三田製麵所 (金朝陽中心二期 - Midtown)

Open Now

Now Closed

#濃厚豚骨魚介つけ麺 $78(需加一)登龍街有咁多間拉麵店 今次我就去咗三田製麵所佢個湯比較稠同濃味 掛湯能力一流 每食一撮麵就好似配咗一啖湯咁 所以食到一半就覺得有啲鹹三田有冷麵同熱麵揀 我就揀咗冷麵 因為鐘意冷麵彈牙啲🤤佢嘅叉燒都幾大塊 肥瘦適中 肉質軟 而味玉就略嫌佢未夠入味 如果再入味啲就好喇評分:7/10

午餐試過幾次，都無失望！湯底濃甜，麵有咬口，幾彈，其它配菜都大份，新鮮，吾錯！價格ok! 地方夠大，舒適！今次厘個生姜拉麵，冬天食好䁔胃，姜薄，好夠味！豚肉嫩，多汁！👍🏼👍🏼👍🏼

朋友想食沾麵，記得登龍街有一間，所以就試下，閒日夜晚7點左右唔算多人，等左一陣就到我地，佢既款式唔多沾麵有幾個size,大中細都係一個價，特大就另一個價錢，店員建議麵可選凍，麵質會更彈牙，最後叫左兩個沾麵（中）210g($78）,另外再加多一個餃子（$38），順帶一提店員姨姨幾好人，見朋友著白色衫就話有圍裙，話如果有需要就出聲，等左一陣就有野食，碗麵裏面有兩片叉燒半隻蛋，沾麵既湯幾好味，但有少少鹹，餃子味道正常，食完後店員會問你要唔要湯，因為個沾麵湯可以再加熱湯，當湯咁飲，店鋪牆上亦都有教食既次序，沾麵湯加熱湯後都幾好飲。推薦~

登龍街-銅鑼灣食店必爭之地。左右兩排餐廳林林種種，裝潢設計各有特色，每一間都好想進去，不過今次係有目的而來，所以我地好快就進了這家三田製麵所，食我最喜歡的沾麵~~~let’s go~坐低之後，見到店內別有洞天，竟然有多一個門口，仲寫住酒場添😍。貪新鮮既我又點會放過，即刻轉場直入「三田酒場」原來呢度係每份關東煮都可以單點，就算點一件都可以。湯底以高湯及昆布熬製而成，味道跟在日本食的差不多。唯獅子狗本身屬軟身而且浸煮很久，稍稍過淋。唐辛子雞翼即係日式辣雞翼，味道有驚喜！外皮很脆，但肉汁保留，酸辣醬汁加辣味，不會過辣，但很入味，同關東煮淡淡的味道成強烈對比。重頭戲來了，一直好掛念日本的沾麵。狂這裡可以食到好貼近日本風味的濃湯沾麵。有冷熱麵可選擇，麵質有口感，容易掛湯，濃濃的魚介湯底加上偏辣的醬汁，一流。特別欣賞半熟蛋，經常特別泡浸，非常入味。最後彩蛋竟然送烏龍啫喱，茶味後勁強，而且竟然加了煉奶，好正！最欣賞店家的進取，在兩棟大廈中間加費裝修另闢新風格，同場亦有日本師傅坐鎮，希望它可以一直做下去。

自從發現左有沾麵後, 黎到拉麵🍜店就多左一個選擇.今日見無人排隊就決定再回味一下沾麵. 老公點的是正常版拉麵. 整體評價不錯. 比起拉麵, 個人比較偏好沾麵較有咬口o既麵質, 平時覺得飲拉麵湯好膩, 而沾麵就無呢一種感覺, 自己控制比例, 濃淡得宜. 雞蛋同肉則屬合格之選, 襯托住主角沾麵.麵的份量有大中小選擇, 雖然同一價錢但免得浪費. 沾麵亦可選冷或熱上, 值得欣賞.今次還多點了胡椒雞翼, 除左胡椒雞翼亦加了醬汁, 惹味香口, 不錯啊

每次想食沾麵時，都會諗起三田製麵所，濃郁湯底最岩重口味人士。原味沾麵湯底濃厚，味道咸香，但沒有死鹽感覺。掛湯能力高，每條麵條都能沾上醬汁。麵條偏粗身，尚算彈牙，可選擇細，中，大份量，價錢劃一。忌廉蟹餅是即炸出爐，熱辣辣，內裡creamy，但味道較清淡，建議醮醬，旁邊的椰菜絲也有解膩作用。完了辛勞工作，當然少不了一杯啤酒，感覺很爽比錢時才發現，麵店側邊開了三田酒場，有串燒同關東煮，感覺吸引，下次再試試看。

今日七點係銅鑼灣搵食，記得有朋友介紹過依間三田拉麵🍜，見到唔使等位，就入去試下雖然唔使等位，但係入到去要撘枱，不過食拉麵無咩所謂啦，又唔係坐得耐☺️入到去叫咗兩個佢最出名嘅濃厚豚骨魚介拉麵，一個辣同一個唔麵🥢🥢仲叫咗一個雞翼試下👍等咗五分鐘左右個麵同雞翼都黎啦，個麵同其他地方嘅沾麵差唔多有得選280g 210g 140g，三種都一樣價😉個麵幾有麥味，但沾麵最重要個湯就一般，無咩豚骨同魚介味，同有啲似咖喱嘅質地，有啲濃，我自己就唔係特別中意🤔至於個雞翼返而幾香幾好食👍😋

係日本食完沾麵後，一直好掛住個種味道，所以今日就同友人黎到日本人氣沾麵連鎖店「三田製麵所」🙌🏻🙌🏻濃厚豚骨沾面不得不讚既係有大中小三個size，三個都係同價$78 +1，認真好抵食，啱晒啲小鳥胃又想食沾面嘅朋友仔^_^冷沾麵面質較彈牙，沾上特製醬汁後，味道十分濃厚，溫度由冷變成熱，半熟溫泉蛋又係賣點之一，一定要一試😛順帶一提，店員服務好好，熱情有禮貌💓而且，假日來吃也不用等位，鋪頭內也坐滿的😚

今日去了銅鑼灣的卓悅買潔膚產品，然後順便去了的三田製麵所，吃個午餐。三田製麵所有很多沾麵，撈麵，可以選擇。而我就叫了一個三田製麵所的自家制叉燒香蔥飯，我叫這個自家制叉燒香蔥飯主要是因為夠平，哈哈，30元港幣，在銅鑼灣可以吃個午餐，已經好便宜，哈哈。而事實上，這個自家制叉燒香蔥飯的蔥味好濃郁，香蔥都好多。叉燒就已經切到一小片一小片。再倒三田製麵所的甜豉油一起撈着飯來吃，我覺得都幾好味。不過，這個自家制叉燒香蔥飯沒有跟餐飲，但30元，差不多了。

媽媽妹出嚟銅鑼灣搵我食飯喎~無理由同佢地去food court或連鎖店，到到都有啦忽然想起登龍街係“拉麵街”，試下啦！其實間間都未試過，見呢間好似唔錯就入去點餐之後，貼心嘅店員問要唔要圍“裙”(?)媽媽著白色衫，梗係要食物嚟到時媽媽話點解咁多？佢以為share😂跟餐加錢配餃子啱啱好一人一隻，不過煎得唔夠香跟餐加錢配雞翼黑椒多到🙈🙈煮得介乎熟同唔熟中間，可能又係我唔識貨我自己食咗一個拉麵：三田拉麵，但係唔記得影😬湯底好濃好“杰”，不過呢頭食完果頭即刻飲水😶明太子俾得好多，撈勻之後好香如果麵食就覺得普通，小食就麻麻地唔會返轉頭🙆

今日放咗工去咗銅鑼灣食沾面...見到之前好多人排隊嘅三田居然唔使排隊...即刻諗住去食因為好耐冇食沾面...自從上次食過尖沙咀厚福街好難食嗰間沾面之後就有陰影..依家隔咗半年先敢再試！我哋總共叫咗一個中拉麵，餃子同埋一個大沾面...本身諗住叫個特大但係特大又真係好似多得滯...果然令我喜出望外...沾面嘅軟硬度非常適中..個湯底唔會太鹹同埋唔係嗰啲食完勁口渴勁多味精嘅湯底！同埋$78碗非常之值得一試！個拉麵就普通啲不過都係幾好食嘅！最後個餃子煎得都幾好味唔係嗰啲煎完擺勁耐又再煎嗰啲..我覺得呢間野都算幾好味！唔怪之得以前啲人成日排隊都要食 😋

The restaurant is one of the best tsukemen in Hong Kong so far.Although the location is a lil tricky to find, a lot of pepole were waiting . The price of noodles is not expensive,only HKD$78,no matter how the size of dipping noodles is . The fish broth was flavorful and thick. The noodles was chewy. Char siu was good and lean. The egg was perfect too. They accept cash and octopus card only. I highly recommend this restaurant for japanese dipping noodles .

去過尖沙咀，都是這間最好。。沾麵湯又熱，肉又好味再加上優良的服務孖生姐妹女店員 細心又體貼 見我們穿白色衣服已經主動提供圍巾。男店員主動提供熱湯，超窩心的服務質素。每次午飯時間都怱怱忙忙，能夠在這繁忙的時間，保持優質的服務實屬難得。。

尋日同朋友經過好多野食既登龍街 呢條街其實都有幾多間幾出名既拉麵/沾面 但最後決定左試下食新野 食三田尋日係平日既3 4點左右 店入面都唔少人我叫左個中份量既沾面 份量岩岩好夠一個正常食量既女仔食 面條軟硬正常 幾彈牙唔會lup痴痴 而食沾面我就一定會叫凍面 可以快快手大啖大啖食之餘過左冷河既面更有口感 隻溏心蛋都唔錯 唔會overcooked 幾甜 湯都夠濃 入面仲有幾塊細細地既豬肉 唯一係麵上面塊面唔夠我呢個食肉獸食加左芝士蝦球 講就講係芝士蝦球 但食唔到咩好芝士味或者係蝦球 炸得太老 唯一可以讚既係個沙拉醬係幾好食既仲有煎餃子 去食拉麵我一定會食埋餃子 因為餃子要煎得好真係唔易 對比起之前食過既其他餃子 我就覺得佢煎得唔夠脆啦 不過個皮夠薄就真既Overall黎講不過不失啦 不過性價比都高既！

晚上10:20落雨嘅情況下，行入舖頭等位。岩岩見到門口有張吉檯，裡面亦有張吉檯。裡面有位女職員大嗌出來：「未有位，出返門口等。」我們未有理會，佢走來再講多次叫我地行返去門外等。我話落緊雨喎，佢話：「我俾把遮你。」得！我地直接離開，去第二度食！我地企嘅位置完全無阻住其他人，我唔明點解一定要行出門外dup住雨等。佢野食唔差，但以日本餐廳來講，態度真係超差！影衰曬，唔好講成條街咁多類似嘅舖頭，真係無必要食到背脊骨落！