已經好好食。蠔 本身不太喜歡燒蠔，但呢個又幾甜冇怪味喎。長腳蟹 已經人手幫你剪開，所以好易拆肉。伊勢海老龍蝦一黎已經好大隻好霸氣，肉質彈牙，餐廳用左比較濃味嘅味噌調味，燒的時候傳出濃郁的香氣。味噌蟹甲羅燒 同出面不同，燒好後加上麵包糠，蟹膏除左creamy 外，仲有脆脆的口感，香而不膩。

最近的負能量實在太多了，決定食一餐豐富的晚餐，化悲憤為食量💪🏼經同事介紹下，就來了尖沙咀的<漁獲浜燒>一進入餐廳，便聞到一陣燒海鮮的香味，原來餐廳內差不多每枱都放置了一個燒爐，方便食客一邊燒一邊食。見大家燒得咁開心，我們都不輸蝕，叫了個波士頓龍蝦盛合，加份壽司8款。在等待的過程中，餐廳免費送上了原板韓國海膽，真是令人驚喜！雖然是免費的，但吃得出海膽非常新鮮，再配合紫菜一起吃，味道一流，絕不比日本海膽遜色，令人胃口大開。吃完海膽後，餐廳便端上了我們點的壽司，包括三文魚，帶子，呑拿魚，赤蝦，油甘魚，拖羅蓉，三文魚籽及海膽。每款壽司上的刺身都是厚切的，同樣味道新鮮鮮甜！享受完壽司後，重頭戲來了！餐廳首先會端上一盆海鮮給我們介紹，而我就趁著這個機會打卡拍照，介紹完後，餐廳便會拿走海鮮清潔，清潔後便上爐燒熟。這裡不像其他餐廳般預先把食材在廚房處理，相反，這間餐廳是直接把食材放在食客面前，即叫即清潔即燒，誠意及服務十足！當中，我個人最愛的是龍蝦，看見服務員很有耐性地燒，燒出來的龍蝦不論是賣相還是味道都十分吸引，龍蝦內啖啖都是肉，肉質嫩滑，再配上特製味噌醬，簡直是人間極品！最後，我們

就如標題!漁獲浜燒 如獲至寶其實小弟一情鍾情於日本美食, 最近又試左一間水準極高的日式燒海鮮的居酒屋!首先星期日至四, 上佢地facebook專頁like佢地同埋參加活動就送左一板海膽!!之後我同女朋友決定先食少少飯打底, 所以就叫左8件壽司盛合!有基本既三文魚, 吞拿魚, 帶子, 海膽等等!基本上都好新鮮, 冇伏, 同埋非常厚切!!個人認為好食既!之後就叫左個波士頓龍蝦盛合, 當中波士頓龍蝦我地加錢轉左做伊勢龍蝦!呢間餐廳非常好既一點就係,職員會係你面前燒俾你食!所以有咩要求可以當面同佢地溝通!!帆立貝就我地決定一種用清酒燒, 另一隻就汁燒!!北寄貝仔同貴妃貝都燒得好好食!!坦白講, 雖然冇得自己落手燒, 但職員日日都燒, 仍地既技術一定比我地好!而且海鮮係會新鮮地放係你面前一動一動!!所以良好既燒物技術同新鮮既食材, 冇得輸!!最後食埋濱燒鮑魚同燒龍蝦, 真係非常滿足!!休息左一陣, 我地就叫埋雪葩!有袖子, 蕃薯 同椰子揀!袖子有少少酸, 不過女朋友喜歡!我就食左蕃薯!! 味道幾得意!!整體而言, 餐廳給我的感覺就係! 食材新鮮, 技術老練, 環境舒服!好適合情侶約會或朋友驟會!

又到好友生日我地最愛都係食海鮮所以就揀左一間食浜燒既餐廳環境唔算好大但好有居酒屋既感覺同埋有好多種類既食物先黎個芝麻鹽醬椰菜做前菜酸酸甜甜 幾開胃跟住就係韓國原版海膽只要係星期一至四讚好專頁就免費送但係質素都非常高 好鮮甜然後叫了波士頓龍蝦盛合包括有原隻新鮮大龍蝦 仲好生猛北寄貝仔 貴妃貝 鮑魚 黃貝店員會係我地面前即燒全部都好新鮮 size好大燒得好入味 好鮮甜仲有味噌蟹甲羅燒配多士好重味既蟹膏配上鵪鶉蛋同麵包糠非常惹味除左熱食我地仲叫左8點壽司盛合分別有海膽 三文魚 帶子 三文魚籽香蔥吞拿魚茸 鯛魚 甜蝦 白身魚款款都好足料 好新鮮最後點少得甜品做結尾椰子雪糕真係好似食緊椰子咁 好有驚喜非常滿足的一餐！滿足晒海鮮控既我地！

好朋友知道我中意食海鮮，每年生日都會搵一間專食海鮮嘅地方同我慶祝。而今年就揀咗尖沙咀呢間專食磯燒嘅餐廳。首先有芝麻鹽醬椰菜做前菜，比平時普通嘅芝麻醬食落更有層次。然後點左份壽司8盛，分別有海膽，三文魚子，香蔥吞拿魚茸，甜蝦，黑松露帶子，白身魚，鯛魚，三文魚。每件壽司都脹卜卜，好足料。然後我哋要再一份浜燒龍蝦盛合。包括有波士頓龍蝦，北寄貝，貴妃貝，鮑魚，黃貝。龍蝦有個大鉗，而蝦身開邊後輕輕一撬就成條龍蝦肉出左黎，勁彈牙，而且好多膏，十分鮮甜。鮑魚食落有口感但完全唔哽好爽口。而幾種貝類大細唔同，但同樣只係簡單灒上清酒，就帶出個種鮮甜味道。作為海鮮控既我淨係食呢度又點夠啊！所以我哋散叫咗個味噌蟹甲羅燒配脆多士。啖啖口感豐富鮮甜既蟹膏根本唔需要加太多配料，只係加鵪鶉蛋，小小蔥花同埋麵包糠，已經係人間美味。食海鮮又點少得魚，另外仲要咗個金鯛魚柳西京燒。燒好後的魚表面金黃香脆，魚肉帶有淡淡白味噌的甘甜味。差啲唔記得咗講星期一至四只要讚好仲有韓國原版海膽送！雖然係送嘅但係質素一啲都唔差，海膽非常鮮甜，一啲腥味都冇，每啖都好滿足。最後仲有柚子雪芭做甜品。呢個可以話係我食過最好味嘅柚子甜品。將雪芭放喺柚

香港人識飲識食，對食物有一定要求，海鲜更是很受食客歡迎嘅食物，尤其講究海鮮既鲜，浜燒係其中一種好嘅方法。今晚光顧嘅漁獲浜燒位於尖沙咀厚福街，居酒屋格局，以海鲜為主。先來一客海鲜盛合，當中三文魚刺身和油甘魚很鲜甜。軟殼龍蝦卷原隻炸龍蝦以卷物上桌，賣相吸引，肉質甘香，口感唔錯。明太子墨魚棒以墨魚肉包著明太子慢燒，腍中帶鹹香。浜燒帆立貝，小北寄貝，墨魚鬚和金鯛西京燒，帆立貝大隻鲜甜，清酒煮和牛油煮均很鲜味。墨魚鬚爽脆又軟滑，金鲷肉質鲜甜，完全突顯浜燒效果。

夏日炎炎，食物選擇係一件唔容易嘅事情，比較來說，食海鲜既清新又唔肥滯，所以今晚就在尖沙咀嘅漁獲浜燒食吓海鲜。海鲜盛合有數款海鲜刺身，拖羅，帶子，油甘魚，吞拿魚，三文魚等新鲜清甜，當中以拖羅最為肥美。接著浜燒環節，帆立貝如碗般大隻，分別以清酒和牛油烹調，清酒煮的鮮味芳香，牛油煮的鹹味回甘，各擅勝場。小北寄貝相對精緻，同樣鲜甜。墨魚鬚漬分開為小段，慢火烤燒，熱辣辣外脆內軟，口感豐富。金鲷西京燒份量不多，但勝在魚味鲜甜香濃。再來精緻黑豚泡菜鍋，貴鮮不貴多，可以晏D再食消夜。

近排聽朋友講漁獲浜燒在尖沙咀開了分店，而家仲要星期一至日，晚上21:30後買酒買一送一今次去食幾乎全海鮮🦞頭盤首先：特製黑松露灸燒平目魚邊沙律，黑松露味香濃，平目魚邊鮮嫩，配上沙律🥗夠醒胃今次食龍蝦為主，淨係龍蝦都有三款😆分別有 伊勢海老、波士頓龍蝦同埋第一次見的櫻花軟殼龍蝦，頭兩款新鮮生猛識行識走，店員制作前仲有攞出來給我們睇睇保證新鮮👍🏻櫻花軟殼龍蝦可以連殼食，很特別，值得一試其後仲有原隻毛蟹，同樣是新鮮生猛的，我地個個食得津津有味日本菜緊係唔少得刺身，超大粒帆立貝刺身，好新鮮，三文魚刺身、活象拔蚌刺身，回味無窮😋另點左 特上漁獲浜燒盛合（4人前）多種海鮮貝類先頭提過酒類買一送一，我地點了 赤武純米大吟釀👍🏻易入口，男女老少皆宜☺️最後就係例牌菜 甜品😆番薯🍠雪糕

朋友提早同我慶祝生日，帶我食海鮮浜燒大餐~頭盤叫左芝麻醬椰菜，椰菜冰涷爽甜，配埋醬汁食好開胃。朋友話呢條日本空運嚟既赤鯥係剌身中既極品嚟。經過輕微炙烤既赤鯥肉散發著誘人既焦香味，肉質Q彈兼油脂豐富，好食！魚骨仲有得揀炸嚟食or煮湯，我地揀左煮湯，湯甜到不得了！叫左個龍蝦浜燒盛合，有龍蝦、貴妃貝、北寄貝、黃貝同鮑魚，原本係波士頓龍蝦，朋友加錢轉伊勢龍蝦。店員會係枱邊燒熟食物，唔使怕燒過耐浪費左靚料！龍蝦食落好多膏，肉質細嫩又彈牙！貝類 爽脆新鮮，尤其係貴妃貝，好好食！明太子墨魚膠好特別，外形好似腸仔，食落外軟滑內有墨魚粒，蘸上雞蛋醬油更添一份咸香味！甜品叫左椰子雪芭同柚子雪芭，前者椰香味濃微甜，後者清新微酸，兩種口味都好食！

年頭試過去銅鑼灣店食晚飯，感覺不錯，見到原來尖沙嘴也開了分店，今晚心血來潮，好嘢當然唔怕重複，不過又貪新鮮，就試尖沙嘴店。一去到，店員就會送上前菜 - 芝麻鹽醬椰菜。我們兩人深明美酒配佳餚，所以要了天祿光臨（300ml) ($268)，這個份量兩人啱啱好。頭盤點了沖繩風沙律（$138），是我第一次食用苦瓜做沙律，苦瓜又唔覺苦喎，只是有爽口的口感，仲有三文魚同海葡萄，再加埋醋，又開胃又幾特別。壽司八款($388)，我們兩人分享，包括三文魚、油甘魚、吞拿魚、赤蝦、帆立貝、吞拿魚腩肉、海膽及三文魚子，食材夠新鮮。這裡出名食燒海鮮，還有專人在你面前負責燒海鮮，活帆立貝（$276）分兩種煮法，一個用清酒煮，一個用牛油煮，個人較喜歡清酒煮的方法，因為較能嚐到帆立貝的鮮味，牛油煮的帆立貝，鮮味會被牛油的濃味掩蓋。活蠔（$136）每人一隻，店員熟練的手法不會將蠔燒得太乾，恰到好處。店員將揀選咗的波士頓龍蝦（$388）給我們看過了才去燒，店員分開兩部份來燒，食了最多肉的部位，然後就燒龍蝦頭，讓我們再慢慢品嚐蝦膏等，做法很細心！味噌蟹甲羅燒（配多士）（$156），蟹肉加蟹羔，上面還要舖上炸麵包糠，出來的效