豊勝手丼 (Moved) New Location

Saw many “😋” on OpenRice so decided to give it a try. The place is small with 16 seats but has a fun decor. Ordered the chopped tuna with uni set and select your own 3 set. You can quickly tell that the chopped tuna was pre-made an not freshly made by the color and the texture. It was quite cold and stuck together when it came out. The taste was okay once you add the wasabi and soy sauce. The side dishes are alright nothing special.

「勝手丼」起源於北海道，即係有好多種刺身可以揀，俾客人自由配搭做丼飯，大概係好似車仔麵的概念一樣，好多餸可以揀！近來先發現原來香港都有得食，暫時去唔到北海道，等我去豊勝手丼望海止渴先！跟餐會有湯、沙律同埋前菜。四菱海鮮丼$198咁豐富嘅刺身令人眼前一亮吧！有齊加拿大海膽，赤蝦，真鯛同埋三文魚海膽很鮮美，食極都唔夠，想追加多一板赤蝦很大一隻，鮮甜又冇雪味～真鯛晶瑩通透，口感很好，咬落仲有油脂香。三文魚很厚身，食落好滋味。跟餐的味噌湯也不錯，仲有豆腐。沙律加左好多蟹籽，唔會淨係得菜咁單調。京姬柚子梅酒 $42/杯 $420/樽飲品都好正呀～超級推薦柚子梅酒仍是以柚子味為主，但酒味比普通柚子酒濃，餘韻有淡淡梅香，好想成支買返去飲！整體來說刺身非常新鮮，酒的選擇也很多，愛吃日本菜的朋友不妨一試！

今日去開銅鑼灣做野，同同事地開完會，諗緊去邊食午餐好既時侯，忽然有人提議去依間丼飯店，咁我地又去食過啦。雲吞拖羅丼$238我咁鐘意海膽，見到有成板海膽既丼飯，點會忍得到唔食呀，哈哈。依個飯好霸氣，即時同佢影番幾張靚相先。丼飯用左原板韓國海膽同碎蔥吞拿魚腩，同樣係啲好creamy口感既魚生。海膽色屬黃橙，味道幾鮮甜，用紫菜包住食又得，用黎配飯又得。拖羅蓉整得幾好，切斷晒筋位，配埋豉油就更好食。豊勝手丼 銅鑼灣謝斐道468號百達中心地下D號舖

位於銅鑼灣的豐勝手丼，是一間小型的日式丼飯專門店。由於我很喜歡吃日本料理，特別是放上滿滿魚生丼飯，是日帶同很久沒見的好朋友去吃晩餐。北海蟹丼$198超級豐富的松葉蟹丼，實在是不能不相機先吃呢。一碗用料豪邁的丼飯，用上一整隻蟹，讓客人一口氣品嚐不同部位的美食哦。北海蟹丼包括: 松葉蟹肉，松葉蟹柳，松葉蟹鉗，味噌蟹膏，蟹籽。蟹肉和蟹鉗已預先拆殼，肉質結實，軟腍中帶點彈牙，頗鮮甜的哦。然後把蟹肉碎，味噌蟹膏，蟹籽三者加米飯伴勻，口感豐富，鮮中帶鹹，同時膏香濃郁，而且可以加飯哦。

行過謝斐道，見到這間很雅緻的日本料理，看完門口的餐牌後，一於決定try try 啦侍應姐姐很有禮，介紹了食店內不同款式的食物，於是點了一客卜口丼。沙律入口很fresh，味噌湯味道不鹹，螺肉很爽口，吞拿魚飯魚質很鮮，整體來說很不錯啊室內有四張枱，地方雖不大，但很有小店親切feel有無限免費壽司飯添加今晚點了卜口丼每份餐跟前菜、配料及味噌湯吞拿魚+吞拿魚腩+碎葱吞拿魚腩丼

很久沒吃超新鮮的魚生飯了這一間常常都有很多人排隊，今天就來試一下沙津菜很甜很脆非常新鮮，味噌湯咸道剛剛好。刺身的分量都給很多，海膽味道超濃郁，超新鮮超甜，用紫菜包一點飯包一點海膽，整個人超級滿足！！吞拿魚很嫰，加了點蔥花很香。滿滿的蟹肉！！而且都幫你處理好了不用自己動手蟹肉很甜，蟹膏超甜超濃郁的！！和蟹子伴在一起的口感超級棒蟹腳的肉也很肥，一口咬下去超滿足。吃完這個飯有種吃了一整隻蟹的感覺～但重點是不用自己動手！！

之前經過餐廳，經常都見到大排長龍，諗好咗搵日一定要過嚟試吓，呢日一早就同朋友出去餐廳朝聖，幸運地唔駛排隊就入到去。餐廳裝修充滿日式風情。睇完餐牌之後，決定同朋友1人1個丼，朋友叫咗北海蟹丼，裡面有勁多松葉蟹肉、松葉蟹腳、松葉蟹鉗、味噌蟹羔同蟹籽，分開食就可以試到每款食材嘅獨有鮮味，撈埋一齊食，就令味道昇華，每啖都係鮮味，好滿足。因為好耐無食和牛，所以我就叫咗火灸鹿兒島和牛丼，和牛經燒烤後，食落油潤，充滿油脂香，難得佢肉味好濃! 另外，配上菇類同蔬菜同食，中和了油膩感，令整體感覺更平衡，唔錯! 每款丼都跟咗前菜、配料及味噌湯; 前茶係凍豆腐配千島醬汁，配料係螺肉，而味噌湯就加咗豆腐，飲落唔會過咸。餐廳免費提供壽司飯，朋友唔夠食，額外叫咗1碗飯撈餸食，最後大家都食到飽晒先離開。

平時出街做嘢咁辛苦， 都係為咗閒時食食食， 趁今日啱啱出咗糧, 梗係搵間好嘢食啦! 每次經過銅鑼灣謝斐道, 都會諗起這間豊勝手丼， 因為自從食過第一次之後， 念念不忘其海膽丼飯， 今日終於有藉口再食一次。贅沢雲丹丼， 賣相真係好吸引， 未食已聞到非常濃烈嘅海膽味。 兩款海膽，雙重味道，極其滿足。 韓國海膽原版上， 食落較澎湃，海膽size比較細，但味道好重， 雖有少許腥腥味，但比大部分鮮甜味蓋過，配上日本珍珠米飯，味道更佳。日本海膽， 色澤金黃， 味道香滑清甜,特別creamy，加上size比韓國海膽大，口感滑口，入口即溶，食完後鲜味徘徊在口中,持久不散，好正的海膽。赤蝦兩大隻， 肉質肥美，鮮甜味足， 食時不用配上任何醬汁, 更原汁原味,特別鮮。碎蔥吞拿魚腩，份量多， 新鮮嘅吞拿魚攪碎後，口感更嫩滑， 本身魚嘅鮮甜再加上蔥花嘅蔥香味， 再加少許醬料伴食，食落特別滋味。今日嘅麵豉湯，熱辣辣加上滑口的豆腐，比之前好飲。

今日去左CWB行街,行街之前先去同朋友醫肚所以今日就黎左謝斐道豊勝手丼見到個餐牌都幾吸引所以入左去店員好快就安排左座位俾我地選野食先睇左一陣我地分別選左鹿兒島和牛灸丼,北海蟹丼(松葉蟹肉+松葉蟹腳+松葉蟹鉗+味增蟹羔+蟹籽)個環境都幾日式好快野食就到了北海蟹丼(松葉蟹肉+松葉蟹腳+松葉蟹鉗+味增蟹羔+蟹籽)--先講個小食,螺肉都幾鮮甜,唔會好雪味既感覺凍豆腐連沙律醬都幾野味主角到喇味增蟹羔+蟹籽香口非常,入口陣陣蟹香完全溶於口中,配合日本飯一起吃非常可口松葉蟹肉+松葉蟹腳+松葉蟹鉗--蟹味鮮甜,海鮮香完全流於口中鹿兒島和牛灸丼和牛油香脂肪分佈平均,油脂香味完全溶入口中..咬口又夠另外飯是可以免費添加的

之前都有食過呢間起銅鑼灣既小店，相比其他同區既日式壽司店，價錢同質素都較好，所以今次又黎食啦！門面雖然細，不過好搶眼！好有日式風味今次就試下呢個新既精選壽司定食（9貫）$288定食套餐！包麵豉湯，沙律同前菜！前菜係冷凍蕃茄仔！呢個酸酸甜甜，好開胃，完全無預計到佢好好味！沙律份量其實都幾大，加左蟹籽上去味道更加好！終於到我既壽司定食！！！師傅話海膽，拖羅係包既其他壽司可以師傅發辦，或者提出要求都得！咁我當然選擇師傅發辦啦，師傅會揀啲新鮮魚生！有咩唔食都可以就咁講！九貫壽司：八幡鯛、大吞拿魚腩、活赤貝、赤蝦、馬糞海膽、縞鰺（深海池魚）、紋甲魷魚、三文魚腩、油甘魚😋件件壽司都好好味，啲飯握得夠實，唔會一夾就散！👍🏻海膽好鮮甜，一啲腥味都無！大吞拿魚腩好肥美，一擺入口就有種即溶既感覺！八幡鯛平時唔係度度都有，呢度既都好新鮮！其實每一件我都覺得好味，最重要係魚生既size 夠，每一件都可以完美咁遮蓋灑啲飯！比例啱啱好！以前黎通常都係食丼飯，而家試完，下次又可以多個選擇啦！

收工攰到一個點既時間就自然會想食返餐好既慰勞自己咁啱search到呢間似係唔錯既食店係附近就入嚟試下係店員推薦下試咗五品丼定食野菜沙律酸酸地幾開胃八爪魚加上滋味沙律醬，口感煙韌五品丼既刺身分別有海膽、三文魚、帆立貝、赤蝦同油甘魚海膽鮮甜而不腥厚切三文魚食落相當肥美帆立貝中間夾住一兩片檸檬，食落有清新既感覺，同時一解三文魚既油膩感赤蝦肉質彈牙甘甜最特別既係每片油甘魚上有點山椒醬，去除腥味之餘亦可增加食慾飯量對女生而言剛好，飯表面充足魚油而好有光澤，食到最後一啖仍帶有魚油香總括而言係一個相當不錯既刺身丼

今日同男朋友食飯，我去左一日本菜為主餐廳，因為佢知道我好耐無食日本菜，特意搵左一間我好鐘意既餐廳食飯，餐廳主打刺身飯，更用上一級刺身，質素非常高。我叫左一個松葉蟹為主的刺身飯，全部材料都用上松葉蟹為主題，蟹迷必定好鐘意！飯粒入口酸香，醋的份量控制得宜，入口充滿咬口！蟹肉絲絲拆好肉，加上蟹鉗和蟹腳，蟹肉份量非常足夠。蟹肉多汁鮮甜帶豐富海水味，非常新鮮出色。另有我最欣賞的松葉蟹膏，咸香濃郁的蟹膏，味道好驚喜，蟹味極濃極滋味，另外更有三文魚籽增加口感。

今日同女朋友食飯，去左一間佢好鐘意既日本餐廳，主打日式刺身飯，佢去左好耐歐遊，好掛住日本菜，今日一於同佢食餐好既。我叫左一個刺身飯，以呑拿魚為主，分別有大中拖羅，蔥呑拿魚蓉和赤身。飯粒是醋香濃郁的壽司飯，非常酸香開胃。單單是普通的赤身都已經非常肥美，完全唔覺乾身，魚味尚是突出，蔥呑拿魚魚味較前者濃郁，入口加上香蔥，竟是香口香濃，入口不失魚肉鮮味。大中拖羅是最驚喜最出色之作，入口甘香肥美，魚肉厚切入口口感極是豐富，魚香濃郁過人。餐廳更可以免費加飯，套餐更包括沙律，前菜和麵豉湯，非常飽足。

朋友介紹嘅銅鑼灣日本美食小店，因為鋪面細，店內只有四張枱，坐滿嘅話可坐到16人，所以都等咗一陣間去有位。雖然裝修好有日本風，但真係好逼點咗個三文魚丼set dinner，嘩！刺身好新鮮，十分十分推薦給大家

今天下大雨原因，放工時行這方向，當唔知今晚食咩好，竟然見到這間小店，最愛食飯的我，一定入去食飯啦。門口寫住日本產米使用中，入座、後看到餐牌決定食鵝肝丼。鵝肝丼，跟小食螺肉，麵豉湯和前菜沙律。平時食丼丼飯，都係以刺身為主，所以都係配食壽司飯的。今次食鵝肝，餸是熱的，所以飯都係熱食的。麵豉湯足料，夠咸又濃郁。鵝肝煎到邊位脆，入口即融，好香。飯真係日本米，好黏又有飯香，日本飯係好食D。結賬時，看見牆上掛了個牌，寫住壽司飯可以添加。不過本來飯已經好足料，不用添加。