豊洲水産海鮮丼専門店 (Closed)

友人介紹豐洲水産，今晚經過就去試下～餐牌看了五分鐘以上，男人問道：係呢到妳居然有選擇困難症？我答道：幾多想試，取捨中（但原來不用選，限定的原來全部無了👿）⋯⋯⋯⋯好吧！我叫了飛天黑鮪大滿貫丼$298～湯加了鮪碎的，也比平時的麵豉湯大碗少少，味道也不錯，但鮪魚味可以重些吧！丼飯分量比較少，男生們相信唔夠飽呢！黑鮪的分量是大滿貫呢～～鮪新鮮的，好味道！亮點其實係伴飯的漬物牛蒡，食咗一半個丼有食一條牛蒡清一清口，再繼續另一半丼，很完美呢！男人叫了叉燒烏冬併鰻魚丼$136～他說叉燒烏冬不推介了！麻麻地喎鰻魚丼還可，附了熱湯可加在鰻魚丼上。但他説在名古屋食的有飯焦下加熱湯就啱可車，呢個小型鰻魚丼都係就咁食算吧！唔知係咪比咗近魚尾的部位，鰻魚不夠肥，乾身咗少少～結論：主打鮪就鮪吧！男人無揸車，當然啤一啤🍻~Suntory Draft Beer $38@

上個月，我跟細佬一起到油麻地， 我們走到彌敦道譽發廣場1樓的 <豊洲水產海鮮丼專門店> 食日本菜呢！位於商業大廈1樓的日式餐廳，樓底尚算高，而且空間感充裕，給人舒適的感覺！ 設有梳化的位置、亦有以布掩蓋較為私隱度高的桌子、還有貴賓房 (最低消費 $3,000，另加一服務費)；木桌子及木椅子。女店員招呼我們入座！店員有禮殷勤，不時會為我們舀水！看看餐牌，有單點亦有套餐，當中包括：丼+烏冬套餐最抵食嘞！丼及烏冬：各有5款選擇，共有25個配搭 價錢由 $116∼$186 不等！另加一服務費有趣的是筷子兩端也是一樣！他選擇了：蒙查查 豊州海鮮丼 $108 & 舐舐脷 海鮮忌廉撈稻庭烏冬 $68=$176套餐頗為豐富的還包括田園沙律田園沙律沒有什麼特別，只是把新鮮爽脆的蔬菜配上車厘茄，淋上沙律醬而已。蒙查查 豊州海鮮丼 $108細佬則覺得，店方用上的 wasabi 並非坊間現成買的 wasabi， 已是自家生磨的，入口帶點清新卻不及現成買的那麼攻鼻呀！店方的海鮮屬於新鮮貨色，單看賣相已略知一二嘞！包括：日本飛天鮪魚、三文魚、油甘魚及拖羅蓉的組合，由日本新鮮空運來港，色澤鮮艷富光澤

每次係車上面經過油麻地。都會見到豐洲水產係樓上既招牌。通常都已經食飽。無綠嘗試。今日特登出黎油麻地試下佢既海鮮丼。今次叫左兩個款式。（1）飛天黑鮪大滿貫丼（2）豐洲水產海鮮丼由於非常鐘意食鮪魚。所以就叫左飛天黑鮪大滿貫丼。飛天黑鮪大滿貫丼，大碗的丼中，包括 三片大拖羅、三片中拖羅、三片赤身、蔥拖羅蓉大拖羅充滿油份。鮮味滑溜。中拖羅就帶點口感。整體來說都對得起個價跌。一般坊間的海鮮丼的價錢差不多。但係質素一般。豐洲水產的丼令你會覺得這個價錢是值得的。一定一定會再來

都是看到網上嘅食評和宣傳， 又想止吓喝，心思思想食D所謂日本直送嘅日本過江龍“美食” 。 星期日6點半上到去， 見到極少人， 已感不妙。 一家大細， 叫了4個“丼 + 烏冬”。 丼嘅質素普通， 但 portion size 就細得可憐， 極失望。 D烏冬極之差， 感覺是一般茶記D扮日式烏冬。 又冇乾纸巾供應。 到大約7點3走時， 眼見都仲有大约3至4成吉位。 最不愉快是感覺服務太度差，對顧客不太友善。 我覺得“板長” 好好多。其實喺香港食過不少所謂日本過江龍落户之類嘅食店， 本人感覺真係絕大多數都係同日本原本店舖嘅質素相差極遠， 心目中只有尖沙咀 i-square 嘅山頭火做得比較接近。 不只日本餐廳如是， 連其他也如是， 例如尖沙咀鼎泰豐， 本人認為質素及味道都不及台北永康街的一半。 算把啦， 都係等下次旅行再吃真正原汁原味吧！

This Japanese restaurant have been on my list for a while!! Finally came here for a dinner with family! We first ordered 閃令令名古屋鰻魚丼 Eel rice set and 滑嘟嘟海膽忌廉撈稻庭烏冬 urchin with cream udong! It was both favorably executed, fine texture of the udong and addictive urchin! Who could ever resist!! Another point worth mentioning was the eel rice set that comes with a tea pot! To our surprise, the tea pot poured out was salty but very inviting! It all went lusciously well together! We ordered a similar

剛過去的星期天跟車爸爸去拍拖！先到豊洲水産海鮮丼専門店吃Late Lunch，再去吃梳乎厘班戟然後往開心Shopping，晚上再跟清麗村姑預祝生日，我們也很久沒有那麼節目豐富了！ 這間豊洲水產在灣仔開第一間店時已想吃！最後等到今時今日人家分店開到油麻地才有時間來幫襯！ 餐廳推出了海鮮丼烏冬套餐透過築地究極福食祭讓身在香港的客人也能感受到地道滋味，套餐提供多種海鮮丼及烏冬，讓客人隨意選擇心水配搭彈性極高。 車爸爸選了*蒙查查*豊洲海鮮丼(築地)＄108，配*熱辣辣*豊洲特製豚骨魚湯稻庭烏冬＄48，還附有前菜沙律，賣相不俗而且份量也不細，大胃口的車爸爸也吃得夠滿足！ 沙律菜以柚子醋來調味，在這炎炎夏日作了不錯的開胃作用！ 豊洲特製豚骨魚湯稻庭烏冬$48是套餐中唯一的湯烏冬，用的是日本出產稻庭烏冬，空運佐賀縣拉麵店的拉麵湯膽到港，加上自家製使用鯛魚、油甘魚等多種魚及其他雜魚製成的魚湯烹煮湯底，烏冬掛湯能力不俗口感挺滑溜！附有半隻以長崎縣出產的雞蛋製作溏心蛋，另還有一片叉燒製作挺認真！ 豊洲海鮮丼以嚴選日本飛天鮪魚及時令魚鮮如三文魚、油甘魚和拖羅蓉組成，由日本各地新鮮空運來港確保品質新鮮美味，

Came here on a weekdays’s evening, the store was bright and elegant! The menu held an array of combo sets for one person, we narrowed down to a few choice below. 紅噹噹豐洲海鮮丼 (北海道) $108 舔舔脷海鮮忌廉撈稻庭烏冬 $68This whole set for one person was apparently very hearty! Even just from the sight of the menu! The combo could satisfy both your crave for sashimi rice and their texture-wise udong! I was really impressed with the creamy udong as it was not only al Dante, but the flavor was memorably palatable!

位於油麻地的豊洲水産海鮮丼専門店，是一間主售丼飯的日本料理店。曾經吃過一次它家的丼飯，魚肉新鮮， 正宗日產米飯，高質美味，是晩跟一大班舊同事聚舊光顧一下吧。丼+烏冬套餐$116-186丼配烏冬的套餐，專為大食大胃的客人，有選擇困難症的客人，貪心想品嚐多種味道的客人而設，本人正正是這三類客人，所以當然要選這個套餐啦。紅噹噹豐州海鮮丼$108賣相吸引的海鮮丼，包括: 三文魚，吞拿魚，三文魚子，拖羅蓉，蟹肉。每種刺身勻具光澤亮晶晶，魚肉厚切，新鮮肥美，用料絶不馬虎。魚子，拖羅蓉和蟹肉，拌勻日產米飯，珍珠米飽滿大顆，自身的甘甜把刺身的新鮮完全展示出來，好好吃阿。舔舔脷海鮮忌廉撈稲庭烏冬$68丼飯美味，稻庭烏冬同樣令人驚艷。三文魚新鮮結實，但略為煮得過久。滑溜溜的稻庭烏冬，烹調得宜，軟彈剛好，彈力十足，嚼勁豐富，是我喜愛的質感。每條烏冬緊緊被忌廉汁包裹著，醬汁滑細稠密，奶香味重，濃香美味阿。

日本風既餐廳，雖然坐下發現位有點窄，幸好我地都唔太肥～二人對位坐的座位亦剛剛好食物可以自由組合魚生套餐，而我就點了一客三文魚配吞拿魚餐套餐配送既魚湯好好飲，而三文魚刺身等等都十分新鮮，同層亦設有洗手間，方便食客們坐低既時候留意到店內既電視，係播放新店開張既短片，望到切魚生既畫面都已覺得新鮮日本直送既感覺，三文魚的確係入口即溶，而吞拿魚亦唔會好似其他店咁有粗鞋鞋既口感，都是嫩滑嘅口感店員亦服務周到，不時幫忙添茶， 而且服務態度良好

星期日同朋友係油麻地唱完k 於是朋友介紹過對面豐洲食日本野。 坐低之後 揀左小食 自家制芝士松葉蟹肉蛋捲同唐揚炸雞 賣相非常精美 主食 紛紛樂 豐洲花丼同粒粒燈明太子烏冬 黎到先發現原來個丼非常大份抵食 朋友果然冇介紹錯!

阿林：已隔一年沒有光顧豊洲水產，是次見半價優惠就再吃吃看，可惜再次失望。環顧四周，套餐的沙律、刺身丼及烏冬通常都同時奉上，我則只有烏冬率先上桌（明明打算先吃沙律的說）。我選擇的是海膽忌廉撈烏冬，醬汁沒什麼海膽味也罷，兩片海膽竟帶酸腥，極不新鮮。接著隔了好一會兒才上沙律及海鮮丼，內含三文魚、油甘魚、鮪魚及魚蓉，也附帶紫蘇葉、酸薑、醃蘿蔔及牛蒡以助解膩。刺身厚切，外觀吸引，味道卻不似預期。三文魚不夠肥美、油甘魚腥味跑出、鮪魚有筋味淡，連紫菜也是腍的（喊）。雖然埋單只是$93，但吃得真不過癮。還是覺得，不去也罷。

星期四睇資料可電話計座，中午打電話訂晚上食飯，話冇得訂只可walkin不可訂位，都算，晚上8:00去食，和朋友點了個自選丼我就點了個炸雞+海鮮丼，一杯飲品，差不多半小時朋友食完後，我的炸雞+海鮮丼都沒來，問侍應話只有兩個師傅返工，要等耐d，，跟住冇等買單走人，眼見隔離枱客一樣叫了炸野，半小時不到同樣買單走人，餐廳本身已不滿座，都做唔砌，但下單時是否應告訴客人炸物需等候約幾耐給客人決定，，而且食物質素屬普通質素，三文漁幾好，海膽唔得

上次單拖食豐洲水產既印象太好今次拉埋老公再食過！今次個目標係閒日先有既午市精選丼，去到門口已經過左2點，好彩門口見到午市去到6點！跟餐除左加$10轉烏冬，仲可以優惠價$8起要飲品架！午市精選丼會比其他細份，女仔食一定夠，但係男仔就可能加多份小食先得！點左三文魚親子丼同埋三文、油甘、蟹子丼刺身好新鮮，部分三文魚仲係腩黎架！油甘有輕輕咁炙燒過，入口多左份燒烤既香味！味噌湯加左魚一齊煮，好重魚鮮味，飲完唔會口渴！另外再點左松葉蟹肉蛋卷好滑好香蛋味，唔怪得咁多人推薦啦！$98一份有質素既丼，真心抵！可惜今次侍應服務好麻麻！當我地舉手示意想叫飲品個陣，侍應竟然隔住幾張枱叫過黎，唔行過黎當單都算，個位侍應聽力麻麻，來回互相叫幾次先落到單，莫講話呢間食日本餐廳，茶記都好少可啦！到就黎食完個陣，杯飲品先出現我衝口而出話爭d唔記得杯野食侍應聽到好好咁解釋返，原來因為無人接單，所以無人處理，佢地啱啱先發現(btw果汁細細杯，飲得出無加糖既新鮮味)食到3點左右，走淨我地張枱，突然聽到把聲叫侍應熄冷氣熄燈我心諗，唔係午市到6點咩？！可能係指其他野啫！隔左陣，我聽到冷氣聲靜左好多，做到咁明顯，反正就食完，我地都

情人節女朋友建議來這裏吃晚餐。晚上七時正沒人排隊，入座，店內部份有客人。裏面很簡單，是典型的日式餐廳，所以很舒適。 菜單中，選擇有限，主要包括米飯和一大碗湯在一邊，和一對情人的開胃菜。 我選擇飛天黑鮪大滿貫丼，我的女朋友選擇鰻魚蛋卷丼，這裏的吞拿魚是一個意外的驚喜。 新鮮的海鮮市場，口感極佳，非常好。 鰻魚蛋卷丼也非常好，玉子燒好吃。比一般的貴但值得。晚上八時正開始有排隊，但不是多人。明年情人節我會再回來這裡。

放假一起身突然好想食三文魚親子丼撞正會去旺角 就諗起呢間豐州水產喇差唔多成兩點半先到 環境算係舒服 兩個人坐窗口果邊 見到人多有啲房仔揀 又幾唔錯睇睇menu 見到有午餐 三文魚親子丼 $98 由於母親大人唔係幾肚餓 我跟餐加個$10烏冬比佢就算喇 誰知道 個侍應竟然話三文魚冇曬 要轉帶子 即時打左突 忍唔住失望但一場黎到又無理由走佬 所以轉就轉啦份量吸引 加個烏冬 就算男士食都唔驚唔夠飽遺憾係我太唔鐘意啲飯係暖既 飯既溫度低返啲成件事會高分好多烏冬就普通啦 個湯係粉開既 Hea左啲總結 呢個價錢份量lunch抵食 質素就不過不失最後埋單果陣 侍應同我講 三文魚岩岩新鮮返到 天呀唯有下次食過啦