十二味 X Bamboo Bar (德己立街)

Open Now

Now Closed

唔知係咪太多人食他們的午餐，所以超忙。今日我哋叫的午餐，冇乜顏色。外賣的份量比起堂食少，質量都好似差一點。好似師傅日日的心情都不一樣，好飄忽。都係喜歡奧運站的那一間，味道和質素都十分好。中環的店舖，午餐的價錢貴，如果叫app外賣一定要加錢叫罐裝飲品，但是就不准叫好飲的酸梅湯，好失望。同事們都覺得份量少，但又不便宜。只是白飯大大碗。可能堂食會比較好些。

Breakfast lunch dinner 每日都要諗！已經好久沒有出街食飯，今日一於罷煮，兩小口子食酸菜魚😂😂出街通常都會選擇在家比較難煮嘅菜式😝😝我哋都喜歡食辣，川菜是首選，難得蘭桂坊附近開咗酸菜魚店😋😋古色古香，入到餐廳已經有一種辣嘅氣味😬😬人見人愛酸菜魚，選了中辣，剛剛好！又麻又香，辣度適中！鱼片鮮嫩，刀工很好，完全沒有骨！酸菜亦爽脆，寬粉彈牙，配菜分量都很多！喝口湯，不錯！口水雞也夠辣，雞肉鮮嫩的，但是感覺也沒有很香的雞味，加上花生芝麻香蔥，不錯的配搭還可以吧！酸菜魚是十分推薦的，在香港吃了那麼多盤的酸菜魚，這間真算不錯！

究竟幾時先可以通關😞😞我太掛住太二酸菜魚啦🤣🤣經過蘭桂坊，見到這間酸菜魚專門店，十二味口碑不錯！就來試試堂食只限兩人，不能夠試很多菜式當然要先點這個，人見人愛酸菜魚-小辣，份量很多呢，二百幾蚊來講算係抵食😍😍魚肉嫩滑，配上新鮮青花椒，又麻又香，而且配菜都幾多，又唔會太油另外點左個腩肉炒花菜，這個不過不失，份量都多，口感爽脆，獲氣欠奉加上環境古色古香，一串串辣椒掛喺場上面，很有食辣的氣氛！

晚餐叫了一個a la carte的香辣鍋，有30款配料選。由於我是田雞fans，所以叫了兩客田雞配料，超滿足。其他選擇了滷水肥腸，四季豆及鮮腐竹。肥腸好香脆，四季豆及腐竹好入味。當然堂食比較好味，因為外賣個底會朔晒啲油。在舖頭吃就會10分乾身香脆。好飽呀！

疫情over一年啦😭😭仲要禁晚市！唯有食個早飯啦😬今日放假行開中環，見到蘭桂坊這間川菜十二味，喺其他地區都有好多分店，開到嚟我地頭，梗係要試下啦😁😁牆上掛滿辣椒好有食辣嘅氣氛呀！見到做會員有九折優惠仲送酸菜魚🤩🤩要下次用嘅！食飯不忘防疫！🤛人見人愛酸菜魚加寬粉分量超多呀！目測應該有兩至三條魚的魚片吧！肉質好嫩，火候都剛剛好，每一塊魚片都不會過老😋😋寬粉吸上湯汁，非常到位😌湯汁拌飯力士地道嘅食法😝😝大盤花菜，出到去食川菜都必點嘅項目😂😂夠火候，不過略嫌硬咗少少！腩肉亦可以再焦一點，辣到足夠酸菜魚真係人見人愛🥰🥰下次再嚟試下其他菜式

十二味其實我真係已經食過好多次，次次都係水準之上。尤其而家疫情唔可以返大陸，想食下d好食既中國菜唯有黎呢度。霸王七椒蝦超大隻既蝦，咬落去啖啖蝦肉，食落感覺超滿足。而且蝦身彈牙爽口。可惜朋友唔太食得辣，小辣完全滿足唔到我，真心食川菜唔辣真係唔過癮。下次黎一定會encore呢碟！武隆尖椒雞其實個味道非常唔錯，d雞又嫩滑，但係d雞跺得有d碎，所以食落有d麻煩，食好耐都未食完。十二味既冰粉真係我係香港食過最好食既冰粉！冰粉清涼嫩滑，果種甜味仲帶有淡淡花香。其他地方果d冰粉一係無味，一係得一種死甜既味道。

外賣自取午餐酸菜魚，拎到返公司仲係超級無敵熱，好好食！魚片份量都夠，又多酸菜，好惹味。但個白飯真係好難食，一pat pat但又生哂骨，食兩啖都頂唔順。。。上兩星期外賣過四季豆餐，啲白飯好好食㗎，希望下次係正常返。

好耐冇幫襯，因為午市時段實在太多人了。好彩有得叫外賣，在Deliveroo叫了田雞麻辣香鍋及口水雞。在送外賣平台叫午餐是沒有飲品送的。但是如果你去店裏買外賣，便有飲品送，好喜歡飲他們的酸梅湯。田雞麻辣香鍋（$82)很香口，但田雞像是油泡後放落去的，沒有辣味的。配菜就很多，有蓮藕，辣椒，薯仔及大豆芽。配菜炒得很有味，配白飯一流。還叫了川式口水雞（$86), 散叫，沒有白飯，覺得是一般般，略貴了一點。不是很辣，只是有很多油。下次寧願叫武隆尖椒雞，反而多一些東西吃。

疫情底下，想搵間餐廳安心坐低食下野，都變成一個好難實現既願望🙈呢日經過蘭桂芳，無左一貫既熱鬧，冷冷清清，好不習慣。見到呢間十二味係蘭桂芳既路口坐陣，都想入去支持下。舖頭樓面非常之中國風，店內裝修好有風格。民以食為天，呢個時候見到真係好係心聲...店舖用QR code睇餐牌，非常環保👍🏻亦減少接觸病菌嘅風險👍🏻口水雞一上菜口水雞顏色鮮艷奪目。花生，芝麻都會好多，令到口感多層次。麻味同辣味分都好出色。雞肉亦好嫩滑。整體亦唔會有好油膩嘅感覺。干扁四季豆炒到唔油膩又乾身比較少，但係佢地做得非常之好，豆非常之乾水而且就鑊氣。辣味冇冚過豆本身嘅味道，再加上豬肉碎非常入味，撈飯一流👍🏻蔥油拌麵麵一上到枱，就聞到蔥油嘅香味。麵本身嘅質地唔諗非常之有口感，而且視覺上成碗麵都唔係好油膩。但每條麵都掛滿蔥油嘅香味，香而不油膩👍🏻

朋友話帶我食香港版嘅太二，就係中環呢間十二味個酸菜魚。一坐低，店員就會好熱情甘同我哋介紹返用app落單。我哋叫咗一個人見人愛酸菜魚，一上枱個賣相真係同太二無分別，好足料，好多舊魚，超多酸菜，麻椒，藤椒。試咗一啖個湯底，一入口個酸味好突出，酸菜酸may may，一啖又一啖吾停口，同朋友即刻嗌左一人一個白飯。個人覺得同太二都有九成相似，好有驚喜。乾煸肥腸，有一個細心位，就係可以揀辣度同少鹽，我哋就叫咗少辣同少鹽。肥腸一上枱，鍋香味十足，本來我都怕會太肥太油膩，但真係無後悔叫呢個，肥腸炸得好乾身，外面層皮係比較脆口，入面就仲保留返肥腸嘅軟林口感，成舊肥腸完全被啲醬料包裹住，鹹辣度啱啱好，一定要試呢個。

超開心！十二味喺中環開咗分店平時覺得山長水遠去西環或者堅尼地城食都覺得好唔方便～終於有個就腳點 一入到黎忍唔着叫咗個大盆花菜仲記得呢個上一次係好好食 佢由一塊塊薄身的豬肉同白椰菜花炒埋一齊 非常香口 食落去唔會有罪惡感感覺營養好均衡！辣度方面可以揀唔辣去到大辣好啱一家大細食呢個呢度都有唔同嘅飲品可以挑選手機裏便可以一目了然 最後上枱嘅係我最鍾意食嘅紅糖糍粑賣相真係非常吸引總共有六舊糍粑同兩位朋友每人兩舊 份量啱啱好咬落去煙煙韌韌 黃糖唔會太甜 而且係熱食如果食咗辣野嘅朋友叫咗呢個甜品食完一定會感到幸福感爆燈！

中環地區吃午飯的話到處都大排長龍經過見到一家中式裝修的餐館 門外大排長龍中午套餐價值也划算 價值大約60-76元不等好東西還是要慢慢品嘗 同事建議我星期日再來嘗嘗星期日的中環明顯悠閒得多～「十二味」是香港新派川菜餐飲品牌裝修也是走中國風 整家店以紅色作主調 我跟老公點了「酸菜魚」及「川香回鍋肉」加配了飲品「椰子水」及「桂花冰釀」酸菜魚 $76湯底酸酸微辣 非常開胃 酸菜咬下去爽脆 魚片份量也不少 吸入了酸菜的味道 口感實在滑嫩川香回鍋肉 $68好香好惹味的一道菜 好適合伴白飯吃入面有炒得香口入味的豬肉片、清香的韭菜、爽脆的蓮藕片 真的不錯！最後我們還點了一碗「幺妹兒冰粉」清涼微甜 入口順滑的冰粉 實在太喜歡了！

正宗川菜之前聽過十二味係好多港漂鐘意食嘅餐廳，之前同朋友一齊食。無論係裝修或者係點餐食物，都有種去左深圳嘅感覺。酸菜魚其實都幾大份，魚唔會好鞋，同酸同辣都平衡得好好。佢用左好多不同種類嘅辣椒，有啲好似係由四川嗰邊運過黎，佢嘅辣有好多嘅層次，唔會一味得個死辣咁。而我覺得一定要加紅薯粉，會好夾，兩個人食就啱啱好。紅糖糍粑微微地暖，一咬落去係軟身，出面就有黃豆粉，同點啲黑糖就好好食，同一般嘅甜品好唔似，值得一試。總括而言，我覺得十二味幾好食，佢嘅酸菜魚質素幾高，同我朋友都話好正宗。不過要注意，佢雖然話註冊做會員就會有優惠價，但其實係要做到升級會員先有優惠。所以打算食多幾次嘅人可以考慮下註冊做會員，長遠會平啲。

蔥油拌麵蔥味比較隱約😂連蔥花都唔係好見到，但個豉油不太鹹不太甜，個麵粗粗地幾有口感👌🏼-酸菜魚($248+28)材料相當豐富，有大量嘅酸菜、辣椒、花椒、泡椒等等，當然唔少得嘅就梗係魚塊啦，我地仲加左$28要埋紅薯粉！個湯味道非常濃郁，未食過咁麻同咁酸嘅酸菜魚😂 食無幾耐條脷已經麻痺左👅 如果你鍾意食酸菜嘅話，呢個一定啱你，因為有大量酸菜，多到係我地撈極都未食曬強烈建議大家加錢要紅薯粉，因為本身魚塊嘅份量比較少，所以紅薯粉會方便你撈埋多啲材料/湯黎食😋

收工啤一啤，梗係同同事落老蘭啦。飲完野個個都話要番屋企慰妻，咁我咪一支公食埋野先番歸。行落老蘭兩步就見到十二味，好似係食辣野嘅。口寡寡都可以一試。我發現呢度一個人都有少少難叫野食嘅，樣樣野都好大份。結果叫左個拌麵，再加兩個小食。口水雞值得一讚，仲可以揀埋辣度嘅！揀少辣啱晒我，但食嘅時候比我理解嘅小辣再辣多少少，應該都係香港大眾接受到嘅辣度。牛𦟌相對黎講就細份少少，真係適合一人食。😃😃😃😃