豊勝手丼 (Moved) New Location

昨天從日本出差回來,去日本太頻密已經吃到不知吃什麼好,在日本只吃了日本人推介的西餐和中餐, 回到香港才吃日本料理,在一蘭旁邊的豊勝手丼,以前已吃過一次,記得很好味,今次再encore,店舖小小,一定要預訂,我今天吃精選壽司9件定食,分別是拖羅、帆立、海胆、鮭魚、烏賊、海老、鰻魚。定食包括了味噌汁、沙拉，酸梅小蕃茄，酸梅小蕃茄十分開胃,9件壽司最喜歡拖羅、帆立、海胆，十分新鮮和鮮甜。如果不夠飽,可無限量加飯,日本米漲卜卜,甜甜地好味道。

和朋友都是日本料理愛好者，最近見面幾乎只選擇日本餐廳，但總會碰上腸胃不好不能捨命陪君子的日子，她便想著找個能同時滿足她魚生夢和解決我肚子的餐廳。本來豐勝手丼只有各式刺身，但最近的新menu加了點不同的花樣，熟食定食。鹽燒喜之次bb，定食包括了湯，沙律，酢蕃茄，蕃茄冰冰涼涼，甜中帶酸非常清爽醒胃。不要以為燒魚總會很乾身，皮香香脆脆，魚肉卻保持濕潤嫩滑，加一點點檸檬更清香。而且這裏的飯是可以添加的，一定會吃得飽。

Happy Friday，要食個靚Lunch ，見到有個新menu，叫御膳，喜歡食蟹嘅我選擇咗鹽燒鱈場蟹定食鹽燒鱈場蟹定食 $278呢個定食好豐富，有4隻鹽燒鱈場蟹腳，一小碗蟹羔，當然唔少得沙律，螺肉同麵豉湯，蟹腳啖啖肉，有些海水味，可能因為燒過嘅關係，有些黏殼，可惜餐廳沒有預備食蟹嘅工具，如果可以加添就更好，白飯上加咗芝麻，好香口，加入蟹羔撈埋一齊食，無懈可擊，食完成碗飯，仲有蟹羔，咁就當然添飯喇，呢度嘅飯係用日本米，米身短，較香綿密，米粒光澤、圓潤飽滿有飯香，食完飲埋麵豉湯，好完滿

真係好鍾意呢間小餐廳，價錢合理而且有好多款丼飯，所以今日又走過嚟食吓！碎蔥吞拿魚腩+黑松露火炙帶子 ($238)帶子肉厚，外層有微焦嘅口感，但入面軟滑，黑松露醬份量啱啱好，唔會蓋過帶子嘅鮮味；吞拿魚腩份量好多，食落質感軟嫩，呈粉紅色，撈飯食仲綽綽有餘，加咗少少豉油及新鮮wasabi一齊食，有魚香鮮味亦都有魚脂香！整體都非常大碗，大食嘅人都絕對會食得飽！其實呢度有咁多款丼飯，真係嚟10幾次食晒咁多款都有排......

謝斐道有間不顯眼的日式料理店，主打海鮮丼。舖頭細細只四五張抬，有點似家庭料理店感覺。四菱海鮮丼 ($198)賣相相當吸引，四款刺身看得我閃閃發光。有赤蝦，真鯛，加拿大海膽和三文魚。赤蝦足足有我手掌長，晶瑩透亮，充滿膠質，有漿口感，蝦頭位置可見蝦膏顯著，入口甘香。真鯛肉質爽口。加拿大產海膽不遜於日本產的，飽滿，入口鮮甜，海水味濃。三文魚肥美，入口嫩滑有油脂香。套餐包括前菜，沙律和麵豉湯，整體水準不錯，用料新鮮，有機會可推介給親友們品嚐一下。

今日嚟到銅鑼灣做嘢，不期然想起食謝斐道這間豊勝手丼的刺身飯， 真正回味無窮， 次次食完都會心思思再想去多一次， 今日午飯就一於行過去食多一次。看過餐牌，就試這四菱海鮮丼，食材分別有加拿大海膽、赤蝦、真鯛和三文魚， 全部食材都是非常鮮甜美味，都是海鮮中的鮮味食材至一。 很快店員就拿這滋味的海鮮丼放在面前，不得不讚這裏的師父， 每次擺放食材，都是賣相非常吸引，未食已經流曬口水。 味道方面， 加拿大海膽 size比起韓國海膽大，但味道也好鮮甜，間中還食到有海水鹹鹹哋的味道, 不太苦澀, 回甘味重。 至於赤蝦 ,分量大大隻不在話下， 除了非常鮮甜外，口感還很爽滑， 證明非常新鮮。 至於兩種魚生，咪睇佢只得各兩塊咁多， 但兩種都是非常厚切的， 比起其他店的薄切，簡直係天淵之別， 味道鮮甜之外， 厚切食時啖啖肉 ，食後滿足感非常之勁。正!其實這裏餐牌還有很多選擇，若果要全部都食過一次的話，真係最少要來十幾次以上 ，才可以各種都食勻曬， 相信不久嘅將來，很快就會再幫襯一次。

夏天到了，朋友話想食壽司魚生丼飯，我地行過銅鑼灣，經過豊勝手丼，入去食個set lunch. 細細間餐廳，麻雀雖小 五臟俱全，木系色的桌椅。我見呢期少食魚，點左份喜之次魚set $238，一個set 有飯，有湯加一條細細精緻的燒魚。望著餐廳的牆壁上寫著壽司飯任添，真好，起碼食得飽。白飯上加上芝麻，配上鮮魚肉，最後喝味噌湯。成個最中意個螺肉小食。簡簡單單食完呢一個魚set。After lunch, we start our shopping day in causeway bay.

今日係Happy Friday, 放工去試新野。 見呢間評價吾錯,一於捉男友一齊😛。 我就叫左個海膽丼, 男友就叫左吞拿魚丼。賣相ok,食落新鮮的。 係環境比較狹窄, 服務一般。 比起東京築地食個海膽丼爭太遠, 還是去日本食好😍😍😍 思鄉中

因為都很久沒有食壽司，所以訂了銅鑼灣嘅豐勝手丼食午餐。我要了一客四菱海鮮丼套餐，這套餐有麵豉湯，醒胃酸番茄仔，菜沙律，沙律好新鮮，醬汁調校得非常之美味。海鮮丼有加拿大海膽，超肥美之三文魚刺身，真鯛刺身及赤蝦。海膽入口即溶化，令人回味無窮。三文魚刺身真係啖啖肉非常之肥美可口。好少食到這麼肥美及這麽大件的三文魚，實在回味無窮。而真鯛刺身亦非常新鮮，鮮味十足，清甜可口。亦蝦亦非常大隻及鮮甜。而且這個套餐價錢合理。實在吃得非常之滿足。

Got in early right before 12 for lunch. We were the only people there but by 12.15pm the place was full. Try to get there early to get a table or risk waiting for one. Service is efficient. The tuna don was amazing. So fresh and delicious! Loved that they mixed in the baby fishes into the chopped tuna which added subtle a fishy flavour and complexity. We also ordered sides i.e. monk fish liver and salmon roe. Very good. Highly recommend this restaurant for its quality seafood dons. Will be back

日本菜真的是怎麼都吃不嫌，其一原因是普遍少油少糖少鹽，而且刺身多是鮮魚海鮮，款式又多。不過坊間有些廉價刺身店，來源不可靠，始終生吃有衛生風險，要吃就別太貪平這間豊·勝手丼是其中一間心水之選，賣點是選擇多，食材新鮮，Bookmark 了一段時間，總算來了店面很有日式居酒屋味道刺身飯選擇眾多，花多眼亂還有單點刺身而我們就點了兩個定食四菱海鮮丼這份四菱海鮮丼完全滿足了選擇困難症患者的口味每份定食包一碗味噌湯、一份沙律，一份前菜螺肉四菱海鮮丼能滿足選擇困難症患者的口味，有兩片加拿大海膽兩隻大赤蝦、兩件三文魚及真鯛魚刺身，赤蝦size大大隻，兩款魚都夠新鮮，海膽鮮甜除了刺身飯，也有熟食定食啊！鹽燒喜之次牠在我眼前張牙舞爪啊😱！BB喜之次真的很mini很cute作為一人份量剛剛好！撒滿鹽的喜之次頗咸，但送飯很好吃！至於飯量不算很多，但僘若你年青力壯，或是餐餐食開三碗白飯也不怕餓著離開因為這裡有免費添飯服務👍🏻那就不怕就到女朋友，男朋友就餓親啦！

今天下班嘛約了好友在銅鑼灣吃晚飯, 原來是想吃一蘭的, 結果來到謝斐道時發現了食丼的豐勝手丼,沒想這巷內原來還有這種日式食店~想想一蘭都吃過幾次了, 就嚐個鮮吧嘿嘿。店內座位不多,大約4張枱十個坐位左右, 小店經營的感覺。本來以為丼類都會是只有海鮮或魚生嘛，但發現了有鵝肝丼，好奇心立即被勾起來就點了來試，另外好友則點了鹽燒鱈場蟹定食～鵝肝丼 - 很厚身，份量也頗多，鵝肝不會煎得過乾，同時配上芽菜和蘿蔔，可減去油膩感，不錯鹽燒鱈場蟹定食 - 除了蟹腳之外，還同時配上蟹膏，吃的時候點上蟹膏，海鮮感滿滿的～很特別除了魚生丼之外,還有不同的丼可以選擇，要是不吃生食的朋友, 一起來這裡吃飯就方便。既有傳統的魚生丼, 又有很適合不吃魚生的人呢～

好耐之前來這餐廳食過～今日同事想食魚生飯，就帶佢來試喇！ 午餐時間12點我地係第一台客～見到menu超多選擇！好多野都好想食！最後我揀左《北海蟹丼》$198！回味一下去北海道旅行時的滋味。首先我好鍾意佢的沙律！芥末醋配搭新鮮蔬菜和蟹籽，好fresh好開胃！北海蟹丼：有松葉蟹肉、松葉蟹腳、松葉蟹鉗、味噌蟹羔和蟹籽。味噌蟹羔和蟹籽份量幾多～整體味道偏淡，松葉蟹腳和蟹鉗已經開好晒～唔需要自己拆殼，好方便!肉質新鮮，但份量較少。味噌蟹羔拌飯食～我一個女仔都輕鬆食完成個定食，男仔可以向店員免費添飯!

工作辛苦，其實連shopping 時間都無，咁就花費喺食上面喇，橫掂日日都要食飯，點解唔對自己好啲？近期周圍都開丼的店舖，但是有啲質素真係麻麻地，今日放工就來試一試衣間丼，其實佢喺一蘭條街，我自己覺得幾僻，唔係常行，上網search 見到，由好似好多就試下喇。入到去其實間嘢都細，有4張枱，不過佢放得都有啲距離，唔會話好迫咁，坐得耐啲都無話唔舒服。入到去menu已在枱面舖仔細細都有好多選擇，衣間唔止有丼食，仲有啲定食壽司刺身咁，話左食丼，叫左四菱海鮮丼，想食魚又想食海膽啱晒我，之後我同朋友繼續揀，我比喜之次BB❤️吸引住，喜之次平時食勁貴，而家原條上再加飯沙律前菜238，雖然係BB,都叫個鹽燒喜之次BB定食第一樣來到係四菱海鮮丼，四菱更係有四樣餸：三文魚，大大蝦、鯛、同海膽上桌滿滿的，已餵飽我嘅視覺，食落海膽，絕對無💩味，鮮甜，三文魚同鯛都有啲厚度，唔似之前食過一間要顯示佢刀功，蝦大隻有口感，飯都軟硬適中唔會太酸，好啱我口味。之後就到我期待嘅喜之次⋯BB❤️,原條上，擺盆漂亮，好似游緊水咁BB個身好多鹽，廢話，鹽燒麻，外面小小脆入面好嫩滑，BB好好餸飯，BB一啲都唔腥，可惜BB太少肉😞未夠喉

剛逛完誠品想找日本料理吃所以來到這間專吃丼飯的食店。店的空間不大但應覺不會很逼迫反而很有日式小店的風格。有傳統的日式刺身飯也有較特的的像安格斯牛肉及鵝肝丼。餐單上的選擇挺多，挑了鵝肝丼與鹽燒鱈場蟹定食。不論定食還是丼都配有麵豉湯、 車厘茄漬物與沙律。鵝肝丼$188鵝肝挺肥美厚身，因煎的火喉控制得不錯所以不會覺得飯很肥而鵝肝很乾身。滲了鵝肝油的飯特別香滑，上邊灑了點芝麻配上煎得金香的鵝肝面表皮會覺有點兒香口。鹽燒鱈場蟹定食$278除了鹽燒蟹肉還有量豐富的蟹膏哈哈。拿來配飯剛剛好又濃郁又好送飯。然後鹽燒後的蟹肉會較香口，蟹肉也不少加點蟹膏會更惹味。然後配藥的車厘茄漬很特別，酸甜很開胃。沙律與麵豉湯是保持正常水準。整體來說這店還不錯吃～