豊勝手丼 (Moved) New Location

今天約了朋友食午餐，朋友帶了我去食日式丼。餐廳在內街，但很容易去。餐廳很細小，只有16個座位，但設計很別具一格，有很大的貝殼用網掛在天花上。丼以魚生丼為主，但亦有少許熟食丼，例如鰻魚丼。我點了最愛的雲丼卜口丼，有原板韓國海膽，加碎蔥吞拿魚腩。海膽原板上，很新鮮，超正。吞拿魚腩拌飯，加點芥末和醬油，好好味。朋友要了北海蟹丼，蟹肉，又有蟹腳，還有蟹鉗、蟹膏及蟹籽，完全是蟹宴的感覺，拌飯吃，啖啖肉之餘，又忘滿蟹膏香味，還有粒粒蟹籽的口感。是日相當滿足。

工作辛苦，總要吃點美味來慰勞自己，周日與好友到銅鑼灣行街，順道吃她最愛的日本丼飯。豊勝手丼位於謝斐道，離地金鐵站約2分鐘路程，非常就腳。 這裏的丼飯選擇極多，價錢亦合理公道，而每個丼飯已包括了沙律、麵豉湯及螺肉。由於餐牌上的海膽丼圖片非常吸引，平日在超市買一板都差不多HK$100，這個丼除了有一板海膽外，還包括了其他海膽，所以決定點來試試。 實物與餐牌顯示，真的是一模一樣，總不欺場，海膽份量極多，多得把所有白飯都遮蓋了，而這個丼飯的海膽共有3款，分別是原板韓國海膽、日本海膽及加拿大海膽。 說實，這樣吃海膽飯，感覺真的非常幸福，韓國原板海膽肉為深黃色，帶有光澤，瓣塊較加拿大及日本的薄身，質感柔軟，入口即融，味道甘甜。加拿大海膽最肥美，色調泥黃，海水味較重，質感較結實，雖然甜度不及日本海膽，不過質感細滑。日本海膽肥大肉厚，色澤呈橘色，入口即化，鮮甜甘腴，口感豐潤，餘韻悠長。 除了主角海膽外，沙律的味道同樣不錯，沙律菜清新爽脆，蟹籽就能令口感層次提升。 另外，前菜蜆肉與坊間吃到的，味道沒有太大分別，螺肉同樣是非常爽甜。而麵豉湯味道清淡，可能加點蜆肉來煮，味道會更鮮味。

就近銅鑼灣區，地㸃好方便，小店地方細細，但只放幾張枱，所以坐得好舒服。店名一睇就知主菜食丼，有熱有凍，保守叫了十五號四菱海鮮丼，因為有我最愛海膽和赤蝦，再配兩款魚。定食一到，通常我會先飲熱湯暖下胃，麵鼓湯好濃郁，鹹味又剛剛好。食了酸酸地黑醋沙律和螺肉，就開動食丼啦。海膽要新鮮食，當然要先食⋯其實全部都要新鮮食海膽有兩大舊，好厚身又甘。赤蝦大大隻。三文魚和鯛魚，全都厚肉，足料。個飯好特別，是加了魚仔和芝麻，鹹鹹地又香口，唔知係咪我小食丼，我第一次食刺身D飯係有餸⋯⋯

來到星期天, 又是一樣下大雨,不過不要緊, 也約了好友先去灣仔食lunch, 再去Sogo行街濕平~ 因為忽然下起激大雨><" 所以很狼狽地入了一間名叫- 豐勝手丼, 不過笑容滿面的女服務員招呼我們了~ 餐廳雖然不算太大, 但乾淨雅潔, 相當好坐~ 由於這裡是丼店, 所以都有很多不同的丼可選, 價位都是合理價, 和坊間的差不多~花多眼亂下, 選了四菱海鮮丼 - 包括有加拿大海胆、赤蝦、真調、三文魚, 價位HKD 198 先來前菜- 是沙律和螺肉- 沙律又新鮮又脆口, 攦上鮮甜的三文魚子, 更加惹味可口! 螺肉 - 開胃小菜, 幾顆螺肉就已令人胃口大開了! 麵豉湯不錯, 不會太濃味太咸, 口感清新, 不錯~ 我的四菱海鮮丼來了!!!份量十足, 大大件海鮮鋪到飯面滿滿的~~~ 魚生全部都非常新鮮! 而且看得出餐廳不孤寒, 有心給重本食物給客人~大大件的魚生毫不吝嗇地鋪在日本珍珠飯上面, 食完都好夠飽!四款魚生料包括: 加拿大海胆、赤蝦、真鯛、三文魚; 其實四款都唔錯, 不過個人心水必是加拿大海胆, 入口一點都不腥, 是很鮮甜芳香的感覺, 食完後整個口腔留有濃濃

朋友本來想食拉麵，但是由於是星期日太多人排隊了，又見這間日式餐廳風格很別緻，餐牌相片又很精緻，所以決定試一試。一入到去氣氛十分好、加上店員熱情的招待，這小店的確正！店員立刻拎上熱茶餐牌後，我想了又想點了（雲丹）原來是海膽加上吞拿魚腩的，一上到桌上我十分之開心，海膽是原板上的，十分新鮮、閃令令、一問店員原來是韓國直送到港，再加上肥美的吞拿魚腩的飯，十分之香滑，此餐也包括了湯同沙律，湯並不咸大可放心的！

上網search到這間日本丼，很喜歡吃魚生的我一於去覓食。原來隔離都是他們餐廳的，只是不同名，差點入錯門口haha。裝修充滿日式居酒屋風味，令人想起在日本的時光。這間餐廳主打魚生丼，還有少量小食，見到餐單有這麼多選擇，真的很難選擇呢!我最後點了一個五品丼，有三文魚，油甘魚，赤蝦，帶子，以及海膽。每一個丼都包括了沙律菜，麵豉湯和開胃配菜，食完整個飯絕對能捧著滿腹離開。沙律菜配上醋汁，很開胃，菜亦都十分新鮮，還有粒粒魚籽在表面。這個丼的份量大，一人吃一個感覺滿足，值回票價。帶子夾著一片檸檬，酸酸的檸檬讓帶子變得清新，去掉腥味。最欣賞這個丼的原因是每款魚生都可以一試，每款份量剛好，海膽口感紮實，沒有苦澀的味道。我不是太喜歡吃油甘魚，因為味道比較濃烈，想不到這些油甘魚肉十分鮮嫩，而且份量多，喜愛油甘魚的朋友一定會吃過不停。重點!!!!是我最愛的三文魚呀，厚切的三文魚充滿油香，咀嚼的時候味蕾能充分感受到三文魚的香味。至於飯量也很足，一個丼已讓我接近9成飽了，餐廳的小食很吸引，特別是日本炸蠔，外皮酥脆，裡面的蠔仍然充滿肉汁，即炸的蠔真的很吸引! 之後應該會再來嘗嘗其他的丼haha

銅鑼灣一向都有唔少食店，之前試過食過幾次人氣拉麵店，食完之後都經過同一條街既呢間豐勝手丼，咁我本身都喜歡食日本野既，但一直都未食。今次嚟到銅鑼灣買近期大熱既人氣飲品，咁就順便終於一個人嚟到試下先。望住menu 都見到呢間店鋪有唔少食物選擇，仲有我最鍾意既刺身。不過今次我就食左個二重鰻丼 ($198)。二重鰻丼 ($198)丼飯連埋前菜沙律同麵豉湯。呢個二重鰻丼分別有 原條鰻魚同埋原條星鰻，鰻魚汁帶點甜，而無論鰻魚定星鰻都係已去骨，而肉質都係鬆軟得嚟唔會話乾身。

喺港島返工嘅我有日放工同同事話想食日本嘢，搵搵下就搵到嚟呢間豊勝手丼喇～其實之前都食過附近嘅日本餐廳，今次嘅豊勝手丼就位於一個較靜嘅位置嘅～入到去其實鋪面唔算大，差唔多坐滿 裝修都幾有日本風～馥の丼（碎蔥吞拿魚腩+黑松露火炙帶子）（$238）我自己叫左呢個馥の丼，其實就係 碎蔥吞拿魚腩+黑松露火炙帶子嘅丼～首先有簡單嘅沙律、前菜、麵豉湯～至於個飯，帶子鋪滿成碗，中間疊上一座山仔咁嘅吞拿魚腩蓉，份量非常足夠！帶子只係輕輕燒過，所以仲保留軟滑口感，而表面又有啲脆口喎！味道好鮮甜，再加埋少少嘅黑松露味夠晒香，但如果再厚啲就會更加滿足喇！ 吞拿魚腩蓉似足一座山，絕對夠食成碗飯。加上少少豉油更加鮮香，魚脂香亦係佢吸引之處！雲丹卜口丼（原板韓國海膽+碎蔥吞拿魚腩）（$238）同行朋友叫左雲丹卜口丼，有吞拿魚腩加原板海膽。試左一下佢既海膽，海膽味濃郁，仲要成板咁食，加上吞拿魚腩蓉配飯非常吸引，同樣值得去試！

之前就黎過一次依家黎食晚餐，先知原來夜晚黎食係好多人!!!都要等一等先有位坐呢個係我食既雲丹卜口丼 ($238)有原板韓國海膽同埋碎蔥吞拿魚腩海膽好新鮮之餘係好鮮甜，帶有少少海水味個人比較少食海膽，但都覺得呢個係好易入口而碎蔥吞拿魚腩就有好多，滿左成個碗面加少少醬油伴飯食，十分開胃而且吞拿魚腩唔會太過油膩朋友食既鹽燒鱈場蟹定食 ($278)我就偷左佢少少黎試下~有少少既蟹膏可以要黎伴飯而鱈場蟹就爽口實肉，鹹味岩岩好日本野就係比較貴不過同放題價錢差不多，用黎試下好D既日本料理都不錯!

喺銅鑼灣呢頭有唔少美味高質既餐廳，我同朋友都好中意過海覓食～ 今日晏晝心血來潮想食日本菜，見到有人推介豊勝手丼，啲相睇落又好吸引，咁就一於去試下，睇下係咪真係色香味俱全。😜餐廳既風格充滿日本風味，店舖細小精緻，牆上有一尾栩栩如生既魚。餐牌好簡潔，一張兩面，包攬曬多款美食，有丼飯、刺身、燒物等不同選擇。如果餐牌上既丼飯不合心意，可以自行挑選刺身配料，組成獨一無二既特色丼飯。枱面一早佈置好，放左餐具、熱茶。而牆上有一個架，放左紙巾、醬油、牙籤等，一應俱全，非常貼心☺️抹茶好清新，發出陣陣幽香，帶點甘苦 。而茶本身可以幫助消化，消一消濟 😌 一路食主菜，一路飲呢個抹茶🍵，絕對係最完美既配搭。餐牌上每一個丼飯都非常吸引，經過一輪爭扎，我最後決定點「五品丼」😝 期待已久既魚生飯終於出現！😍😍 。飯前開胃既小菜必定係沙律！清甜爽口既生菜🥗 配上香甜多汁又紅彤彤既番茄🍅 再加上鮮味彈牙既蟹籽，令整個沙律色彩鮮豔 😍 最後淋上秘制醬汁，酸甜既醬汁令沙律更美味～醬汁亦同時令人胃口大開！魷魚沙律 🦑呢個係我最愛既小菜之一，由八爪魚、芝蔴同沙律醬混製而成，食落軟林林同埋幾彈牙，魷魚既味道好正，香口惹味 🦑然後

今次終於幫襯聽個名都想食的豊勝手丼，成日在facebook 見人share 鋪滿海膽同魚生的丼， 非常之想食。今次終於有機會喇，仲要喺我常常去嘅銅鑼灣，超方便！鋪仔細細，分開兩part的，甚有日式居酒屋的感覺！今次就想試下非一般的丼，超香duck fat 的鴨肝飯！鴨肝煎得外脆內軟，油香四溢，香氣滲至每一粒飯，珍珠米每粒晶瑩飽滿，一碗靚丼就是最基本要d 飯夠香口彈牙！由於脂肪較高，都幾易飽濟，我食左3/4碗就食唔哂了。今次只試左較冷門嘅鴨肝丼，期待下次食魚生丼吧。我覺得呢間都算不錯，唯份量偏少，如果男人食可能一個set 唔多夠。不過都還好,有得免費添飯哩~~

長達三年零八個月嘅大K減肥計劃， 又終告失敗。本來好地地 一心去銅鑼灣做gym減肥。 雄心壯志 跑咗廿幾公里，諗住今次起碼收返廿幾kg啦。 好衰唔衰做完運動 經過樓下見到有間好似好好食嘅壽司 做咗咁耐gym梗係要食番飽啦，唔食多啲嘢邊有力去減肥呀!呢度啲壽司不但只新鮮，而且多選擇。再加上老闆用一啲小小嘅創意 味道 嘅crossover, 喺 壽司上面加上唔同嘅材料， 好味嘅程度最震撼你嘅味蕾!剛剛係食海膽嘅季節嘛呢度嘅海膽壽司真係正到冇朋友呀

工作完了，已經到了晚飯時間。一個人想食好點，食個丼就最好不過，可以食幾款魚生，又唔怕唔飽。身在銅鑼灣，要食丼就當然首選豊勝手丼。五品丼有赤蝦, 三文魚, 油甘魚, 活帶子及日本赤海膽。赤蝦都有兩大隻，蝦殼精瑩通透，看得出的新鮮。的確，蝦肉非常鮮甜，肉質軟綿入口溶化，口腔充滿蝦的鮮甜，柔長不散。魚生厚肉肥美，三文魚軟腍，油甘魚充滿魚油甘香，帶子十分鮮甜。日本赤海膽份量都幾多，甘甜軟綿，夾著煙韌彈牙珍珠米飯，口感滿足。飯裡還有銀魚仔，就算齋食飯都不覺寡！還有螺肉，沙律及味噌湯。螺肉軟彈惹味，沙律清爽，配柚子醋十分開胃，味噌湯濃而不過咸，湯料還有豆腐及海帶。

星期六，終於可以瞓到日上三竿✌今日約左朋友到銅鑼灣食晏，朋友帶左我去豊勝手丼食午餐。Set lunch 我揀左呑拿魚腦$288:前菜為沙律菜小食：沙律菜配上芝麻醬，還有一小碟螺肉，餐湯為味噌湯，清甜暖胃。呑拿魚腦燒得鮮美，當中的呑拿魚腦六塊，十分肥美，白飯充滿呑拿魚的油香，相當精緻好味，令人回味。一邊喝茶水一邊聊天，渡過又一個愉快的週末。It is always nice to meet up with friends.

本來想吃拉麵，但實在太多人排隊，香港天氣太熱，剛巧旁邊原來有魚生飯！亦是我最喜歡的餸菜之一！估不到原來這小店很有驚喜！價錢不貴，選擇很多！有生的也有熟食。裝修的感覺也很像日本築地 。我選了一個雜錦魚生飯的套餐。有齊沙律，小吃，麵豉湯前菜。麵豉湯熱辣辣，不會太咸，裏面有大量豆腐和海帶，材料十足！沙律也很新鮮！配以柚子醋汁很開胃！螺很爽脆很甜，海膽應該是加拿大海膽，很大很有肉，雖然沒有日本海膽那麼甜，但也很鮮味！鮑魚用醬汁磯煮過，乾身但也很入味！三文魚腩很肥美！很大塊，軟綿綿的很好吃！想不到這小店也很驚喜！