十八座狗仔粉

Open Now

Now Closed

狗仔粉聽人講得多，食就未食過，究竟同其他粉有咩分別??終於有機會試下啦!!其實間野都真係幾細，好彩都叫有個位坐下咁，個feel有d似大排檔。一坐低唔洗諗緊係叫個狗仔粉($20)先諗諗下，試埋個火鴨翅($20)同大雜燴($30)狗仔粉黎講，個湯底好似唔係好夠味，不過你知啦，重點係要落菜脯嘛！D菜脯勁正，落完又落………真係想買返樽返屋企。火鴨翅其實同碗仔翅冇咩分別咁…個大雜燴其他都係同出面既牛雜差唔多味，呢兩個真係有d唔抵叫。最後，有d唔夠喉，所以叫左個黑白炸丸($12)食下…諗住幾粒丸，純粹飽下肚姐。不過佢出期意料地好食！個皮炸到脆卜卜，咬入去仲係熱辣辣，粒丸好夠味，呢個認真ok！雖然野食都唔算好差，但其實唔係好特別，冇咩意慾想特登過去食……

行街經過，朋友見我未食過就陪我食下啦，第一次黎食，叫左個狗仔粉同火鴨批，我覺得狗仔粉有點似粗身烏冬，每條好短，方便用匙羹連湯飲，湯就略嫌味道吾夠濃，不過枱上面有茶甫，可以配埋食，辣菜甫吾錯，值得一試，之後就食火鴨批，見到menu張相好吸引，所以叫左隻黎試，好香，味道好夠，因為配左碗仔翅 ， 所以吾會好油，岩岩好，整體黎講都吾錯，可以再試，不過鋪頭坐位吾多，坐得有點逼，食完想坐左陣都吾方便，

中午的大熱的天氣，老公聽聞這間十八座狗仔粉出名，到店坐下，看看周圍也是名星的照片，也試試吧！和老公哎了狗仔粉及鴨肶翅，狗仔粉糊糊的很飽肚。但鴨肶太咸了，我只吃了一口，以為有一碗的碗仔翅浸鴨肶，但是原來只有一湯匙左右。其他老公包底

之前屋企人買過外賣回家，試過火鴨絲碗仔翅，香辣魚蛋，黑白炸丸，味道幾好。今日去開佐敦就過嚟試一試！「狗仔粉」D麵有D似上海粗炒ge感覺，D菜脯、葱、同湯底好match, 但最正ge係D辣菜脯，一定要加埋一齊食！個人愛吃辣，所以落咗好多；朋友唔太愛辣，但也說辣菜脯好正👍！「黑白炸丸」黑丸有黑椒牛丸，香菇貢丸；白丸係豬肉丸，墨魚丸。因為我同朋友都唔食牛，所以將牛丸轉了墨魚丸。我哋無落任何醬料食，即叫即炸，正！下次再嚟佐敦會再試埋魚肉燒賣，據說味道不錯！但會揀無咁熱先再嚟，因為真係食到成身汗😅！

狗仔粉: 菜"保"有沙! 係好多沙! 好鹹,好重味精! D粉濕到好林,唔駛咬都食到火鴨翅: 比一般碗仔翅多料,味都OK,無狗仔粉甘鹹,但唔係好知火鴨同平時既有咩分別,但真係好貴大雜燴: 包括豬肚,豬腸,豬皮,蘿蔔! 秘製醬汁幾好味,但甜左小小,猪皮一夾就爛,辣菜粒夠辣

先來大狗仔粉 X2菜脯（辣果款一粒都辣死）＋冬菇＋蔥花＋豬肉狗仔粉 有少少烏冬感覺，唔會爛大 招牌火鴨翅 唔用豬肉絲，改用火鴨絲煲碗仔翅，有D臊翅滾火鴨髀皮已經林曬，但有另外一種特色髀完全唔會臊燒賣、魚蛋、魚皮餃辣醬香，魚蛋好林（不過餐牌話試下就知D魚蛋有幾爽），不過燒賣竟然爽口魚皮餃加左醬好食好多黑白炸丸其實無咩特別，D丸唔係脆埋單$140

   　今天和男朋友在附近看中醫，看完之後已八點幾了，本來我想去吃好一點的，但又不想走太遠，因為已經晚了。　　我聽說過狗仔粉，但是一聽到狗仔粉，我就聯想到狗肉，而且吃狗仔粉的環境多是擠逼或大排檔的格局，讓我坐得不舒服，所以沒有去吃的意欲。但男朋友和朋友吃過，我就覺得可以一試。　　這間狗仔粉是個小店，店肉是煮食的，店外有幾張桌子，我們隨便坐下，我要了魚肉撈及翅撈。　　翅撈比較濃稠，味道也偏濃，我看到有木耳、冬菇碎等配料，比較鹹，但是很惹味，我都沒加調味料；魚撈比較清，還有蔥花，味道較淡，吃得到清脆的魚肉。　　狗仔粉給我的感覺比較爽，因為是短短的，我都沒細味呢。聽說「狗仔」諧音「救濟」呢。

食粉仔，心目中既第一位，就係屯門置樂既橋底粉仔，酸辣菜甫的味道提昇了粉仔既米香。而18座狗仔粉，食完之後，我大概會排佢起3，4位。大排檔既座位方式，不錯。點左碗細既粉仔，加一火鴨脾。粉仔:可惜的是這兒沒有醋，否則的話就可以試真一點，粉仔還未煮很通透熟稔，米味還不足，可幸的是有菜甫，才稱得上好味。火鴨脾是我到店鋪上看到別人吃，我又想吃的其一菜式，火鴨脾的皮不算太脆，不過咬上撕開時卻容易得很，沒有凍了皮就像橡筋的感覺。佐孰多野食都係人都知，不過特別的卻寥寥可數，此店頗為特別，尤其香港沒有太多店有得食，回頭機會甚高。

平時很愛食碗仔翅，呢間竟然叫鴨火翅?應該同碗仔翅差不多，試下先...材料好多呀，有鴨絲，木耳...每啖都真料實料，而已很濃稠，加了鴨肉絲多了一番風味既碗仔翅，似乎不用加醋亦可，店家是沒有"醋"提供的，話要食原味先好食，食得辣既重可加菜甫(只提供辣味)就更添一重風味。

在油麻地閒著，忽然想起住附近的莊友，恰巧她又在家，'那我買點小吃便上來吧'。油麻地不像旺角，想買燒賣魚蛋之類的，不是那麼易，因為不是'總有一間喺左近'。正在想有什麼其他可買時，想到了十八座狗仔粉的第一分店就在油麻地！爽快地買了個外賣，便到莊友家去。人不多，今次只買了狗仔粉和火鴨翅各一。因為是外賣，是劃一的size 和價錢 (各$28)。一打開狗仔粉的蓋，鹹香噗鼻而來。即使是外賣，也盛得滿滿的。即使外賣很容易使麵「發漲」，以粘米粉製的粉條仍不糊不爛，傳統秘方應該功不可沒。粉條盡是冬菇、蝦米湯底的味道，配合菜脯一起吃，惹味非常。因為朋友不嗜辣，我加了不辣的菜脯；其實嗜辣的應該試試它的辣味菜脯，麻香味十足，又辣得過癮。至於火鴨翅，對於（聲稱）減肥的人，那種肉香簡直可以滿足吃肉的慾望——很濃的燒鴨味，但其實鴨肉很少，內容像碗仔翅。又不是想果腹的，這兩個小食在味道和份量上都恰到好處。雖然我未經歷過上一輩說狗仔粉而想起的辛酸（聽說過狗仔粉是救濟粉的諧音），但能嘗一下當年的街頭味道——我知道，捧著一碗鹹香四溢的狗仔粉和火鴨翅，無論在舊日，還是物質較富裕的今天，是多幸福的事。

本身諗住同男朋友睇完戲後係尖沙咀食埋野就反屋企, 傾傾下就話不如行去佐敦搵食之前都有聽聞過18座狗仔粉個名幾響, 但次次經過都冇食... 所以今次就試試佢地下舖位唔大..開左幾張木接台, 好似大排檔咁..之後聽到D阿姨同D客講樓上有好多位呀..上去啦~原來仲有樓上舖..個日其實都幾肚餓..成10點都未食野..但本住試下既心態..每樣淨係叫左1份~阿姨好Hard Sell話有上脾..咁就試埋啦~叫左狗仔粉..火鴨脾..雜錦大雜薈..味精味都幾重下..有少少海鮮味..湯底有D蝦干仔係度..與其話佢係湯..不如話佢係玻璃芡..打芡應該係想個湯掛麵D~ 麵質好似唧唧魚麵既口感..E碗野30蚊係一隻用少少碗仔翅淋面既燒鴨脾..隻脾就normal啦..反而值得一讚既係個翅..雖然得個幾啖..但有好濃既鴨味..如果抱住食碗仔翅既心態食佢..會有驚喜既~不過$22食隻燒鴨脾加2..3啖翅就貴左少少雜薈好似有豬肚..豬皮..大腸個D~味道冇乜特別..佢話個個滋味醬定美味醬..我食落就冇咩特別..好似甜醬溝麻醬加豉油..唔記得左幾錢反而我最欣賞係e樽辣菜莆..阿姨上狗仔粉既時候已經有話台面紅色個樽係辣菜莆

去到佐敦都搵左好耐先搵到，典型嘅大排檔部局，其實餐牌仲有其他嘢食嘅不過我等一次去梗係食狗仔粉啦。白色嘅圓柱體粉睇落就唔太吸引，啲湯，又或者叫芡， 味道有少少似碗仔翅，加上佢啲配料（雖然我唔太知係咩黎）成個配搭幾特別，但我個人就覺得稱唔上叫好味，而且食到最後鹹到唔想食。所以香港四大奇食都係試過就夠。

經常聽人說到哪吃狗仔粉，令我也想嘗一下，決定專程去佐敦吃，聽說佐敦有間很有名餐廳專賣狗仔粉，雖然店子很小，枱子只有三四張，但已滿座，排隊等了5分鐘，就有位啦。點了馳名的狗仔粉，火鴨翅，火鴨脾，店員很快把食物送到枱上，吃了幾口，這個狗仔粉令我想某牌子的唧唧魚肉麵，當然狗仔粉令人驚喜，麵質很爽口，加上自家制作的菜莆，有辣和不辣之選擇，我個人較愛吃辣，辣得很過癮，很美味。至於火鴨翅跟普通碗仔翅差不多吧，我倒覺得碗仔翅比較好吃；另外就是火鴨脾，每啖都是肉，用手拿著吃，特別有風味，正！沒有試過的朋友，可以試一下，別有一番風味！

原本想食澳牛🌚，可惜多人到痴線😑，行過十八座狗仔粉，想作出第一次嚐試😝，由於唔肚餓，淨係叫左細嘅狗狗粉，即叫即到熱辣辣，賣相相當普通，亦非想像中咁香，但狗狗粉嘅湯底味道香濃，雖然狗狗粉不夠彈牙，但整體而言相比其他街頭食店，味道不俗而且十分有創意

今晚要出佐敦，做好嘢之後行過見到呢間路邊食店，賣嘅係細個最鍾意食嘅街邊小食食店都好有街邊風味，摺枱硬木櫈，坐路邊！先企在路旁等阿姐安排座位，個阿姐又聾聾地，一定要面向佢講嘢先得，（我覺得佢係讀唇架！）坐低咗阿姐落單，食物種類多！之後上晒食物就會比低張數紙！之後攞數紙比錢！大雜（$32）：牛肚好硬！硬到好似膠咁，最後我只食到一舊，淨低晒，大腸彈牙，有厚有薄，蘿蔔無渣爽甜，豬皮唔爽口，最好味嘅係啲橙色醬，唔辣但好惹味，整體好一般！狗仔粉：（$20）好咸嘅湯，有菜甫蝦米！好濃但混濁！條條狗仔粉彈牙！但因為啲湯太咸，所以唔好味！牆上嘅介紹話辣菜甫好味到要偷，但因為啲湯太咸，已經唔想再加菜甫！風味嘅嘢，可能只能回味！以前一檔街邊檔食一種食物，呢間食店要做好咁多種類嘅食物，所以做得唔夠盡善盡美！