素食一家 (Closed)

約了一班好姐妹一齊聚餐，因大家都想食清淡點，於是搵到交通便利位於旺角的一間素食餐廳-素食一家。這間餐廳有別於傳統的齋鋪，餐牌上食物選擇好多，而我們更發現餐牌上有專為食肉獸準備嘅肉食，於是好奇的我即刻叫了來試，分別是咕嚕肉和鎮江小排骨。咕嚕肉的味道同傳統嘅咕嚕肉好似，但當然所謂的「肉」並唔係真係嘅豬肉而係素肉，不過外形維肖維妙，令我們食唔停口。😋鎮江小排骨的味道同傳統嘅的菜式好像，味道不錯，但略嫌素肉的外型同排骨唔太相似。除咗兩款「肉食」之外，我們都叫了一款清淡的菜式-黑松露蒸豆腐。豆腐好滑，菇菌都好食，但份量偏小唔夠食。最後，我們叫了蘋果芝士蛋糕，份量很小，味道一般，不食可也。

知道素食一家每星期三都會將一部分收入作慈善用途，所以都會儘量星期三過黎食餐素食，幫人又幫己，而且每次黎到都試到不同菜式。 齋滷味拼盤($58)共有四款滷味 - 素叉燒、酸齋、蠔油齋及齋鴨腎。味道新鮮，唔會有油溢味。香煎竹笙腐皮卷($88)必食菜式之一，腐皮煎完再炸到金黃色，裡面木耳、竹笙及什菇為主，對女仔好有益，補充鐵質！ 唔油膩，有營養又美味。一家生招牌生菜包($85)韓式風味帶進素食館，肉碎由松子仁、蟹柳粒，粟米、西芹、菇，一啖咬入，不同口感都能食到。養生藥膳雲吞($82)養生之選，又有木耳、當歸、杞子，仲有淮山。松子黑松露炒飯($95)炒飯不是白色，亦都不是金黃色，而係被松露圍繞住的黑色，仲有菜心粒伴菜，好味！桂花圓肉雪耳羹-1碗($29)一碗養顏甜品，甜美又滋潤！

友人強烈推介素食一家品嚐素菜，聲稱大部分菜式都係正.素，即是不含雞蛋或奶製品。 入到餐廳，令人好寧靜感覺，店內有講到餐廳想籍餐廳菜式，令更多非素食人士了解素食菜式，自己第一身體驗，真心更一種體會-素食並非獨孤一味。香煎自家野生竹笙腐皮卷($88)餐廳推選名氣菜，香煎腐皮，但食落絕無油膩感，涵料有木耳絲竹笙及菇菌粒，另有菜心伴菜，畫龍點睛。秘製一家蓮藕餅($85)又是填店之選之一，蓮藕餅中間夾有荔蓉，炸到金黃色，頭面淋有調味料，食唔停口。松子黑松露炒飯($95)炒飯絕無蛋類成分，飯粒出奇地唔油膩，話哂素食餐廳，低油低糖，但又炒出一道好飯，功夫真確不能少！豉汁靈芝蒸龍鱔($72)一道真龍鱔竟然可以由紫菜作鱔皮，加上鮮竹腐皮做魚肉，加上豉椒及辣椒絲一並蒸，功套天功作品！薑茶菊花($38)呢道甜品別具匠心，廚師將豆腐用人手切成花狀，從杯薑茶中睇菊花形狀，睇得出師傅幾花心思在這甜品上，老薑煲薑茶，味道香，飲入口，喉嚨好舒服。法式藍莓芝士蛋糕($22)Cheese cake味道都好fresh，唔會好膩，藍莓醬味道亦剛剛好，唔會太甜/太酸。

菠蘿咕嚕肉椒裏面冇骨而且做得好似真肉完全覺得自己唔係食緊齋椒鹽魷魚外型普通裏面其實幾彈牙真係好似魷魚咁素翅叫咗一大碗足夠七個人份量好好味而且裏面有好多素翅裏面有四款唔同嘅齋粒味道新奇不過就鹹咗少少未必個個人鍾意食

食得太多肉 有時候好想清一清自己嘅味蕾，呢間係一位食開素嘅長輩推介 味道確實唔錯 而且食物份量仲係幾大碟， 晚飯時間入座好多人， 如果唔係訂咗位 應該有排等， 而家素食並唔係長輩嘅專利， 餐廳入面都好多年輕一輩。

出街食飯得多肉類，有時食下素菜都係一個唔錯既選擇，唔好以為食素菜一定好齋好淡，其實素菜都幾好味，又可以平衡一下，食物都容易消化一d。前兩日行經旺角洗衣街，就去左“素食一家”食個素食晚餐。鮮菌支竹豆腐煲 $75食小菜我最鐘意食煲，因爲佢能夠保持熱度又夠入味，支竹夠冧沾左醬汁好味，豆腐煎過再放煲，外面乾身裡面嫩滑，再加上多樣雜菌，好味道又夠健康。椒鹽茶樹菇 $78尼個椒鹽茶樹菇係必食之選，份量夠多，而每條茶樹菇都有薄薄既粉醬嚮面，炸得香脆但一d都唔油膩，再者一條條茶樹菇唔會痴埋一齊，廚師夠功力夠細心。菠蘿咕嚕肉 $78咕嚕肉酸酸甜甜十分開胃，素肉質感似嫩滑雞肉，同平時既咕嚕肉味道無分別，平時食唔慣素菜既都絕對啱口味。招牌羅漢上素脆麵 $75最後點左碟羅漢上素脆麵，脆面底夠野脆，但亦都係一d都唔油，而素菜配料有菇菌類等，簡單好味。整體離講餐廳素菜款式多，又好味，性價比高。

過冬既中午飯，當然要食媽媽最鍾意既素菜時間尚早，只係十二點鐘，人潮仲未開始，所以大把位揀，岩哂一家大細黎食飯之前已經黎過幫襯，今次仲有埋呢個新餐牌想做善事既朋友，不妨星期三黎幫襯，餐廳會將當日營業額既10%作慈善用途添，有得食仲幫到人，何樂而不為！食唔慣素菜既朋友，真係可以試呢款鎮江骨，食落口感激似肉類，大概是它鬆化既感覺，酸酸甜甜，真係令人食唔停口呢款口感激似真既魷魚圈湯品我地就揀左兩款，想清清地可以試下呢款有粟米、豆腐既湯想再濃味d就可以揀呢款，有d似碗仔翅

朋友約左一位素食朋友食晚飯，佢就推介左呢度。選擇非常多，味道有家嘅感覺，零味精。是日正宗老火湯 ❤️整體都好鮮味，有紅蘿蔔，龍眼乾等等。無肉嘅湯真係一d都唔油。椒鹽魷魚❤️口感真係好似😍😍如果合埋眼食一定會以為係真魷魚，煙韌彈牙，椒鹽味道濃郁，非常惹味。西蘭花竹笙素球❤️竹笙吸哂汁嘅精華，西蘭花清新有口感。素球厚身，有素雞嘅神緒。紅燒鴛鴦粉煲❤️什菇+粉絲&水晶粉，2者都係吸汁之選，彈牙好味道~

當日同家人探訪舅父,之後想當天吃素。這間餐館鄰近太子地鐵站，位置方便，而且交通便利，是一家大小的好去處。家人很喜歡這幾個小菜。腰果百合炒淮山腰果香脆，加上百合及淮山一起炒，淮山有滋補作用，冬天食就最啱。整個配搭一流。松子黑松露炒飯黑松露炒飯有小小奢華，但炒真的炒得很香，團年飯大時大節，試一試這個炒飯也無妨。本人極度喜愛。桂花園肉雪耳羹自己母親大人最愛，有桂花香的雪耳羹，對女士皮膚有滋補作用。當日一家大細，非常溫馨，這間餐廳裝修也很特別。😘😊

媽媽最鐘意食素，自從屋企嘅小狗走左之後佢比以前食得更加多素食，於是乎我就趁今日冬至專帶埋媽媽出黎食，順便同埋佢睇佢最鐘意嘅叮噹展覽。呢度嘅素食份量唔算多，所以我地人少少都可以叫多幾款食都食得晒，唔怕叫得太多之後食唔晒會浪費黑松露黃耳鮮菌豆腐黑松露配上豆腐味道幾好，但黃耳份量就少左DD ，如果再多返DD 就好蜜桃黑醋鎮江骨由腐皮造成嘅鎮江骨咬口十足，加埋黑醋汁真係好似食緊真嘅鎮江骨一樣椒鹽魷魚由蒟蒻造成嘅魷魚圈爽口彈牙，炸完後再灑上椒鹽非常惹味腰果百合炒淮山香煎竹笙腐皮卷

L 一直都好希望做到全素，但總是敵不過食肉獸的引誘。 雖然如此，但 L 都會平均每個月最少都有兩至三次全素的。今次吃到一間廚藝很精湛的素菜館，地點更位於旺角很就腳。秘製一家蓮藕餅外在煎得很香脆而且調味得很出色，裡面有芋頭蓉及蓮藕粒。口感爽脆非常好。至於黑松露炒麵，麵條炒得很均勻，很容易用筷子夾起、亦都沒有黐埋一齊。每條麵條均沾著香香的黑松露而且亦不算太油膩。豉汁靈芝菇蒸蟠龍鱔菜心盡吸豉汁及靈芝菇的精華，吃下時都滲着淡淡的味道，而盤龍鱔則由紫菜包著麵筋手工很精湛。 雖則口感並未至於百分百像鱔肉一樣。但味道經已很像。少數吃到的齋是暖的，當中齋叉燒無論口感及味道都跟真的叉燒很像。薑茶菊花雖則是一碗薑汁豆腐花，但師傅以幼細刀功將豆腐變成一朵菊花、伴以薑茶享用。那種視覺與味道的結合令人讚嘆。 豆腐花很滑，薑味亦很濃。 最適合寒冷的天氣喝一碗。聽著店內播放柔和的音樂學， 喝一口玄米茶，為一個心靈安靜的假日添上一份寫意。素食一家亦會將每個禮拜三的營業額百份之十作慈善用途例如派發素菜飯盒給老人、露宿者及探訪弱勢社群提供食物等等。為愛護自己、愛護社會及愛護地球盡一分力吧。

餐餐都離不開放題、火鍋，有時都食到厭~~素食成日都聽，但係真係第一次試~~起旺角揀返間齊全D，款式多的素菜都大有選擇好有上左東涌食素的感覺，好雅致啊~~涼拌海蜇手撕雞$48份量大，海蜇都幾特別~~好似白色版涼粉~~落左好多芝麻同醬，香味夠曬，D雞肉幾乎亂真，好有咬口，同一絲絲的感覺撈埋青瓜，一點都不感負責的前菜蜜桃黑醋鎮江骨$85鎮江骨真係做得好似肉~~~骨就無架啦~~起曬骨麻~~~但咬落去好似啖啖食咁，一點都不似素蜜桃黑醋酸酸甜甜好開胃，一定推介本身以為素菜好平平無奇，點知做得好似，好吸引你食落去我朋友仲以為食咁多會重磅左，不過第二日反黎同我講，食素清左腸胃，一點都不加磅食得又滿足，真係之後都考慮下食下素俱女人的浪漫----鮮菌枝竹豆腐煲$75好普遍的素食，不過由於天氣太凍，所以叫左一煲熱騰騰的煲，就特別有氣氛同埋份量夠曬多，好多汁，夠曬味，差點要叫碗白飯來食最後就是香煎竹笙腐皮卷$88有曬菜花仔，同埋好脆口~~~一點都不覺得食素食會悶~~~每碟菜的價錢都不貴，份量又足，好滿足最後叫左黑糖同梅子果凍，好靚~~~同埋梅子果凍好正，夠曬梅子味~~

成日食肉食得多，間中都想食下齋菜，清下腸胃。今日嚟咗喺旺角洗衣街嘅「素食一家」，地方簡潔，播放住輕柔音樂，坐得幾舒服。原來呢度會將每個星期三營業額嘅10%做慈善用途，食嘢之餘又可以做善事， good idea，一舉兩得！不過最緊要嘅梗係啲齋菜要靚啦。是日正宗老火湯$32有啲無花果、粟米、紅蘿蔔，飲落好清潤，舒喉。紅燒野生竹笙素翅$42味道真係做得好似真嘅紅燒翅，有啲筍絲、竹笙、素魚翅，口感一流。椰汁香芋雞煲$78一上枱已經聞到好香椰汁味，正！ 芋頭好粉，超好食。 而嗰啲雞件真係做到好似真係雞咁，望落又好似有啲雞皮，好像真呀。籠仔荷葉蒸陳村粉$78有淡淡嘅荷葉清香，一般陳村粉都係配上排骨，呢度就用咗菜脯，但係味道都好好。菠蘿咕嚕肉$78酸甜適中，啲咕嚕肉炸過，外皮有脆脆口感，整體都做得唔錯。最後好想食埋甜品，但啲齋菜份量好大，太抵食，已經超飽，唯有下次留返個肚仔食甜品。要一讚嘅係味道好，份量足，食完唔會覺得口渴。 值得推薦~

素食一家 (旺角)旺角洗衣街145號正華大廈地下食物：平時做開食肉獸但行過哩家素食店既門面有咁多特色菜單都被吸引入去嘗試一下🦈日式燒汁饅魚炒飯浸薑蔥味好香炒飯竟然可以做到唔油口啲饅魚似用豆乾製成賣相猶如真既切粒饅魚能夠滿足一眾喜愛日和風味既素食者🥣紅燒野生竹笙素翅熱辣辣 食落口同係酒樓食既魚翅羹相似加埋另附上既紅醋浸酸味刺激味覺好醒神🥒涼拌海蜇手撕雞BB辣 一放落口啲口水出曬嚟好正 啲素海蜇類似魚片咁彈牙青瓜新鮮 素手撕雞似肉鬆質地 正🍱靈芝菇肉鬆豆腐豆腐淋而不散 好入味加埋肉鬆味道香 仲加埋啲菇好好既配搭附送埋幾條靚菜心不過如果嗌埋飯 小食一個豆腐煲既份量都算大份細食既人要注意環境：入到餐廳聽到純音樂有好多架位 坐得好闊落坐得嗰人好平靜 環境好寧靜而且設計好有中國風

收工同事約我食晚飯，揀左間素食試下。其實自己無咩去過食呢d素食餐廳，所以都想試下。入面裝修不錯，我地被安排到坐的位置私隱度十足，因為坐的背板好高身餐具都好精緻啊。睇睇餐牌叫左個新款既蜜桃黑醋鎮江骨，本身想叫咕嚕似既，但覺得新款呢個味特別d個色水好令，食落酸酸地好開胃呀！肉做得好似雞肉甘，好得意。同事想試呢個前菜，海蜇整得幾似，但雞肉略微有點粗，應該是豆腐干整成的？這個好好味啊，里面是雜菇加竹笙，好食！出面既腐皮卷多數包肉，呢個食多幾件都吾會溜天氣開始凍，叫左個煲仔食，好味！豆腐+菇，個汁好好味，差d想叫碗白飯材料雖然普通，但好味又健康！最後仲叫左甜品，黑糖&梅子的果凍，自家製兩個味share食，可以咩味都試到，我和同事都比較喜歡梅子口味的，黑糖相對比較甜