滄浪亭

Open Now

Now Closed

最近來紅磡, 也會光顧滄浪亭的嫩雞煨麵, 是次也預留了位置, 要回味一番。接近16:45, 小店並無顧客, 以為可以享受寧靜的時光, 怎知不消一會, 即有兩枱客人入座, 寧靜的時光瞬間即逝。一如以往, 點了一碗嫩雞煨麵和一客豆沙春卷, 雖然加了價, 但是是合理的幅度。1) 嫩雞煨麵 $572) 豆沙春卷 $22嫩雞煨麵份量依然不少, 奶白色的湯底加上足量的雞肉和菜蔬, 甚是吸引。湯底以奶烹調, 順滑美味, 喝後不渴。雞肉切丁, 肉質較有咬口, 稱不上很嫩, 但也不乾不柴。菜蔬份量不少, 雖沒上回那麼多綠色的菜葉, 但入口清爽, 相當不錯。麵條掛湯, 但略嫌有點軟腍, 加上冷氣略微不足, 邊吃邊冒汗, 影響食慾, 感覺有點飽滯。豆沙春卷炸得脆口, 不油膩。豆沙份量雖然不多, 但甜度剛好。小店只收現金, 點餐後亦沒有記賬的單據, 故習慣結賬前先行計算消費總額, 取定所需現金才往收銀處結賬。店員告知消費金額為$8x, 但根據自家計算, 總數應是$79, 雖然店員隨即多番道歉, 但令這次消費蒙上不好的體驗, 亦慶幸自己有事先計賬的習慣才沒有多付費。

香港好難搵好食上海菜，朋友就推介呢間俾我。中午時段去所以人特別多，餐廳環境非常狹窄，而且如果係兩個人食嘅多數都要同人搭枱。我哋就係兩個人去，之後就有兩個陌生人同我哋搭枱，唔係打對錯 係要坐四邊，所以真係有啲尷尬。🍜嫩雞煨麵 $57湯麵份量非常大，而且好足料有食唔完嘅菜同肉，入邊啲雞粒一啲都唔韌，而且菜唔會煮到腍晒仲係爽口。重點係個湯真係好出色，食到停唔到口。同其他餐廳一般嫩雞煨麵味道唔同，個湯係奶白色，有奶香味同雞湯味好濃郁，好似係落咗啲煉奶所以好creamy。🍖糖醋排骨 $52排骨份量好多，而且炸得好酥脆，但係又唔會好油膩。糖醋汁酸酸甜甜配搭埋一齊唔會覺得太漏。唯一就係骨頭比例太多，不過整體都好好食。🐔雞絲粉皮 $40本身對呢個雞絲粉皮冇咩太大expectation，因為間間食過味道都差唔多。但係食完之後真係出乎意料，個芝麻醬非常出色，花生醬味超香濃，而且醬都比得好足，唯一係啲雞絲有啲乾。餐廳環境逼夾，唔好預咗坐得好舒服咁食，不過整體味道真係好唔錯，會寧願坐逼少少都想食到佢個嫩雞煨麵。有機會下次試吓其他小食同麵。

放工去開紅磡，經過見到年幾前食過之後念念不忘嘅滄浪亭，諗都唔諗就衝咗入去🤣照舊叫咗嫩雞煨麵（見到幾乎每一枱都有叫），唔洗5分鐘就上菜🍜 如果多人黎可以試埋小食/拌面，都好好食！碗麵份量超大，一個男仔食都有啲多🍽️麵條係似米線但係偏幼，比米線彈牙，係我鐘意嘅口感。雞粒好嫩，多到食極都有🤣最重要係個湯！呢個湯好有奶香味，唔會太鹹，就算話係香港top 5好飲嘅湯麵都唔誇張！☕️🍲#滄浪亭 #湯麵之王 #奶香滋味

今日又去食呢間上海麵，今次叫左糖醋排骨麵、葱油肉絲面、大排面。上次叫左上海湯年糕同嫩雞煨麵，湯底幾濃厚，應該係加左豆奶落去煲，年糕略嫌太淋，嫩雞唔夠嫩，今次想食d其他style。佢既炸野既炸粉不會過厚，十分乾身無索油，好脆身，炸豬扒肥瘦均勻。糖醋醬似糖漿咁杰身，所以可以好均勻咁裹住排骨。排骨都有輕輕醃過，唔會有雪味騷味👍🏻但骨頭比例太高，無乜肉食，所以叫炸豬扒好過葱油拌麵個麵質幾好！夠煙韌！不過湯麵個麵食到一半高林pat pat

看了網上介紹美孚滄浪亭，因為嫩雞煨麵是我至爱，今日專程來食。這店面積很细，有4張正方形4人枱再加牆邊一張二人枱，4人枱枱面放4碗麵4杯茶就剩不多空位，坐在兩枱中的人就是背貼背，對狹窄環境一定用有心理準備。嫩雞煨麵一上便急急試下奶白色的湯，但未喝到前己嗅到牛奶味，喝落証實D湯真係加了牛奶，這個湯肯定不是傳統的湯底也不是我的口味，碗麵份量不少，麵及雞肉質素也正常。最後結論係不用專程來食，當然我肯定這店是用心經營的。

必吃嫩雞煨麵｜紅磡小店｜健康之選呢間位於紅磡嘅小店得好少座位,每次都要搭抬,而且只收現金, 但係食物真心好味,而且一坐底已經拎杯熱茶比你。🌟 嫩雞煨麵｜$57｜8.5/10湯底係香濃嘅牛奶雞湯味, 麵條煙韌有咬口。另外有好多嫩滑既雞粒同埋菜,份量大同埋足料。極度推薦‼️。價錢亦都非常親民❤️❤️

呢間上海嘢不嬲好多人排隊，食物味道一直不錯，但店鋪擁擠，重點係店員態度好差。今日去食完之後埋單店員話得現金支付（但店門口冇寫明只收現金）。我同朋友咁啱冇現金係身，於是問佢咁我地去ATM攞錢啦。佢話唔得，一係你地扣低d野，唔係自己諗辦法，講下講下仲叫我地扣低身分證。我心諗扣人身分證好似犯法wor，但仍然客氣話身分證唔可以俾你，並表示宜家唔係我地唔比錢，係你地冇渠道收錢，店員一再表示佢哋唔理，仲叫我地搵在場食客換錢。眼見店員不可理喻，最終我地都係扣低左張卡係店鋪到去攞錢。成件事淨係感受到店員不停將自己既責任推卸到客人身上，亦無意解決自己的問題。總結一句，雖然食物不錯，但咁既態度，下次都係免了。

用餐時間（6:31pm early dinner）follow@wojengyea/@wo!正嘢 for more food info🐒 支持我哋發掘更多美食 😋多年前喺美孚見過呢間上海嘢，不過太多人試食晤到，點知原來佢喺黃埔開咗間分店，真好彩。🀄️🧧諗緊食糖醋骨麵定係嫩雞煨麵？見周圍五枱有三台都嗌嫩雞燴面，所以跟風。5分鐘上菜算快，湯好甜一飲落去好舒服🍜，啖湯好滑感覺唔多味精。佢將小棠菜切粒，唔會煮得太淋啲菜仲爽口🥬🥬。大部份雞粒都嫩滑，但點都有一部分會太靭同埋老咗🐓。隔籬位個女仔好好，食唔晒請我食大排骨麵塊排骨同埋雞絲粉皮，大排骨表面揸得好香脆，醃得好入味，幾想食多佢兩三嚿，不過唔係咁好意思。雞絲粉皮正常發揮，不過麻醬落多咗。餐廳氛圍阿姐好急咁想你落單，想你快啲食完俾下一枱客，但唔記得咗自己唔係一間快餐店。🍟

沒有什麼比家的味道更沁人心脾～難得和許久未見的朋友聚餐，商量著能夠有家的味道，清淡卻不寡淡的煙火味。在這裏，找到了許久未曾見過的人情味。店鋪很小，但是無比溫馨。很多熟客光臨，每每飯店都會需要排隊，但是大概15分鐘左右就能夠入座。來的客人基本上都有自己鍾情的選擇，店家以一張經典的老菜單，不算複雜的菜式，一直做了許多年。這次點了糖醋排骨湯麵、香菇雞肉煨麵還有百頁毛豆。糖醋排骨是經過油炸後淋了滿滿的糖醋汁，味道也不錯，不會覺得油膩。香菇雞肉煨麵特別好吃，湯底奶白色，喝起來有股豆乳的甘醇但不會覺得過分濃郁，只覺著在冬日來上這麼一碗足料的湯麵，全身上下，由外到內的舒暢暖和～

我係食上海菜長大嘅. 呢間小店我成日經過有時都見到都有人排隊，但係我就從未食過, 今日心血來潮又仲放緊假，所以就試吓. 叫咗幾樣嘢: 第一樣係燻魚麵, 可惜魚就得三塊咁多, 味道好甜，啲肉又乾晒! 可以話係魚乾! 咁都要60幾蚊，omg!另外見到有好多人嗌嘅糖醋排骨小食, 唔肥之餘, 味道唔錯. 甜酸度啱啱好, 而且排骨仲係鬆脆內嫩. 呢個可以試.另外叫咗兩個小食一個係烤麩，佢係有埋黑木耳嘅另外一個係毛豆白頁呢兩個係20幾蚊，所以size都預咗係咪你嘅？烤麩黑木耳正常，但係都有少少偏甜。毛豆百葉真係少得可憐, 而且啲百葉好碎好少。 味道亦普通. 食返個 $20 牛雜籮白冇咁嬲...試一次夠喇

朋友話好耐冇食過上海嘢，又想實惠d ,第一時間就諗起呢間。食物質素有保証但環境就冇乜可言喇😌所以要食境嘅朋友仔就唔洗諗。🌱嫩雞煨麵：一嚟到好吸睛，因為奶白色一大碗送到你面前🤣真心好鍾意個湯底，好香豆乳味同少少花生麻油香，飲落勁creamy! 麵底偏腍咗少少但就好入味👍🏻雞粒同青菜份量都算多，整體嚟講配搭得好好！就算飲晒d 湯都唔覺口乾同口渴🌱紅燒軟排麵: 呢款同嫩雞煨麵剛剛相反，味道較濃，豬軟骨同豬肉都整到好腍好入味！麵質較煨雞麵爽口一點🌱雞肉湯年糕: 同嫩雞煨麵大同小異，只係麵底換咗年糕咁解。年糕嘅煙軔度啱啱好，唔會過軟過硬，不過入味程度就唔係好夠🌱菜肉餛飩: 餛飩皮薄，餡料富口感，咬落有陣陣紹酒香～～ 而且都算大粒👉🏻溫馨提示: 店鋪好細，唔建議多人聚餐，而且冇訂座服務。晚膳時間都比較多人，需時等候。

經常會行過去食lunch，不過多數時間只有兩個人一齊去食，如果咁岩遇到有人等位，店員就會係咁叫你轉位，最多試過起身三次，真係食到好炆。建議冇三四個人都唔好去食，一係最好極速食完走人

失望的嫩雞煨麵 之前無灣仔某店食過一次類似既雞煨麵好正 今日見到紅磡有間 食評唔錯就想去試下 間鋪唔大間 因為一人 所以阿姐叫左我坐門口位 對住廚房入口 聞到有陣叔味..感覺唔太好 碗麵上到 係幾大碗 但雞肉粒比較鞋同埋無乜雞味 個湯唔算好夠熱 個麵有啲煙韌 麵okay 但總括環境禮貌食物普通 應該唔會再突登去

滄浪亭 @ 紅磡本身好鍾意食中國四大發明(粥粉麵飯)…尤其係有湯既野…湯飯…湯麵最啱。而滄浪亭絕對係我耐唔耐都心思思想去食下既comfort noodles🍜無錯的話…本店應該係美孚…後來唔知幾時紅磡開左店。感覺紅磡無咁格澀…(其實都差唔幾…🤣🤣) 每次黎都點同一樣野就係雞煨麵…其實就係雞粒加菜粒加麵…雞粒就正正常常…有時會輕微柴柴地。但係佢奶白色個湯真係好鬼香…我食呢個麵都係因為呢個湯。肚餓既會加個炸雞…熱辣辣又juicy唔錯…或者加個獅子頭…呢度最想試既就係佢既辣肉醬…因為好似要加廿9幾蚊唔捨得…希望"捨得"人士去開試下話我知值唔值感覺美孚店個湯好似再正d…下次去試下先

入黃埔，何文田站落車行3分鐘就到，晚飯時間實多人要等幾分鐘先入到，地方淺窄唔好坐就更，但佢地個嫩雞煨麵真係又平又靚，大大碗，雖然 d 雞肉唔似得個名咁叫嫩，頭盡係叫雞粒煨麵，但個湯同麵係精髓所在，牛奶豆乳味，香甜可口，唔似味精野，麵質彈牙好夾，夾埋 d 菜同雞肉，相當健康。兩碗埋單 114 蚊，收貨。食完再行前 d 買埋媽咪雞蛋仔做甜品，再去碼頭海邊散步，欣賞下夜景，吹吹海風，分享下生活既細節，談談心，完滿既約會。