十二味 X Bamboo Bar (德己立街)

Open Now

Now Closed

今日喺中環發現咗呢一間主打川菜既餐廳，我被午市套餐既香鍋深深吸引住，份量比想像中多，而且味道都唔錯。麻辣田雞香鍋 ($68)第一次叫香鍋配搭田雞，估唔到味道相當夾。田雞香口惹味，肉質鮮美。不過食香鍋，我會將重點放喺配料到，啲醬汁牢牢咁依附係每一樣食物之上，而且有得選擇辣度，小辣對我來講就啱啱好，香口得黎又唔會食得好辛苦。蓮藕口感爽脆，薯仔吸收晒啲醬汁，好入味，用香鍋黎下飯真係一流。川式口水雞 ($63)用雞肉砌成嘅肉山，份量相當慷慨。麻辣汁除左辣味，仲有陣陣麻香，味道層次豐富，但又唔會有油膩之感。雞肉口感嫩滑，唔鞋口。今日喺中環發現咗呢一間主打川菜既餐廳，我被午市套餐既香鍋深深吸引住，份量比想像中多，而且味道都唔錯。紅糖糍粑 ($48)每次食親川菜一定會叫嘅菜式，口感外脆內軟，入面好似麻糬咁軟糯，配埋黑糖一齊食就係好完美既一餐了。可惜今日已經太飽，無緣食埋冰粉。最後兩個人叫咗二個套餐但係都食唔晒，呢個價錢黎講我覺得相當抵食同滿足。另外套餐仲會包埋嘢飲同前菜，我哋就飲咗酸梅湯同柚子茶，飲品方面就冇咩特別啦～

來到十二味吃川菜，叫了二個小菜一個麵。點餐是自助形式的，十分方便。蔥油拌麵：麵質煙韌，有淡淡的蔥油味，鼓油不會落得很重，鹹淡適中。麻婆豆腐：叫了少辣，就算食唔慣辣的朋友都唔會覺得好辣。每啖都有麻香味，豆腐十分滑，肉碎亦十分香。川香回鍋肉： 亦都叫了少辣，豬腩肉炒得十分爽口，亦不覺油膩，川味十足，伴上香蔥，青辣椒，十分惹味的一道菜。十二味每道菜的份量都很足，川味十足，而家裝修別具特色，喜歡四川菜的朋友不妨一試！

昨晚同朋友係中環行街，去咗蘭桂坊附近新開張的十二味食晚飯。餐廳共有三層，只有地下暫時開放，其他都仲裝修緊。餐廳裝修以中國風為主題，店員好友善。客人可以用手機落單非常方便。我覺得依度嘅酸菜魚真係好好味，比其他食川菜嘅餐廳做得更出色，湯底香濃酸辣，魚片無骨大大塊正。另外點左大盆花菜，花菜用左花椒等調味料去炒，再配上一片片五花肉，送飯一流。熱情果梳打大大杯，好抵飲，非常解渴又好味。👍🏻有機會再黎試埋其他。

天氣開始冷，又是吃酸菜魚的時候~得知在中環蘭桂坊附近開了一間十二味，在halloween 當然決定一試， 然後再去慶祝halloween😆五時左右到，要了一份招牌人見人愛酸菜魚😜一上菜，真的沒令我失望！只是賣相都好吸引！酸菜魚上佈滿天椒🌶、花椒等~雖然看起來很辣，但吃起來是剛好！！！湯底是採豬骨、鰂魚和鱸魚骨熬成，所以很鮮味，但不會有魚腥味😜不知不覺都喝了幾碗😆湯味很有層次，先是酸酸帶點辣，後勁很強的麻辣再 滲出~只是湯底已集齊四川菜麻、辣、鮮、香！！另外值得一讚是這家酸菜魚是採用三種不同品種的酸菜混搭而成，吃起來的酸味獨特😜令人回味到主角酸菜魚，很鮮甜嫩滑而且適合我這個懶人吃的，完全沒魚骨！ 份量不少，兩個人吃也足夠再配煙煙韌韌的薯粉，而且這間再酸菜魚加了萵筍，令酸菜魚更上一層樓！今次酸菜魚是要了小辣，適合不太可以吃辣的人，下次可以嘗嘗中辣😆

之前已經試過十二味的抵食午市套餐，星期一去中環辦事，發現中環有分店，就二話不說入去食午餐。我地點了3個餐，午市套餐都包了前菜、主食、白飯和餐飲。前菜是開胃的酸辣爽脆雲耳，而餐飲是冰凍的解辣酸梅湯，如果不喜歡酸梅湯亦可以補錢要其他飲品。酸菜魚$78份量足，魚肉白雪雪滑溜溜，大大塊，選了小辣，味道酸辣酸辣的，加上花椒的麻和炸蒜濃香，好惹味，沒有一點魚腥。配菜的萵筍、酸菜、雞髀菇片都不能錯過，爽口，而且吸了湯汁很美味。武隆尖椒雞$68呢個我們都選了小辣，但感覺比酸菜魚辣得多，不太能吃辣的人要注意。這辣度我們可以接受，辣得很香口，又唔會辣到條脷冇晒感覺。雞肉爆炒得香口，皮的部份帶點焦香，雞肉保持肉汁，不會乾硬。另外，很欣賞配料的爽脆蓮藕粒，尖椒的調味令本來淡味的蓮藕很香口惹味。酸豆角炒肉末$58第一次食酸豆角，豆角小幼粒爽口，帶點微酸，肉末帶點孜然粉的香味，整個菜用蒜片和辣椒爆炒得極香，又係很有鑊氣。這個很好伴飯，好開胃，不知不覺可以食光一大碗飯。

今日俾🐢🍯接收工，佢話好耐冇食過酸菜魚，所以喺附近搵間酸菜魚食。呢間係新開嘅，原本係蘭桂坊圪立多年嘅超大𝘱𝘪𝘻𝘻𝘢，所以都幾易搵。佢地下個舖位有啲細，感覺比較逼，但佢好似有樓上雅座，但我就冇上去參觀，應該會舒服過樓下。酸菜魚係主角，賣相不錯，好大盆，🐢🍯淨係見到都滿足。佢啲湯唔會太油，好夠酸但又唔會太辣，好開胃，撈飯一流。入邊仲有好多大大舊嘅酸菜，大舊果啲就真係好酸。而佢啲主角，魚片，份量都算係咁，兩個人食唔洗爭，片片都好大片，但係生粉好似多左小小，有啲會痴埋成一舊，但係就好滑。另外叫左個武隆尖椒雞，佢啲蓮藕好爽口，啲雞肉就切到一粒粒，但係有骨，要你慢慢𝘭𝘶𝘯，所以會食到個嘴麻晒，好過癮，送酒一流。甜品就叫左個桂花冰粉，唔會太甜，清清地，透心涼又解辣。另外佢杯熱情果梳打真係超巨型，一個人係飲唔晒的，都幾抵飲。

食過好幾次十二味, 覺得佢嘅香鍋好有水準, 最重要係大大盤辣🔥到飛起開心share嘛! 而家仲喺蘭桂坊新開左分店(最好預先book枱因為li間分店好似無其他分店咁大間☎️).🌶香鍋•Dried Hotpot (HKD38)第一次食嗰陣唔睇英文譯法都唔知香鍋原來係一盤煮好哂嘅乾鍋, 以為有火, 但食落真心辣到噴火嘅. 香鍋at least揀5款配菜, 其實5款份量係勁豐富gei, 識食一定係食店家獨有味道嘅經典香辣鍋(挑戰中辣🌶️🌶️).🌶️滷水肥腸(HKD38), 美國肥牛 (HKD52)肥腸舊舊都炸到脆卜卜咬落聽到聲嗰隻, 肥牛份量又係好多, 亦唔會肥膏多過肉, Menu咁多款肉類個人認為li兩款係炒得最入味+唔會超級油淋淋的.🌶寬粉, 鮮腐竹, 四季豆 (HKD28@)索味寛粉口感煙韌Q彈, 四季豆夠惹味, 鍋內咁多種又多份量嘅辣椒令到所有食材味道濃而均勻, 份量之大兩個人真係食唔哂!!!🌶熱情果梳打 (HKD28)超大杯!! 用平時裝啤酒嘅大杯, 知道大家嗌嘅野食好需要大量飲品救火😂, 有新鮮熱情果肉+seed甜度好適中.🌶白飯 (HKD12)

今日收工同朋友去咗試 呢度好寬敞有兩層咁多 下面嗰層整到好cyber 特色嘅設計融合埋酒吧嘅情調環境配搭起整間餐廳感覺耳目一新 唔似傳統嘅川菜餐廳～都知道呢度係好先進用QR code落單選擇嘅種類非常多 有我最鍾意食嘅酸菜魚仲有辣子雞不過為咗就朋友所以今日冇食辣我地點左秘製醬香鍋要揀夠五個餸菜我揀咗雞軟骨、滷水肥腸、萵筍、寬粉同油麥菜 等咗大概10分鐘 香鍋上枱見到個碗真係好大 而且味道好香 可想而知份量真係好大 樣樣野炒埋一齊醬料嘅顏色深色 好惹味 最欣賞佢嘅肥腸比較乾身 有咬口唔會令人食落去好反胃其他餸菜加埋入去好夾 分量足夠四人食

主打新派川菜的十二味最新旗艦店於蘭桂坊試營業，無辣不歡的我當然要一試一如其他分店用二維碼以自己手機下單，減少肺炎傳播風險午餐共十二款選擇，可自選辣度，某些菜式還可選不辣套餐附有酸辣木耳作前菜，咸鮮爽口很開胃雞翼麻辣香鍋有蓮藕片、薯仔、木耳、芽菜等作配菜，辣得來帶小小麻，充滿刺激感水煮牛肉一上枱傳來濃烈純正的麻辣味，牛肉嫩滑醇厚乾煸四季豆爽爽脆脆，欖菜肉碎爆炒得很香，很有鑊氣餐飲慾望酸梅梅味突出，而且不會過分酸，用來解辣一流加$8可配桂花冰釀！入口香甜還有濃濃的桂花香味，十分好喝

中環打工仔中午有酸菜魚、口水雞食了。一直喜歡川菜的我知道十二味開了新分店在中環，第一時間去食lunch。在蘭桂坊的斜路，非常受歡迎，午餐人流極多要排隊-當然啦好食價值又貼地！酸菜魚$76 - 酸酸地又帶有少少辣，十分正宗的味道。魚肉鮮爽，又有酸菜、菇片、萵筍片等，豐富又好味。川式口水雞 $63 - 賣相OK雞卷為一個半球體，辣到好過癮，香口川味，雞肉滑厚。碟最下面有青瓜絲，吸收辣汁的日月精華正。乾煸四季豆 $58 - 炒得好香，四季豆及肉粒比例剛剛好。.每個午餐送前菜（青瓜）及酸梅湯，加$8轉飲了酒釀桂花，清新又開胃。十二味絕對是中菜的出色代表！

係中環放工，好耐無食酸菜魚，咁岩中環新開左間食川菜既餐廳，加上happy friday緊係食好d，就入左去食lunch。呢間餐廳有好多lunch set，所以話食酸菜魚唔一定係大大碟同friend食，一人午餐都可以！呢個酸菜魚嘅魚冇乜骨，個湯都夠酸，辣度方面佢有分唔同程度，有唔辣、小辣大辣，迎合返每個人嘅需要！個涼拌土豆絲我簡左微辣，d薯仔絲都幾爽，少少辣好正好醒胃！個紅糖糍粑好出色，佢個糍粑好煙韌，點埋個紅糖汁岩曬女仔食，可以補下血，而且佢唔算甜！

十二味分店超多，今日終於夾到朋友試到😋午市爆場要排長龍🙈餐廳主打麻辣鍋＆酸菜魚排隊等候期間已經諗定要食酸菜魚，愈望住張poster愈肚餓🤭.午餐好掋食，幾十蚊有交易🤩變相可以嗌多幾款［酸菜魚］(小辣)魚肉大片肉質好滑，小辣唔會嗆但都夠麻朋友覺得個湯似濃雞湯味🤔我就覺得比較油飲唔到啲湯😂我好中意飲湯.［酸辣土豆絲］(小辣)後悔叫咗小辣😆因為無乜辣味酸味食到後期會濃啲，可能放涼咗酸啲好大碟👏如果再切幼啲就正🤤.［川式口水雞］川式麻辣汁非常香好惹味👍🏻不過唔辣🤭雞件好滑嫩非常唔錯😋食唔停口.［乾煸四季豆］不過不失，正常味道👌🏻..午市預咗多人要排味道總結中規中矩😉可以一試

「十二味」嘅分店，近排真係越開越多，幾乎總有一間在左近。最近喺德己立街更開設咗中環旗艦店，趁今日要嚟附近攞嘢，就順便過來吃頓午飯。紅彤彤嘅門面非常搶眼，至於店內裝潢則以紅黑為主調，牆身上有「民以食為天」幾個大字，好吃的食物，當然會令人視為人生大事啦！餐廳主打麻辣香鍋同酸菜魚，一場嚟到，當然唔可以錯過。其實佢哋嘅午市套餐真係非常經濟，幾十蚊已經有交易，仲要免加一，十分抵食。之前食過牛肉麻辣香鍋，今次就試下田雞麻辣香鍋，另外再點咗酸菜魚同紅糖糍粑。餐牌上寫住所有菜品均可額外加辣，不過由於我哋唔係太食得辣，所以其中一份套餐揀咗唔辣，全部套餐均會奉送白飯、涼菜及酸梅湯。先吃涼拌土豆絲，土豆切成長條絲狀，入口十分爽脆，帶濃郁蒜香，味道唔錯。田雞麻辣香鍋 ($68)  非常大碟，而且用料好豐富，除了主角田雞外，還有蓮藕、土豆片、木耳、大豆芽等，上桌時香味撲鼻，可見鑊氣十足。田雞肉事先炸過，入口半酥半嫩；蓮藕片鮮爽味甜，加上入味的土豆片，用來送飯吃一流。 酸菜魚 ($76)  係每次嚟「十二味」都一定會點嘅菜式，因為呢度嘅酸菜魚湯底係用上四川、雲南和廣州三地的酸菜，再加上豬骨及鱸魚骨等熬製而成，入口

十二味居然開到黎中環，午市超多人，超長龍排左30分鐘先有位。之前試過北角同西環分店，中環分店午餐價錢明顯貴左，但係居然無加一，八十大洋樓下係中環食個飯有位坐，唔怪得超多人。我地一行三人，叫左3個餐分享。用QR Code落單。好快就有野食。室内裝修都好中式，影相唔差。涼菜（跟餐）涼菜係送既，今日係蒜香土豆絲。非常酸同蒜味濃，土豆絲都脆口。牛肉麻辣香鍋 $68之前食過牛肉麻辣香鍋好好味，今次encore。叫左小辣。牛肉片有大概十塊，都好嫩滑。蔬菜分量很多，超多薯仔片同爽脆蓮藕片，再加上芽菜，雲耳，同大量辣椒，上面撒上芝麻。小辣對我黎講都可接受，送飯可以。隨餐奉上白飯一碗。雞翼麻辣香鍋 $63由於香鍋好食既關係，又叫多個雞翼麻辣香鍋，都係小辣。材料全部一樣，除左牛肉片變左雞翼，同多左香菜。雞翼有3隻，每隻切開變6份，方便食用！酸菜肥牛麵 $68酸菜肥牛麵無得走辣或者小辣。肥牛好多，都好嫩，容易咬開，吸辣油食好入味。麵係傳統中式拉麵既樣，好薄幾滑。酸菜分量不少，仲有幾條娃娃菜，再加d香菜係面。個辣湯我就唔係好頂得順，但係我個好辣朋友就食得好滋味。慾望酸梅（跟餐）食辣野梗係要飲酸梅湯。呢度d酸梅

約咗超喜歡酸菜魚既朋友食飯佢提議不如試下中環新開既十二味✨地點非常就腳🌈係正蘭桂芳下面適合一聚友人食飽未傾夠喉上去飲野🥂餐廳行中國工業風📽座位都非常大💺好舒適店內亦有近年好興既霓虹燈打卡位🥰📸⭐️川式口水雞💲7️⃣8️⃣口水雞大家應該唔陌生～呢到亦一樣可以揀辣度🌶而我就揀左少辣上層係雞脾肉🍗而下層就係腳胸肉另外有芝麻，花生等調味🥜雞肉肉質好嫩口👅💕唔會太油或太辣⭐️人見人愛酸菜魚💲2️⃣4️⃣8️⃣來得呢度大部份人都會必點⚡️酸菜魚⚡️冬天好適合食呢啲辣野䁔身🔥魚既份量非常多 加上有各種配菜萵筍、彊絲、杏鮑菇、酸菜、榨菜 等⋯我一樣係點少辣🌶魚片好滑🐟而且非常入味湯底好夠酸同好香濃 亦唔會話太過油膩如果鍾意配飯嘅朋友真係可以食多幾碗🍚呢個絕對必點💯💯而家我直頭格住個mon都想食多次😂（真心）⭐️紅糖糍粑💲4️⃣8️⃣呢個係我朋友強烈推介嘅甜品🍢其實紅糖糍粑係用紅糖同糯米整出嚟既點品炸到脆卜卜嘅糯米茶上花生粉🍬然後再點落紅糖醬到🍯就可以食啦🍭因為紅糖醬嘅量係自己決定～所以亦都唔會話太甜💕十二味辣菜魚CP值非常高我自己嘅回頭率會係100%🔥💕