粗菜館

Open Now

Now Closed

放工同朋友去食小菜，入到餐廳，有種舊時香港嘅感覺，座位都算闊落，坐得唔迫。店舖有一面大玻璃，玻璃上有好多唔同食客嘅留言同簽名，另外仲有幅蔡瀾既字掛咗喺咗喺牆上面。細個同屋企人嚟最鍾意食粥，今次當然有點😋 除咗雞粥，仲點咗山楂醬排骨、XO醬鮮蝦帶子炒西蘭花同埋一碗飯。山楂醬排骨味道酸甜好開胃，食落有淡淡山楂味，感覺健康。XO醬鮮蝦帶子炒西蘭花d蝦同帶子都係大大隻。佢用咗XO醬炒，有微微辣，所以好惹味。雞粥一如以往，又綿又滑，而雞既份量都唔少，滿意~埋單每人$150。

平時二公婆都好鍾意去九龍城食飯，宜家有埋地鐵仲方便好多，去九龍城唔一定食泰國菜，老公每次去九龍城都會食粗菜館，覺得小菜夠獲氣，有家味道😋今晚又來食，好想食炒猪什🐖，有猪潤、猪粉腸、猪肚，猪心仲有小腸，猪什爽口，加入薑蔥炒，一啲腥味都冇，味道仲好正😋小炒王，第一次食，配料特別多，又鮮蝦🦐鮮鱿🦑口感好豐富，又夠熱，唔錯唔錯😍老公致愛，就係薑葱鯇魚腩，每次都讚口不絕 ，鯇魚先掩再炸到干身，配大量薑葱再兜，雖然魚肉炸，但一樣食到魚肉鮮味😍來粗菜館，必叫就係猪油撈飯，一碗白飯加入適量猪油及豉油 ，嘩，真係香到入喉嚨，配上獲氣十足即炒小菜，每次都好滿意😍

位於九龍城的「粗菜館」，在屯馬綫宋皇臺站出口步行大約兩分鐘左右就到，十分快捷方便。這裡的菜式有不少懷舊菜，當中的招牌炒豬什、蔡瀾鹹魚醬蒸豆腐、豬油撈飯等等的菜式雖然並不是甚麼珍饈百味，但能夠把一些平平無奇的材料泡製出一道道巧手粗菜，廚師的心思和配搭都應記一功。招牌抄豬什（HK$88)👍👍👍👍👍店內一幅由蔡瀾先生提字的「粗菜館天下美味炒朱什」和蘇施黃推介「一定要食炒🐷雜」。兩位名嘴同時推薦， 雖然膽固醇豐富了一點，但都一定要試！豬什有豬肚、豬粉腸、豬腰、豬膶和豬心，加上大量薑蔥爆炒，香氣逼人，口感豐富。薑蔥炒魚雲腩 （HK$85)👍👍👍👍👍魚雲和魚腩先經過走油再爆炒，口感香脆可口，裡面的魚肉仍然鎖緊在內，作為佐酒小吃或配飯都合適。麻辣秘製雞煲（HK$138)👍👍👍👍👍香麻的麻辣秘製雞煲，用了傳統生啫的方法泡製，揭開蓋的時候已聞到陣陣的麻辣香氣。雞件嫩滑又惹味，裡面的青椒和料頭等也十分入味。豬油撈飯（HK$18)👍👍👍👍另一膽固醇超標美食，豬肉撈飯，加埋豉油更美味。Menu

雖然平時都鍾意煮番兩味嘅我，家常便飯還可以，但真心吾叻煮風味小菜，所以唯有出街搵番間有口碑嘅菜館，叫番兩三個粗菜小炒，滿足一下口慾。咁啱趁住屯馬新通車，今晚一於走一轉九龍城覓食。呢間位於九龍城衙前圍道的「粗菜館」，看來歷史悠久。門前張貼著大大張蔡瀾十大推介，睇相都已經流曬口水。店舖雖不大，但分有上下層。晚上7:00已經開始要等位了，我們兩人等了一會便安排入座了。望住十大推介，樣樣都想食，經過一輪深思熟慮，終於有定案了。介紹番是日精挑細選小菜有：惠州梅菜扣肉、豬油渣炒菜、薑蔥炒魚腩、招牌炒豬雜。配埋碗綿滑白粥，真係冇得輸。「惠州梅菜扣肉」- 唔使多講，呢款菜自己煮真係有排攪。梅菜咸甜度要較得啱啱好，扣肉要夠淋，豬皮及脂肪又要炆得綿，真係又要功夫、心機和時間。呢個小菜味道入口非常舒服不油膩，送飯送粥一流。「豬油渣炒菜」- 本身想食豆豉鯪魚炒油麥菜，但一場來到，沒有理由不試試呢款推介「豬油渣炒菜」㗎。沒想到咁啱又係炒油麥菜。油麥菜配豬油渣，再加埋蒜子、蝦米、冬菇片。炒菜炒得好絕不容易，火喉掌握很重要。呢碟菜不單入口不老，而且爽脆可口，仲要保存到菜的翠綠，色香味俱全。「薑蔥炒魚腩」- 食薑葱魚

粗菜館九龍城呢間菜館男朋友話幫襯咗好多年，風味小炒，餸菜款式非常之多，見有唔少明星幫襯過，留低簽名，超多人食，坐滿晒人。豬油渣炒時菜$88菜心好新鮮爽口，用豬油渣炒，令到佢好香口，豬油渣炸到少少脆口，仲有蝦米、冬菇。薑蔥炒魚腩$85魚腩大大件，用薑蔥爆香，而且好新鮮，外脆內軟，冇落任何味精或者係調味料，正！皮蛋酸薑$28酸薑酸酸甜甜，食到尾先顯辣，皮蛋蛋黃好淋，蛋白就爽口，開胃小菜首選。微辣秘汁炒蜆$88份量好充足，而且粒粒飽滿新鮮，冇乜有沙嘅，另有洋蔥青椒、紅椒及豆鼓，鮮鵝腸豉油王$88底部有芽菜、芹菜及九黃，鵝腸處理得乾淨，豉油炒帶出甜甜地嘅味道，而鵝腸本身好爽口，鋪滿左芫荽及大紅椒，推介！整體而言好食😋，估唔到啲小炒都幾好食唔錯，會再次嚟食。

九龍城真係有好多好野食，呢日就同屋企人去左呢間老字號食dinner。打開餐牌，見到有蔡瀾十大推介，咁當然要試下啦！我地點左個山楂醬排骨，感覺有啲似咕嚕肉，都係將排骨拎去炸，然後個醬酸酸甜甜咁，不過佢比咕嚕肉高一個層次，味道比較特別！另外仲點左個微辣秘汁炒蟶子，蟶子好大隻，又新鮮，辣辣地，好惹味。仲有清炒蓮藕片，簡簡單單既一道菜，健康又好味。十大推介既其中一樣就係白粥，唔好睇一碗粥好普通，要煮得好味真係唔容易，呢碗粥煮得好綿滑，係我食過最好味既粥！

朋友外國返嚟，想同佢去食地道本土嘅廣東菜，所以就特登嚟九龍城，搵好東西吃。南乳粗齋煲$78呢個粗齋煲做得非常精緻，食材都好企理，入邊有好多材料包括枝竹、菇、菜、茄子、非常豐富，南乳味夠香濃，又唔會太鹹，好味。香脆辣魚腩$78呢個係一流嘅送酒小食，啖啖肉嘅鯇魚腩真係好正，上面有嘅炸除皮層，非常香口，簡直可以話係廣東版嘅炸魚薯條呢。香煎蓮藕餅$88每件都大件，而且好厚嘅牛餅，煎得好香，我餅入邊有豬肉、芫荽、成個做法都好香，呢個等嘅時間要20分鐘左右，侍應生好有禮貌同我哋先講明會比較耐，非常細心。豬油撈飯細筒$45簡直係人間極品，朋友好多年冇食過，而我都係第一次食。估唔到豬油咁香，撈飯食啲飯好啊，加少少生抽，更加帶出豬油撈飯嘅香味，真係非常之正。細細筒用個竹筒上，好可愛呢。

朋友仔鍾意食中菜，佢約左我今晚一齊食粗菜館。餐廳位於九龍城，環境寬敞，坐得舒適，侍應熱情好客，好有食住家菜既感覺。薑蔥炒魚腩魚腩醃得入味，啖啖肉鮮味爽滑，加入薑蔥炒，香口又惹味。蜜味東坡骨大大件腩排相當軟滑，醬汁濃稠帶點甜味，色、香、味俱全，正。招牌炒豬雜有齊豬肚、豬肝、豬心、豬腸等內臟，加入薑蔥爆炒，食落好有穫氣，入口爽滑，味道香濃，調味剛剛好。香芒秘汁煎雞柳賣相色彩繽紛，甜中帶酸，惹味開胃，雞柳夠嫩滑，芒果清甜香滑。

經過九龍城的粗菜館多次，今天終於到店吃晚餐，原來粗菜館是蔡瀾先生極力推介的餐廳，有多款家鄉風味小炒菜式，餐牌更有一頁寫滿蔡瀾的十大推介菜式，食物款式種類非常之多。我們點了客家炒粉絲、菜圃涼瓜煎蛋、山楂醬排骨、鹹魚醬蒸豆腐。客家炒粉絲非常足料，有菜絲、冬菇絲、蝦米、芽菜、蛋、夠鑊氣，味道很好！菜圃涼瓜煎蛋很有風味，蛋餅夠薄也足料；山楂醬排骨使用新鮮肉牌，及用山楂果子煮成醬，味道酸酸甜甜非常醒胃。鹹魚醬蒸豆腐選用蔡瀾鹹魚醬，配上新鮮豆腐一鹹一淡，味道十分好。店員服務態度好，整體用餐感覺佳！

第一次食「粗菜館」已經係好耐、好耐、好耐之前嘅事，之後食過多次，亦都食過已經結業嘅佐敦分店，再之後就有一段長時間冇食過，呢日約咗朋友喺九龍城，佢話要特登去番尋味😆我哋叫咗幾樣嘢：- $88嘅「香煎蓮藕餅」：外邊脆脆哋非常香口，裏面仲係好juicy😋- $78嘅「薑蔥炒魚雲腩」：又係炒得好香口，魚肉結實😋- $65嘅「蒜蓉蒸勝瓜」：蒜蓉配醬油蒸勝瓜，簡單味美😋- $42嘅「新鲜魚腩粥」：幾好味😋- $18嘅「豬油撈飯」：豬油加醬油（好似係頭抽），簡單得嚟幾好食😋

九龍城除了食泰菜，也有非常特色的中菜，今天來到九龍城，食的就是一間傳統特色的中國菜式的粗菜館。就算平時選擇菜式時有點困難，但這間餐廳的菜色感覺很多都比較易選擇，皆因菜式都是我愛食的，所以很快就揀了山楂醬排骨、薑蔥炒魚雲腩及要了2個粥。山楂醬排骨$88要了個食家蔡瀾都推薦的菜式:山楂醬排骨。山楂醬排骨剛剛炸起還熱辣辣，味道酸甜外帶點脆 ！好味！！無怪乎是食家推薦！薑蔥炒魚雲腩$78 薑蔥魚雲腩，有很多的薑，魚雲及魚腩入口還帶熱，也是新鮮剛炸起，魚夠新鮮，入口香外皮炸到帶脆，可口又很入味，真是傳統美味的菜式！香滑鮮雞粥及狀元及第粥， 粥底都比較清甜，感覺上食香口菜食粥比食飯好呢。此餐廳的菜式即叫即煮，新鮮熱辣又香口，小菜真的非常正，鑊氣小炒夠美味！

住九龍城多年, 相信光顧 真係一隻手數得哂, 應該 5次都無, 老實講位置唔係差, 只係門面,服務呢兩樣野已經算係有 D 唔太想入去, 今晚因為整親條腰要去睇跌打, 睇完行開果邊順便搵地方食晚飯, 行過見好多年都無入去食過, 就嘗試再入去啦, 其實開門果一刻都有少少心理準備會見到西口西面既人, 估唔到咁多年無去都係一樣 , 望一望地下好似有 6, 7 張枱, 仲有閣樓, 只有 2枱有客坐, 加埋我地兩位同兩個服務員都無 10個人 ! 望完個餐牌, 好似同幾年前既無咩分別, 只係價錢上加左, 賣點咪又係豬油飯, 不過我唔食今次點左家鄉雞酒湯, 小炒皇, 家鄉煎魚餅,  第一樣來到既係雞酒湯, 真係得罪講句, 埋到來都聞唔到有咩酒味, 可能真係蒸發哂啦, 薑味有少少, 飲入口係好淡, 少少薑味, 成個大碗入面有幾舊雞, 跟住再來係煎魚餅, 一心以為係好似 D 餅既扁平既, 點知原本係長形魚蛋咁樣, 而且跟埋蜆芥, 未食都知道會同炸鯪魚球一樣味道, 呢個魚餅勝在即炸夠熱, 而且魚肉夠彈口入味, 最後一樣係小炒皇, 要讚既係呢度 D 餸係煮得好夠熱, 小炒皇以 XO醬伴炒出來好惹味, 算係三

九龍城應該無人唔識呢間老字號粗菜館，諗一諗都有好幾年無幫襯，今日放工同同事黎食幾個小菜。.我地叫左「香煎蓮藕餅$88」、「薑蔥蜆芥炒牛肉$78」、「椒鹽鮮魷$78」招牌菜果然係招牌，煎蓮藕餅看似簡單但係工序繁複，先將蓮藕切生粒粒再加魚肉打成膠，唔會只食到粉既蓮藕餅👍🏻；薑蔥蜆芥炒牛肉，成個組合好特別，薑蔥蜆芥鹹鹹地得黎好香口，加上滑牛夠嫰滑又厚薄適中，每件牛肉都夠入味😋椒鹽鮮魷簡單菜式，主要係個炸粉薄身，唔會好似咬黎咬去都係粉，魷魚鮮味夠大件👌🏻.加埋白飯汽水，平均都係$150內一個人頭，食到蔡瀾介紹既特色菜，特色又唔貴，難怪咁多年都仲可以屹立不倒。

今晚去了九龍城食小菜，小菜的款式很多人，有很多人名人推介，除了小菜外，還有粥品，價錢都算正常。星級推介的梅菜扣肉，梅菜墊底，表面舖上扣肉，扣肉肥膏一層一層，入口完全唔油膩，油脂溶化，扣肉蒸至入味，梅菜亦吸收了扣肉油香，肥而不膩。小炒皇有蝦球、魷魚、蝦乾、雜菌、西芹及豆角等，材料十分豐富，加了些XO醬，整體鮮味十足，蝦肉及魷魚非常新鮮彈牙。蠔仔煎蛋加了些椰菜一起，雞蛋唔會煎得太老，蠔仔肉脹卜卜，加上爽脆的椰菜。整體調味都適中，不會過咸。

粗菜館，顧名思義賣的不是什麼精緻菜，而是如客家菜般的平民菜式。粗菜並不代表做法簡單，有些菜式如炒豬什其實十分花時間準備。粗菜館九龍城店及佐敦店碩果僅存，主力售賣家鄉風味小炒，有推介菜式圖文並茂。薑蔥蜆蚧炒牛肉從小只知蜆蚧用來點炸鯪魚球，原來亦可用來炒牛肉。薑蔥大火爆炒，牛肉嫩滑鮮甜，入口無渣。香煎蓮藕餅煎鯪魚餅加上蓮藕碎，熱辣辣的彈牙有口感，煎蓮藕餅內有髮菜碎，近年已經很少見。微辣秘汁炒蜆豉椒炒蜆火喉十足，醬汁微辣，容易接受。蜆肉大多離殼，洋蔥及彩椒清甜爽脆。