十二味 X Bamboo Bar (德己立街)

Open Now

Now Closed

午市套餐又大份又好味又可以一解辣癮。 咁多個餐最鐘意食既係香辣鍋、酸菜魚、麻婆豆腐。 味道好，而且食得出剛煮，唔係一大鍋煮好曬凍曬果種。不過堂食啲位有點迫。水煮牛味道都幾好，但大辣都唔係好辣。

點了外賣自取套餐，比預計多等30分鐘，用了一小時取回發現還居然沒飯，沒送的飲料。菜品也一般，回鍋肉很硬，快成肉查了。服務菜品都不太在線，不知道還會不會光顧，呵呵！

《十二味酸菜魚》岩岩今日係中環，又唔想食西餐，最後決定去食十二味食酸菜魚😆呢到既裝修好有氣派，都幾好坐👍呢度主打緊係酸菜魚啦，佢用QR CODE自己落單，好方便。仲可以另外加唔同嘅配料係酸菜魚上面😍酸菜魚嘅調味都幾豐富，有好爽口嘅酸菜（好食嘅酸菜好重要）辣椒、花椒同埋泡椒，仲有菊花，好香好惹味👍湯底酸中帶麻🤤可以自己揀辣度，魚片都好爽，唔會話好淋身。另外，再加$28陪左份薯粉，正呀！索曬湯既味😂😆

今日收工經過尼間野，決定入去試吓。本身自己都幾中意食川菜，不過平時只係食下薯粉，口水雞之類。冇食過尼D入去見到人哋D菜都幾吸引，最尾叫左個毛血旺加粉條（200$左右）個人覺得味道幾好，正宗，辣度就因人而異。不過建議叫多兩三個朋友一齊嚟食。毛血旺入面啲鴨血好多，豬腸夠林，牛柏葉先係精粹。未食過嘅你一定要試吓啦。一個人來有少少難嗌餸，但係大食嘅你都可以一個人挑戰。兩三個人嚟仲可以叫多個口水雞或者其他餸咋碗飯餸，一定舔舔脷。下次都會再嚟

疫情前會特登去深圳食酸菜魚，疫情後只能夠留喺香港食，香港嘅酸菜魚雖然冇內地出色，不過都唔差，而且越來越多舖頭有酸菜魚食。12味係其中一間出名又好食嘅酸菜魚。呢間係位於中環近蘭桂坊，夜晚喺中環食飯都普遍冷清，12味都唔例外，成晚都係得三四台人喺度食，一定要係佢個酸菜魚，兩個人食啱啱好，雖然鍾意食薯粉，不過佢啲薯粉係闊寬粉，太過煙韌，唔係個個人都鍾意，佢啲酸菜魚算唔係好辣，所以唔食得辣嘅朋友都可以食。

跟餐會有盒維他奶同埋一個酸辣木耳，感覺都幾豐富，依到老板可能有唸過人客食完辣野之後要飲反盒奶保護住個胃，免得人客食完依間餐廳既野食會胃痛冇return,識得幫人客咁唸既聰明又貼心整到成個湯碗咁，睇落又幾整齊打開裡面，雞肉有D 生，未至於唔熟，血紅色既部分都幾多，雖然個sauce 都係紅色，但混埋一齊仍清楚見到生既部分，有D 人話依D 唔係生，只係岩岩熟未收血水個雞肉係最嫩，但疫情後相信都有好多人好似我咁盡情煮熟

一提起川菜就抑制不住自己的食欲，疫情讓每月必赴深圳解饞成為了泡影。早就聽說中環也開了一间十二味，今天放工決定光顧品嘗一下。餐廳位於中環德己立街鬧市區，交通很方便，整體裝修風格簡約大方，很有藝術氣息！麻辣香鍋是特色之一，每鍋可按自己的喜好點至少五種菜品！我們要的牛舌、雞軟骨、花菜、豆皮、寬粉等和一份皮蛋，服務員一端上來頓時把我們驚到了，沒想到菜量那麽大，好大一鍋小辣香鍋，裏面有不同品種的紅辣椒、花椒、香蔥、大蒜等，給料實足，辣味適中，牛舌薄厚均勻，香味十足；雞軟骨香脆彈牙，咬嚼有勁；花菜脆爽可口，富有營養；豆皮新鮮油韌，豆香濃郁；寬粉口感光滑有彈性，真是一鍋色香俱全，辣味飄香，過癮解饞，回味無窮的美味佳肴！燒辣皮蛋，辣中帶有純純的香味，皮蛋透亮飽滿，入口柔軟彈牙，是一道不錯的涼菜！在香港多元化飲食文化並存的社會裏，川菜不失為獨特並廣受內地人喜愛的美食，品川菜，十二味，喜歡吃的小夥伴一定不要錯過它！

今日放工約左朋友仔一齊食川菜 呢間川菜係朋友仔帶我去食 佢食過幾次覺得好好食 知我都鐘意食川菜所以今次帶我去食🤤我地叫左個酸菜魚🐟🐟勁大兜 2個女仔食呢個都夠飽 入面既魚肉好滑又無骨 岩晒我可以大啖大啖咁食🤣當然入面仲有萵筍片雞髀菇片紅薯寬粉同大量酸菜 酸酸辣辣我連湯都飲左幾碗🤣👍🏻另外叫左2個前菜涼拌土豆絲同雞腎串土豆絲入面有麻油芝麻撈埋一齊非常香凍冰冰作為前菜好適合好開胃☺️ 雞腎串有孜然粉小小辣好惹味仲要17蚊有5小串 如果飲埋啤酒🍻仲夾😂 最後當然要叫個紅糖糍粑 食川菜既地方多數都有呢道甜點 外脆內軟配埋黃豆粉加紅糖真係好好味 2個女仔明明好飽 但有6舊糍粑都好快就清晒🤤🤤埋單2個都捧住個肚返屋企🤣🤣

十二味試過好幾間，包括北角同西環分店，呢間中環十二味就第二次黎。上次黎已經係上年十月，當時剛剛開到黎中環，午市超多人超長龍。今日收工黎試下晚市先。晚市冇做午市優惠套餐，我地今晚決定食小食為主，叫左幾份擼串同川式口水雞。要用QR Code落單。川式口水雞 $78+10%川式口水雞可以揀辣度，我地揀左小辣。口水雞賣相好靚。雞件份量唔少，有十二件，有雞胸同雞脾肉，都好瘦，雞皮都冇肥膏，好有彈性，雞胸肉唔韌。上面加左d花生碎，白芝麻同蔥花。下底墊左少少青瓜絲。小辣都頗辣。呢個份量抵食。新鮮肥牛串 （1份） $40+10% 羊肉串（1份） $42+10%新鮮肥牛串同羊肉串可以揀唔辣或者唔同辣度，我地揀左微辣。每份有五串。羊肉同牛肉好似樣，味道都係，食完分唔出邊樣係邊樣，羊肉好香，肥牛串同羊肉都係半肥膏半肉，調味幾好，好有串燒風味，又唔辣，上面加左好多五香粉，蔥花同白芝麻調味。雞胗小串 （1份）$17+10%雞胗即係雞腎，呢串試下唔辣先。雖然d腎細細舊，不過都有咬口，味道唔錯。$17都算抵食。調味一樣係五香粉，蔥花同白芝麻。室内裝修都好中式，影相唔差。個笑臉主要係俾口水雞既。

今日去咗食十二味晚餐晚餐同午餐嘅不同之處係晚餐係小菜為主酸菜魚超級大碗 小辣適合鍾意少刺激嘅人 但辣度唔會太辣 好多酸菜 仲有少少杏鮑菇上面有小小菊花 賣相好靚雞腎 17蚊有五串抵到爛雞腎燒得好香口 加上之然粉 非常惹味涼拌薯仔絲份量適中味道酸酸甜甜 開胃小菜紅糖糍粑我最喜愛嘅菜式 外面香脆內軟 加上黑糖漿 五分鐘內就同朋友清曬成碟 唔嗌酸菜魚都一定要嗌紅糖糍粑呢間鋪頭超大 前身應該係酒吧黎洗手間亦好乾淨 加上有派口罩套感覺衞生整潔

今日選擇左同朋友黎食川菜，講起川菜就一定要去十二味，之前成日都會聽到啲人讚依度，今次終於決定到此一嘗！🍽人見人愛酸菜魚依度主打菜一定係非酸菜魚莫屬，依度嘅酸菜魚分量足夠二至三人食，點嘅係小辣（因為本身自己食唔到太辣）辣到調校得啱啱好，勁大碟，香味夠晒鮮又同埋濃味，入面超級足料，用勺一撈起，全部都係魚，仲有雞髀菇同埋香菇等等調味，小編見好多人推薦食酸菜魚配粉條，就決定反常地冇叫粉條，叫左白飯，都係勁正，中意川菜既人一定要黎試。🍽雞胗小串 唔好睇佢細細粒，食落口好惹味！好啱做飯前小食🍽 蔥油拌麵 就咁食真係好食，淡淡地唔會好漏，但係食完酸菜魚再食佢，頭幾啖會冇咩味，不過飲兩啖水再食飯就會有返曬味！建議飲返兩啖水再食，真心抵試🍽 新鮮肥牛串 $8串真係可以試一試、我點既係小辣（有唔辣至特辣），千祈唔好比上面啲調味粉嚇親～佢唔算太辣、唔太食得辣既我都食到lam lam痢🍽 慾望酸梅汁 主要想講我比佢size嚇親、大杯到3人飲都得、不過佢有啲甜過龍-味道有啲特別、但唔可以睇少佢解辣能力、食到辣椒辣到噴火時飲幾啖已經解左辣，所以怕辣又想食既朋友可以點佢呀

Always visit for their spicy pot or fish slicesDecided to have some homemade style dishes todayAnd hopefully to be relatively healthy-Mapo Tofu Unlike those you can have in hk style restoThis is full of spiceThe tingly feeling is real! Last really long inside your mouthTofu is also silky smooth Best to pair with a bowl of plain white rice-Dry fried String Beans with Minced PorkCredit to thisBeside the enormous portionIt’s moist inside with meaty flavourDefinitely the best friend of the tofu

在中環下班後本身想約朋友去happy hour，但經過斜路看到十二味，便打算吃個酸菜魚才去喝酒。十二味有多間分店，中環店的位置很方便，店舖新穎但水準與其他分店一樣好。去十二味，酸菜魚要必點，三百塊不用就有一大盤，很花算，大概夠2-3個人的份量。魚很嫩滑的，又有鮮味，配料有薯粉及菇類，口感都煙韌。另外，我們另加了乾煸四季豆，出乎意料的好吃，不過能吃辣的朋友，可以點中辣或以上，我們點了小辣，覺得不夠，但因為火氣夠，一樣好吃。下次經過或者午餐都會再去吃。

放工落嚟老蘭，唔好以為大胃今次又去曳先得㗎，今次係嚟做正經嘢㗎，人生大事呀，醫肚呀！竟然今次唔係嚟飲酒，係食酸菜魚有辣有唔辣，有得揀先至係老闆，大胃從未遇到唔辣嘅酸菜魚，呢間竟然有得揀唔辣，錫身嘅我表示好滾動。究竟唔辣嘅酸菜魚又好唔好味呢？其實對我嚟講冇影響，魚肉一樣嫩滑，薯粉依然好索味彈牙，仲食得放咗大啖咗𠻹就算唔需要解辣，大胃仍然好想食四川甜品，冰粉必定要食，呢碗冇落到山楂粉，反而係用葡萄乾吊味，口應黐牙啲紅糖糍粑亦係指定動作，外脆內綿，點上糖漿，欲罷不能唔好以為呢壺係酒，其實一啲酒味都冇而係有淡淡米香同桂花味，飲落心境都平靜啲另外酸梅湯個名好有趣，擺上檯就知個名點解，咁大杯，咩慾望都滿足晒啦周圍都係功夫熊貓咁，多食川菜有助防疫

自從開左中環分店後平均一個星期都會去食一次十二味，價錢便份量大又好食係我一直支持的原因，亦會推薦朋友去食！不過今日食個碟雞翼乾鍋一黎就見到個樣好似擺左一段時間，平時好多蓮藕薯仔片木耳，今次只係得伶仃幾塊，仲要係好碎同細塊，食食下見到有田雞，有少少懷疑究竟係未食剩再翻炒