徐記廚房點心 (Closed)

一間位於太子的一間點心餐廳，空間設計主要以黑色為主調，除了有傳統懷舊點心之外，更有新派燒賣，可說是新舊融合。點心材料十足，更是新鮮製造，可以滿足大家點心胃的地方。___薑蔥牛柏葉 HKD30不得不提這個牛柏葉！真的很香！牛柏葉本來就是味道很清的東西，很靠醬汁的味道！薑蔥汁配合牛柏葉可減低牛柏葉的腥味，而且與牛柏葉很夾，不錯！黃金魚餅。HKD36感覺像煎香的鯪魚煎餅，口感微微有彈性，煎香的魚餅作小吃確實不錯，小朋友一定喜歡！但我個人感覺價錢偏少貴，可一試！徐記燒賣皇。HKD35它這裡除了傳統燒賣外，更有各式各樣的燒賣（朱古力、荽莞口味）！但我今次先試它的燒賣皇！蝦肉份量多，而且吃上的口感滿滿，微微彈牙，吃出豬肉香味，不錯！懷舊糯米雞。HKD32糯米雞蒸的剛剛好，糯米黏黏的，不會過份淋身，糯米雞的內涵也足料，味道香而不會感覺膩口，喜歡吃糯米雞的朋友會喜歡，而且糯米雞也夠大份的！翠綠鮮蝦腸。HKD35整體來說，腸粉比較失色，蝦肉份量足，但我覺得將quotes 留去吃它其他點心會更開心！___評價：💛 新鮮製造有誠意🥟 點心足料味道不錯🤡 各種不同燒賣挑戰☕️ 開心點心之選推介指數：❤️❤️❤️❤️（五

見到呢個已經超想食，20款唔同口味嘅燒賣共治一爐。呢個畫面實在相當吸引！旺角區果然卧虎藏龍，燒賣都可以咁多款式，果然創意十足！小孩先做選擇，所以我全都要！⚠️注意係豬肉燒賣唔係魚肉⚠️燒賣共和國 - 二十款口味各一粒實物同廣告顏色上有少少出入，明白圖片只供參考🤣就算對住餐牌，單憑肉眼係唔會分到咩味。不過隨機食更刺激！個人認為（苦瓜、粟米）口味清新好食。重口味組合（麻辣、腐乳、豆豉鯪魚）加入燒賣又幾夾。最神奇係蘋果芝士，睇落九唔搭八，但出其好地夾。朱古力燒賣味道複雜。可能我唔識欣賞創意滿分係值得一試嘅！🤣期待有新奇好味嘅口味誕生💪

打電話去叫外賣，叫我25分鐘之後去拎，我早咗去，大概15分鐘左右，佢已經整好咗，我摸上手啲嘢算係暖，唔係熱。都算，老闆娘問我要唔要芝麻卷，到我俾錢嗰陣時先至話$39，得嗰兩條，我都夾硬要。最後想問佢要多個膠袋，係因為佢個交代好肥，有油，同埋我要坐程車返去，佢又唔俾，又話個好硬淨，但其實佢係冇心去回應我。真心感覺好差，因為識咗佢哋咁耐，第一次咁樣，唔會再去。

🥟 徐記點心 ☕️隔左年幾再黎徐媽媽呢到飲啖茶食個飽原來已經搬左新舖 闊落左好多雖然都係坐得有少少迫但係都舒服過舊舖蟹子燒賣皇 $34/4粒大粒得黎又足料食到半截蝦係入面芫荽燒賣 $39/4粒對於芫荽控黎講個芫荽味可以再勁啲翠綠叉燒腸 $33/3條味道正常 不過不失感覺腸粉可以再滑啲有冇人試左佢地既燒賣Set 窮闊啲覺得$220用黎食燒賣有少少貴所以一直都無試到(*´Д｀*)希望改善係啲茶較淡啲同埋可再熱啲定抑或係我太耐冇飲茶呢 ʅ（◞‿◟）ʃ

我哋三個大人加個兩歲BB,諗住開開心心食吓點心，完全失望！點心最重要係要料新鮮同熱！點心嚟到完全無煙，心諗唔對路！蝦餃＄36蝦唔新鮮又唔熱，馬拉糕＄27面都可以，底濕到一舊嘢！ 牛栢葉＄31都可以！黄家翠脆腸＄56啲皮都幾厚！豬潤燒賣＄48同牛肉球＄25新鮮蒸啲肉無問題好食嘅！豬潤蒸過咗柴到乜咁!應該係徐太拎啲茶果嚟推銷講好好食！咁就試吓啦！茶果白色表面同包住嘅葉痴埋哂!又係食唔到！個餡係好食嘅！隔咗陣徐太走過嚟問係咪好食呢!答佢蒸過咗啲！徐太秒速轉身無回應！真係笑膠史！ 茄子皮蛋薈＄98諗住要炒啲都會熱麻!點知又係暖嘅！椒鹽魷魚酥＄58有8條魷魚真係又係暖到接近凍嘅！油味重粉！埋單無單睇唔知點收！講唔識出單！聲稱等一陣點知等咗廿分鐘都無就求其手寫畀我！叫佢打俾個收銀啦!佢講個收銀返咗屋企沖涼！真係浪費時間等！好懷疑佢唔想畀張單我，hea過就算！呢個態度真係令人反感，侍應大多都ok！係徐太態度差啲又係到鬧人！兩歲小朋友都要收茶位！聽到都0咀！收得咁嘅價錢諗住好食先試吓！講真我令願食外賣點心點好食過佢！點心熱係好重要

我都真係第一次嬲到要留comment! ！😤😤某日喺社交媒體網站見空肚梁某主持推介，所以就諗住去試吓。嗰日下午2:00去到門口，有個阿姐行出嚟問幾多位，答咗佢之後就跟住佢尾行入餐廳啦。點知行行吓停咗，諗住佢應該突然間有嘢忙，所以等一陣，點知見唔對路，原來個阿姐行咗去收銀處背住我哋。我帶住兩位長輩，一行三個人企咗喺度唔知發生咩事，所以我就問一聲「我哋坐邊度？」 嗰位阿姐突然發晒老皮咁「見有位你就坐啦！」咁我哋就擰轉身行去最入，心入面已經覺得乜料呀？咁冇禮貌嘅😤😤！一入門口知你係茶餐廳唔會有咩Service我明喎！但至少茶餐廳啲哥仔都指你去邊張枱啦！我仲隱約喺背後聽到佢用粗口鬧「痴x線」🤬，我心諗應該唔係鬧我掛？ 呢間嘢啲阿姐咁癲會鬧啲客？好不容易坐低咗之後寫好點心紙想舉手搵waiter落單，我數住，1234個人見住佢望到我舉手都扮睇唔到行入廚房😡？！仲見到啱啱鬧人嗰位阿姐又用粗口自言自語鬧人，內容大概意思係「咁x忙，想做x死我」心諗呢間野咁都仲有人幫襯😨？我見我特登過嚟試呢間嘢，又有兩位長輩喺度，唔想佢哋又要再行，唯有食埋呢次算！比着我如果一個人嚟，見到個阿姐咁樣我一早走咗！😤😤野食到齊

捱得過呢三四年，我以為佢哋應該食物嘅水準有返咁上下。我今日試咗之後，Overall啲嘢ok，但係如果一間色店貴到要收辣椒油$5 一碟，我expect佢起碼接近米芝蓮。但唔係。講吓環境先，環境唔錯樓底高👍，服務都唔錯👍。但係去到食物，好聽D就係少油少，唔好聽就冇乜味。個鯪魚球同個菜苗餃唔錯👍，但係個三十幾蚊嘅燒賣冇驚喜囉。最差嘅亦都係最貴嘅粉皮同埋尤其係個乜Q潤燒賣差到加零一👎，冇心造。啲水準好參差，望有待改善。

朋友一行四人晚上到訪，等了約四十分鐘。點了十五個點心，質素普通，只有蝦餃燒賣及腸粉必是即蒸，其他都是暖上。棘辣油要收五元。時間也是成本，雖然不用加一，比它好吃的大把其他選擇，不會有下次了。

非常差體驗，完全不推薦晚上與家人一齊進食。原本非常期待，因為見有朋友推薦。可惜，大失所望！！店員態度非常惡劣、點心胡亂上、食物唔熱。最重要，點心明明講買曬、但遲入座的食客可以享用！！！另外，食物上錯，被告知食物無貨。點知⋯發現其他食客都可以享用！職員表示忙、做唔切、完全唔幫客人落一些需要煮比較長時間嘅食物，又唔通知食客！眼見附近的食客等點心的時間非常耐！明白因為疫情可能減了人手，可連最基本的服務質素完全做唔到！無論食物有幾好味，都不會再幫襯！總結，差！

📍徐記廚房點心 (太子)第一次去呢間黃到金嘅點心店飲茶💛太子mtr行過嚟5分鐘左右 尚算方便座位之間頗為密集 不過都算坐得舒適另外員工服務態度不錯～-#蟹籽燒賣王 $33燒賣大大粒好紮實 啖啖都食到豬肉仲有四粒咁多 好抵食🥰-#徐記蝦餃王 $35餃皮薄而晶瑩 入面有2-3隻蝦🦐-#鮮蝦菜苗餃 $30雖然得三隻 但每隻都大隻而實泵泵菜苗同蝦各有出色✨-#翠綠叉燒腸 $31食到粒粒叉燒 不過腸粉皮一夾就散同埋定價都幾高 同蝦餃燒賣差唔多🤷🏻‍♀️-#鮮蝦腐皮卷 $28見都幾多人推介呢個 不過覺得比想像中普通炸得幾香 但入面主要紅蘿蔔多 鮮蝦不太多😂-#養顏薑汁糕 $26呢個不得了 薑味好重 鍾意薑嘅人必點！好似真係食緊薑咁 食完條脷係辣的🔥-#黃金流沙包 $22覺得個包本身太乾 而且流沙程度一般🤨-#山竹牛肉球 $23蔥都幾多 正常發揮～-茶錢 $5/位雖然呢個唔係重點不過順帶一提 啲茶未免太淡了😂-♥️回頭度：8.8/ 10整體嚟講都高質 特別係蝦餃同燒賣🫶🏻

作為燒賣控, 知道佢出左20隻唔同味道既燒賣呢類gimmick野, 所以一直都想試下。6點零去到，人未太多, 坐都仲坐得ok. 但服務態度極唔掂！d阿姐唔想騷你咁！佢地有款叫"自由揀燒賣組合'' 可以比你喺20個味道中揀4款...我同我朋友諗住叫兩份, 每人揀四粒...點知佢最後話廚房忙, 冇得自選味道, 只可以揀佢fixed好左味道既set！攪錯, 我連想揀咩味都唔得, 咁你比咩人地揀？ 好喇, 之後叫阿姐比辣椒醬比我...個阿姐回應 "咩呀, 講丫...." 我好有禮貌咁問有冇辣醬/豆板醬之類, 佢就一輪咀咁回應 "等下先等下先, 好忙冇停過...." 當然最後係冇拎任何醬比我啦😡到我地差不多食晒野（仲有一件半件）已經想提我地好走喇咁！不知所謂😡😡😡野食質素可, 但service負分, 又唔平, 冇下次！！！！

有日唔覺意系YouTube , 見到兩個後生靚妹YouTuber介紹呢間燒賣，本小姐不嬲都幾鐘意食燒賣既，咁咪諗住過來試下囉。一坐低，一切貌似正常。望下個燒賣餐牌….20粒燒賣要$220🤔🤔會唔會貴左啲呀？本來諗住叫幾粒算，好啦，一場黎到幾大就幾大。就系呢個勇敢既決定。 我，等左「50分鐘」‼️無錯，吹左3，5，7次之後，都竟然要等50幾分鐘先見到呢籠野出黎。激氣都激飽左。雖然阿姐 唔好意思前，唔好意思後，又話多人呀，又話師傅點點點呀咁😓 但都好難令人接受囉。所以完全無心情評價佢個20粒燒賣😤背脊骨落，總之唔好味👎茶，就唔好提呢啲啦。另外仲叫左芝麻卷同叉燒腸。芝麻卷味道係正常嘅，但係個叉燒腸好唔掂囉，個粉皮一pat嘢咁, 又厚又黏口。叉燒呢又鞋又肥又唔新鮮，仲慘過出面最cheap嗰啲叉燒,淘大叮叮腸粉都好食過佢😂⋯⋯完

👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻話說太子有好多嘢食 想靜靜地坐低飲杯茶食點心都得 今次就去咗一間點心店 就係徐記廚房點心一入門口就已經覺得很窩心 有個斜位可供輪椅人仕進入“無論香港點變 味道依然不變”這十二個字非常刻骨銘心😍😍😍😍😍😍😍😍😍😍這店有很多好食嘅嘅嘢食 一個人食唔到好多就點咗蟹籽燒賣皇 上海小籠包 翠綠叉燒腸 芝麻卷😌蟹籽燒賣皇： 有四粒 大大隻蝦係上面 即包即蒸 冇嗰種雪藏味 反而令餡嘅味道更特出☺️上海小籠包：當然必點 可以突顯師父嘅手藝同功架 的確唔錯 一件一啖好滿足🤣翠綠叉燒腸：叉燒大大粒 又多菜 好健康 皮唔會太薄夠嫩口😋芝麻卷：朋友大大力推介 的確係好味 正常甜度 加上有少少芝麻作配襯 😊😊😊😊😊😊😊😊😊😊四樣東西都好想推介 但要選 當然係芝麻卷本身對芝麻卷冇感 因為外面買嘅都會太甜但依度就唔同 唔會甜過頭 入口即溶另外 仲有山竹牛肉球 徐記蝦餃皇雪山叉燒飽 古代炸蛋散 等等的美食一想到就餓了 下次帶多點朋友吃就可以吃多一點款式 再吃飽一點😆😆😆😆😆😆😆😆😆😆

傳統手工點心🤔🤔最近突然心血來潮想飲茶，見到有人推介呢間手工點心，當日weekend遲左起身仲驚會好多人排隊食唔到，好彩等左一陣就入得😆我地叫左👇🏻💛 蟹子燒賣皇 $33見到有好多創新口味既燒賣，但穩陣起見都係食返最普通呢隻🤭就咁望就比酒樓平時d燒賣細粒，但勝在入面唔算太多肥油，蝦既比例都幾多，味道唔錯😚💛 鮮蝦菜苗餃 $30呢個真係皮薄餡靚❣️個水晶皮好薄，略帶咬口，仲有d彈性，口感唔錯🤣🤣入面好多菠菜，有用蒜蓉炒過好香，波菜都好新鮮，食落好爽口👍🏻💛 鮮蝦春卷 $28呢個就稍微無前面兩個咁好食，個底全部都係油😑 超級唔乾身，就算本身算脆都扣返分，雖然入面d蝦肉都幾新鮮，但分佈太唔平均，得半條有蝦，另一半全部都係菜同紅蘿蔔🫥💛 雪山叉燒包 $26呢個個底都係好油🥲🥲雪山面比較少，但都脆身，比較特別係入面真係有一舊舊叉燒，唔會太碎或者得一堆醬☺️💛 養顏薑汁糕 $26呢個層次非常分明，有成11層，絕對係誠意之作❣️🙌🏻味道方面唔算太甜，口感煙韌，極度夠薑，鍾意食辣既人應該會幾鍾意食🫡💛 金牌咖哩土魷 $38咖哩係傳統港式咖哩，夠香偏甜唔辣，土魷大大件，口感彈牙，仲有兩舊麵筋，索晒咖哩汁好邪惡

行行下花墟有啲餓，即刻search下附近有咩食，就嚟到呢間小店啦❤️✨鳯爪排骨飯 $30 | 3.5/5啲料都幾多！唔會係得兩粒肉咁❤️食落去都爽口彈牙，唔會好煤，米飯質感適中，唔會爛晒❤️✨香茜牛肉腸 $30 | 3.5/5腸粉皮唔算好薄但勝在夠滑😍裡面牛肉質感嫩滑✨蟹子燒賣皇 $33 | 3.5/5粒粒都好大😍蝦肉好爽同彈牙～✨黃金魚餅 $36 | 3.5/5熱辣辣好香脆😎佢唔厚身所以都好快食完一塊又一塊🤣魚肉味唔太濃，不過真係好香口😎✨山竹牛肉球 $23 | 3.5/5質感少少實同埋嫩滑，比較重牛肉味～好食！！❤️餐廳整體食物不過不失😎勝在夠用心同埋手工即整，經過下入去食都係一個唔錯嘅選擇🤪